جھنگ (ڈسٹرکٹ رپورٹر) ایڈیشنل ڈسٹرکٹ کلکٹر محمد اویس ملک نے آڑھتیوں کو تنبیہ کرتے ہوئے کہا ہے کہ مہنگی اور غیر معیاری اشیاء کسی صورت بھی منڈی میں فروخت نہ کی جائے اور کوشش کی جائے کہ روزمرہ کی ضروریات زندگی کی اشیائے کا ریٹ حکومت کی طرف سے مقرر کردہ نرخوں کے مطابق ہو۔ یہ بات انہوں نے گزشتہ روز شہرکی مرکزی سبزی و فروٹ منڈی میں اشیائے ضروریہ کے سٹاک ،کوالٹی ، بولی کے مراحل اور سیکورٹی انتظامات کا جائزہ لیتے ہوئے کہی اس دوران ڈی پی او ہمایوں مسعود سندھو اور دیگر متعلقہ افسران بھی انکے ہمراہ تھے۔ اے ڈی سی محمد اویس ملک نے مارکیٹوں اور منڈی کی مسلسل چیکنگ کا سلسلہ جاری رکھنے کی ہدایت کی ۔ انہوںنے سبزی و پھل منڈی کے دورہ کے دوران اشیاء کے معیار اور ریٹ لسٹوکو چیک کیا اور خریداری کیلئے آنے والوں لوگوں سے ریٹس معلوم کئے۔ اے ڈی سی نے مارکیٹ کمیٹی کے عملہ سمیت دیگر متعلقہ افسران کو حاضر رہنے کی ہدایت کی۔ بعد ازاں ڈی پی او ہمایوں مسعود سندھو نے منڈی کے چاروں اطراف کی سیکورٹی کا جائزہ لیا اور ڈیوٹی پر متعین عملہ کو ہمہ وقت الرٹ رہنے کی ہدایات جاری کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) وزیر اعلیٰ پنجاب محمد شہباز شریف کی خصوصی ہدایات کی روشنی میں مشینی کاشت کوفروغ دینے کیلئے کسانوں کو سستے زرعی آلات فراہم کئے جار ہے ہیں۔ اس ضمن میں محکمہ زراعت( توسیع)جھنگ کی جانب سے کسانوں کو پچاس فیصد سبسڈی پر زرعی آلات کی فراہمی کیلئے درخواستیں کر لی گئی ہیں ۔ڈی ڈی اوزراعت کے مطابق سبسڈی پرزرعی آلات کے حصول کیلئے قرعہ اندازی میں شامل ہونے کیلئے 20جولائی تک درخواستیں جمع کرائی جاسکتی ہیں۔ انہوںنے مزید بتایا کہ درخواست فارم محکمہ زراعت توسیع کے دفتر یا کمپیوٹرایگریکلچرل ویب سائٹ سے ڈائون کرکے استعمال کیا جا سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ڈسٹرکٹ اینڈ سیشن جج چوہدری ہمایوںامتیاز نے سول جج شہباز احمد حجازی کے ہمراہ ڈ سٹرکٹ جیل کا دورہ کیا اور اس موقع پر 9 اسیران/حوالاتی اور ایک خاتون اسیر کو جرمانہ جمع ہونے پر رہائی کے احکامات جاری کیے جبکہ معمولی نوعیت کے مقدمات میں ملوث سات قیدیوں کو بھی ذاتی مچلکوں پر رہائی کے احکامات جاری کئے ۔فاضل جج صاحبان نے جیل کے معائنہ کے دوران فرداً فرداً خواتین وارڈ ،جیل ہسپتال میں زیر علاج مریضوں اور نو عمر اسیران میں عید گفٹ تقسیم کئے ۔بعدازاں انہوں نے عدالت احاطہ کا دورہ کیا اور جیل کے 40 اسیران کوتحائف تقسیم کیے ۔ اس موقع پر شیخ محمد افضل جاوید سپرنٹنڈنٹ جیل ، ڈپٹی سپرنٹنڈنٹ ایگزیکٹو حق نواز اورڈپٹی سپرنٹنڈنٹ جوڈیشل اینڈ ڈویلپمنٹ جاوید رشیدموجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ایڈیشنل ڈسٹرکٹ کلکٹر محمد اویس ملک نے کہا ہے کہ بلدیاتی ادارے مقامی سطح پر عوامی خدمت کے فریضے کی تکمیل کا بہترین ذریعہ ہیں اور ضلعی انتظامیہ بلدیاتی نمائندوں کی مشاورت و معاونت سے عوامی ریلیف کے منصوبوں کو آگے بڑھائے گی ۔ انہوں نے یہ بات ضلع کونسل ہال میں چیئرمین ‘ وائس چیئرمین اور کونسلرز صاحبان کے اجتماع سے خطاب دوران وزیر اعلی پنجاب محمد شہباز شریف کا پیغام پہنچاتے ہوئے کہی ۔ ڈی پی او ہمایوں مسعود سندھو ‘ ایم پی اے خرم شہزاد سیال اور دیگر بھی اس موقع پر موجود تھے ۔ اے ڈی سی نے وزیر اعلی پنجاب محمد شہبازشریف کا پیغام پہنچاتے ہوئے کہا کہ مخصوص نشستوں کے انتخابات کے طریقہ سے متعلق عدلیہ میں زیر سماعت مقدمہ کے فیصلے کے انتظار کے باعث بلدیاتی اداروں کی تکمیل میں تاخیر ہوئی ہے تاہم عدلیہ کے تفصیل فیصلے کے بعد مخصوص نشستوں پر الیکشن کے ساتھ ہی بلدیاتی نمائندوں کو اختیارات مل جائیں گے ۔ لہذا انہیں مایوس نہیں ہونا چاہئے ۔ انہوں نے کہا کہ بلدیاتی اداروں کی عمارات ‘ فرنیچرز ‘ دفتر اشیاء وغیر کے تخمینہ پر کام کرنے کے علاوہ نومنتخب بلدیاتی نمائندوں کو فنڈز مہیا کرنے کے لئے بھی اقدامات کئے جارہے ہیں ۔ انہوں نے کہا کہ بلدیاتی نمائندے عوامی مسائل کے حل کے لئے ڈی سی او آفس سے رابطہ کر سکتے ہیں ۔ ایم پی اے خرم خاں سیال نے کہا کہ بلدیاتی ادارے جمہوری نظام میں بڑا اہم مقام رکھتے ہیں اور منتخب بلدیاتی نمائندے عوامی مسائل کے حل کے لئے بہترین کردار ادا کریں ان کی بھرپور معاونت کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) ایڈیشنل ڈسٹرکٹ کلکٹر محمد اویس ملک نے ڈی پی او ہمایوں مسعود سندھو کے ہمراہ تحصیل ہیڈ کوارٹر ہسپتال واصوجا کر وہاں زیر علاج خوشاب روڈ موضع کھریانوالہ علاقہ میںمضرصحت لسی پینے سے حالت نازک ہونے والے چھ افراد کی عیادت کی۔اے ڈی سی محمد اویس ملک نے ہسپتال انتطامیہ ہدایات جاری کیں کہ متاثرہ مریضوں کے علاج معالجہ میں خصوصی توجہ دی جائے ۔بعد ازاں ایڈیشنل ڈسٹرکٹ کلکٹر محمد اویس ملک نے ڈی پی او ہمایوں مسعود سندھو کے ہمراہ تحصیل اٹھارہ ہزاری میںلگائے گئے سستے رمضان بازار کا معائنہ کیا ۔ اس موقع پر اے اٹھارہ ہزاری و دیگر متعلقہ افسران بھی انکے ساتھ موجود تھے۔ اے ڈی سی نے رمضان بازار میں اشیائے کے معیار اور قیمتوں کا جائزہ لیا اورموقع پر ضروری ہدایت جاری کی۔ ڈی پی او ہمایوں مسعود سندھو نے بازار کی سیکورٹی کا جائزہ لیا اور ڈیوٹی پر متعین عملہ کو ہمہ وقت الرٹ رہنے کی ہدایات جاری کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) مسلم ممالک کومنظم منصوبہ بندی کے تحت عدم استحکام سے دوچارکیاجارہا ہے۔ ان خیالات کا اظہار پروفیسر عبدالرحمن مکی مرکزی رہنما جماعة الدعوة پاکستان نے مرکز سیدالشہداء امیرحمزہ سرگودھاروڈ جھنگ پر ایک افطاری کے موقع پر پریس بریفنگ سے خطاب کرتے ہوئے کیا۔ انہوں نے کہا کہ ترکی میں دھماکے مسلم ممالک میں انتشار پیدا کرنے کی سازش ہے۔داعش یہودیوں کی پیداوار ہے جسے مسلمان ممالک میں پروان چڑھانے کیلئے بے پناہ وسائل خرچ کئے جارہے ہیں۔انہوں نے کہا کہ پاکستان قوم اپنے ترک بھائیوں کے دکھ درد میں برابر کی شریک ہے۔امریکہ اور اس کے اتحادی سعودی عرب، ترکی اور پاکستان کے خلاف خوفناک سازشیں جاری رکھے ہوئے ہیں ۔ انہوں نے مزید کہا کہ پاکستان میں دہشت گردوں کی کمر توڑ کررکھ دی گئی ہے ،اسی طرح سعودی عرب نے داعش کے فتنہ کو کچلنے میں زبردست کامیابی حاصل کی ہے ، اس موقع پر سیکرٹری اطلاعات صبغت اللہ چوہان نے امید ظاہر کی کہ ترکی بھی انشاء اللہ دہشت گردوں کو کیفر کردار تک پہنچادے گا اور مسلمان دنیا کی مضبوط قوت بن کر ابھریں گے۔
