جہلم (ڈاکٹر مظہر مشر) شہید طلباء کی قربانی نے قوم کو عزم نو اور اتحاد عطا کیا، آرمی پبلک سکول کے طلباء کی شہادت اور قربانی کو ایک سال گذرنے پر نیشنل فائونڈیشن اکیڈمی جہلم کے طلباء نے اپنے سکول میں ایک پروقار تقریب کا اہتمام کیا ،تلاوت کلام پاک سے تقریب کا آغاز کیا گیا، پھر دعائیہ نظم پڑھی گئی ، اس کے بعد طلباء نے ”ہمیں دشمن کے بچوں کو پڑھانا ہے”اور ”بڑا دشمن بنا پھرتا ہے جو بچوں سے لڑتا ہے” نظموں کو بڑے دلکش انداز میں پیش کیا گیا ،تقاریر میں طلباء نے اپنے شہید بھائیوں کو خراج تحسین پیش کیا ، علاوہ ازیں گزشتہ شام شہید طلباء کی یادمیں شمعیں روشن کی گئیں،اور پھولوں کے گلدستے ان کی تصاویر پر رکھے گئے اور دعائے مغفرت کی گئی،سکول کے پرنسپل لیفٹیننٹ کرنل(ر) نصیر احمد ڈار نے طلباء کے جذبات کی قدر کی اور اپنے خطاب میں کہا کہ شہید طلباء کی قربانی نے قوم کو عزم نو اور اتحادعطا کیا،ضرب عضب اور نیشنل ایکشن پلان سے دہشت گردی کو ملک سے ہمیشہ ہمیشہ کیلئے ختم کردیں گے ،ہم اپنے بچوں کو دہشتگردی سے پاک اور پرامن ماحول میں تعلیم دینگے،آخر میں قومی ترانہ اور پاکستان زندہ باد کے نعروں سے فضا گونج اٹھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) معرفت خدا در رسولۖ سے ملتی ہے، کیونکہ قرآن کے مطابق خدا نے اپنی محبت کو آپۖ کی اتباع سے مشروط کر دیا ہے،حضور سرور کائناتۖ کو خدا نے اپنی ذات پر برہان یعنی پختہ اور واجح دلیل بنا کر بھیجا ہے، ان خیالات کا اظہار مذہبی سکالر و خطیب دربار عالیہ کھڑی شریف علامہ محمد زبیر نقشبندی نے جامعہ مسجد حضوری میں ماہانہ درس قرآن کی نشست ست خطاب کرتے ہوئے کیا ،انہوں نے کہا کہ یہی وجہ ہے کہ اصحاب رسول نے آپ کو مانا اور جانا ،آپ کے بغیر خدا تک رسائی ایک خیال است و محال و است و جنوں والی بات ہے،لہٰذا ہماری نجات ہی اتباع خدا اور اتباع رسول میں مضمر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) آج سے ایک سال قبل اے پی ایس پشاور پر دہشتگردوں کا حملہ نہ صرف پاکستان کی ترقی و خوشحالی اور سلامتی و استحکام پر حملہ تھا بلکہ علم و دانش کا گلا گھونٹنے کے مترادف بھی تھا ۔ان خیالات کا اظہار گورنمنٹ ہائی سکول کے انچارج ہیڈ ماسٹر محمد شہزاد انور اور سٹاف نے اپنے ایک مشترکہ بیان میں سانحہ پشاور کے شہداء سے عہد وفا اور یکجہتی کا اظہار کرتے ہوئے کیا ، انہوں نے کہا کہ آرمی چیف جنرل راحیل شریف کی زیر قیادت دہشتگردوں کے خلاف افواج پاکستان کی جاری جنگ (ضرب عضب) انشاء اللہ نہ صرف مذہب اور انسانیت کے دشمنوں کے سرپرستوں کا خاتمہ کرکے دم لے گی بلکہ ان کی نرسریوں کا قلع قمع بھی کرے گی،خدا ملک و قوم اور افواج پاکستان کو سدا زندہ و سلامت رکھے (آمین)۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر) عید میلاد النبیۖ کے سلسلہ میں محافل جاری و ساری، بارہ ربیع الاول کے دن گیارہ بجے میلاد چوک اور بعد از نماز عشاء شاندار چوک میں خصوصی خطاب ہوںگے،جبکہ ضلع بھر میں شایان شان طریقے سے مساجد میں علمائے کرام کی طرف سے خطاب جاری ہیں۔تفصیلات کے مطابق مسلمانوں کے آخری نبی حضرت محمد ۖ کی دنیا میں آمد کے سلسلہ میں ملک بھر کی مساجد میں تقاریب کا سلسلہ جاری ہے،مرکزی سنی علماء کونسل جہلم کی طرف سے مختلف مساجد میں محافل کے انعقاد کیلئے شیڈول جاری کر دیا گیا ہے ، 19دسمبر کو جامع مسجد صدیق اکبر پیراغیب میں مولانا حماد مصطفےٰ, جامع مسجد جمال مدینہ محلہ عباس پورہ میں مولانا ذکاء اللہ سعیدی ،جامع مسجد گلزار مدینہ ڈھوک نیک عالم میں عطاء اللہ شاہ بخاری ،جامعہ مسجد حنفیہ کالا گوجراں میں مولانا شہزاد مکی جلالی ،جامعہ مسجد صابری سکندر ٹائون میں مولانا محمد الطاف رضوی خطاب فرمائیں گے ،جبکہ 20دسمبر بروز اتوار جامعہ مسجد غوثیہ محمد ی چوک میں مولانا محمد اشرف آصف جلالی(لاہور) ، جامعہ مسجد حنفیہ چوک اہلسنت مشین محلہ نمبر3مولانا محمد ایوب ہزاروی ،جامعہ مسجد انوار نقشبندیہ ڈھوک بابو اعظم مولانا طیب رضا (راولپنڈی) ،رہائش گاہ حاجی شیخ عاشق حسین مدنی محلہ میں محفل میلاد برائے خواتین صبح دس بجے ۔21دسمبر بروز سوموار جامعہ مسجد رحمانیہ پیرا غیب پروفیسر ثناء اللہ تنویر ،جامعہ مسجد خانساماں نیا بازار مولانا محمد اعظم چشتی (سیالکوٹ) .22دسمبر بروز منگل جامعہ مسجد افغاناں برلب دریا مولانا فیض المصطفےٰ عتیقی (سرگودھا) ،جامعہ مسجد گلزار مدینہ ریلوے سٹیشن مفتی عبداللہ مظہروارثی(راولپنڈی)،7ربیع الاول جامعہ مسجد معصوم کوچہ نواب دین مشین محلہ نمبر3علامہ قاضی احمد حسن (سرگودھا)۔10ربیع الاول جامعہ مسجد نورالاسلام محلہ چشتیاں گلی نمبر1مولانا ثناء اللہ ربانی (سیالکوٹ)۔10ربیع الاول جامعہ مسجد رضامحلہ بابا مہدی شاہ مفتی جمال الدین بغدادی(راولپنڈی)۔11ربیع الاول جامعہ مسجد غوثیہ مہریہ محلہ مرزا آباد مولانا مفتی محمد امجد رضوی )لاہور)۔ جامعہ مسجد گلزار مدینہ محلہ رمضان پور مولانا فخر نوید صدیقی (راولپنڈی)خصوصی خطاب فرمائیں گے۔ 12ربیع الاول جمیل منزل بالمقابل جامعہ مسجدنور جادہ زیر نگرانی مرزا بشارت احمد نورانی محفل نعت جس میں محمد سلیمان اقبال(ڈسکہ) قومی ایوارڈ یافتہ اورفاروق احمد نورانی (سیالکوٹ) صبح 9;30پر منعقد ہوگی۔جامعہ سیدہ عائشہ صدیقہ للبنات اسلامیہ سکول روڈ میں محفل میلاد برائے خواتین ظہر تا عصر منعقد ہوگی،جبکہ بعد از نماز مغرب انجمن اصلاح معاشرہ محلہ سلیمان پارس کے زیر اہتمام ایک مشعل بردار جلوس بھی مرکزی جلسہ گاہ شاندار چوک پہنچے گا۔12ربیع الاول کے روز میلاد چوک جہلم دن 11بجے حضرت علامہ صوفی محمد اسلم نقشبندی کی زیر صدارت ممتاز مذہبی سکالر حضرت علامہ مولانا محمد عبدالعلیم جلالی اسلامی یونیورسٹی اسلام آباد خطاب فرمائیں گے ،جبکہ بعدازانماز عشاء حضرت مولانامحمد خالد جلالی کی زیر صدارت حضرت مولانا عزیز الدین کوکب خطیب اعظم راولپنڈی خطاب فرمائیں گے۔ یاد رہے کہ ان محافل کی قیادت مرکزی سنی علماء کونسل جہلم کررہی ہے جبکہ انتظامی امورکے فرائض جماعت خدام المصطفیٰ جہلم سر انجام دے گی،بارہ ربیع الاول کی شب بہترین چراغاں کرنے پر خادمین میلاد مصطفیٰ کی جانب سے انعامات بھی دیئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہلم( ڈاکٹر مظہر مشر/ندیم مغل) الحقیق لائنز کلب جہلم کی طرف سے فری آئی /میڈیکل کیمپ۔درجنوں مریضوں کا فری معائنہ و ادویات دی گئیں۔تفصیلات کے مطابق گزشتہ دنوں الحقیق لائنز کلب کی طرف سے حسب روایت سرائے عالمگیر کے نواحی موضع تھون اپر نہر کے مغل فیملی پارک میں ایک روزہ فری آئی و میڈیکل کیمپ کا انعقاد کیا گیا ،جس میں ڈاکٹر طارق مرزا(آئی سرجن )، ڈاکٹر عمیر طارق مرزا،ڈاکٹر عبدالغفور ملک(پتھالوجسٹ)،ڈاکٹر محمد اسد مرزا(ڈینٹل سرجن)،ڈاکٹر یوسف جمیل(ڈینٹل سرجن) ، ڈاکٹر ہمایوں اصغر (ماہر امراض دل) ، ڈاکٹر ممتاز انصاری(میڈیکل سپیشلسٹ) ،ڈاکٹر علی شوکت افتخار(میڈیکل آفیسر) ،لیڈی ڈاکٹر شہزانہ امتیاز(ماہر امراض نسواں)،ڈاکٹر شیبا اکرم ہاشمی ،ڈاکٹر فرح اکرم ہاشمی(ماہر امراض نسواں) نے مریضوں کا چیک اپ کیا ، فری ادویات دی گئیں ،جبکہ32آنکھوں کے مریضوں کو مرزا ہسپتال جی ٹی روڈ میں ریفر کیا گیا ،کیمپ میں ڈاکٹر عبدالغفور ملک کی طرف سے فری سکریننگ ٹیسٹ بھی کئے گئے ، جن میں 118مریضوں میں سے 26مریضوں میں ہیپاتائٹس سے کے جراثیم پازیٹو آئے ، اس کیمپ کے انعقا دمیں لائن شیخ زاہد بشیر، صدر لائن احمد جمیل۔سیکرٹری لائن مقصود اے ملک ،ممبران لائن ندیم طالب مغل ، لائن احمد شیخ، لائن مسعود احمد اور محمد ارسلان نے بھی معاونت کی ۔کیمپ کے انعقاد میں تھون کی معروف سماجی شخصیت مرزا صابر حسین کا خصوصی تعاون شامل حال رہا۔
ڈاکٹر مظہر مشر
صدر پریس کلب جہلم
تاریخ۔18-12-15
موبئیل نمبر۔03455663251
