سپر ہائی وے پر موٹر وے ٹیکس کی وصولی نا انصافی ہے ‘جی کیو ایم
80روپے کی بجائے800روپے ٹول ٹیکس کی وصولی کا فیصلہ فوری واپس لیا جائے‘ سورٹھ ویر
فیصلہ واپس نہیں لیا گیا تو وفاق و حکمرانوں اور مسلم لیگ (ن) کیخلاف نفرت میں اضافہ ہوگا
کراچی (اسٹاف رپورٹر) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے معمولی مرمت کے ذریعے سپر ہائی وے کو موٹر وے قرار دیکر اس کا ٹول ٹیکس 80سے800روپے کئے جانے کووفاقی حکومت کا نامناسب اور عوام دشمن اقدام قرار دیتے ہوئے کہا ہے کہ منظور نظر افراد کو دولت کمانے ‘ مال بنانے اور کرپشن کرنے کے اس قسم کے مواقع کی فراہمی اور عوام دشمن اقدامات کے باعث ہی حکمران طبقہ عوامی اعتماد سے محروم ہورہا ہے اور اس پر کرپشن کے کیسز چل رہے ہیں جن کے بارے میںعوامی رائے ہے کہ وہ کیسز بالکل درست ہیں اور اگر عدالتوں نے مقتدر وبالادست طبقات کے حق میں فیصلے دینے کی روایت شکنی کرتے ہوئے آئین ‘ انصاف اور قوانین کے مطابق فیصلہ دیا تو حکمران اور ان کی کرپشن کی پردہ پوشی کیلئے چنگھاڑنے والے ان کے حاشیہ بردار بد ترین احتساب و سزا کے موجب قرارپائیں گے ۔گجراتی سرکار نے سپر ہائی وے کو موٹر وے قرار دینے اور اس کا ٹول ٹیکس 80سے 800روپے کئے جانے کی مخالفت اور اس فیصلے کو واپس لئے جانے کا مطالبہ کرتے ہوئے کہا کہ اگر فیصلہ واپس نہیں لیا گیا تو سندھ میں وفاق اور وفاقی حکومت پر قابض جماعت کیخلاف نفرت پھیلے گی جو کسی بھی طور ملک و قوم اور کود مسلم لیگ (ن) کے حق میں بہتر نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹرمپ اقدامات محفوظ عالمی مستقبل کی ابتدائی علامات ہیں ‘ ایم آر پی
امریکہ جلد یونائیٹڈ اسٹیٹس کا اپنا ٹائٹل کھوکرروس جیسے حالات کا شکار ہونے والا ہے‘ امیرپٹی
روس سے بہتر کوئی نہیں جانتا کہ مسلمانوں کیخلاف اقدامات امریکہ کیلئے کیا نتائج لائیں گے
کراچی (اسٹاف رپورٹر) محب وطن روشن پاکستان پارٹی کے قائد و چیئرمین امیر پٹی نے امریکی صدر ٹرمپ کے اقدامات کو دنیا کے محفوظ مستقبل کی ابتدائی علامات قرار دیتے ہوئے کہا ہے کہ یونائیٹڈ اسٹیٹس کا اتحاد اور یکجائیت ہی امریکہ کو دنیا کا سب سے طاقتور ملک بناتی جس کے باعث اسے نہ صرف سپر پاور اوراقوام متحدہ میں ویٹو پاور کا اختیار حاصل ہے بلکہ اپنی اسی طاقت کے سہارے وہ دیگر ممالک کو خوفزدہ کرکے اپنے ساتھ ملاتا اور کسی بھی ملک کیخلاف کاروائی اختیار پاتا ہے مگر امریکی صدر ٹرمپ کے اسلام دشمن جذبات اور صیہونی و اسرائیلی اشارے پر مسلمانوں کیخلاف اقدامات امریکہ کو اس طاقت سے محروم کررہا ہے اور نہ صرف امریکہ وپوری دنیا میں ٹرمپ کیخلاف نفرت میں اضافہ ہورہا ہے بلکہ ٹرمپ اقدامات امریکی ریاستوں کے مابین بھی وہ اختلافات پیدا کررہے ہیں جن کے باعث ایسا محسوس ہورہا ہے کہ امریکہ بہت جلد یونائیٹڈ اسٹیٹس کا اپنا ٹائٹل کھونے والا ہے اور وہ بھی انہی حالات و واقعات اور نتائج سے دوچار ہونے والا ہے جن کی تکلیف و اذیت روس سہہ چکا ہے کیونکہ روس سے بہتر یہ بات کوئی نہیں جانتا کہ مسلمانوں کیخلاف اقدامات کی نتائج نے اسے کن نتائج سے دوچار کیا ہے اور دنیا کی سب سے بڑی سپر پاور کس قدر چھوٹی چھوٹی ریاستوں میں بٹ کر شکست و ریخت سے دوچار ہوچکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوازشریف کا زبیر عمر کو گورنربنانے کا فیصلہ دانشمندانہ ہے ‘ راجونی اتحاد
محمد زبیر عمرکوگورنر سندھ بناکر وزیراعظم پی پی ‘ پی ٹی آئی اور مشرف لیگ تینوں کو لگام ڈالنا چاہتے ہیں
غیر سندھی گورنر کا تقرر وفاق و صوبے کے مابین محاذ آرائی و اختلافات کو مزید فروغ دے گا ‘ امیر سولنگی
کراچی ( اسٹاف رپورٹر )پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے محمد زبیر عمر کو گورنر کی حیثیت سے حلف برداری پر مبارکباد پیش کرتے ہوئے دعا کی ہے کہ وہ وفاق کی وفاداری کے ساتھ سندھ کے عوام سے مخلص اور سندھ کی ترقی میں بھی معاون ثابت ہوں ۔ گورنر سندھ کی تقرری و حلف برداری کے حوالے سے تبصرہ و گفتگو کرتے ہوئے راجونی رہنما ¶ں نے کہا کہ وفاقی حکومت کی جانب سے پرویز مشرف کے قریبی و بااعتماد ساتھی میجر جنرل غلام عمر کے صاحبزادے اور پاکستان تحریک انصاف کے سربراہ اسد عمر کے بھائی محمد زبیر عمر کو وگرنر سندھ بنائے جانے کے فیصلے کوپاکستان تحریک انصاف اور مشرف لیگ میں دراڑیں ڈالنے کی دانشمندانہ و کامیاب کوشس قرار دیتے ہوئے کہا کہ محمد زبیر عمر کی تعلیم ‘ اہلیت ‘ قابلیت ‘ حب الوطنی اور ن لیگ و میاں نواز شریف سے وفاداری کے باوجود یہ ایک حقیقت ہے کہ محمد زبیر عمر کا گھرانہ ایبٹ آباد سے تعلق رکھتا ہے اسلئے وہ سندھ کے عوام کے مسائل سے اس طرح آگاہ نہیں ہوسکتے جیسی آگہی کسی سندھی کو حاصل ہوگی اسلئے سندھ میں غیر سندھی گورنر کا تقرر صوبے اور وفاق کے درمیان موجود غلط فہمیوں اور محاذ آرائی کو مزید بڑھاوا دے گا جس کی وجہ سے محمد زبیر عمر کیلئے سندھ کے گورنر کی حیثیت سے سندھ کے عوام کیلئے مخلصانہ ‘ دیانتدارنہ ‘ فعال اور مفید کردار کی ادائیگی ممکن نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اقتدار کی قوت سے عوام کو کچلنا سراسر فرعونیت ہے ‘ سولنگی اتحاد
پٹرول نرخوں میں بلا وجہ اضافہ عوام پر ظلم اور مخصوص طبقات کو نوازنے کی پرانی روایت ہے
پٹرول بم گرتے رہے تو گھروں سے نکلنے والے عوام حکمرانوں کو گھر واپس نہیں جانے دینگے
کراچی ( اسٹاف رپورٹر ) پٹرولیم مصنوعات میں اضافے کو اختیار و اقتدار کی طاقت سے عوام کو کچلنے کا فرعونی اقدام قرار دیتے ہوئے پاکستان سولنگی اتحادکے بزرگ رہنما امیر علی سولنگی ‘ ملک عمر نذیر سولنگی ‘معین سولنگی ‘ غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی و دیگر نے کہا ہے کہ حکومت نے دو ہفتوں قبل ہی عوام پر پٹرول بم گرایا ہے اور اب ایکبارپھر بلا کسی وجہ تیل کی قیمتوں میں اضافہ کیا جارہا ہے جس کا لامحالہ اثر عوام پر مہنگائی کے مزید بوجھ کی صورت میں پڑیگاجبکہ یہ بھی حقیقت ہے کہ تمام ترحکومتی دعو ¶ں کے باوجود مہنگائی نے غریبوں کی زندگی اجیرن بنا رکھی ہے اور اگر حکمرانوں نے ہر پندرھواڑے پٹرول قیمتوں میں اضافے اور عوام پر پٹرول بم گرانے کی مشق کو جاری رکھا تو عوام کیلئے جینا محال ہوجائے گا جس کے نتیجہ میں وہ حکومت کیخلاف سڑکوں پر آگئے تو حکمرانوں کیلئے پہلے کی طرح ایک بارپھر گھر واپس جانا مشکل ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر عاصم ‘ پیپلز پارٹی اور سندھ حکومت کو حبیب بھائی پٹی والا کی پیشکش
عدالت اجازت دے اور بلاول بھٹو چاہیں تو میں ڈاکٹر عاصم کے کمر درد کے علاج کیلئے تیار ہوں
علاج ڈاکٹر عاصم کا بنیادی حق ہے جس سے انہیں محروم کرنا انسانی حقوق کی خلاف ورزی ہو گی
کراچی ( اسٹاف رپورٹر ) ڈاکٹر عاصم کی علات اور کمر کی تکلیف پر اظہار تشویش اور ان کیلئے دعائے صحت کرتے ہوئے کراچی کے مشہور معالج و ماہر ہڈی و جوڑ حبیب بھائی پٹی والا نے ڈاکٹر عاصم ‘ حکومت سندھ اور پیپلزپارٹی کو ڈاکٹر عاصم کے کمر کے علاج کی پیشکش کرتے ہوئے کہا ہے کہ اگر عدالت اجازت دے تو وہ ڈاکٹر عاصم کی کمر کی تکلیف کا علاج کرنے کیلئے تیار ہیں ۔ اس حوالے سے میڈیا نمائندگان سے گفتگو کرتے ہوئے حبیب بھائی پٹی والا نے کہا کہ جرم ثابت ہونے اور عدالت کی جانب سے سزا سنائے جانے تک ڈاکٹر عاصم پاکستانی شہری ہیں اور شہری کی حیثیت سے علاج ان کا بنیادی حق ہے جس سے انہیں محروم کرنا بنیادی انسانی حقوق کی خلاف ورزی اور ریاستی جبر کہلائے گا اس لئے عدلیہ اگر انسانی حقوق اور ڈاکٹر عاصم کے آئینی و قانونی استحقا ق کو مدنظر رکھتے ہوئے ان کے علاج کی اجازت دے اور ڈاکٹر عاصم ‘ حکومت سندھ اور پیپلز پارٹی چاہے تو میں ڈاکٹر عاصم کے کمر کی تکلیف کا علاج کرنے کو تیار ہوں اور اپنے تجربہ کی بنیاد پر مجھے یقین ہے کہ میرے علاج کی بدولت اور اللہ کی رحمت سے ڈاکٹر عاصم چند ہفتوں میں ہی کمر کی تکلیف سے نجات اور شفایاب ہوجائیں گے ۔ حبیب بھائی نے پیپلز پارٹی کے سربراہ آصف علی زرداری ‘ بلاول بھٹو ‘ وزیراعلیٰ سندھ‘ حکومت سندھ اور ڈاکٹر عاصم کے اہلخانہ کو مخاطب کرتے ہوئے کہا کہ اگر وہ ڈاکٹر عاصم کو کمر کی تکلیف سے نجات دلانا چاہتے ہیں تو مجھ سے میرے موبائل نمبر 03002853441پر رابطہ کریں یاتین ہٹی چوک جہانگیر روڈ پر نوری شاہ بابا کے مزار سے ساتھ موجود میرے مطب پر رابطہ کیا جائے۔
