کراچی (اسٹاف رپورٹر) جرمنی کی طرف سے دہشت گردی کیخلاف جنگ میں پاکستان کو درپیش مشکلات کے خاتمے کیلئے ہر ممکن تعاون کی یقین دہانی کو خوآ آئند قرار دیتے ہوئے محب وطن روشن پاکستان پارٹی کے قائد و چیئرمین امیر پٹی اور انفارمیشن سیکریٹری عمران خان چنگیزی نے کہا ہے کہ پاکستان نے دنیا کو دہشتگردی کے خطرات سے محفوظ بنانے کیلئے دہشتگردی کی جنگ میں فرنٹ لائن اتحادی کا کردار ادا کرتے ہوئے نہ صرف مثالی جانی و مالی قربانیاں دی ہیں بلکہ قیام امن کی پاداش میں دہشتگردوں نے پاکستان کی اینٹ سے اینٹ بجانے کا تہیہ بھی کررکھا ہے جس سے محفوظ رکھنے کیلئے آپریشن ضرب عضب اور کراچی آپریشن کے نام سے فوج اور سیکورٹی ادارے اپنا ذمہ دارانہ کردار ادا کررہے ہیں مگر اس کے باوجود دہشتگرد بڑی کامیابی سے عوام کو قتل اور امن کو برباد کرکے پاکستان کو معاشی بدحالی کی جانب دھکیل رہے ہیںجو پاکستان کے مستقبل کیلئے ہی نہیں بلکہ دہشتگردی کی جنگ کی منطقی کامیابی کیلئے بھی خطرناک ہے اسلئے صرف تعاون کی یقین دہانیوں کی بجائے پر امن مستقبل کی خواہشمند اقوام اور ریاستیں پاکستان سے عملی طور پر بھرپور تعاون اور عالمی سطح پر پاکستان اور افواج پاکستان کے تمام اقدامات کی حمایت کریںتاکہ پاکستان دہشت گردی کو جڑ سے اکھاڑنے اور آپریشن ضرب عضب کے اگلے مرحلے کو پوری طرح کامیاب بنانے میں کامیاب ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر ) چیف جسٹس سندھ ہائی کورٹ کے صاحبزادے ایڈوکیٹ اویس شاہ کے اغواءاور معروف قوال و نعت خواں امجد صابری کے قتل نے تین سال سے کراچی میں جاری رینجرز آپریشن اور قیام امن کے حکومتی و سیکورٹی اداروں کے دعوو ¿ ں پرسوالیہ نشان کھڑا کردیا ہے اورخوف و دہشت کا شکار عوام یہ سوچنے پر مجبور ہیں کہ کہیں حفاظت و امن کے نام پر ان سے دھوکا تو نہیں کیا جارہا کیونکہ ہزارہا گرفتاریوں ‘سینکڑوں ہلاکتوں اور بڑی تعداد میں اسلحہ و گولہ بارود کی برآمدگی اور تین سال سے شہر میں تمام تر اختیارات اور وسائل کے ساتھ رینجرز کی موجودگی کے باوجود بھی عوام آج بھی غیر محفوظ اور قاتل دہشتگرد آزادوفعال ہیں۔گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا ہے کہ رینجرز ‘ پولیس اور دیگر سیکورٹی اداروں پر عوام کو تحفظ کی فراہمی اور دہشتگردی سے حفاظت کے نام پر جو اخراجات آرہے ہیں ان کی وجہ سے عوام بھوک ‘ مفلسی ‘ مفلوک الحالی اورکسمپرسی سے دوچار ہیں مگر اس کے باوجود وہ ان اداروں کو اپنا محافظ تصور کرتے ہیں تو پھر اس بات کا پتا چلنا چاہئے کہ وہ خلاءکہاں ہے جس کی وجہ سے عوام آج بھی اپنے ہی شہر اور اپنے ہی لوگوں میں غیر محفوظ ہیں اور اس خلاءکا پتا لگانا ‘ اسے پر کرنا ‘ ذمہ داران کو کیفر کردار تک پہنچانا اور کراچی کے شہریوں کو تحفظ فراہم کرنا فوج کی عزت و وقار کے تحفظ اور عوام کے فوج پر اعتماد کی برقراریت کیلئے آرمی چیف کا فریضہ ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر ) پاکستان سولنگی اتحاد کے صوبائی جنرل سیکریٹری ایڈوکیٹ کرم اللہ سولنگی نے ارشاد سولنگی ولدعبدالحلیم سولنگی اور رمضان سولنگی ولد جمن سولنگی کی ہمراہ پریس کانفرنس کرتے ہوئے صدر پاکستان ‘ وزیراعظم پاکستان ‘ آرمی چیف ‘ چیف جسٹس ‘ وفاقی محتسب ‘گورنر سندھ ‘ وزیراعلیٰ سندھ ‘ صوبائی محتسب ‘کور کمانڈر کراچی ‘ ڈی جی رینجرز ‘ آئی جی سندھ اور ڈی آئی کراچی و ایس ایس پی ملی گڈاپ ٹاون سے فراہمی انصاف کی اپیل کرتے ہوئے کہا ہے کہ گل گوٹھ یونین کونسل نمبر31گجرو وارڈ نمبر4نزد گلشن معمار گڈاپ ٹاون میں MNA شاہدہ رحمانی کی ہدایت پر پانی کی لائن ڈالی گئی تھی اور بجلی فراہم کی گئی تھی مگر پیپلزپارٹی سے تعلق رکھنے والے غلام مصطفی چانڈیو اور اس کے بھائی مرتضیٰ چانڈیو نے ایک منظم سازش کے تحت پیپلزپارٹی کی ممبر قومی اسمبلی کی عوامی سہولیات اسکیم کو عوام کیلئے عذاب بناتے ہوئے کنکشن چارجز کے نام پر فی گھر 10ہزار روپے جبکہ پانی کی مد میں 200روپے ماہانہ اور بجلی کی مد میں 500 روپے ماہانہ جگا ٹیکس کی وصولی گزشتہ سات برس سے اپنا وطیرہ بنائی ہوئی تھی جس کیخلاف آوازاٹھاتے ہوئے سولنگی اتحاد کے سماجی رہنما ارشاد سولنگی ولد جمن سولنگی اور رمضان سولنگی ولد عبدالحلیم سولنگی نے نہ صرف غلام مصطفی چانڈیو کی عوام دشمنی سے ایم این اے شاہدہ رحمانی کو آگاہ کیا بلکہ ای ایس پی ملیر گڈاپ ٹاون کیساتھ کے الیکٹرک تک بھی آگاہی پہنچائی جس کی پاداش میں غلام مصطفی چانڈیو نے اپنی سیاسی پوزیشن کا فائدہ اٹھاتے ہوئے ان دونوں رہنماوں کیخلاف سائٹ سپر ہائی وے انڈسٹریل پولیس اسٹیشن میں جھوٹی ایف آئی آر نمبر216/16 اور262/16 درج کرادی جو یقینا عوام دشمنی اور پیپلز پارٹی کی ساکھ کو نقصان پہنچانے کی گھناونی سازش ہے اسلئے اس سازش کا نوٹس لیتے ہوئے بلاول بھٹو و آصف زرداری کو بھی غلام مصطفی چانڈیو اور اس کے بھائی مرتضیٰ چانڈیو اور ان کی سرپرستی و معاونت کرنے والوں کیخلاف ایکشن لینا چاہئے جبکہ متعلقہ اداروںوشخصیات کا بھی فریضہ ہے کہ وہ سماجی کارکنوں کیخلاف عوام دشمنوں کی سازش ناکام بناتے ہوئے رمضان سولنگی و ارشاد سولنگی کو انصاف فراہم کرکے گل گوٹھ یونین کونسل نمبر31کے مکینوں کو غلام مرتضیٰ چانڈیو کی بلےک میلنگ و بدمعاشی سے بھی نجات دلائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر ) ملتان میں دھماکہ خیز موادکو ناکارہ بنانے کی کوشش میں کاونٹر ٹیررازم ڈپارٹمنٹ کے زخمی ہونے والے دونوں اہلکاروں کیلئے دعائے صحت اور انکی بہادری پر انہیں خراج تحسین پیش کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی نے کہا ہے کہ ملکی سلامتی کی ضامن و امین افواج پاکستان ‘ تحفظ پاکستان و قیام امن کیلئے سرگرم عمل انٹیلی جنس ایجنسیاں اور تمام سیکورٹی ادارے اور ملک وقوم کی خاطر قربانیوں کے عظیم داستانیں رقم کرنے والے ان اداروں سے وابستہ افسران و اہلکار قوم کے ہیرو ہیں جن سے عوام بہت پیار کرتے ہیں اور اس بات کا اعتراف کرتے ہیں کہ ان کے ایثار کے سبب ہی ہم محفوظ ہیں۔
