اقتدار کا بخار پاکستان کی سلامتی کیلئے خطرناک ہوتا جارہاہے ‘ ایم آر پی
عدلیہ و فوج اقتدار پرستوں کے بخار کی تپش سے ملک وقوم کو جھلسنے سے بچانے کیلئے کردار ادا کرے
اقتدار و احتساب پرستوں کی جنگ اسلام آباد میں بھی کشمیر کے مناظرپر مبنی فلم چلا رہی ہے ‘ امیرپٹی
کراچی (اسٹاف رپورٹر) کرپشن کیخلاف تحریک انصاف کا مطالبہ احتساب قوم کی آواز ہے مگر اس پر عملدرآمد سے انکار پر حکومت کیخلاف پر امن احتجاج یقینا عمران خان اور پاکستان کے ہر شہری کا حق ہے مگر وفاقی دارالحکومت کی بندش کسی طور درست نہیں اور نہ ہی احتساب سے محفوظ رہنے کیلئے فسطائی ہتھکنڈوں کا استعمال اور جمہوریت کو دا ¶ پر لگانا مثبت اقدام کہلایا جاسکتا ہے مگر دونوں جانب عوامی حمایت کا بخار سر چڑھ چکا ہے جو عوام کیلئے ہی نہیں بلکہ جمہوریت اور پاکستان کیلئے بھی خطرناک ہوتاجا رہا ہے۔ محب وطن روشن پاکستان پارٹی کے قائد و چیئرمین امیر پٹی نے عدلیہ و فوج سے مطالبہ کیا ہے کہ ملک و قوم کو اقتدار پرستوں کے بخار کے مضر اثرات سے محفوظ رکھنے کیلئے احتجاج کے نام پر معیشت کیلئے مضمرات پیدا کرنے اور خود کو احتساب سے محفوظ رکھنے کیلئے ریاستی طاقت کے بل پر اسلام آباد میں کشمیر کے مناظر پیش کرانے والوں کو روکے ‘عوام کے مطالبہ احتساب کی تکمیل کرتے ہوئے پانامہ اسکینڈل سمیت کمیشن و کرپشن کے ہر معاملے میں ملوث ہر فرد کو احتساب کی کسوٹی سے گزار کر نشان عبرت بنائے اور پاکستانی جمہوریت و اقتدار کو ہمیشہ کیلئے کمیشن خوروں ‘ اختیارات ناجائز استعمال کرنے والوں اور کرپشن کرنے والوں سے محفوظ بنانے کیلئے عملی اقدامات کرے خواہ اس کیلئے کچھ عرصہ وطن عزیز کو جمہوریت کے سائے سے ہی کیوں نہ محروم ہونا پڑے یا عدلیہ کو غیر جانبدار قومی و نگراںحکومت ہی کیوں نہ تشکیل دینی پڑے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ کے ہرشہری کی فلاح و بہبود یقینی بنائی جائے ‘جی کیو ایم
مراد علی شاہ سابق کپتان سندھ حکومت کی نااہلی اور ناکامیوں کامکمل ازالہ کریں ‘ گجراتی سرکار
گجراتی سرکار کی ہندو کمیونٹی کو دیوالی کی مبارکباد ‘ دہندو ¶ں کیلئے عام تعطیل پر وزیراعلیٰ کا شکریہ
کراچی ( اسٹاف رپورٹر ) ہندو کمیونٹی کو دیوالی کی مبارکباد پیش کرتے ہوئے گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا کہ اسلام امن و سلامتی کا مذہب ہے جو تمام مذاہب اور ان کے پیروکاروں سے حسن سلوک کا درس دیتا ہے جبکہ یہ ایک حقیقت ہے کہ ہندو کمیونٹی سمیت پاکستان میں بسنے والی تمام اقلیتیں اس ملک سے مخلص اور اس کی تعمیر و ترقی میں شریک ہیں اسلئے وزیراعلیٰ سندھ سید مراد علی شاہ کی جانب سے دیوالی کی خوشیاں منانے کیلئے ہندو کمیونٹی کیلئے آج عام تعطیل کا اعلان یقینا اقلیتوں سے برادرانہ جذبات کا اظہار ہے جبکہ اقلیتی برادری کے مستحقین کیلئے محکمہ اقلیتی امور کی جانب سے ڈھائی کروڑ روپے کی امداد کا اجرا ¿ اس بات کا ثبوت ہے کہ پاکستان بالخصوص سندھ میں اقلیتوں کو صرف حقوق ہی حاصل نہیں ہیں بلکہ فلاح و بہبود کو ترجیح دی جارہی ہے جس کیلئے گجراتی قومی موومنٹ ہندو کمیونٹی کی جانب سے وزیراعلیٰ سندھ اور حکومت سندھ کی شکر گزار ہے اور اس بات کی قوی امید رکھتی ہے کہ دیگر اقلیتوں اور سندھ کی اکثریتی عوام کی فلاح و بہبود کو بھی اسی طرح ترجیح دیتے ہوئے سندھ کے ہر شہری کے ہمہ اقسام مسائل حل کرکے سندھ کے سابق حکومتی کپتان کی نااہلیوں اور ناکامیوں ازالہ کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جسمانی درد کا غیر مو ¿ثر علاج فالج پر منتج ہوتا ہے ‘ حبیب بھائی پٹی والا
خون کا گاڑھا پن رگ پٹھوں و عضلات کو سخت کرکے جسمانی درد اور پھر فالج کا شکار کرتا ہے
جسم میں درد ہوتو ماہرمعالج یا اسپیشلسٹ سے رجوع کیا جائے‘ یوم فالج پر سیمینار سے خطاب
کراچی ( اسٹاف رپورٹر )فالج کی بنیادی وجہ شریانوں اور رگوں میں خون کی بندش ہے جس کی وجہ سے پٹھے اور عضلات سخت ہوکر سکڑ جاتے ہیں اور انسان کے جسم کا کوئی نہ کوئی حصہ مفلوج ہوجا تا ہے جسے عرف عام میں فالج کہا جاتا ہے ۔ ماہر ہڈی و جوڑ اوع عضلات و پٹھوں کے علاج کے حوالے سے پاکستان کے مایہ ناز معالج حبیب بھائی پٹی والا نے عالمی یوم فالج کے موقع پر منعقدہ ایک سیمینار سے خطاب کرتے ہوئے کہا کہ دنیا میں ہر سال 15ملین کے لگ بھگ افراد فالج کا شکار ہوتے ہیں جن میں سے 8فیصد کا تعلق پاکستان سے ہوتا ہے جس کی بڑی وجہ عموماً شدید مشقت اور غذائی قلت کے ساتھ بروقت علاج سے احتراز بھی ہے جبکہ یہ بھی حقیقت ہے کہ پاکستان میں علاج انتہائی مہنگا اور معالجین کی فیس بہت زیادہ ہونے کی وجہ سے عوام اسپیشلسٹ کی بجائے عام فزیشن سے رجوع کرتے ہیں جو مرض کی درست تشخیص نہیں کرپاتا اور عمومی دوا ¶ں کا کثرت استعمال خون کو گاڑھا کردیتا ہے جس کے باعث نہ صرف رگوں اور شریانوں میں خون جمنا شروع ہوجاتا ہے بلکہ پٹھے اور عضلات بھی خون کے گاڑھے پن کے باعث سکڑنے لگتے ہیں اور انسان جسمانی دردوتکلیف کا شکار ہوجاتا ہے جو بالآخر فالج پر منتج ہوتا ہے اسلئے ضروری ہے کہ جسم کے کسی بھی حصے میں درد کی صورت نزلہ بخار کا علاج کرنے والے عمومی ڈاکٹر کی بجائے اس حوالے سے مستند و معروف ماہر معالج یا اسپیشلسٹ سے رجوع کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستانی فوج محب وطن و فرض شناس ہی نہیں رحمد ل بھی ہے ‘ راجونی اتحاد
فوج کیخلاف سازش پر ایک وفاقی وزیر کی قربانی ہی معافی کیلئے کافی ثابت ہوگی ‘ عمران چنگیزی
میمو اسکینڈل کے ذریعے ڈی جی آئی ایس آئی کو شکار کرنےوالے فطرت سے کبھی باز نہیں آسکتے !
کراچی ( اسٹاف رپورٹر)فوج کیخلاف سازشیں کرنے والے ہر فرد کے چہرے سے صرف فوج ہی نہیںبلکہ پاکستان کا ہر شہری بھی بہر طور واقف ہے کیونکہ فوج دشمنوں کا سابقہ کردار ‘ اعمال ‘ افعال اور اطوار تاریخ کا حصہ ہی نہیں بلکہ میڈیا کے ریکارڈ کا بھی حصہ ہیں اور لوگ یہ بھی جانتے ہیں کہ میمواسکینڈل کے ذریعے ڈی جی آئی ایس کو شکار کرکے اقتدار کی مسند تک پہنچنے والے ڈسنے کی اپنی فطرت سے مجبور ہیں اور وقت آنے پر ایکبار پھر فوج کو نشانہ بنائیں گے اور انہوں نے عوام کے اس خوف کو سچ ثابت بھی کردکھایا ہے۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا کہ ہماری فوج جس قدر محب وطن ‘ جری اور فرض شناس ہے اسی قدر بلند حوصلہ اور رحمدل بھی ہے اس لئے وہ ایکبار پھر ایک وزیر کی قربانی کو معافی نامہ جان کر فوج دشمنوں کو معاف کردے گی اور وزارت اطلاعات کا قلمدان چیخ چنگھاڑ کر ہر ملک و قوم دشمن اقدام کو حب الوطنی قرار دینے والے خواجہ سعد رفیق ‘ طلال چوہدری یادانیال عزیز جیسے کسی فرد کے حوالے اسی طرح کردیا جائے گا جس طرح وزارت دفاع خواجہ آصف کو دی گئی‘ پرویز رشید کو وزیر اطلاعات بنایا گیااور بجلی و پانی کا محکمہ عابد شیر علی کے حوالے کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمران عوام کو مہنگائی کی تلوار سے قتل کررہے ہیں سولنگی اتحاد
مہنگائی نے عوام کو ڈپریشن ‘ہائی بلڈ پریشر ‘ شوگر ‘ کینسر ‘دل اور جگر کے امراض میں مبتلا کردیا ہے
دوا ¶ں کی قیمتوں میںروزافزوں اضافے کا مقصدعوام کو علاج سے بھی محروم کرناہے ‘ امیر سولنگی
کراچی ( اسٹاف رپورٹر )ادویات کی قیمتوں میں اضافے پر اظہار تشویش کرتے ہوئے پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی اورسولنگی اتحاد کے سینئر رہنما ¶ں وعمائدین نے کہا ہے کہ حکمران طبقہ کی نااہلی ‘ کرپشن اور کمیشن کی عادت و روایت کے باعث بڑھتی ہوئی روز افزوں مہنگائی نے عوام کو ڈپریشن ‘ہائی بلڈ پریشر ‘ شوگر ‘ کینسر اور دل و جگر کے امراض و عارضوں کا شکار کردیا ہے مگر عوام کے لاشوں پر اپنی سیاست و حکومت کے محلات کھڑے کرنے والے عوام سے سے جینے کا حق تک چھین لینا چاہتے ہیںیہی وجہ ہے کہ شوگر، کینسر، دل جگر اور ہیپاٹائٹس سمیت شیڈول ادویات کی قیمت میں 1.4 فیصد، ملٹی وٹامن، درد اور مرگی جیسی نان شیڈول ادویات کی قیمتیں دو فیصد، جبکہ کم قیمتوں والی ادویات کو 2.8 فیصد مہنگا کردیا گیا ہے۔ٹیبلیٹ ، کیپسول ، سیرپ اور سسپنشن کی قیمتیں تین تین روپے، جبکہ ٹیکے کی قیمت 15 روپے بڑھا دی گئی ہے۔ کان ، ناک ، اور آنکھوں کے ڈراپس بھی چار روپے مہنگے کردیئے گئے، جبکہ ساشے والی ادویات اب مزید 6 روپے مہنگی ملیں گی جو اس بات کا ثبوت ہے کہ حکمرانوں کو عوامی پریشانیوں ‘ مسائل اور مصائب سے زیادہ اپنے مفادات عزیز ہیں۔
