پانامہ لیکس آکاس بیل مستقبل پر مہیب سایہ پھیلارہا ہے ‘ ایم آر پی
سرمایہ باہر منتقل کرنے والوںاور ان کے اہلخانہ کو سیاست کیلئے تاحیات نا اہل قرار دیا جائے
مخصوص مدت میں سرمایہ وطن واپس لانے والوں کیلئے عام معافی کا بھی اعلان ہونا چاہئے
کراچی (اسٹاف رپورٹر) پانامہ لیکس ایک ایسی دلدل بن چکی ہے جس میں دھنسے آئس لینڈ و یوکرائن کے وزرائے اعظم استعفیٰ دینے پر مجبور ہوچکے ہیں برطانوی وزیراعظم عنقریب اپنا استعفیٰ پیش کرنے والے اور پاکستانی وزیراعظم علاج کے بہانے ملک سے باہر جانے کیلئے پر تول رہے ہیں جبکہ شاہ کی وفاداری میں اخلاقی قدروں کو پامال کرنے اور آئین ‘ قانون و انصاف کیساتھ اسلام و مساوات کا مذاق اڑانے والے آف شور کمپنیز کو جائز اور قومی خزانے کی لوٹمار ‘ ٹیکس چوری و ملک و قوم دشمنی کے عمل کو عین اسلامی ‘ شرعی اور قانونی قرار دینے کیلئے زمین و آسمان کے قلابے ملارہے اور احتساب و انصاف کا مطالبہ کرنے والوں کو دھمکارہے ہیں دوسری جانب احتساب کے واویلے اور دھرنوں و گھیرا ¶کی دھمکیوں و تیاریوں میں قومی و عوامی مشکلات کو نظر انداز کیا جارہا ہے اسلئے ضروری ہے قومی سرمائے کو باہر منتقل کرنے والے اپنی غلطی کو تسلیم کرتے ہوئے اقتدار وسیاست سے ہمیشہ کیلئے کنارہ کشی اختیار کریں اور باہر منتقل شدہ سرمائے کی ایک ایک پائی پاکستان واپس لاکر ملک میں سرمایہ کاری کریں تاکہ انہیں منافع اور قوم کو خوشحالی حاصل ہوسکے جبکہ عدلیہ سرمایہ باہر منتقل کرنے والوںاور ان کے اہلخانہ کو سیاست کیلئے تاحیات نا اہل قرار دینے کیساتھ ایک مخصوص مدت کے درمیان سرمایہ وطن واپس لانے والوں کیلئے عام معافی کا بھی اعلان کرے وگرنہ پانامہ لیکس کا آکاس بیل ملک و قوم کے مستقبل کے گرد مہیب سائے پھیلارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زبان و ثقافت کے تحفظ کیلئے ملک گیر مہم چلائینگے ‘ گجراتی سرکار
مہم کا آغاز کراچی میں ”گجراتی بولو ‘ پڑھو ‘ لکھو “ سیمینار کے ذریعے ہوگا ‘ گجراتی قومی موومنٹ
پاکستانی قوم کے ہر فردکو قومی زبان اردوکیساتھ اپنی مادری زبان کے تحفظ کا بھی بیڑہ اٹھاناچاہئے
کراچی (اسٹاف رپورٹر )گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے قومی ‘ صوبائی اور علاقائی زبانوں و ثقافتوں کے تحفظ کیلئے ملک گیر مہم چلانے کا اعلان کرتے ہوئے کہا کہ پنجاب ‘ خیبر پختونخواہ ‘ بلوچستان ‘ سندھ اور گلگت بلتستان و آزاد کشمیر کے گلوں پر مشتمل گلدستے کے ہر گل کی اپنی انوکھی ‘ نرالی اور سحر انگیز مہک ہے جس کا اظہار اس کی زبان و ثقافت سے ہوتا ہے اس لئے قومی زبان اردو کے ساتھ صوبائی زبانوں کی ترویج بھی ضروری ہے جبکہ پاکستان اردو‘ سندھی ‘ پنجابی ‘ بلوچی ‘ پشتو اور کشمیری بولنے والوں کا ہی وطن نہیں بلکہ یہاں سرائیکی ‘ ہندکو اور دیگرزبانیں بولنے والوں کیساتھ گجراتی بولنے والوں کی بڑی تعداد بھی بستی ہے اور ہر زبان سے وابستہ افراد اپنی ایک منفرد ثقافت و تہذیب کے بھی حامل ہیں اسلئے تہذیبوں اور ثقافتوں کے تحفظ کیلئے ضروری ہے کہ تمام زبانوں کا تحفظ کیا جائے جس کی ذمہ داری حکومت سے زیادہ عوام کی ہے کہ وہ اپنی اپنی مادری زبان کا تحفظ کریں اور اسے اپنے اگلی نسلوں میں فروغ دیں ۔ گجراتی قومی موومنٹ کے سربراہ گجراتی سرکار امیر سولنگی عرف پٹی ولا المعروف سورٹھ ویر نے فرزند جونا گڑھ اقبال چاند کے ہمراہ گجراتی زبان و کلچر کے تحفظ کے حوالے سے میڈیا کانفرنس سے خطاب کرتے ہوئے کہا کہ گجراتی کلچر و زبان کے تحفظ کیلئے جی کیو ایم ملک گیر شعوری مہم کا آغاز کررہی ہے جس کا افتتاح عنقریب ”گجراتی بولو ‘ لکھو اور پڑھو “سیمینار کے ذریعے کیا جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نجکاری کا مقصد قومی مفاد نہیں بلکہ ذاتی و گروہی فوائد ہیں ‘ راجونی اتحاد
اسٹیٹ لائف انشورنس سوا 4 سو ارب روپے کے اثاثوں کا حامل منافع بخش ادارہ ہے‘ امیر سولنگی
اسٹیٹ لائف کی نجکاری کا فیصلہ اس بات کا ثبوت ہے کہ حکمران قوم کی فروخت کیلئے بیقرار ہیں
کراچی ( اسٹاف رپورٹر ) پنجاب انسٹیٹیوٹ آف کاڈیالوجی میں فارماسسٹ ایسوسی ایشن کے احتجاج کی کوریج کرنیوالے صحافیوں پر پولیس لاٹھی چارج کی مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی ‘ عمران چنگیزی دیگر نے پی آئی اے اور اسٹیل ملز کے بعد حکومت کی جانب سے اسٹیٹ لائف انشورنس آف پاکستان کی بھی نجکاری کی نوید سنائے جانے پر اظہار تاسف کرتے ہوئے کہا ہے کہ اسٹیٹ لائف انشورنس ایک منافع بخش ادارہ ہے جس کے سوا 4 سو ارب روپے سے زائد کے اثاثے ہیں۔ وہ اپنے بیمہ داروں کو سالانہ 130ارب روپے بونس کی مد میں دیتا ہے جو ملک و قوم کی ترقی میں نہ صرف نمایاںکردار کی ادائیگی کے علاہ ہزاروں افراد کو باعزت روزگار بھی فراہم کر رہا ہے اور ایسے ادارے کی نجکاری کا فیصلہ صرف اس بات کا اظہار ہے کہ نجکاری کا مقصد قومی مفادات نہیں بلکہ ذاتی و گروہی فوائد ہیں اور دھاندلی و سودے بازی کے ذریعے اقتدار کے سنگھاسن پر قابض ہونے والے حکمران ملک و قوم کے دام کھرے کرنے کیلئے ہر حربہ آزما رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارتی جارحیت پر روایتی احتجاج نہیں منہ توڑ جواب چاہئے ‘سولنگی اتحاد
بھارت کے ہاتھوں ملک کی سلامتی کو لاحق ہونیوالے خطرات کا مو ¿ثر توڑ کیا جائے‘ امیر سولنگی
بھارت سے دوستی کی خواہش و پالیسی اب کسی طور ملک و قوم کے مفاد میں نہیں رہی‘ اقبال سولنگی
کراچی ( اسٹاف رپورٹر ) کنٹرول لائن پر نیزہ پیر سیکٹر میں بھارتی فوج کی بلااشتعال فائرنگ و گولہ باری پر اور بھارتی اشتعال انگیزی پر پاکستانی حکمرانوں کے روایتی ومدافعتی احتجاج پر اظہار افسوس و مذمت کرتے ہوئے پاکستان سولنگی اتحاد کے سینئر و بزرگ رہنما امیر سولنگی اور سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی نے کہا کہ بھارت کی پیدا کردہ یہ نئی کشیدگی پاکستان کی سلامتی کیخلاف اسکی زہریلی سازشوں کو عملی جامہ پہنانے کی خبر ہی دے رہی ہے اس لئے اس فضا میں بھی بی جے پی سرکار کو خیرسگالی کے پیغامات دینا اور دفتر خارجہ کو محض رسمی احتجاج تک محدود رکھنا بھارت کو پاکستان کی سالمیت کیخلاف اپنی سازشیں پایہ تکمیل کو پہنچانے کا موقع فراہم کرنے کے مترادف ہوگا چنانچہ وقت کا یہی تقاضا ہے کہ بھارت کے ہاتھوں ملک کی سلامتی کو لاحق ہونیوالے خطرات کا مو ¿ثر توڑ کیا جائے اور اسے اسی کے لہجے میں دوٹوک جواب دیا جائے۔ ہم بھارتی سازشوں کے باوجود اسکے ساتھ دوستی پروان چڑھانے کی پالیسی کے اب کسی صورت متحمل نہیں ہو سکتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر) عوام کی فلاح و بہبود کیلئے ضروری ہے کہ جونا گڑھ اسٹیٹ مسلم فیڈریشن کے انتخابات بروقت کراکر جونا گڑھءسے تعلق رکھنے والی عوام کو نئی قیادت کے انتخاب کو موقع فراہم کرکے منتخب شدہ قیادت کو عوامی خدمت کا موقع فراہم کیا جائے ۔ جونا گڑھ اسٹیٹ مسلم فیڈریشن کے چیف پیٹرن نوابزادہ غلام محمد خان اور الیکشن کمشنر امیر پٹی کے درمیان جونا گڑھ فیڈریشن کے انتخابات کے حوالے سے ہونے والے مشاورتی اجلاس میں بروقت انتخابات کی ضرورت و اہمیت پر زور دیتے ہوئے انتخابات سے قبل تمام جماعتوں سے رابطوں اور انتخابات کو شفاف ‘ مصفانہ و غیر جانبدارانہ بنانے کیلئے ان کی تجاویز و مشاورت کے حصول کا بھی فیصلہ کیا گیاجبکہ چیف پیٹرن نوابزادہ غلام محمد خان نے اس موقع پر موجود فیڈریشن کے جنرل سیکرٹری سلیم لودھی اور آفس سیکریٹری غلام مصطفی کو جلد سے جلدامیر پٹی کی سربراہی میں ایگزیکٹیو کمیٹی کا اجلاس بناکر جماعتوں سے رابطے کی مہم کو مربوط و منظم بنانے کی ہدایت بھی کی ۔
