سعودی عرب کو اتحاد امت کیلئے قائدانہ کردار ادا کرنا ہوگا ‘ ایم آرپی
اسلامی بلاک کی تشکیل کی ایرانی تجویز عصر حاضر کا اولین تقاضہ اور اسلام کے مفاد میں ہے‘ امیر پٹی
اسلامی بلاک کی تشکیل کیلئے کلیدی کردارکی ادائیگی پاکستان و سعودی مفاد میں ہے ‘ عمران چنگیزی
کراچی (اسٹاف رپورٹر) اسلامی ممالک کا اتحاد اور مضبوط بلاک ہی دنیا کے مسلمانوں اور اسلامی ریاستوں کے مستقبل کو محفوظ بناسکتا ہے اسلئے ایران و سوعدی عرب کی شمولیت سے اسلامی ممالک کے بلاک کی تشکیل کی ایرانی تجویز کا خیر مقدم کرتے ہوئے تمام اسلامی ممالک کو اس تجویز پر لبیک کہنا چاہئے کیونکہ سامراجی و صیہونی سازشوں نے مسلم اُمہ کو طبقوں ‘ گروہوں اور فرقوں میں بانٹ کر جس نفرت کو جنم دیا ہے دہشتگردی کا ناسور اسی نفرت کا پیدا کردہ ہے اورسعودی عرب ‘ ایران ‘ پاکستان ‘ افغانستان ‘ مصر ‘ ترکی ‘ شام ودیگر اسلامی ممالک پر مشتمل اسلامی بلاک کی تشکیل سے نہ صرف مسلکی تفاوت کے خاتمے اور ملی یکجہتی کے قیام میں مدد ملے گی بلکہ اسلام و اسلامی ممالک کیلئے خطرہ بن جانے والی دہشتگردی اور داعش جیسی تنظیم سے نمٹنے میں بھی آسانی رہے گی ۔ محب وطن روشن پاکستان پارٹی کے قائد وچیئرمین امیر پٹی اور سیکریٹری اطلاعات عمران چنگیزی نے کہا کہ اسلامی بلاک کی تشکیل سے جہاں سعودی عرب و ایران تنازعہ کے خاتمہ میں مددملے گی وہیں مسئلہ کشمیر ومسئلہ فلسطین کے حل اور میانمار میں روہنگیا مسلمانوں کے قتل عام کو رکنا بھی ممکن ہوگا جبکہ پاکستان کیخلاف بھارتی جارحیت و آبی دہشتگردی سے بھی نجات مل پائے گی اور افغانستان میں بھی امن ممکن ہوجائے گا ۔اسلئے پاکستان ایران کی اسلامی بلاک کی تشکیل کو قابل عمل بنانے کیلئے کلیدی کردار ادا کرنا چاہئے اور سعودی عرب کو بھی سابقہ رویہ چھوڑ کر اتحاد امت کیلئے قائدانہ کردار ادا کرنا چاہئے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمہوری آمریت ہی سقوط بنگلہ دیش کی ذمہ دار ہے‘ جی کیو ایم
اداروں کو یرغمال بنانے کی روایت پاکستان کو پھر1971ءجیسے حالات سے دوچار کررہی ہے
جمہوریت کے نام پر تفریق کو جنم دینے والوں کا احتساب نہ ہوا تو مزید کوئی سانحہ رونما ہوسکتا ہے
کراچی ( اسٹاف رپورٹر )جمہوری حکمرانوں کے آمرانہ رویوں ‘ اقدامات و سیاست پر عدالتی خاموشی اورسیاست سے خود کو الگ رکھنے کی فوج کی پالیسی کا نتیجہ سقوط بنگلہ دیش کی صورت نکلا اور 16دسمبر وہ منحوس دن ہے جب پاکستانی فوج اپنے ہی سیاستدانوں ‘ حکمرانوں اور استحصالی نظام کے باعث پیدا ہونے والے محرومی و مایوسی کے طاقتور جذبات کے سامنے ہتھیار ڈالنے پر مجبور ہوئی گو اس سب کے پیچھے پڑوسی دشمن ملک بھارتی سازشوں کا کلیدی کردار تھا لیکن اگر پاکستانی حکمران قومی مفادات پر ذاتی مفادات کو ترجیح نہ دیتے اور استحصالی نظام جمہوریت کے انہیں عدلیہ کو خاموش اور فوج کو اس قضیہ و معاملے سے علیحدہ رکھنے کی طاقت عطا نہ کرتا تو بھارتی سازشیں کسی طور کامیاب نہیں ہوستی تھیں ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے سقوط ڈھاکہ کے حوالے سے منعقدہ سیمینار سے خطاب کرتے ہوئے کہا کہ جمہوریت کے نام پر استحصال ‘ کرپشن ‘کمیشن ‘ اختیارات کے ناجائز استعمال اور خود کو احتساب سے محفوظ رکھنے کیلئے اداروں کو یرغمال بنانے کی روایت اور عدلیہ و فوج کا ماضی کا روایتی کردار ایکبار پھر پاکستان کو 1971ءجیسے حالات کا شکار کرکے سانحہ سقوط بنگلا دیش جیسے مزید کسی سانحہ کی جانب دھکیل رہا ہے جس سے صرف عدلیہ کا منصفانہ آئینی کردار یا فوج کا غیر روایتی کردار ہی ملک و قوم کو محفوظ رکھ سکتا ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی ٹی آئی کا پارلیمنٹ واپسی کا فیصلہ دانشمندانہ ہے ‘ راجونی اتحاد
پاکستان کے استحصالی نظام میں حکمرانوں کیخلاف عدالتی جنگ میں کامیابی ممکن نہیں ہے
پارلیمنٹ واحد فورم ہے جہاں عوامی و قومی مفادات کے تحفظ کیلئے آواز اٹھائی جاسکتی ہے
کراچی ( اسٹاف رپورٹر ) اتحریک انصاف کی پارلیمنٹ میں واپسی کو مثبت و دانشمندانہ فیصلہ قرار دیتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہاکہ حکمرانوں کی کرپشن ‘ عوام کیخلاف سازشیں اور اداروں کو یرغمال بناکر طوالت اقتدار و امیر المومنین بننے کی کوششیں کسی سے پوشیدہ نہیں اور نہ ہی ان پر خاموشی کسی بھی طور ملک و قوم کے مفاد میں ہے مگر سڑکوں ‘ دھرنوں اور ہڑتالوں کی سیاست سے بھی کبھی کسی کو فائدہ نہیں پہنچا ہے اورمنصفوں کا ماضی بھی غیر جانبداری ‘ انصاف اور عوامی وقومی مفادات کے حوالے سے کبھی بھی سنہری حروف میں لکھے جانے کے قابل نہیں رہا ہے جو اس بات کا ثبوت ہے کہ پاکستان کے استحصالی نظام میں حکمرانوں کیخلاف عدالتی جنگ میں کامیابی ممکن نہیں ہے اسلئے پارلیمنٹ ہی وہ واحد فورم ہے جہاں عوامی و قومی مفادات کے تحفظ کیلئے آواز اٹھائی جاسکتی ہے گو کہ پارلیمنٹ نے ہمیشہ سیاسی و گروہی مفادات کو قومی و عوامی مفادات پر ترجیح دی ہے مگر پھر بھی اس فورم پر آواز اٹھاکر کم ازکم قوم کو شعور ضرور بخشا جاسکتا ہے !
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاک بھارت آبی تنازعہ پر ورلڈ بنک ثالثی کرے ‘ سولنگی اتحاد
بھارتی آبی دہشتگردی‘ پاک بھارت آبی معاہدے کے ضامن ورلڈ بنک کی ساکھ کیلئے خطرناک ہے
کشمیر میں ڈیموں کی تعمیر سے بھارت کو روکا گیا ہوتا تو آج بھارت آبی دہشت گردی کے قابل نہ ہوتا
کراچی ( اسٹاف رپورٹر ) پاکستان و بھارت کے درمیان پانی کی تقسیم کے سندھ طاس معاہدے کا ضامن ورلڈ بنک ہے اسلئے کوئی بھی فریق ورلڈ بنک کو بائے پاس کرکے اس معاہدے کو ختم نہیں کرسکتا مگر اس کے باجود بھارت باربار اس معاہدے کی خلاف ورزیوں کیساتھ مسلسل اس معاہدے کو توڑنے کی دھمکیاں بھی دے رہا ہے جو یقینا پاکستان کے مستقبل کیلئے خطرناک اور ورلڈ بنک کی ساکھ کیلئے افسوسناک ہے اسلئے اس حوالے سے مثبت اقدامات ورلڈ بنک کی ذمہ داری اور اس کی ساکھ کیلئے ناگزیر ہیں ۔پاکستان سولنگی اتحاد کے سینئر بزرگ رہنما امیر علی سولنگی نے معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی‘ نعمت اللہ سولنگی نے بھارتی آبی دہشتگردی کی مذمت اور ورلڈ بنک اس سلسلے میں ثالثی کا مطالبہ کرتے ہوئے کہا کہ بھارت کی جانب سے کشمیر میں ڈیموں کی تعمیر کا نوٹس لیتے ہوئے اگر ورلڈ بنک نے اسی وقت بھارت سے بازپرس کرلی ہوتی اور اسے ڈیموں کی تعمیر سے روکا ہوتا تو آج بھارت آبی دہشتگردی کے ذریعے ورلڈ بنک کی ساکھ اور پاکستان کے مستقبل کو برباد کرنے کی سازش کا اہل نہیں ہوتا!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسماعیلی کمیونٹی پاکستان سے مخلص و محب وطن ہے ‘ پاسداران پاکستان
قومی ترقی کے ہر اول دستے اسماعیلی کمیونٹی کو نظر انداز کرنے سے قومی ترقی رفتار کم ہورہی ہے
اسماعیلی کمیونٹی کومسائل و مصائب کے سمندر میں غرقاب کرناقومی مستقبل کیلئے سودمند نہیں ہے
کراچی ( اسٹاف رپورٹر )سماعیلی کمیونٹی محب وطن ‘ ملک و قوم سے وفادار اور قومی ترقی میں کلید ی حیثیت کی حامل ہے مگر اس کے باوجودہماری کمیونٹی کو نظر انداز کیا جارہا ہے ۔ پاسداران پاکستان اسماعیلی ٹرسٹ کے بانی و چیئرمین امیر علی اسماعیلی ‘ نائب صدر عبدالعلی نور بھائی ‘ جنرل سیکریٹری امیر علی خواجہ ‘سینئر صحافی سمیر قریشی ‘ معروف سماجی رہنما رمضان ناتھا ‘ عبداللہ سچوانی ‘ عبدالحمید خواجہ ‘ پرویز میگھانی ‘ حاجی محمد صدیق جکھوئی ‘ رحیم قمرالدین بدھوانی ‘ وزیر علی پٹی والا ‘ نور الدین پنجوانی ‘ عرفان انورعلی کھیتانی ‘ سہیل سولنگی ‘ عرفان پٹی والا و دیگر نے البیلہ سگنل جماعت خانہ کے پاس سیوریج نظام و سڑکوں کی تباہ حالی کے باعث ٹریفک جام کی صورتحال کی مذمت کرتے ہوئے کہا کہ حکمران طبقہ نے اسماعیلی کمیونٹی کو مکمل نظر انداز کردیا ہے اور جن ایریاز میں ہمارے کمیونٹی کی اکثریت ہے حکمران طبقات و اقتدار مافیا انہیں مسلسل نظر اندا ز کررہی ہے جس کی وجہ سے واٹر و سیوریج اور صحت و صفائی کے مسائل گھمبیر صورتحال اختیار کرگئے ہیں اور سڑکوں کی بربادی ‘ ٹریفک پولیس کی رشوت ستانی کے باعث ٹریفک جام کے تسلسل نے زندگی اجیرن بنادی ہے ۔ پاسداران پاکستان اسماعیلی ٹرسٹ کے عہدیداران نے کہا کہ درآمد و برآمد ‘ صنعت و تجارت ‘ طب و تعلیم اور دیگر تمام شعبہ جات میں نمایاں خدمات انجام دینے اور سب سے زیادہ ٹیکس ادا کرنے والی اسماعیلی کمیونٹی کو نظر انداز کرنا اور انہیں مسائل و مصائب کے سمندر میں غرقاب کرنا انتہائی افسوسناک اور مستقبل کیلئے خطرناک ہے اسلئے حکمران فوری اور ترجیحی بنیادوں پر ہمارے مسائل کے حل پر توجہ دیں۔
