کراچی (اسٹاف رپورٹر) کنٹرول لائن اور مقبوضہ کشمیر کی صورتحال، سرحدی کشیدگی پر مشترکہ لائحہ عمل طے کرنے کیلئے وزیراعظم کی جانب سے بلائے گئے پارلیمانی پارٹیوں کے اجلاس کو عصر حاضر کے تقاضوں کے مطابق ناکافی اقدام قرار دیتے ہوئے محب وطن روشن پاکستان پارٹی کے قائد و چیئرمین امیر پٹی نے کہا ہے کہ بھارتی کردار و متوقع بھارتی جارحیت کے پیش نظر قومی پالیسی کا تعین وقت کی اہم ضرورت ہے جس کیلئے وزیراعظم کی صدارت میں تمام پارلیمنٹ میں موجود اور پارلیمنٹ سے باہر الیکشن کمیشن میں رجسٹرڈ تمام قومی جماعتوں کی آل پارٹیز بلائی جائے جس میں مسلح افواج کے سربراہان کو بھی شریک کیا جائے تاکہ ملٹری و سول قیادت کے ساتھ عوام کے تمام طبقات نمائندگی کو یقینی بناکر حقیقی معنوں میں قومی مشاورت سے بھارت اقدامات اور عصری تقاضوں کے مطابق قومی پالیسی کی تشکیل ممکن ہوسکے اور دشمن کو بھی قوم کے متحدویکجا ہونے کا پیغام پہنچ کر اسے پاکستان کیخلاف کسی بھی قسم کی جارحیت کے ارتکاب سے روک سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عاشورہ سے قبل شہر کو مکمل طور پر صاف و شفاف کیا جائے ‘ جی کیو ایم
کراچی میں گندگی کے ڈھیر حکومت و محکموں کی عوام سے عدم مخلصی کا ثبوت ہے ‘ گجراتی سرکار
سیکورٹی و تحفظ کی فراہمی اور ٹریفک جام کے مسائل سے عوام کو نجات دلانا حکومتی فریضہ ہے
کراچی ( اسٹاف رپورٹر ) وزیراعلیٰ سندھ کی جانب سے نوکریوں پر عائد پابندی کے خاتمے کے اعلان کاخیر مقدم کرتے ہوئے گجراتی سرکار امیر سولنگی عرف پٹی والا المعروف سورٹھ ویر نے سرکاری ملازمتوں پر تقرری کو میرٹ کے مطابق اور شفاف بنانے کا مطالبہ اور کراچی میں گندگی و غلاظت کے انبار پر اظہار افسوس کرتے ہوئے کہا کہ محرم الحرام کے آغاز کے باجود حکومت و متعلقہ محکموں کی جانب سے گندگی و غلاظت کے خاتمے اورصفائی ستھرائی پر عدم توجہ افسوسناک عمل اور اس بات کا ثبوت ہے کہ حکومت و محکمے نہ صرف عوام سے مخلص نہیں ہیں بلکہ کراچی کے مسائل کے حل میں بھی ناکام ہوچکے ہیں ۔ گجراتی سرکار نے مزید کہا کہ محرم الحرام میں امن و امان کو کنٹرول میں رکھنا ‘ مجالس و عزادارن اور امام بارگاہوں و مساجد کے ساتھ پبلک مقامات کی سیکورٹی یقینی بنانا جہاں حکومت کی ذمہ داری ہے وہیں صفائی ستھرائی کے بہتر اقدامات کرنا اور ٹریفک جام کے مسائل سے نجات دلانا بھی حکومتی فریضہ ہے جبکہ عاشورہ محرم کے دوران مجالس و عزاداری کے مقامات و شاہراہوں کی بندش کے باعث متبادل راستوں کی فراہمی کے ذریعے ٹریفک کی روانی کے ذریعے عوام کو پریشانی سے بچانا بھی حکومت و متعلقہ محکموں ہی کی فریضہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جونا گڑھ کمیونٹی کا امیر پٹی کی فلاحی و سماجی خدمات کو خراج تحسین
امیر پٹی والا نے ہمیشہ جونا گڑھ کمیونٹی کی فلاح و بہبود کو ہمیشہ مقدم رکھا ہے‘ نواب جہانگیر خانجی
کمیونٹی کو متحدرکھنے میں امیر پٹی کا کردار ہمیشہ مخلصانہ و ذمہ دارانہ رہا ہے ‘ نواب آف جونا گڑھ
کراچی ( اسٹاف رپورٹر )نواب آف جونا گڑھ جہانگیر خانجی نے ایشوریا سندھی جونیجو جماعت کی نو منتخب کابینہ کی تقریب حلف برداری میں صدر محفل کی حیثیت سے جونیجوجماعت کی جانب سے جونا گڑھ اسٹیٹ مسلم فیڈریشن کے سابق صدر اقبال ساند ‘سابق سیکریٹری سلیم عباس ‘چےئرمین آل کاٹھیاواڑ سپریم کونسل رزاق ہنگورجہ ‘رہنما سندھی مسلم فیڈریشن جان محمد جانو بھائی‘ سربراہ سنی تحریک بلال سلیم قادری ‘ طیب قادری ‘ ایس ایچ او نیو کراچی فیض الحسن ودیگر شخصیات کو ایوارڈ برائے حسن کارکردگی دیا جبکہ جونا گڑھ فیڈریشن کے الیکشن کمشنر امیر علی پٹی والا کو شفاف ‘ غیر جانبدارانہ و غیر متنازعہ انتخابات کرانے اور کمیونٹی کیلئے بیمثال فلاحی و سماجی خدمات کی ادائیگی پر خراج تحسین پیش کرتے ہوئے ”پرائیڈ آف پرفارمنس ایوارڈ“ سے نوازا۔ اس موقع پر نواب جہانگیر خانجی نے تقریب کے شرکاءسے خطاب کرتے ہوئے کہا کہ امیر پٹی نے ہمیشہ جونا گڑھ کمیونٹی کو متحدرکھنے کیلئے اپنا مخلصانہ و ذمہ دارانہ کردار ادا کرتے ہوئے ہمیشہ کمیونٹی کی فلاح و بہبود کو مقدم رکھا ہے ۔ تقریب حلف برداری کی مہمان خصوصی سندھ کی صوبائی وزیر برائے سماجی بہبود شمیم ممتاز نے نو منتخب صدر یونس جونیجو ‘چیئرمین حنیف ابراہیم ‘ وائس چیئرمین محمد علی ‘ سینئر نائب صدر یوسف ہاشم ‘ نائب صدور محمد صدیق ‘ محمد قاسم ‘ جنرل سیکریٹری محمد اسماعیل جونیجو ‘ جوائنٹ سیکریٹری علی محمد ‘ شاہد ‘خزانچی محمد حسین ‘ عبدالرزاق ‘ آفس سیکریٹری حنیف اسماعیل ‘یوسف ‘ رابطہ سیکریٹری رزاق ڈیکوریشن والا ‘ حاجی بھائی حنیف ‘ حسین جاپان والا ‘ معاون سرپرست طیب قادری ‘ حنیف جونیجو ‘ سلیمان ابراہیم اور کابینہ کے دیگر نو منتخب اراکین سے حلف لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارتی مظالم و جارحیت کو سیاسی و سفارتی سطح پر اجاگر کیا جائے ‘ سولنگی اتحاد
بھارتی جارحانہ کردار کیخلاف سول و عسکری قیادت اور سیاستدان و عوام ایک پیج پر متحدویکجا ہیں‘ امیر سولنگی
بھارتی جارحانہ عزائم کی مذمت ومخالفت اور دشمن کو قومی اتحاد و یگانگت کا پیغام دینا ضروری ہے‘عابد سولنگی
بھارتی اشتعال انگیزی وجارحانہ عزائم کیخلاف قومی اتحاد کی ضرورت و اہمیت پر زور دیتے اور روشنی ڈالتے ہوئے پاکستان سولنگی اتحاد کے سینئر و بزرگ رہنما امیرعلی سولنگی ‘ پنجاب کے صوبائی صدر ملک نذیر سولنگی‘ سولنگی اتحاد کے سینئر رہنما ¶ں وعمائدین معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ ڈاکٹر قدیر سولنگی اور انچارج میڈیا سیل نعمت اللہ سولنگی ودیگرنے کہا کہ سیاسی و سفارتی سطح پر مقبوضہ کشمیر میں بھارتی مظالم کو اجاگر کرنے کیساتھ تحریک آزادی کشمیر کی حمایت اور پاکستان کیخلاف بھارتی جارحانہ عزائم کی مذمت کیساتھ دشمن کو قومی اتحاد و یگانگت کا پیغام دینا اور یہ ثابت کرنا ضروری ہے کہ بھارتی جارحانہ کردار کیخلاف سول و عسکری قیادت اور سیاستدان و عوام ایک پیج پر اور متحدویکجا ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کفر کیخلاف جہاد ہی وصف حسینی و درس کربلا ہے‘ راجونی اتحاد
اللہ کے دین کی حفاظت کیلئے اپنا سب کچھ قربان کردینا ہی پیغام حسینی ہے‘ امیر سولنگی ‘ عمران چنگیزی
تحفظ دین و وطن کیلئے جان و مال کا نذرانہ پیش کرنے کا درس ہی پیغام کربلا و عاشورہ ہے ‘ اقبال ٹائیگر
کراچی ( اسٹاف رپورٹر) محرم الحرام کی پہلی سیاسی مجلس سے خطاب کرتے ہوئے راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کہا کہ واقعہ کربلا اس بات کا سبق ہے کہ انسانی جان و مال اللہ کی امانت ہے جسے اللہ کی راہ میں اللہ کے دین کی حفاظت کیلئے قربان کردینا ہی پیغام حسینی ہے اور حسین کے ہر ماننے اور چاہنے والے کیلئے لازم ہے کہ وہ پیغام کربلا کی تعمیل و تقلید میں تحفظ و استحکام پاکستان کیلئے اپنا کردار ادا کرے کیونکہ پاکستان اسلامی ریاست ہے جس کیخلاف کفار کی ہر سازش کیخلاف سیسہ پلائی دیوار اور ڈھال کا کردارادا کرتے ہوئے جان و ما ل قربان کرکے اس کے تحفظ کو یقینی بنانا ہر مسلمان پر فرض ہے۔
