دہشتگردی ایک ملک کا نہیں ‘ دنیا کا مشترکہ اور عالمی مسئلہ ہے‘ ایم آرپی
دنیا کا ہر فرد و ہر خطہ دہشتگردوں کی زد میں ہے‘ دنیا سے دہشتگردی کا مکمل خاتمہ کرنا ہوگا ‘ امیرپٹی
تمام ممالک مل کر اس ناسور کو جڑ سے اکھاڑ نے کی تدبیر سوچیںاور قابل عمل حکمت عملی تیار کریں
کراچی (اسٹاف رپورٹر) دہشتگردی اور بنیاد پرستی کو اسلام سے منسوب کرنے والوں کو امریکہ ‘برطانیہ اور جرمنی سمیت دیگر یورپی ممالک میں ہونے والی دہشتگردی کے بعداب یہ تسلیم کرلینی چاہئے کہ دہشتگردی ‘ بنیاد پرستی ‘ شیطانیت اور حیوانیت کا کوئی مذہب نہیں ہوتا ۔ یہ بات محب وطن روشن پاکستان پارٹی کے قائد و چیئرمین امیر پٹی ‘ مرکزی صدر محمد سلیمان راجپوت اور انفارمیشن سیکریٹری عمران چنگیزی نے جرمنی کے شہر میونخ کے معروف اولمپیا شاپنگ سنٹر سمیت تین مقامات پر فائرنگ اور اس کے نتیجے میں ہونے والی ہلاکتوں پر اظہار افسوس کرتے ہوئے کہی ۔محب وطن رہنما ¶ں کا کہنا تھا کہ دہشتگردی کا تعلق نہ تو کسی مذہب سے ہی اور نہ ہی اس میں کسی مخصوص خطے کے افراد ملوث ہیں بلکہ دنیا کا ہر فرد اور ہر خطہ دہشتگردوں کی زد میں ہے اسلئے پر امن مستقبل کیلئے دہشتگردی کا مکمل و جڑ سے خاتمہ ضروری ہے جس کیلئے پوری دنیا کو یکجا و متحد ہونے اور مل بیٹھنے کی ضرورت ہے ۔ وقت آ گیا ہے کہ دنیا کے سبھی ملک مل بیٹھ کر اس ناسور کو جڑ سے اکھاڑ پھینکنے کی کوئی تدبیر سوچیں اور کوئی موثر اور قابل عمل حکمت عملی تیار کریں۔ دنیا میں جس تسلسل اور تواتر کے ساتھ دہشت گردی کی وارداتیں اور بم دھماکے ہو رہے ہیں اسکے پیش نظر دہشت گردی اب کسی ایک ملک کا مسئلہ نہیں رہا ایک مشترکہ مسئلہ بن گیا ہے‘ سب مل کر اور مشترکہ حکمت عملی کے تحت ہی اس کا خاتمہ کر سکتے ہیں۔ تاخیر کی صورت میں سب کا نقصان ہو گا اور ایسے میں نہ کسی کا گھر اس آگ سے محفوظ ہو گا نہ دامن!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلاول و زرداری رینجرز اختیارات کیلئے اپنا کردار ادا کریں ‘جی کیو ایم
کراچی آپریشن کی بندش کراچی کے امن اور قومی معیشت کیلئے خطرناک ہے‘ گجراتی سرکار سورٹھ ویر
رینجرز اختیارات میں توسیع سے گریز پیپلز پارٹی کے سیاسی مستقبل کیلئے شدیدخطرات پیدا کررہا ہے
کراچی ( اسٹاف رپورٹر ) انجمن تاجران اتحاد کراچی کی جانب سے رینجرز اختیارات کے حوالے سے حکومت کو دیئے جانے والے 24گھنٹے کے الٹی میٹم کو صوبے کی معیشت کیلئے خطرناک اور رینجرز اختیارات میں حکومتی تاخیری حربوں کے باعث کراچی آپریشن کی بندش کو امن کیلئے خطرہ قرار دیتے ہوئے گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے کہا کہ رینجرز کی بدولت کراچی میں قائم ہونے والے امن کے اثرات صوبے بھر کی ہی نہیں بلکہ ملکی و قومی معیشت کیلئے بھی مثبت ظاہر ہوئے ہیں اسلئے سیاسی مفادات کیلئے رینجرز اختیارات میں توسیع سے گریز قومی مفادات کو پس پشت ڈالنے کے مترادف ہے جس کی وجہ سے عوام میں حکومت اور حکمران جماعت کیخلاف ناپسندیدگی کے جذبات پیدا ہورہے ہیں جو حکمران جماعت کے سیاسی مستقبل کیلئے خطرناک ہیں جبکہ تاجروں کی جانب سے الٹی میٹم کے بعد یقینا بلاول بھٹو کو اس حوالے سے سنجیدگی کا مظاہرہ کرتے ہوئے رینجرز اختیارات کے معاملے پر اپنا کردارادا کرنا چاہئے کیونکہ اگر کراچی میں بد امنی اور معاشی بدحالی پیدا ہوئی تو اس بار اس کا ذمہ دار پیپلز پارٹی اورا س کی حکومت کو ٹہرایا جائے گا جس کے بعد اگلے قومی انتخابات میں اقتدار کا قرعہ کسی طور پیپلز پارٹی کے حق میں نہیں نکل پائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معراج محمد خان جمہوری ہی نہیں بلکہ مثالی سیاستدان تھے ‘ راجونی اتحاد
معراج محمد خان پاکستان و عوام سے ہی نہیں بلکہ جمہوریت سے بھی مخلص تھے‘ نوابزادہ غلام محمد خان
جمہوریت پرستی ‘ حب الوطنی ‘ عوام دوستی و دیانتداری نے انہیں ہمیشہ ذاتی گھر کی نعمت سے محروم رکھا
کراچی ( اسٹاف رپورٹر ) بزرگ سیاستدان معراج محمد خان کے سوئم کے بعد میڈیا سے گفتگو کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند ‘جونا گڑھ فیڈریشن رہنما سلیم لودھی ‘مصطفی خان ‘ جونا گڑھ عرب جماعت کے رہنما عارف عرب ‘ جونا گڑھ ملک جماعت کے رہنما ملک محمد حنیف دربار‘ ہز ہائی نیس سرنواب مہابت خان کے نواسے نوابزادہ غلام محمد خان اوراین جی پی ایف کے چیئرمین عمران چنگیزی نے معراج محمد خان کی جمہوریت اور پاکستان کی عوام کیلئے کی جانے والی جدوجہد کو مثالی جدوجہد قرار دیتے ہوئے انہیں زبردست خراج تحسین پیش کیا ۔ اس موقع پر سولنگی رہنما ¶ں نے کہا کہ معراج محمد خان پاکستان اور عوام سے ہی نہیں بلکہ جمہوریت سے بھی مخلص تھے اور انہوں نے ہمیشہ ایسے اقدامات کی مخالفت کی جن سے جمہوریت کیلئے خطرات پیدا ہوں اور آمریت کیلئے ماحول سازگار بنے ان کی یہی حب الوطنی ‘ عوام دوستی اور جمہوریت پرستی ان کی دنیاوی ترقی میں مانع رہی اور اور وہ بھٹو کے رفیق خاص ہونے کے باجود بھٹو اقتدار میں بھی سہولیات سے محروم رہے جبکہ دیانتداری اور اصول پرستی نے انہیں ذاتی گھر کی نعمت سے بھی محروم رکھا کیونکہ وہ محب وطن ‘اصولی اور مثالی ہی نہیں بلکہ ایسے دیانتدار سیاستدان تھے جنہوں نے کبھی اپنی سیاسی حیثیت ومرتبہ سے کوئی فائدہ نہیں اٹھایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امن کو سیاست کی بھینٹ چڑھانا سیاست یا جمہوریت نہیں! ‘ سولنگی اتحاد
رینجرز اختیارات میں تاخیر سے کراچی آپریشن منجمد ہوگیا ہے جو امن کیلئے خطرناک ہے‘ نذیر سولنگی
کراچی کے امن اورصوبائی و قومی خوشحالی کو سیاسی مفادات کی بھینٹ چڑھانے سے گریز کیا جائے
کراچی ( اسٹاف رپورٹر ) پاکستان سولنگی اتحادپنجاب کے صدر ملک نذیر سولنگی کی قیادت میں پاکستان سولنگی اتحاد کی مرکزی اور چاروں صوبوں کی صوبائی کابینہ کے عہدیداران اور برادری کے بزرگوں و عمائدین نے سولنگی اتحاد کے بزرگ و علیل رہنما امیرعلی سولنگی عرف پٹی والا المعروف سورٹھ ویر کی عیادت کی‘ وفد کے اراکین میں معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ نعمت اللہ سولنگی ‘ صالح سولنگی ‘ ڈاکٹر قدیر سولنگی ودیگر شامل تھے ۔ اس موقع پر سولنگی عمائدین و رہنما ¶ں نے رینجرز اختیارات میں توسیع سے حکومتی گریز پر اظہار تشویش کرتے ہوئے حکومت سے فوری طور پر رینجرز اختیارات میں توسیع کا مطالبہ کرتے ہوئے کہا کہ رینجرز اختیارات میں تاخیر سے کراچی آپریشن منجمد ہوگیا ہے جو امن کیلئے خطرناک ہے اسلئے کراچی کے امن اور سندھ کی صوبائی وپاکستان کی قومی کی خوشحالی کو سیاسی مفادات کی بھینٹ چڑھانے سے گریز کیا جائے کیونکہ صوبائی و قومی معاشی خوشحالی و ترقی کراچی کے امن سے مشروط ہے۔
