بھمبر میں غیر قانونی ٹرانسپورٹ اڈے با اثر افراد جگا ٹیکس وصول کرنے میں مصروف انتظامیہ
بھمبر (ڈسٹرکٹ رپورٹر ) بھمبر میں غیر قانونی ٹرانسپورٹ اڈے با اثر افراد جگا ٹیکس وصول کرنے میں مصروف انتظامیہ کا دبدبہ بھی ختم غیر قانونی اڈے ختم کروانے میں ناکام بھمبر کے عوامی اور شہری حلقوں کا اظہار تشویش تفصیلات کے مطابق بھمبر میں چلنے والی پبلک ٹرانسپورٹ جس میں بسیں اور ویگنیں شامل ہیں کے غیر قانونی اڈے شہر کے مختلف حصوں جن میں گجرات روڈ ہیون پیلس ہوٹل کے عین سامنے جبکہ میرپور چوک ، ہاتھی گیٹ اور سماہنی چوک میں بھی قائم ہیں شہر کے بااثر افراد روزانہ ہزاروں روپے ان غیر قانونی اڈوں سے جگا لے کر اپنی جیبیں بھرنے میں مصروف ہیں یاد رہے کہ ضلعی انتظامیہ نے عوامی شکایات پر غیر قانونی پبلک ٹرانسپورٹ اڈے ختم کر نے ک یقین دہانی کرائی تھی جس پر آج تک عملدرآمد نہ ہو سکا بھمبر کے عوامی حلقوں نے انتظامیہ کی بے حسی پر اظہار افسوس کرتے ہوئے اعلیٰ حکومتی حکام سے نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیریوں کی مرضی کے بغیر مسئلہ کشمیر کا کوئی بھی حل دیرپا اور قابل قبول نہیں ہو سکتا عالمی برادری مداخلت
بھمبر ( ڈسٹرکٹ رپورٹر ) کشمیریوں کی مرضی کے بغیر مسئلہ کشمیر کا کوئی بھی حل دیرپا اور قابل قبول نہیں ہو سکتا عالمی برادری مداخلت کر کے ریاست جموں و کشمیر میں رائے شماری کروائے مسئلہ کشمیر خط ایشیا کا فلیس پوائنٹ بن چکا پاکستان اور بھارت کے مذاکراتی عمل میں کشمیریوں کو بھی شامل کیا جائے ان خیالات کا اظہار کشمیر فریڈم موومنٹ جنوبی افریقہ کے راہنما مشتاق احمد کاشر نے اپنے ایک ٹیلی فونک بیان میں کیا انہوں نے کہا کہ مسئلہ کشمیر برسوں سے اقوام متحدہ میں حل طلبی کیلئے موجود ہے لیکن اقوام متحدہ کی قراردادوں پر عملدرآمد نہ ہونا عالمی برادری کیلئے لمحہ فکریہ ہے بھارت مقبوضہ کشمیر میں تشدد اور کالے قوانین کے زور پر تحریک آزادی کو کچنے میں مصروف ہے اب نام نہاد انتخابات کروا کر دنیا کی آنکھوں میں دھول جھونکنے میں مصروف ہے لیکن کشمیریوں نے بھی تہیہ کر رکھا ہے کہ آزادی کی جدوجہد کو منطقی انجام تک پہنچانے تک چین سے نہیں بیٹھیں گے انہوں نے کہا کہ ریاست جموں و کشمیر کی وحدت کی بحالی ہی کشمیریوں کی پہچان کی اصلیت ہے کشمیری اپنی پہچان اور شناخت کو کسی صورت مجروح نہیں ہونے دینگے انہوں نے کہا کہ بھارت اور پاکستان کے درمیان ہونے والے مذاکراتی عمل میں کشمیریوں کو بھی نمائندگی ملنی چاہیے اور مسئلہ کشمیر کشمیریوں کی شمولیت کے بغیر قابل قبول نہیں عالمی برادری اور انسانی حقوق کے ادارے، اقوام متحدہ مداخلت کر کے ریاست جموںو کشمیر میں رائے شماری کیلئے راہ ہموار کریں تا کہ کشمیری اپنے مستقبل کا فیصلہ اپنی مرضی و منشاء کے مطابق کر سکیں اور جنوبی ایشیا میں امن کی گارنٹی قائم ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قبضہ مافیا نے پنچائیت کے فیصلے سے قبل ہی ہمارے زیر قبضہ رقبہ پر زبردستی قابض ہونے کی کوشش
بھمبر ( ڈسٹرکٹ رپورٹر ) قبضہ مافیا نے پنچائیت کے فیصلے سے قبل ہی ہمارے زیر قبضہ رقبہ پر زبردستی قابض ہونے کی کوشش کی منع کرنے پر ہمارے بوڑھے باپ کو شدید تشدد کا نشانہ بنایا اور انہیں ڈنڈوں کے وار کر کے شدید زخمی کر دیا زخمی والد کو سماہنی تحصیل ہسپتال پہنچایا ڈیوٹی پر تعینات ڈاکٹر نے معائنہ تک کرنا گواراہ نہ کیا ڈسپنسر نے سر میں ٹانگے لگا کر واپس بھیج دیا جو ہمارے ساتھ انتہائی زیادتی ہے اب قبضہ مافیا ہمیں جان سے مارنے کی دھمکیاں دے رہا ہے ہمارا ایس ایس پی بھمبر اور دیگر ارباب اختیار سے مطالبہ ہے کہ ہمیں تحفظ دیا جائے اور قبضہ مافیا کے خلاف قانونی کارروائی عمل میں لائی جائے ان خیالات کا اظہار کڈیالہ کالیاں تراڑاں تحصیل سماہنی کے رہائشی ارشد محمود نے بھمبر میں صحافیوں کو پیش آنے والے واقعہ کی تفصیلات بتاتے ہوئے کیا انہوں نے کہا کہ 23 دسمبر دن 3 بجے عبدالقیوم پسر نواب دین ، محمد فرید، محمد نجیب ، محمد عارف پسرران عبدالقیوم نے ہمارے زیر قبضہ محکمہ جنگلات کے رقبہ پر زبردستی قبضہ کی نیت پہلے آگ لگائی جس سے قیمتی درخت جل کر راکھ ہو گے اور بعد ازاں جگہ کو کھودنا شروع کر دیا اطلاع پر جب میرا والد فضل داد موقع پر پہنچا اور ان کو منع کیا اور کچھ عرصہ قبل پنجائیت کے فیصلے بارے آگاہ کیا تو انہوں نے میرے 70 سالہ بوڑھے والد پر ڈنڈوں سے حملہ کر دیا جس سے نہ صرف ان کا سر پھٹ گیا بلکہ جسم کے دیگر حصوں پر شدید چوٹیں بھی آئیں جب ہمیں اطلاع ملی تو قبضہ مافیا وہاں سے فرار ہو گیا زخمی والد کو تحصیل ہیڈ کوارٹر ہسپتال سماہنی منتقل کیا وہاں ڈیوٹی پر موجود ڈاکٹر جہانگیر احمد نے زخمی والد کو دیکھنا تک گوارہ نہ گیا اور رات 1 بجے ڈسپنسر کے اصرار پر اسے ٹانگے لگا کر فارغ کرنے کا کہا اور دوسرے دن رزلٹ دینے کی بجائے یہ کہہ کر ٹرخا دیا کہ ان کو کوئی چوٹ نہیں آئی جس پر پولیس نے بھی ہماری درخواست پر قبضہ مافیا کے خلاف کوئی کارروائی عمل میں نہ لائی ارشد محمود نے بتایا کہ مقامی سیاسی معززین نے معاملے کو سلجھانے کی کوشش کی لیکن قبضہ مافیا کا سرغنہ عبدالقیوم اوچھے ہتھکنڈوں پر اتر آیا اور ہمیں جان سے مارنے کی دھمکیاں دے رہا ہے انہوں نے کہا کہ ہم نے محکمہ جنگلات کو بھی درخواست دی لیکن محکمہ جنگلات بھی قبضہ مافیا کے آگے بے بس ہو کر رہ گیا ہے ہمارا ایس ایس پی بھمبر اور دیگر ارباب اختیار سے مطالبہ ہے کہ ہمیں انصاف مہیا کیا جائے اور ہمارے خاندان کو تحفظ فراہم کر کے دھمکیاں دینے والے عناصر کے خلاف قانونی کارروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر فریڈم موومنٹ کاتعزیتی اجلاس زیر صدار ت مرکزی صدر خالد پرویز بٹ منعقد ہوا
بھمبر ( ڈسٹرکٹ رپورٹر )کشمیر فریڈم موومنٹ کاتعزیتی اجلاس زیر صدار ت مرکزی صدر خالد پرویز بٹ منعقد ہوا اجلاس میں حریت راہنما سید شبیر حسین شاہ کی والدہ محترمہ کے انتقال پر گہرے دکھ رنج و غم کا اظہار کرتے ہوئے مرحومہ کے درجات کی بلندی کیلئے دعا مغفرت اور پسماندگان کیلئے دلی ہمدردی کا اظہار کرتے ہوئے صبر و جمیل کی دعا کی گئی اجلاس میں چوہدری خالق حسین ایڈووکیٹ، چوہدری ظفر اقبال ، سلیم اکبر کاشر، شفیق کیانی، منشاء وقار،چوہدری خالد حسین ایڈووکیٹ، محمود الحسن منشاء ایڈووکیٹ، ملک شوکت حسین، محمد یٰسین تبسم، آفتاب متیالوی، رومان رضا، سلیم ساگر، عنصر آرائیں ، ملک عامر شہزاد ، ظہیر عباس اور دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر کے تاجروں ، عنصر محمود آرائیں ، چوہدری سلیم ساگر، ثاقب ساقی ، مقبول احمد، ظہیر عباس، ملک عامر شہزاد، شاہد خان
بھمبر ( ڈسٹرکٹ رپورٹر ) بھمبر کے تاجروں ، عنصر محمود آرائیں ، چوہدری سلیم ساگر، ثاقب ساقی ، مقبول احمد، ظہیر عباس، ملک عامر شہزاد، شاہد خان ، چوہدری خالد محمود نے اپنے مشترکہ بیان میں معروف تاجر چوہدری عبدالعزیز کے جواں سالہ بیٹے کی اچانک وفات پر گہرے دکھ اور غم کا اظہار کرتے ہوئے مرحوم کی روح کے ایصال ثواب کیلئے دعائے مغفرت اور لواحقین سے دلی ہمدردی کا اظہار کرتے ہوئے ان کیلئے بھی صبر و جمیل کی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اصلاحی کمیٹی سیرلہ کا ایک تعزیتی اجلاس زیر صدرات راجہ نعیم نجمی منعقد ہوا
بھمبر ( ڈسٹرکٹ رپورٹر ) اصلاحی کمیٹی سیرلہ کا ایک تعزیتی اجلاس زیر صدرات راجہ نعیم نجمی منعقد ہوا اجلاس میں بھمبر کے معروف تاجر بھائی عبدالعزیز کے جواں سال بیٹے کی نا گہانی وفات پر اظہار افسوس کیا گیا اور مرحوم کی روح کے ایصال ثواب کیلئے فاتحہ خوانی کی گی اجلاس میں راجہ جاوید اقبا ل سونی، ملک شوکت حسین، راجہ ساجد اقبال، مرزا غلام فاروق، مرزا مظہر اقبال، راجہ تصدق، مرزا سہیل اسحاق سمیت دیگر نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر اور گرد و نواح کے علاقوں میں جشن عید میلاد النبی ۖ کی تیاریاں عروج پر گھروں
بھمبر ( ڈسٹرکٹ رپورٹر ) بھمبر اور گرد و نواح کے علاقوں میں جشن عید میلاد النبی ۖ کی تیاریاں عروج پر گھروں ، مساجد ، بازاروں میں سبز جھنڈیاں اور چراغاں جبکہ مختلف مساجد اور مقامات پر محفل میلاد اور ذکر رسول کا انعقاد شروع 4 جنوری کو بعد از نماز عشاء صدر میلاد کمیٹی چوہدری محمد اکرم کی طرف سے عظیم الشان محفل میلاد منعقد ہو گی تفصیلات کے مطابق بھمبر شہر اور گردو نواح کے علاقوں کے اندر جشن عید میلاد النبی ۖ کی تیاریاں عروج پر ہیں مساجد، بازاروں اور گھروں پر سبز جھنڈیاں لہرانے لگی جبکہ بازاروں ، گھروں ، پلازوں اور مساجد میں خوبصورت چراغاں کیا جا رہا ہے اس کے ساتھ ساتھ مختلف مساجد اور مقامات پر محفل میلاد منعقد کی جا رہی ہے بھمبر میں 4 جنوری کو بعد از نماز عشاء صدر میلاد کمیٹی چوہدری محمد اکرم مقدم کی طرف سے عظیم الشان محفل میلاد منعقد کی جائیگی جس میں 10 سے 15 سال تک کے بچوں کے درمیان حسن نعت کا مقابلہ ہو گا بہترین نعت خواں ، بازار کی بہترین سجاوٹ کرنے، اچھی لائٹنگ کرنے والے اور اچھا سٹیج بنانے والوں کو انعامات بھی دئیے جائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نواز شریف عوام کی امید کا مرکز و محور ہیں انکی قیادت میں ملک سے دہشت گردی کا خاتمہ ہو گا
بھمبر ( ڈسٹرکٹ رپورٹر )نواز شریف عوام کی امید کا مرکز و محور ہیں انکی قیادت میں ملک سے دہشت گردی کا خاتمہ ہو گا اوورسیز کمیونٹی میاں نواز شریف کے ساتھ شانہ بشانہ کھڑی ہے ان خیالات کا اظہار پاکستان مسلم لیگ نون یوتھ ونگ یورپ کے مرکزی راہنما محمد علی کشمیری نے کیا انہوں نے کہا کہ میاں نواز شریف کے عوامی خوشحالی اور دہشت گردی کے خاتمہ کیلئے اقدمات لائق تحسین ہیں مسلم لیگ نون دہشت گردی، جہالت ، بھوک افلاس اور بے روز گاری کے خاتمہ کیلئے بھر پور اقدامات اٹھا رہی ہے پاکستان کے اندر لوگوں کی امیدوں کا محور و مرکز میاں نوازشریف ہی ہیں جو عوامی خواہشات پر پورا اتر سکتے ہیں ملک سے دہشت گردی، جہالت ، بے روز گاری کے خاتمے کیلئے اوورسیز کمیونٹی میاں نواز شریف کے ساتھ شانہ بشانہ کھڑی ہے۔
