قصور (بیورورپورٹ) ڈی پی اوقصور سید علی ناصر رضوی نے گزشتہ روز سبزی و فروٹ منڈی قصور کا دورہ کیا۔انہوں نے وزٹ کے دوران اشیائے ضروریہ و خوردونوش کی قیمتوں ، پھلوں و سبزیوں کی نیلامی اور بولیوں کا جائزہ لیا اور اسکے ساتھ ساتھ خریداروں سے بھی قیمتیں دریافت کیںاس موقع پرڈی ایس پی سٹی عبدالقیوم گوندل ، ایڈمنسٹریٹر مارکیٹ کمیٹی کے عہدیداران ، ایس ایچ او اے ڈویژن اشفاق حسین کاظمی اور سپیشل برانچ کے اہلکاران بھی موجود تھے۔ ڈی پی اوقصور نے نیلامی کے عمل کی نگرانی کی اور ریونیو آفیسر اور مارکیٹ کمیٹی کے عملہ کو سختی سے ہدایت کی کہ منڈی میں آنیوالی ہر چیز کی شفاف طریقہ سے نیلامی کو یقینی بنای جائے انہوں نے کہا کہ مارکیٹ کمیٹی بروقت ریٹ لسٹ کا اجراء یقینی بنائے جائے نیز تمام اشیاء کے ریٹ لسٹ نمایاں جگہ پر آویزاں کیے جائیں انہوں نے واضح کیا کہ کسی بھی شخص کو ناجائز منافع خوری کی ہرگز اجازت نہیں دی جائے گی اور ایسے عناصر کے خلاف سخت ایکشن لیا جائے گا اس سلسلہ میں سبزی و فروٹ منڈیوں میں طلب ورسد کے اتار چڑھائو پر کڑی نظر رکھی جا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) ایڈیشنل ڈسٹرکٹ کلکٹر محمدشاہد نے تمام ضلعی رابطہ ا فسران اور پرائس کنٹرول مجسٹریٹس سے کہا ہے کہ وہ رمضان بازاروں میںروز مرہ استعمال کے پھلوں ، مشروبات ، سبزیوں ، دالوں، گوشت اور انڈوں سمیت خورونوش کی تمام عوامی ضرورت کی اشیاء کے معیار ، رسد اور قیمتوں کی نگرانی میں محنت سے کام لیں اور خاص طور پر مختلف کمیشن ایجنٹس کی ناجائز منافع خوری کو سختی سے کنٹرول کریں تاکہ حکومت پنجاب کے رمضان پیکج کے ثمرات عام روزہ داروں تک لازمی پہنچیں اور عوام کو حقیقی معنوں میں ریلیف فراہم کیا جاسکے،یہ بات انہوں نے صحافیوں سے ملاقات میں کہی انہوں نے کہا کہ رمضان بازاروں اور اوپن مارکیٹ میں اشیائے ضروریہ کے نرخوں کی صورت حال اور ڈیمانڈ اینڈ سپلائی کے حوالے سے خیال رکھا جائے، صوبہ بھر میں لگائے گئے 318رمضان بازاروں اور محکمہ زراعت کی فئیر پرائس شا پس پر آٹا ، چینی ،دالوں ،گھی، سبزیوں اور پھلوں پر رمضان پیکج کے تحت دی گئی رعایت کے ساتھ ساتھ کالا چنا بھی رمضان بازاروں میں رعایتی نرخوں پر فراہم کئے جا ئیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)سابق نائب ضلع ناظم قصور حاجی مقصودصابرانصاری نے کہا ہے کہ آپریشن ضرب عضب کے ذریعے پاکستان کی بہادر افواج نے دہشت گردوں کی کمر توڑ دی ہے اور ملک میں امن قائم ہوا ہے۔ دہشت گردوں اور ان کے سہولت کاروں کیلئے پاک سرزمین تنگ کردی گئی ہے، آپریشن ضرب عضب کے کامیابی سے 2 سال مکمل ہونے پر اپنے پیغام میں کہا کہ پاک افواج اور دیگر سکیورٹی اداروں کے بہادر افسروں اور جوانوں نے جرأت اور دلیری کی لازوال داستانیں رقم کی ہیں۔ آپریشن ضرب عضب کے دوران شہید ہونے والے افسر اور جوان پوری قوم کے ہیرو ہیں اور قوم اپنے بہادر سپوتوں کی عظیم قربانیوں کو خراج تحسین پیش کرتی ہے۔ انہوں نے کہا کہ آپریشن ضرب عضب ہمت، جرأت اور بہادری کی عظیم داستان ہے جس کے نتیجے میں قوم کو دوبارہ امن نصیب ہوا ہے، پاکستان میں دہشت گردوں اور ان کے سہولت کاروں کیلئے کوئی جگہ نہیں۔آپریشن ضرب عضب میں اب تک ہونے والی شاندار کامیابیوں کا سہرا پاک افواج کے سر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)پاکستان تحریک انصاف کے امیدوار ایم این اے میاں فاروق احمدانصاری نے کہا ہے کہ پوری قوم ارضِ وطن پر قربان ہونیوالے میجر علی جواد کو خراج تحسین پیش کرتی ہے،افغانستان کے حکمران بھارت کے ہاتھوں میں کھیل رہے ہیں۔ طور خم بارڈر پر سر حد پار سے گولہ باری ناقابل برداشت ہے،ٹی اوآرز کمیٹی کی ناکامی کی ذمہ دار حکومت ہے۔ماضی اور حال کے حکمران امریکہ سے 32ارب ڈالر کی امداد لیکر ڈکار چکے ہیں، امریکہ ہمارے حکمرانوں کو امداد کے نام پر ڈالر دیکر خرید لیتا ہے اور پھر انہیں اپنے مفادات کیلئے استعمال کرتا ہے،میڈیا سے خصوصی ملاقات میں انہوں نے کہا کہ جاتی عمرہ میں شریف فیملی کے گھروں کے ارد گرد دیوار کی تعمیر پر سرکار ی خزانے سے 70کروڑ روپے خرچ کئے گئے ہیں، پہلی بار قوم احتساب کے حق میں اور کرپشن کے خلاف یکسو ہو ئی ہے۔ یہ موقع ضائع نہیں ہونا چاہیئے اور بلا امتیاز احتساب ہرصورت یقینی بنانا چا ہئے، میاں فاروق احمدانصاری نے کہا کہ آپریشن ضرب عضب کے دو سال مکمل ہونے پر پاک فوج کو خراج تحسین پیش کرتے ہیں۔ فوج کی قربانیوں سے ملک میں امن بحال ہورہاہے۔افغانستان نے پاکستان کے احسانات فراموش کرکے محسن کشی کا ثبوت دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)پاکستان فلاح پارٹی کے صدر مفتی فیاض احمد انصاری نے کہاہے کہ ”آج” ٹی وی کے اینکر پرسن حمزہ علی عباسی کی ہرزہ سرائی اور قادیانی فتنے کی بے جا وکالت کے مسئلہ پر سوشل میڈیا پر لوگوں کا رسپانس انتہائی حوصلہ افزاء ہے اور ہم ان سب لوگوں کے شکر گزار ہیں جو اس مسئلہ میں اپنا مثبت کردار ادا کررہے ہیں ، دفتر سے جاری اپنے بیان میں انہوںنے کہاکہ ریاست اور آئین کے خلاف رمضان المبارک کی نشریات اور ٹی وی پروگراموں پر پابندی لگانا ”پیمرا” کی ذمہ داری ہے ،انہوں نے کہاکہ جو میڈیا ہائوسز اور ٹی وی چینلز امریکی ایجنڈے اور غیر ملکی ثقافت کو پروان چڑھا رہے ہیں اگر ان کو قانون کے شکنجے میں نہ لایا گیا تو ملک میں انارکی پھیلے گی ،جنرل سیکرٹری سٹی رانا محمدسعید قادری نے تمام مکاتب فکر کے سرکردہ رہنمائوں سے پر زور اپیل کی ہے کہ وہ آئین کی اسلامی دفعات خصوصاََ قانون تحفظ ناموس رسالت اور قانون تحفظ ختم نبوت کے خلاف ہونے والی بین الاقوامی لابیوں کی سازشوں کا حقیقی ادراک کریں اور پاکستان میں ان کے ایجنٹوں کو بے نقاب کرنے میں اپنا کردار ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) ناصر محمود خان علاج کیلئے آج لاہور جائیں گے، کارکنان اور شہری دعاء کریں، جمیل احمدخان کی اپیل ، جمیل احمدخان سنیئر نائب صدر مسلم لیگ ن نے وزیراعلی پنجاب کے دورہ قصور کے موقع پر میاں شہباز شریف کو بتایا گیا تھاکہ چیئرمین مارکیٹ کمیٹی ناصر محمود خان سخت بیمار ہیں اور قمر کی شدید تکلیف میں مبتلاء ہیں انکا علاج معالجہ اچھی جگہ سے سرکاری خرچہ پرکروایا جائے جس پر وزیراعلی پنجاب نے اپنے سیکرٹری کو حکم دیا کہ ناصر محمود خان کا علاج معالجہ کروایا جائے اور حکومت تمام اخراجات برداشت کریگی ،چیئرمین مارکیٹ کمیٹی ناصر محمود خان نے بتایا کہ ہم وزیراعلی پنجاب کے مشکور ہیں جو مسلم لیگ ن کے ورکروں پر خاص شفقت کرتے ہیں ۔آج ہسپتال آپریشن کیلئے جارہے ہیں انہوںنے شہریوں اور کارکنان سے دعا کی اپیل کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)پیرو والا روڈ میںچار ڈاکو دیواریں پھلانگ کر محمد اعظم کے گھر میں داخل ہوگئے اور اسلحے کے زور پر اہل خانہ کو یرغمال بناکر 30ہزار روپے نقدی،طلائی زیوارت ،موبائل فون ،112 زندہ کبوتراور موٹر سائیکل چھین کر لے گئے،پولیس مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)اے سی قصور کے چھاپے ، مقدمات درج ،تفصیلات کے مطابق اسسٹنٹ کمشنر شاہ رخ خان نیازی نے شہر کے مختلف مقامات پر چھاپے مار کر گراں فروشوں اور روزہ خوروں کے خلاف کارروائی کرتے ہوئے پندرہ افراد کے خلاف مقدمات درج کروا دئیے،اے سی نے میڈیا سے گفتگو کرتے ہوئے کہا کہ گراں فروشوںکو عوام کو لوٹنے کی اجازت کسی صورت نہیں دے سکتے ،ان کے خلاف کارروائیاں مزید تیز کی جارہی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ) تھانہ بی ڈویژن کے علاقہ پرانی سبزی منڈی قصور میںچند روز قبل گھریلو لڑائی جھگڑا کی بناء پر سسرالیوں کے ہاتھوں جھلسنے والی نادیہ بی بی گزشتہ روز ہسپتال میں دم توڑ گئی ۔قتل گڑھی قصور میں پانچ روز قبل نادیہ بی بی کو اسکے خاوند محمد سلیم نے بہن نجمہ بی بی اور والدہ سکینہ بی بی کیساتھ ملکر تیل چھڑک کر آگ لگا دی تھی جس سے نادیہ بی بی بری طرح جھلس گئی ، جسے علاج کیلئے جناح ہسپتال لاہور داخل کروا دیا گیا تاہم گزشتہ روز نادیہ بی بی زخموں کے تاب نہ لاتے ہوئے دم توڑ گئی، تھانہ بی ڈویژن پولیس نے پوسٹمارٹم کے بعد نادیہ کی نعش تدفین کیلئے ورثاء کے حوالے کردی ہے یا درہے کہ پولیس نے نادیہ بی بی کے والد کی درخواست پر مقدمہ درج کر کے اسکے خاوند سلیم اور اسکی بہن کو وقوعہ کے روز ہی حراست میں لے لیا تھاتاہم ملزم نادیہ کے خاوند ملزم محمد سلیم نے موقف اختیار کیا ہے کہ نادیہ بی بی نے گھریلو جھگڑے کی بناء پر خودکشی کی ہے اور نادیہ بی بی کو بچاتے ہوئے میرے ہاتھ اور جسم بھی متاثر ہواہے جبکہ مقدمہ میں نامزد میری والدہ سکینہ بی بی کی عمر 85سال اور وہ فالج کی مریضہ بھی ہے،الزامات غلط ہیں انصاف فراہم کیا جائے۔
