قصور (بیورورپورٹ) ڈسٹرکٹ پولیس آفیسر قصور سید علی ناصر رضوی نے بتایا کہ ماہ مارچ کے دوران قصور پولیس نے نیشنل ایکشن پلان پر سختی سے عملدرآمد کرتے ہوئے 304 مقدمات درج رجسٹر کرکے ملزمان کو گرفتار کیا ہے ۔ڈی پی اوقصور نے تفصیلات بتاتے ہوئے کہا کہ جناب انسپکٹر جنرل آف پولیس پنجاب کی خصوصی ہدایات اورآر پی اوشیخوپورہ ریجن کی زیر نگرانی ضلع بھرکے مختلف مقامات پر جرائم پیشہ اور مشتبہ افراد کی گرفتاری کے سلسلہ میں انفارمیشن بیسڈ ٹارگٹڈسرچ آپریشن کیے گئے ان آپریشن کے دوران تقرییاً2ہزار افراد سے انٹیروگیشن کی گئی جبکہ متعدد کے خلاف قانون کی مختلف دفعات کے تحت مقدمات بھی درج کیے گئے اس ضمن میںیہ بات قابل ذکر ہے کہ سائونڈ سسٹم کی خلاف ورزی پر 61،کرایہ داران کے متعلق تھانہ میں اطلاع نہ دینے پر52، وال چاکنگ کے 7،سکیورٹی آرڈیننس حساس مقامات کے تحت 38،ناجائز اسلحہ کی برآمد گی کے 130جبکہ اسلحہ کی نمائش کے 16کل 304مقدمات درج کر کے ملزمان کو گرفتار کیا گیا ہے ۔انہوں نے کہا کہ پولیس کی انتھک محنت کے ساتھ ساتھ علمائ،تاجروں ،ممبران امن کمیٹی،وکلاء اور صحافیوں سمیت ہر طبقہ سے تعلق رکھنے والے شہریوں کے تعاون سے ضلع بھر میں قانون کی حکمرانی قائم ہوئی ہے اور امن وامان کی صورتحال روزبروز بہتر سے بہترہو رہی ہے انہوں نے مزید کہا کہ موجودہ ملکی صورتحال میں ہم سب کو ملک کے استحکام کیلئے اپنا کردار ادا کرنا ہوگا اور ذمہ داری کا مظاہرہ کرتے ہوئے ہر اس عمل سے گریز کرنا ہوگا جو آپس میں نااتفاقی اور انتشار کا سبب بنے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)اسسٹنٹ کمشنر قصور محمد شاہ رخ نیازی نے آئس فیکٹری کھڈیاں پر چھاپہ مارکرمضر صحت800لیٹر دودھ تلف جبکہ فیکٹری کو سیل کر دیا ہے ۔ تفصیلات کے مطابق اسسٹنٹ کمشنر قصور محمد شاہ رخ نیازی نے ہمراہ پولیس اور دیگر افسران کھڈیاں خاص میں رحمانیہ آئس فیکٹری پر چھاپہ مارکر مضر صحت 800لیٹر دودھ جو کہ مکھیوں ، مچھروں اور کیڑے مکوڑوں کی موجودگی میں مصنوعی طور پر تیار کیا جا رہا تھا کوپکڑ کر فیکٹری کو سیل کر دیا ہے اور مضر صحت دودھ کو موقع پر ہی تلف کر دیا ہے ۔انہوں نے بتایا کہ یہ مضر صحت دودھ یہاں سے لاہور سپلائی کیا جاتا تھا جو کہ نہ صرف انسانی صحت کیلئے نقصان دہ تھا بلکہ بچوں کی پرورش پر بھی منفی اثرات مرتب کرنا کا باعث تھا ۔ اسسٹنٹ کمشنر محمد شاہ رخ نیازی نے کہا کہ مضرصحت دودھ تیار کرنے والی فیکٹری مالکان کیخلاف ہر صورت کاروائی عمل میں لائی جائیگی کیونکہ مضر صحت اشیاء بنانے اور بیچنے والے کسی رعایت کے مستحق نہیں انہیں قانون کیمطابق سخت سزا دی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور( بیورورپورٹ) اراضی کمپیوٹر ریکارڈ سروس سنٹر پر ٹائوٹوں کا راج ۔وزیر اعلیٰ پنجاب کا عوام کو ریلیف دینے کا صاف شفاف ویثرن عوا م کیلئے وبال جان بن گیا ۔عوام انتقالات اور فردات کے حصول کیلئے رُل گئے ۔دفتر کا نظام پرائیویٹ ایجنٹوں کے حوالے جو عوام سے بھاری رشوت لیکر فوری کام کر وا دیتے ہیں ورنہ کئی کئی دن دفتر کا طواف کر وایا جاتاہے ۔اس سلسلہ میں ہیومن رائٹس کمیشن کے چیئر مین سینئر ایڈ ووکیٹ میجر (ر) حبیب الرحمن خان میئو اور شوکت علی ملک نے وزیر اعلیٰ پنجا ب ،ریو نیو منسٹر ،کمشنر لاہور ڈویثرن ،ڈی سی او ،اے سی قصور سے اعلیٰ تحقیقاتی ٹیم کے ذریعے انکوائری و صورتحال کو درست کر نے کا مطالبہ کیا ہے ۔بتایا گیاہے کہ اراضی کمپیوٹر سروس سنٹر میں اظہر نامی شخص جوکہ عرصہ سے تعینات ہے ریکارڈ میں ٹیمپرنگ ،رد و بدل کر کے بلاوجہ اعتراضات لگوا کر کام میں روڑے اٹکاتا ہے اور دفتر سے باہر عوام سے اعترا ض دور کر نے کیلئے سودے بازیاں کی جاتی ہیں اس وقت گزشتہ کئی مہینوں سے رجسٹری کیساتھ انتقال فیسیں جمع کر وانے کے باوجود انتقالات کا مرحلہ کھٹائی میں پڑا ہو ا ہے ۔ جو ٹائوٹوں کی مٹھی گرم کر دیں انکا انتقال پاس ہو جاتا ہے باقی زیر التوا چلے آ رہے ہی اس ضمن میں قصو ر بار کے سینئر وکلاء نے ڈی سی او قصور سلمان غنی اور اے سی قصور شاہ رخ خاں نیازی کی توجہ دلائی لیکن انکے احکامات کو بھی نظر انداز کر دیا گیا ہے عملہ کا وطیرہ اپنی جگہ قائم ہے جس سے اس سسٹم کی ناکامی کے امکانات بڑھ گئے ہیں اور کروڑوں روپے کا بجٹ فضول میں ضائع ہو رہا ہے ۔ جب اس سلسلہ میں اسٹنٹ کمشنر سے رابطہ کیا تو انہوں نے کہا کہ شکایات مل رہی ہے، انکواری کر رہے ہیں، ڈی سی او قصور کی زیر نگرانی عوام کو سہولیات فراہم کرے گے اور کرپٹ اہلکاروں کو نشان عبرت بنا دیں گے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور( بیورورپورٹ) ڈاکٹروں کی غفلت ،کوتاہی و نا اہلی ،نہ تجربہ کاری کے باعث دوران آپریشن تین بچوں کا باپ مو ت کی بھینٹ چڑھ گیا ۔ڈاکٹر ز کی بے حسی کا یہ عالم تھا کہ مردہ مریض کیلئے بھی ہزاروں روپوں کی میڈیسن منگوا لیں ۔پولیس تھانہ صدر نے چمک کے باعث قانونی کاروائی نہ کی جس کے باعث متوفی کا بھائی ڈاکٹروں کے خلاف اندرا ج مقدمہ کیلئے سیشن عدالت پہنچ گیا ۔ڈاکٹرز نے موت کی وجہ جھوٹی و فرضی طو ر پر ہارٹ ا ٹیک لکھ دی ۔تفصیلات کے مطابق کالج روڈ قصورکے رہائشی محمد قاسم ولد حاجی ابراہیم نے بھٹی ہسپتال قصور کے دوڈاکٹروں محمد اویس اور محمد طاہر کیخلاف برائے اندرا ج مقدمہ رٹ پیٹیشن دائر کی جسکی سماعت ایڈیشنل ڈسٹرکٹ اینڈ سیشن جج قصور محمدیونس عزیز کی عدالت میں ہوئی فاضل عدالت نے پولیس تھانہ صدر سے چار اپریل 16کیلئے مفصل رپورٹ طلب کرلی ۔رٹ میں محمد قاسم نے دونوں مذکورہ ڈاکٹرز پر الزام عائد کیا ہے کہ اسکے بھائی 35سالہ محمد رشید کو پیٹ میں شدید درد ہو ا چنانچہ مورخہ3مارچ کو وہ اسے لیکر بھٹی ہسپتال گیا جہاں پر ڈاکٹر محمد اویس اور داکٹر محمد طاہر نے کہا کہ اگر مریض کا فوری آ پریشن نہ کیا گیا تو اسکی جان جا سکتی ہے جس پر وہ مجبوراََ امادہ ہو گئے اس دوران آ پریشن میں استعمال کیلئے مبلغ 30,000/-روپے کے قریب سامان و میڈیشن منگوا یا گیا بعد آ پریشن محمد رشید کو I.C.U میں شفٹ کر دیا گیا اسے پیٹ چاک کر کے Stiching نہ کی گئی ہو ش آ نے کے بعد محمد رشید دو دن تک ٹھیک رہا ۔وقو عہ کے روز مورخہ5مارچ کو اسے پھر تکلیف ہوئی جس پر دونوں ڈاکٹرز کہا کہ اسکے پیٹ میں زہر پھیل چکا ہے آ پریشن دوبارہ کر نا پڑے گا ۔لہٰذا وہ اسے آ پریشن تھیٹر لے گئے آ پریشن ختم ہو نے کے بعد اسے واپس بحالت بیہوشی شفٹ کر دیا گیا جو کہ سانس نہیں لے رہا تھا اسکی نبض بھی بند تھی لیکن احتجاج پر ڈاکٹروں نے کہا کہ اسے دو دن بعد ہوش آ ئے گا ڈاکٹرز کی بے حسی و درندگی کا اندازہ کریں کہ مرے ہو ئے مریض کیلئے بھی ہزاروں روپے کی ادویا ت منگوائی گئیں بعد ازیں موقع پر پولیس کو بلایا گیا جسکے جانے کے بعد ڈاکٹروں نے اہل خانہ کو محمد رشید کے مرنے کی منحوس خبر دی جسکا ڈیتھ سرٹیفکیت موت کی وجہ جھوٹی و فرضی لکھی گئی ۔لہٰذا ڈاکٹروں کی غفلت لاپرواہی کے باعث زندہ شخص کو آپریشن کے دوران موت کے گھاٹ اوتاڑ دیا گیا جس پر متوفی کے بھائی محمد قاسم نے اندراج مقدمہ کیلئے استدعا کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)بنگلہ کمبواں میں عطائی ڈاکٹر و ں کی بھر مار برکت بی بی نے وزیراعلیٰ پنجاب کو سرکاری طور پر اپنے علاج اور منشاہ نامی عطائی ڈاکٹر کے خلاف درخواست دے دی تفصیلات کے مطابق بستی سندیاں والی بنگلہ کمبواں کی رہائشی خاتوں برکت بی بی نے وزیراعلیٰ پنجاب کو درخواست دی ہے کہ منشاہ نامی عطائی ڈاکٹر نے بنگلہ کمبواں میں اپنے آپ کو ایم بی بی ایس ڈاکٹر ظاہر کر تے ہو ئے دکان بنا رکھی ہے جس نے درخواست گزار برکت بی بی بائے بازوں پر غیر معیاری اور ا ستعمال شدہ سرنج کے ساتھ انجکشن لگا کر باز و ں نکارہ کر دیا درخواست گزار نے وزیراعلیٰ پنجاب میاں محمد شہباز شریف سے اپیل کی ہے کہ فوری طور پر اس کے بازوں کا سرکاری طور پر علاج کراویا جائے اور بنگلہ کمبواں میں موجود غیر معیاری ڈاکٹر وں کے خلاف فوری کاروائی عمل میں لا ئی جائے تاکہ وہ معصوم لوگوں کی جانوں سے نہ کھیلا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)قصور اور نواح میں راہزنی کی مختلف تین وارداتوں میں ڈاکووں لاکھوںکی نقدی اور موبائل فون لے گئے۔قادی ونڈ روڈ نذد باغ قریشییاںکے تین ڈاکووں نے ایک بھٹہ خشت کے منشی لیاقت علی سے ایل لاکھ کی رقم لوٹ لی اور فرار ہو گئے اورمصطفی آباد کے علاقہ پانڈوکی نہر کے قریب دو ڈاکووں نے موٹرسائیکل سوار راہگیر سے 20ہزار کی نقدی لوٹ لی جبکہ پل جوڑا کے قریب چار ڈاکووں نے پید آنیوالے راشد علی،خالد اور بشارت سے سولہ ہزار کی رقم اور دو موبائل فون لوٹ لئے ۔مقامی پولیس مصروف کاروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)سپرنٹنڈنٹ سلاٹر ہائوس قصور ڈاکٹر محمد عدیل سیال نے صفائی کے ناقص انتظامات پر آٹھ قصابوں کے چالان کر دئیے ۔تفصیلات کے مطابق سپرنٹنڈنٹ سلاٹر ہائوس قصور ڈاکٹر محمد عدیل سیال نے اندرون موری گیٹ ۔اندرون کوٹ بدر دین اور دیگر مقامات پر چھاپے مارے اور جالی نہ لگانے پر اور صفائی کے دیگر ناقص انتظامات پر آٹھ قصابوں رمضان۔اسلم ۔اکرم وغیرہ کے چالان کر دیئے۔ سپرنٹنڈنٹ سلاٹر ہائوس قصور ڈاکٹر محمد عدیل سیال نے وارننگ دی کہ اگر آئندہ کسی قصاب نے جالی لگائے بغیر گوشت فروخت کرنے کی کوشش کی تو اس کے خلاف سخت کاروائی عمل میں لائی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور(بیورورپورٹ)نواحی گاوں باقر کے میں اوباش نوجوان نے بارہ سالہ بچے کو بد فعلی کا نشانہ بنا دیا ۔آسیہ بی بی کا بارہ سالہ بچہ فیصل کھیتوں میں مال مویشی چرا رہا تھا کہ گاون کے اوباش نوجوان مبین عرف مراتب نے اسے پکٹر کر زبر دستی زیادتی کا نشانہ بنا دیا ۔ پولیس تھانہ کھڈیا خاص نے مقدمہ درج کر کے ملزم کو گرفتار کر لیا ہے۔
محمد عمران سلفی صدر پریس کلب للیانی(رجسٹرڈ)
