قصور (بیورورپورٹ) محکمہ صحت آئی آر ایم این سی ایچ اینڈ نیوٹریشن پروگرام کے زیر اہتمام ”ماں اور بچے کی صحت کے ہفتہ ”کے سلسلہ میں گزشتہ روز ٹی ایم اے ہال قصور میں ہیلتھ میلہ منایا گیا ۔ تقریب میں ای ڈی او ہیلتھ ڈاکٹر مسعود طارق ، ڈسٹرکٹ کوارڈینیٹرآئی آر ایم این سی ایچ اینڈ نیو ٹریشن پروگرام ڈاکٹر ثمرہ خرم ،ایم ایس ڈی ایچ کیو ہسپتال ڈاکٹر شہناز نسیم ، ڈسٹرکٹ اینٹو مالوجسٹ محمد خرم ابراہیم ، ڈسٹرکٹ منیجر پی آر ایس پی محمد اقبال، ڈپٹی ڈسٹرکٹ پاپولیشن ویلفیئر آفیسر ٹیکنیکل قصور ڈاکٹر شبانہ خالد ، وویمن میڈیکل آفیسر ڈی ایچ کیو ہسپتال ڈاکٹر عاصمہ قیوم ، پرنسپل سکول آف نرسنگ ،لیڈ ی ہیلتھ ورکرز ‘کمیونٹی مڈوائف ،سٹاف نرسز اور محکمہ صحت کے عملہ نے شرکت کی ۔اس موقع پر کوارڈینیٹر آئی آر ایم این سی ایچ پروگرام ڈاکٹر ثمرہ خرم نے خطاب کرتے ہوئے کہا کہ ماں اور بچے کا ہفتہ منانے کا مقصد مائوں کو اپنے بچوں کی پرورش اورصحت کیلئے حفاظتی تدابیر کے متعلق آگاہی دینا ہے تا کہ وہ اپنے بچے کی بہترین پرورش کر سکیں ۔انہوں نے مزید کہا کہ ماں اور بچے کی صحت کا ہفتہ30مئی تا 4جون 2016ء تک منایا جا رہا ہے ۔ جس کے دوران حاملہ خواتین کو فولاد کی گولیاں فراہم کی جائینگی اور تشنج سے بچائو کے ٹیکے مکمل کئے جائینگے ۔ پیدائش سے دو سال تک کے بچوں کو حفاظتی ٹیکوں کا کورس مکمل کروایا جائیگااور 2سال سے پانچ سال تک کے بچوں کو پیٹ کے کیڑوں کی گولیاں کھلائی جائینگی ۔ انہوں نے کہا کہ ماں اور بچے کی صحت کا ہفتہ بھرپور طریقے سے منایا جائیگا جس کیلئے محکمہ کے تمام ملازمین فرض شناسی سے اپنی ڈیوٹی سرانجام دینگے اور گزشتہ سال کی طرح اس سال بھی ڈسٹرکٹ قصور پنجاب بھر میں نمایاں پوزیشن حاصل کریگا ۔ایم ایس ڈاکٹر شہناز نسیم نے کہا کہ ماں اور بچے کی صحت کے ہفتہ کے دوران عوام الناس کے صحت کی تعلیم کیلئے روزانہ کی بنیادوں پر سیشن کئے جائینگے اورماں اور بچے کی صحت کے بنیادی اصولوں سے آگاہی دی جائینگی ۔ڈسٹرکٹ منیجر پی آر ایس پی محمد اقبال نے کہا کہ پاکستان میں پانچ سال سے کم عمر بچوں کی تعداد تقریباً5ملین ہے جن میں سے ہر سال 4لاکھ 70ہزار موت کا شکار ہو جاتے ہیں اور ان میں سے 19فیصد اموات ڈائریا کی وجہ سے ہوتی ہیں ۔13فیصد بچوں کی زندگیاں صرف اور صرف ماں کا دودھ پلانے کے ذریعے بچائی جا سکتی ہیں جبکہ 6فیصد کو چھ ماہ کی عمر سے ماں کے دودھ کے ساتھ ساتھ اضافی خوراک کی مدد سے بچایا جا سکتا ہے ۔ ماں سب سے پہلے بچے کو دو سال تک یا کم از کم چھ ماہ تک اپنا دودھ پلائیں پھر حفاظتی ٹیکوں کا کورس کروائیںاور بچوںکو پیٹ کے کیڑوں کی ادویات کھلائیں ۔انہوں نے مزید کہا کہ 3سال کاوقفہ ماں اور بچے کی صحت کیلئے بہت ضروری ہے ۔اس موقع پر محکمہ بہبودآبادی قصور اور ہیلتھ کی طرف سے آگاہی سٹالز بھی لگائے گئے تھے ۔ بعدازاں ماں اور بچے کی صحت کے حوالے سے ٹی ایم اے سے ای ڈی او ہیلتھ آفس تک آگاہی واک کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)قصور پولیس کا نیشنل ایکشن پلان کے تحت تھانہ مصطفی آباد اور صدر قصور کے علاقوںمیں گرینڈ سرچ آپریشن ،18 افرادکو حراست میں لیکر اسلحہ ناجائز اور منشیات برآمد کر کے مقدمات درج کرلیے گئے۔تفصیلات کے مطابق ڈی پی اوقصور سید علی ناصر رضوی کی خصوصی ہدایات پرنیشنل ایکشن پلان کے تحت سٹی اور صدر سرکل پولیس نے گزشتہ روز جھلار کمبواں ،کھارہ ،بھلو ،وڈانہ اور لکھنیکے میں گرینڈ سرچ آپریشن کیے ۔سرچ آپریشن 11بجے دن سے لیکر سہ پہر4بجے تک جاری رہا ۔1ڈی ایس پی ،3انسپکٹر ،12سب انسپکٹر ،15اسسٹنٹ سب انسپکٹر ،42کانسٹیبل اور 2ایلیٹ کی ٹیموں نے سرچ آپریشن میں حصہ لیا۔ سر چ آپریشن کیلئے دو پارٹیاں انر کارڈن اور اوٹر کارڈن تشکیل دی گئیں ۔سرچ آپریشن کے دوران60کے قریب گھروں کو چیک کیا گیا،100سے زائد افراد سے پوچھ گچھ کی گئی،6ٹارگٹڈ مجرمان سمیت 24مشکوک افراد سے انٹیروگیشن کر کے18 افراد کو گرفتار کیا گیا۔اسلحہ ناجائز کے 5مقدمات ،منشیات کاایک،اشتہاری مجرمان کو پناہ دینے کے 2 جبکہ قحبہ خانہ کا ایک مقدمہ درج کرکے 4ملزمان کو گرفتار کیا گیا ۔سرچ آپریشن کے بعدٹارگٹڈعلاقوں میں فلیگ مارچ بھی کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)چونیاں کے علاقے برج رن سنگھ میں نشے میں دھت ملزم کی فائرنگ سے پانچ سالہ بچی سمیت دو افراد شدید زخمی ہوگئے،تفصیلات کے مطابق چونیاں کے علاقے برج رن سنگھ میں ملزم ظفر اقبال نے شراب کے نشے میں دھت ہوکر اندھا دھند فائرنگ شروع کردی ،جس کے نتیجے میں پانچ سالہ نشاء بی بی اور عبدالغور فائرنگ کی زد میں آکر شدید مضروب ہوگئے ،جنھیں طبی امداد کے لئے ہسپتال منتقل کردیا گیا ہے،پولیس مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)نواحی گائوں جھلار بشمولہ متٰی میں مخالفین نے فائرنگ کرکے کاشتکار کو موت کے گھاٹ اتار دیا اور فرار ہوگئے،تفصیلات کے مطابق نصیر احمد کھیتوں کو پانی دینے کی غرض سے اپنی زمینوں پر موجود تھاکہ نامعلوم ملزمان نے فائرنگ کرکے اسے قتل کردیا اور فرارہو گئے ،پولیس مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)نواحی گائوں بزید پور میں کھیتوں میں کام کرتے ہوئے شدید گرمی اور حبس کی وجہ سے ایک خاتون جاں بحق جبکہ دوسری بے ہوش،تفصیلات کے مطابق شاہدہ بی بی اور شریفاں بی بی حسب معمول کھیتوں میں کام کررہی تھیں کہ دھوپ اور گرمی کے باعث اچانک دونوں کی حالت خراب ہوگئی اور دیکھتے ہی دیکھتے دونوں خواتین بے ہوش ہوگئیں،انھیں ہسپتال لے جایا گیا لیکن شریفاں بی بی جانبر نہ سکی،پولیس مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)قلم و کتاب سے دوری کی وجہ سے ادب دم توڑ رہا ہے معاشرے میں عدم برداشت ،نفرت ،تشدد ،نا ہمواریوں کے رجحانات فروغ پا کر عام ہو چکے ہیں جس نے معاشرتی اقدار کی جڑیں کھوکھلی کر دی ہیں ۔ان خیالات کا اظہار بلھے شاہ فائونڈیشن انٹرنیشنل قصور پاکستان کے زیر اہتمام رمضانہ دریاب اسسٹنٹ پروفیسر تاریخ کے شعری مجموعہ ” نکی جئی سدھر” کی تقریب رونمائی سے خطاب کے دوران گورنمنٹ پوسٹ گریجوایٹ کالج برائے خواتین قصور میں مختلف مقررین جن میں ڈاکٹر توحید احمد چٹھہ(فیصل آباد)،پروفیسر مسز راحیلہ قزلباش پرنسپل گورنمنٹ پوسٹ گریجوایٹ کالج برائے خواتین قصور ،ملک عبد الرشید ایڈووکیٹ ،محمد اقبال منج ڈائریکٹر میوزیم قصور ،حاجی محمد ناصر TMO،اے ڈی تاثیر ایڈووکیٹ ،پرو فیسر فوزیہ رمضان ،پروفیسر ڈاکٹر یاسمین تبسم ،مسز شہریار وائس پرنسپل و دیگر نے کیا ۔انہوں نے کہا کہ اس وقت انفارمیشن کمپیوٹر و ٹیکنالوجی کا دور ہے جس سے انسان رہنمائی حاصل کر کے ہر قسم کے چیلنجز و بحرانوں کا مقابلہ کر رہا ہے ان حالات میں قلم و کتاب سے اپنا رشتہ مضبوط کر نا اور بھی ضروری ہو گیا ہے تاکہ معاشرے میں پائی جانیوالی برائیوں ،خامیوں ،خرابیوں ،وحشت و دہشت گردی کے واقعات پر قابو پایا جا سکے ۔انہوں نے کہاکہ دینی تعلیم کے ساتھ ساتھ ہمیں دنیاوی علوم و فنون میں بھی ملکہ حاصل کر نا چاہیے علم کے بغیر انسان اندھا و ادھورا ہے جس کی معاشرے میں کوئی قدر یا وقعت نہیں ۔مقررین نے ماں بولی کے فروغ ترویج و ترقی اور صوفیا کرام کے پیغام کو بھی عام کر نے پر زور دیا انہوں نے رمضانہ دریا ب کی اس سلسلہ میں کاوشوں اور شعروں کو بک شکل میں شائع کرنے پر زبردست سراہا ۔ انہوں نے کہا کہ پرو فیسر رمضانہ دریاب نے اپنی کتاب و شعروں کے ذریعے معاشرتی نا انصافیوں ،ظلم و ستم کی نشاندہی کی ہے اور درست طور پر معاشرے کی عکاسی کی ہے جس سے پایا جاتا ہے کہ ٹیلنٹ میں عورت مردوں سے کم نہیں ۔تقریب کی صدارت پر وفیسر ڈاکٹر عباد نبیل شاد ،سرپرستی سینئر ایڈ ووکیٹ اے ڈی تاثیر ایڈ ووکیٹ جبکہ زینت محفل حاجی ایاز احمد خاں متوقع چیئر مین TMAقصور نے کی تقریب میں اقبال قیصر ،عباد نبیل شاد ،عظمت اللہ خاں عظمت ،علیم شکیل اور خالد اکبر نے سیر حاصل مقالہ جات پیش کیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور( بیورورپورٹ) دالگراں بازارقصور میں دوکان پرکام کرنے والے بچے کو زیادتی کا نشانہ بنانے کی زبردستی کوشش ، بچے کے والد نے پولیس کو درخواست دے دی۔تھانہ اے ڈویژن کے علاقے ساگ والی گلی کے رہائشی محمد آصف نے پولیس کو درخواست جمع کروائی کہ سکول کی چھٹیاں ہونے پر اس نے اپنے 9سالہ بیٹے عثمان غنی جو پانچویںکلاس کا طالب علم ہے کو قریبی دالگراں بازار کے دوکاندار محمد صدیق ( کریموں والا) کی دوکان پر چھوڑ رکھا تھا تاکہ وہ آوارہ گردی سے بچ سکے۔ اس دوران دو تین دفعہ بچے نے گھر آ کر شکایت کی کہ صدیق مجھے عجیب قسم کے گندے مزاق کرتا ہے مگر ہم نے اسکی بات کو درگزر کیا ۔ گزشتہ روز جب شام کو لوڈ شیڈنگ کے دوران لیٹ ہو جانے کے باوجود عثمان گھر نہ پہنچا تو اسکی والدہ نے مجھے فون کرکے صورت حال سے آگاہ کیا۔ جب عثمان کا والد صدیق کی دوکان پر پہنچا تو اندھیرے میں بچے کے رونے کی آوازیں آ رہیں تھیں، مجھے دیکھ کر بچے نے روتے بتایا کہ صدیق لوڈشیدنگ کے اندھیرے میں پچھلے کمرے میں لے گیا جہاں میرا منہ چومنے کے عللاوا میری شلوار اُتار کر زیادتی کرنے کی کوشش کرتا رہا۔ تھانہ اے ڈویژن نے درخواست وصول کرکے کاروائی شروع کر دی ہے جبکہ محمد صدیق نے الزام کی سختی سے تردید کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) ضلع کچہری میںو کلاء کے ہاتھوں مقدمہ مدعیاں کی پٹائی۔عثمان، رضوان،عرفان اورعمران وغیرہ نے پولیس تھانہ بی ڈویثزن میں لڑائی مار کٹائی کرنے پر زائد امین گورا ایڈووکیٹ کے خلاف مقدمہ نمبر317/16درج کروا رکھا ہے اور گزشتہ روز چارون بھائی مقدمہ کی پیشی کے سلسلہ میں ایڈیشنل سیش جج کی عدالت میں پیشی کے بعدعدالت سے باہر نکلے تو انہیں وکلاء نے گھیر لیا اور انکی خوب ٹھکائی کر دی۔پولیس تھانہ بی ڈویثزن مصروف کاروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) نواحی علاقہ برج رن سنگھ میںشرابی کی فائرنگ سے گولیاں لگنے سے دو بچے شدید زخمی ہو گئے۔ظفر اقبال نامی شخص نے شراب پی کر گاوں میں غل کپاڑہ شروع کر دیا اور رائفل لیکر گاوں میں دہشت کی علامت بنا رہا اسی دوران ہی اس نے ادھا دھند ادھیر ادھر فائرنگ کرنا شروع کر دی ،فائرنگ کے نتیجہ میں اشرف کی پانچ سالہ بچی نیشا اور برکت کا تیرہ سالہ بیٹا عبدالغفور مضروب ہو گئے، پولیس تھانہ صدر چونیاں نے ملزم ظفر اقبال کو گرفتار کر کے مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ)مرغیوں کے ڈالے نے ٹکرمارکر بوڑھے شخص کو ہلاک کردیا۔ نذیراحمد ولدمحمدعلی لاہورکارہائشی تھا قصورمیںاپنی بیٹیوں کوملنے آیاتھا کہ موت کے منہ میںچلاگیا۔ تفصیلات کے مطابق چوک کوٹ پیراں میںڈالہ نمبرLZB-4540کاڈرائیورصبح سویرے ڈالے کو بیک کررہاتھا کہ پیچھے بابا نذیر احمد کھڑاتھا جس پر لوگوںنے ڈرائیور کو آوازیںدیںمگر اس نے ایک نہ سنی اورڈالہ بابانذیراحمدپرچڑھادیا جوموقع پر جاںبحق ہوگیا۔پولیس چوکی سبزی منڈعی مصروف کارروائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (بیورورپورٹ) تھانہ راجہ جنگ کے نواحی گائوںمتامیںسابقہ رنجش کی بناء پرنامعلوم موٹرسائیکل سواروںنے اندھادھند فائرنگ کرکے زمیندارکوموت کے گھاٹ اتاردیا۔ تفصیلات کے مطابق صبح سویرے موٹرسائیکل سوار متاکے قریب جھلاریاںمیںنصیرجٹ کے گھرآئے اور اس کاپوچھاجس پر اس کے گھروالوںنے بتایاکہ اس نے فصلوںکوپانی لگایاہواہے۔ وہ فصلوںپرپہنچ گئے اوراندھادھند فائرنگ کرکے نصیرجٹ کو قتل کردیا پولیس تھانہ راجہ جنگ مصروف کارروائی ہے۔
