خانیوال (راشد ملک سے) گلی محلوں میں شہریوں کو مختلف قسم کے انعامی لالچ دے کر انرجی سیور فروخت کرنے والے نوسربازوں نے شہریوں کو دونوں ہاتھوں سے لوٹنا شروع کردیا ، پولیس سمیت ضلعی انتظامیہ خاموش ، گزشتہ ایک ایک نوسرباز عوام کے ہتھے چڑھنے کے بعد اپنے ساتھیوں کی مدد سے فرار ہونے میں کامیاب ہوگیا ، ڈی پی او خانیوال سمیت ضلعی انتظامیہ سے نوٹس لینے کا مطالبہ تفصیل کے مطابق خانیوال شہر سمیت گرد نواح میں عوام ایل سی ڈی ،واشنگ مشین ،سلائی مشین ،موبائل فون سمیت دیگر قیمتی انعامات کی لالچ دے کر لوٹنے والے مافیا نے شہریوں اور سادہ لوح لوگوں کو دونوں ہاتھوں سے لوٹنا شروع کردیا ۔ نوسرباز شہر کے مختلف علاقوں کالونی نمبر1,2,3 ، مرضی پورہ ،اعوان چوک ،مکی مسجد چوک سمیت شہر کے دیگر مقامات پر لوگوں کے گھروں میں جاتے ہیں اور ہزاروں روپے کے قیمتی انعامات کا لالچ دیگر 40 سے 50 روپے میں فروخت ہونے والا انرجی سیور پندرہ سو سے دوہزار روپے میں فروخت کرتے ہیں جبکہ خریداری سے انکار کرنے والوں کو زبردست انرجی سیور دے دیا جاتا ہے اور بعد میں دوسو سے تین سوروپے کا انعام تھما دیا جاتاہے ۔ جبکہ دوسریی جانب دن کے اوقات میں گھروں میں مرد حضرات نہ ہونے کی وجہ سے نوسرباز خواتین کو پریشان کرتے ہیں اور کہتے ہیں کہ اب تو انرجی سیور کھل گیا ہے اب خریدنا پڑے گا ۔گزشتہ روز ایک نامعلوم نوسرباز شہریوں کو مختلف قسم کے انعامات کے جھانسے دے رہا تھاکہ اہل علاقہ نے پکڑ لیا لیکن بعدازاں نوسر باز اپنے ساتھیوں کی مدد سے وہاں سے فرار ہونے میں کامیاب ہوگیا ۔ عوامی سماجی حلقوں نے ڈی پی او خانیوال جہانزیب نذیر خان سمیت ضلعی انتظامیہ سے نوسربازوں کے خلاف کاروائی کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (راشد ملک سے )رکشہ کی چین میں چادر پھنسنے سے جبکہ الیکٹرک پمپ میں کرنٹ سے نوجوان جاں بحق تفصیل کے مطابق خانیوال کے نواحی علاقہ چک نمبر107 دس میں اقبال نامی شخص کا جواں بیٹا واٹر پمپ میں کرنٹ آنے سے جاں بحق ہو گیا ۔جبکہ محسن وال رکشہ میں چادر آنے سے 20 سالہ محمد سعید موقع ہی جاں بحق ہوگیا ۔ دونوں جاں بحق ہونے والوں کی نعشیں گھر پہنچتے ہی گھر میں کہرام مچ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (راشد ملک سے ) ان ٹرینڈ ٹیچرز کو تاریخ تقرری سے ترقیاں جاری کرنے کے احکامات ڈسٹرکٹ ایجوکیشن آفیسر ایلمنٹری کستورا جی شاد نے جاری کردئیے اس موقع پر پنجاب ٹیچرز یونین کے ضلعی صدر عبدالطارق نیازی’چیئرمین خانیوال اساتذہ محاذ قاضی مقبول احمد ‘ملک انوار اسلم ‘پنجاب ایجوکیٹرز ایسوسی ایشن کے ضلعی صدر نثار احمد چوہدری بھی موجو دتھے ۔ڈی ای او ایلمنٹری خانیوال کستورا جی شاد نے اس موقع پر کہاکہ اساتذہ برداری کو سہولیات مہیاکرنا میری اولین ترجیحات ہیں ۔انہوں نے کہاکہ سپریم کورٹ آف پاکستان کے احکامات کی روشنی میںسالانہ ترقیوں کا اجراء کردیا گیا ہے جس سے اساتذہ ضلع خانیوال کو خاطر خواہ مالی فائد ہ حاصل ہوگا ۔پنجاب ٹیچرز یونین کے ضلعی صدر عبدالطارق نیازی ‘ملک انوار اسلم ‘قاضی مقبول احمد ‘چوہدری نثار احمد ‘محمد سعید احمد ‘شیخ اویس خالد ودیگر اساتذہ رہنمائوں نے ڈی ای او ایلمنٹری کستورا جی شاد کی اساتذہ دوستی کی تعریف کی ۔اساتذہ نمائندگان نے کہاکہ ہم توقع رکھتے ہیں کہ خانیوال کے اساتذہ کو بہت جلد زیر التواء پے پیکج اور محکمانہ پروموشن کی نوید بھی سنائی جائیگی اور اساتذہ کو پے پیکج دے کر ہمارا درینہ مطالبہ پورا کیا جائیگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (راشد ملک سے ) دکھی او رپریشان حال سائلین کیساتھ پیار اور محبت سے پیش آئیں ان کے مسائل کو خندہ پیشانی سے سن کر فوری انصاف کی فراہمی کو یقینی بنائیں ۔ ان خیالات کا اظہار ڈسٹرکٹ پولیس آفیسر جہانزیب نذیر خان نے گذشتہ روز اپنے دفتر میں سائلین کی سماعت کرتے ہوئے موقع پر موجود پولیس افسران کو تنبہہ کرتے ہوئے کیا ۔انہوں نے کہاکہ پولیس افسران اپنے حلف کی پاسداری کرتے ہوئے تھانہ پر آنیوالے سائلین کیساتھ بردباری اور تحمل و خوش اخلاقی سے پیش آئیں او رسائلین کو عزت و احترام سے بٹھائیں اور پینے کے پانی وغیرہ دیں اور پھر ان کے مسائل کو خندہ پیشانی سے سنیں اور ان کے مسائل کو میرٹ پر یکسو کریں تاکہ انہیں پریشانی کا سامنا نہ کرناپڑے ۔انہوں نے کہاکہ پولیس آفیسر کو خوش اخلاق اور تحمل مزاج ہونا چائیے اور اپنے اندر انسانیت کی خدمت کا جذبہ بیدار کرنا چائیے ۔انہوں نے مزید کہاکہ تھانوں کا ماحول عوام دوست بنایا جارہاہے تاکہ شرفاء آتے ہوئے کسی بھی طرح جھجھک محسوس نہ کریں ۔بعدازاں ڈی پی او جہانزیب نذیر خان نے ضلع کے مختلف علاقوں سے آئے ہوئے سائلین کے مسائل سنے اور ان کی درخواستوں پر متعلقہ افسران کو احکامات جاری کرتے ہوئے رپوٹس طلب کرلیں ۔قبل ازیں ڈ ی پی او جہانزیب نذیر خان نے ضلع خانیوال کے پولیس افسران کو ہدایات جاری کرتے ہوئے کہاکہ زیر تفتیش مقدمات کو فوری یکسو کریں بلاوجہ مقدمات کو زیر التواء رکھنا بددیانتی کے زمر ے میں آتا ہے ۔انہوں نے کہاکہ منشیات فروش معاشرے کی نوجوان نسل کو تباہ کررہے ہیں ان کیخلاف سخت کریک ڈائون جاری رکھیں اور قانونی کٹہرے میں لائیں ۔ڈی پی او نے کہا کہ نیشنل ایکشن پلان کو کامیاب بنانے کیلئے تمام دستیاب وسائل کو بروئے کار لایا جائے کیونکہ اس سے ناصرف امن برقرار ہوا ہے بلکہ شہریو ںکو تحفظ بھی ملا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (راشد ملک سے ) خانیوال شہر سمیت سرائے سدھو اور گردو نواح کے پٹرول پمپس پر ناقص تیل اور کم پیمانے کی شکایات عام فی لٹر میں کم از کم تین پوائنٹ کم ڈالا جاتا ہے محکمہ سول ڈیفنس والوں نے منتھلی لیکر کھلی چھٹی دے رکھی ہے ڈپٹی کمشنرخانیوال صورتحال کا نوٹس لیں تفصیل کے مطابق سرائے سدھو اور اس کے گردونواح پل باگڑ ہیڈ سدھنائی پل پکوڑی اور باٹی بنگلہ وغیرہ کے مقام پر قائم پٹرول پمپس پر بڑے دھڑلے کے ساتھ ناقص تیل کم پیمانے ساتھ فروخت کیا جارہا ہے ناقص تیل کی وجہ سے گاڑیوں کے انجن ناکارہ ہورہے ہیں پیمانے کی حالت یہ ہے کہ لٹر میں کم از کم تین پوائنٹ کم تیل دیا جاتا ہے کوئی پوچھنے والا نہیں ہے محکمہ سول ڈیفنس کے کرتا دھرتائوںنے منتھلی لیکر اس آئل مافیا کو کھلی چھٹی دے رکھی ہے سرائے سدھو اور گردونواح کے عوامی و سماجی حلقوں نے ڈپٹی کمشنر خانیوال اور دیگر اعلیٰ حکام سے صورتحال کا فوری نوٹس لینے کا مطالبہ کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (راشد ملک سے ) ڈسڑکٹ بار ایسوسی ایشن خانیوال کی کو آر ڈی نیشن کمیٹی کا پہلا اجلاس۔تفصیل کے مطابق گذشتہ روز ڈسڑکٹ بار ایسوسی ایشن خانیوال کی کو آر ڈی نیشن کمیٹی کا پہلا اجلاس بار روم خانیوال میں منعقد ہوا جس میں صدر ڈسٹرکٹ بار خانیوال چوہدری محمد عمر چیمہ ،جنرل سیکرٹری راجہ سہیل ظفر ،صدر ڈسٹرکٹ بار ایسوسی ایشن میاں چنوں چوہدری کاشف منیر ، جنرل سیکرٹری چوہدری مدثر رضا،صدر ڈسٹرکٹ بار ایسوسی ایشن کبیر والا مہر امتیاز احمد مرالی ، جنرل سیکرٹری حاجی سعید احمد خان بھٹہ ،صدر ڈسٹرکٹ بار ایسوسی ایشن جہانیاں چوہدری سعید اقبال گورایہ اور جنرل سیکرٹری ملک افتخار الحسن میتلا نے شرکت کی ۔اجلاس میں ضلع خانیوال کی بار ایسوسی ایشنز کو درپیش مسائل اور اُن کے حل پر غور و خوض کیا گیا ۔اور اس امر کا اعادہ کیا گیا کہ وکلاء کی فلاح و بہبود ہماری اولین ترجیح ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (راشد ملک سے )شہر کو خوبصورت اور مثالی بنانے کا عزم کررکھا ہے ۔قبضہ مافیا کے خلاف بلاامتیاز کاروائی کی جائے گی کسی کو ہرگز بے روزگار نہیں کیا جائے گا ریڑھی بانوں کو متبادل جگہ اور ہر ممکن سہولت ٹی ایم اے فراہم کرے گی ان خیالات کا اظہار چیئرمین بلدیہ مسعود مجید خان ڈاہا نے اپنے دفتر میں منعقدہ شہریوں تاجروں اور سماجی تنظیموں کے اہم اجلاس کی صدارت کرتے ہوئے کیا انہوں نے کہا کہ انہوں نے اس منصب کا چارج سنبھالتے ہی خانیوال شہر کی خوبصورتی بحال کرنے اور اسے صاف ستھرا اور مثالی شہر بنانے کا عزم کیا تھا اور اس پر عملدرآمد بھی شروع کردیا گیا ہے مگر شہریوں کو بھی دوسروں کی تکالیف کا مدنظر رکھتے ہوئے اپنی ذمہ داریاں پوری کرنی چاہیںانہوں نے کہا کہ تجاوزات کے باعث نہ صرف ٹریفک کے آذادانہ بہاو میں روکاوٹ پیدا ہورہی تھی بلکے سکول کالجز اور دفاتر آنے جانے اور دور دراز سے آنے والے افراد خصوصا خواتین کو سخت مشکلات کا سامنا تھا ۔انہوں نے کہا کہ ریڑھی بانوں کو نہ صرف متبادل جگہ فراہم کی جائے گی بلکے ٹی ایم اے کی جانب سے صفائی ،پانی کا چھڑکاو اور سٹریٹ لائٹس سمت ہرممکن مدد فراہم کی جائے گی انہوں نے کہا کہ یہ ہم سب کا شہر ہے ہمارا مشترکہ فرض ہے کہ ہم اس شہر کو مثالی اور خوصورترین شہر بنائیں انہوں نے مزید بتایا کہ نہ صرف شہر میں پہلے سے موجود پارکس کو بہتر بنایا جائے گا بلکے نئے پارک اور جدید ترین گوشت مارکیٹ بھی تعمیر کی جائے گی۔تاجروں شہریوں اور سماجی تنظیموں کے نمائنوں نے چئیرمین بلدیہ کی جانب سے تجاوزات کے خاتمے شہر میں صفائی کی نظام کیاور پارکس کی بحالی کے سلسلہ میں کے جانے والے اقدامات کو زبردست الفاظ میں سراہا اور انکی مکمل حمایت کا اعلان کیا۔ شہریوں کا کہنا ہے کہ انہوں نے تجاوزات کے خاتمہ پر سکھ کا سانس لیا ہے کیونکہ طلباء خاص کر طلبات اور خواتین کو سکول کالجز دفاتر اور شاپنگ کے کے آنے جانے مین شدید مشکلات کا سامنا تھا جو حلا ہو گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (راشد ملک سے )ریلوے لائن عبور کرنے کی کوشیش میںنوجوان کی دونوں ٹاگنیں کٹ گئیں ۔تفصیل کے مطابق کرما والے سی این جی میاں چنوں ریلوے لائن کراس کرتے ہوئے 24سالہ نامعلوم نوجوان ٹرین سے ٹکراگیاجس سے دونوں ٹانگیں کٹ گئیں ریسکیونے ابتدائی طبی امداد کے بعد سول ہسپتال منتقل کردیا
راشد ملک خانیوال
0306-5678287
26-01-2017
