خانیوال (راشد ملک سے) بااثر افراد کا محنت کش کے 16 سالہ بیٹے پر تشدد ،ماں کے ساتھ بھی زیادتی کی کوشش تفصیل کے مطابق چک نمبر27 ونجاری موڑ کی رہائشی خاتون زینب بی بی زوجہ غلام محمد نے بتایا کہ علاقہ کے بااثر لوگ اسلم ،ذوالفقار ،مقصود اور دوکس نامعلوم افراد میرے 16 سالہ بیٹے عنصر کو اٹھا کر اپنی بیٹھک میں لے گئے اور اسلہ کے زور پر تشدد کیا جس کی وجہ سے وہ شدید زخمی ہوگیا ۔الزام علیہان نے جب فائرنگ کی تو میری بہن کے بیٹے آصف نے مجھے آکر بتایا کہ اسلم وغیرہ عنصر کو زبدستی اٹھا کر اپنے بیٹھک میں لے گئے ہیں ۔جس پر میں اپنے بیٹے کو بچانے کیلئے وہاں پہنچی تو ملزمان نے میرے ساتھ بھی بدتمیزی شروع کردی اور زیادتی کرنے کی کوشش کی اور اسی دوران میرے کپڑے بھی پھٹ گئے ۔سائلہ نے تھانہ کچاکھوہ کی پولیس کو درخواست گزاری تو پولیس ملزمان کے ساتھ ساز باز ہوگئی ۔میڈیکل کے بعد سیشن جج نے ملزمان کے خلاف آرڈر حاصل کرلئے ملزمان سائلہ کو قتل سمیت سنگین نتائج کی دھمکیاں دے رہے ہیں ۔ سائلہ زینب بی بی نے ڈی پی او خانیوال سے انصاف فراہم کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے )ایس ایچ او تھانہ صدر فلک شیر کاٹھیہ کا اپنے علاقوں میں سکیورٹی کے حوالے سے مختلف سرکاری سکولوں کا اچانک دورہ تفصیل کے مطابق گزشتہ روز ایس ایچ اوتھانہ صدر فلک شیر کا اپنی ٹیم کے ہمراہ تھانہ صدر کی حدود میں واقع اڈا مہر شاہ کے قریب چک نمبر170 اور چک نمبر171 دس آر کے گرلز سکولوں کا وذت کیا اور وہاں پر سکیورٹی کے حوالے سے سکولوں کو چیک کیا جس میں خصوصاََ مین گیٹ پر مامور سکیورٹی گارڈ لہ شناخت اور اس کا اسلحہ چیک کیا گیا ۔سکولوں کی بائونڈری وال اور اساتذہ اور بچوں کے آنے جانے والے راستے چیک کئے گئے ۔ علاوہ ازیں ایس ایچ او صدر فلک شیر نے سکول ہذا کی طالبات سے خطاب بھی کیا اور اپنے خطاب میں کہاکہ آج کل ملک میں بچوں کے اغواء کی خبریں پھیلی ہوئی ہیں جوکہ سراسر غلط ہیں خصوصاََ ہمارے ضلع خانیوال میں کوئی واقعہ رجسٹرڈ نہیں ہوا اور انشاء اللہ نہ ہی ہوگا ۔ لیکن پھر بھی احتیاط ضروری ہے لہذا میری آپ سے گزارش ہے کہ آپ بالکل نہ گھبرائیں بلکہ ہمت اور حوصلہ سے کام لیں اور ساری توجہ اپنی تعلیم پر مرکوز رکھیں ۔ سکول سے گھر اور گھر سے سکول کا فاصلہ اپنے والد ،بھائی یا قریبی رشتہ دار کے ساتھ کریں اور اگر آپ سکول اپنی کلاس فیلوز کے ساتھ آتی ہیں تو اپنے والدین کو اس متعلق ضرور بتائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے ) نادرا آفس جہانیاں کے انچارج نے انصاف نوٹو ں کے ترازو میں تول دیا ،اس بات کا نکشاف محمد عثمان نے چیئر مین نادرا کو کو درخواست دیتے ہوئے موقف اختیار کیا کہ مجھ سے اپنی بیوی کا شناختی کارڈ بنوانے کیلئے آٹھ ہزار روپے بطور رشوت لئے گئے اور ابھی تک شناختی کارڈ نہیں بنایا گیا اور نادرا آفس انچارج نے مختلف اعتراضات لگاکر دھکے اور دھمکیاں دے کر باہر نکادیا جاتا ہے ۔تفصیل کے مطابق جہانیاں کے رہائشی محمد عثمان طاہر نے چیئرمین نادرا کو درخواست دیتے ہوئے موقف اختیار کیاکہ تین ماہ پہلے میں اپنی بیوی کا شناختی کارڈ بنانے کیلئے نادرا آفس جہانیاں کے انچارج شیخ محمد اسلم کے پاس گیا اور اس نے مجھ سے 8 ہزارروپے بطور رشوت لئے گئے اور خالی کاغذوں پر دستخط اور انگوٹھے لگوالئے اور کہاکہ تمہاری بیوی کا شناختی کارڈ بن جائیگا ۔جب میں دوبارہ 15 جولائی 2016 کو دوبارہ کیا تو کہنے لگا کہ اب تم چلے جائو تمہارا کارڈ گھر پہنچ جائے گا ۔ابھی تک شناختی کارڈ نہیں ملا ، میں نے شیخ محمد نعیم انچارچ سے مطالبہ کیا تو اس نے مجھے سنگین نتائج کی دھمکیاں دیں اور باہر نکال دیا ۔اب میرا چیئرمین نادرا ،ریجنل منیجر نادرا سے مطالبہ کیا ہے کہ مجھے میری رقم واپس دلوائی جائے اور میری بیوی کا شناختی کارڈ بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے ) خانیوال کو پارکوں کے حوالے سے ماڈل سٹی بنایا جائیگا ، پارک بنانا حکومت کا کام ہے لیکن اس کی حفاظت کرنا شہریوں کا کام ہے ، لیڈیز چلڈرن پارک بننے سے گندگی ڈھیر ختم اور صحت مند سرگرمیاں شروع ہوں گی ،۔ ان خیالات کا اظہار ایم پی اے نشاط احمد خان ڈاہا نے امین ٹائون میں ” لیڈیز چلڈرن پارک ” کے سنگ بنیاد کی تقریب سے خطاب کرتے ہوئے کیا ۔انہوں نے کہاکہ انشاء اللہ خانیوال کی ہر یوسی میں پارک بنائے جائیں گے جس کے باعث صحت مند سرگرمیوں کو فروغ ملے گا ۔انہوں نے کہاکہ خانیوال فضل پارک کو جنوبی پنجاب کا مثالی پارک بنائیں گے جہاں بڑے شہروں کے طرز کے جھولے اور آسائشی سامان مہیا کیا جائے گا ۔انہوں نے کہاکہ ”خواتین چلڈرن ” پارک کیلئے 48 لاکھ روپے کی گرانٹ منظور کروالی گئی ہے اور پارک کا کا م تیزی سے جاری ہے ۔ اس موقع پر امیدوار برائے چیئرمین مسعود مجید خان ڈاہا نے کہاکہ حکومت عوامی مسائل اور غریب عوام کو ریلیف مہیا کررہی ہے ۔ خانیوال میں پارکوں کی کمی کو بہت جلد ختم کردیا جائے ۔تقریب میں ٹھیکیدار اقبال پرنس نے بریفنگ دیتے ہوئے بتایا کہ مذکورہ پارک 22 کنال رقبہ پر مشتمل ہے اور 48 لاکھ روپے کی لاگت سے تعمیر کیا جائیگا ۔پارک کی تعمیر کے دوران خوبصورت پودے اور اعلیٰ کوالٹی کی گھاس کا استعمال کیا جائگا اور بہترین چار دیوار ، بائنڈری وال ،گیٹ سمیت دیگر تعمیری کام تقریباََ3 ماہ میں مکمل کرلیا جائیگا ۔جس کے بعد مذکورہ پارک کو خواتین اور بچوں کیلئے اوپن کردیا جائیگا ۔ تقریب سے جنرل کونسلر رائے اعظم ،شیخ محمد اکمل سمیت دیگر نے بھی خطاب کیا ۔ جبکہ تقریب میں ٹی ایم او شوکت حیات مجوکہ ، چیف آفیسر افضل ندیم دوآنہ ،کونسلرز طارق نواب پراچہ ،محمد اشرف گادھی ،چوہدری انور علی جٹ ،لیاقت رحمانی ،سابق یونین ناظم رائو سرفراز احمد سمیت معززین علاقہ اور شہریوں کی بڑی تعداد موجود تھی ۔شہریوں نے میڈیا سے بات چیت کرتے ہوئے ایم پی اے خانیوال کو علاقہ میں پارک بنانے اور رائے کی خصوصی کاوشوں کو سراہتے ہوئے کہاکہ علاقہ میں پارک بننے سے گندگی کا خاتمہ ہو گا کیونکہ اس گندگی کے ڈھیر سے مختلف وبائی امراض بھی پھوٹ رہے تھے ۔ اس موقع پر علاقہ مکینوں نے ایم پی اے نشاط احمد خان ڈاہا سے مکی مسجد چوک کی مین سڑک کی تعمیرکا مطالبہ کرتے ہوئے کہاکہ مذکورہ سڑک 14سال قبل تعمیر ہوئی اور گزشتہ ادوار میں سیاست کی نظر ہونے کی وجہ سے تاحال تعمیر نہ ہو سکی اس کے باعث علاقہ مکینوں کو شدید مشکلات کا سامنا ہے ۔ جس پر ایم پی اے نشاط احمد خان ڈاہا نے سڑک کی جلد از جلد تعمیر کی یقین دہانی بھی کروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے ) قاری اللہ دتہ عظیم مشفق انسان تھے ۔ان کی خدمات کو مدتوں یاد رکھا جائے گا ۔ ان خیالات کا اظہار رئیس دارلدفتاء دار العلوم کبیروالا مفتی حامد حسن ، جمعیت علماء اسلام کے ڈویژنل امیر چوہدری بابر علی جٹ ،مفتی سمیع اللہ معاویہ ، تحریک طلبہ اسلام کے راہنما مولانا عبدالشکور ،جامعہ حمیرا عائشہ للبنات کے مھتمم فضل اللہ ،قاری عبدالخالق ،آف اطر ،قاری محمد اقبال آف کراچی ،مولانا اقبال ساجد ،مولانا محمد عباس اختر ودیگر مذہبی ،سیاسی راہنمائوں نے قاری اللہ دتہ مرحوم کے فرزند قاری شفیق الرحمن سے تعزیت کے دوران کیا ۔انہوں نے کہا کہ قاری اللہ دتہ مرحوم نے ثابت قدمی کے ساتھ قرآن کریم کی خدمت سرانجام دی ہرحالات کا خندہ پیشانی سے مقابلہ کیا اور اپنے تلامذہ کو اخلاص کے ساتھ دینی خدمات سرانجام دینے کی تلقین کی ۔دریں اثنا ء گزشتہ روز قاری اللہ دتہ مرحوم کی تعزیت کیلئے علماء ،طلباء اور عوام کی آمد کا سلسلہ جاری رہا ۔ پاکستان مسلم لیگ (ن) راہنما رانا عرفان محمود خاں ،رانا فرمان محمود ،سردار مظفر محمود خان سیال ،سردار حاجی احمد حیات سیال ،خورشید بندیشہ ،مولانا عبدالمجید انور ،قاری ضیاء الرحمن ،مولانا حسین احمد ،علامہ فریاد علی ربانی ،مفتی محمد عبداللہ نے مرحوم قاری اللہ دتہ کے گھر جاکر لواحقین سے تعزیت کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے ) جمعیت علماء اسلام کے زیر اہتمام خدمات دارالعلوم حقانیہ سمینار 23 اگست کو ہو گا ۔مرکزی و صوبائی قائدین خطاب کریں گے ۔ جمعیت علماء اسلام (س) کے ضلعی جنرل سیکرٹری مولانا مظہر حسین کاظمی کے پریس ریلیز کے مطابق جمعیت علماء اسلام خانیوال کے زیر اہتمام 23 اگست بروز منگل بعدنماز عصر تا عشاء خدمات دارالعلوم حقانیہ سمینار منعقد ہوگا ۔ مرکزی جنرل سیکرٹری علامہ عبدالرئو ف فاروقی ،صوبائی جنرل سیکرٹر ی مفتی خالد محمود ازھر ،مولانا خواجہ عبدالماجد صدیقی ،مولانا عبدالکریم نعمانی و دیگر علماء خطاب کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے )ڈسٹرکٹ انفارمیشن آفیسر محمد سلمان خالد نے کہا ہے کہ صحت مند معاشرہ کی تشکیل صحت مند ماں کے بغیر ممکن نہیں اس لیے خواتین کی صحت و تندرستی ہم سب کی ذمہ داری ہے ۔یہ بات انہوں نے محکمہ بہبود آبادی ضلع خانیوال کے زیر اہتمام” صحت مند ماں ۔ صحت مند معاشرہ ” کے تحت منعقدہ فری میڈیکل کیمپ کے انعقاد کی افتتاحی تقریب سے خطاب کرتے ہوئے کہی ۔ضلعی آفیسر بہبود آبادی چوہدری مجیب ربانی نے بتایا کہ ضلع بھر میں ” پاپولیشن ویک ” بھرپور طریقہ سے منایا جا رہا ہے خواتین اور بچوں کی بہتری کے پروگرام کامیابی سے جاری ہیں فری میڈیکل کیمپ بھی اسی سلسلہ میں منعقد کیا گیا ہے ۔محکمہ بہبود آبادی کے زیر اہتمام منعقدہ کیمپ میں آئرن کی کمی ‘ خون کی کمی کے مفت ٹیسٹ کیے گئے اور مزید طبی معائنہ کے لیے الٹراسائونڈ کی سہولت بھی فراہم کی گئی جن خواتین میں خون کی کمی تھی ان کو موقع پر مفت ادویات بھی فراہم کی گئیں ۔انہوں نے کہا کہ خواتین کی صحت کی بہتری کے لیے ضلع بھر میں اس نوعیت کے مختلف جگہوں پر میڈیکل کیمپس قائم کیے جاتے رہیں گے اور ا س تسلسل کو بھرپور طریقہ سے جاری رکھا جائے گا ۔ میڈیکل کیمپ میں گائنالوجسٹ ڈاکٹر خالدہ شاہد اور ڈاکٹر مہوش وقاص نے 300خواتین کا مفت چیک اپ ‘ الٹراسائونڈ اور خون کے مختلف ٹیسٹ کیے اور مفت ادویات فراہم کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے )ڈی سی او زید بن مقصود نے کہا ہے کہ ضلع خانیوال میں نئی مساجد کے قیام کی منظوری کے لیے آنے والے کیسز کو متعلقہ سرکاری محکمہ جات قانونی تقاضے پورے کرنے کے بعد ترجیحی بنیادوں پر نمٹائیں ۔یہ بات انہوں نے ڈسٹرکٹ مسجد کمیٹی خانیوال کے اجلاس سے خطاب کے دوران کہی جو ان کی صدارت میں ہوا جس میں اے ڈی سی فریحہ تحسین ‘ ممبران ‘ علما کرام اور متعلقہ محکموں کے سرکاری افسران ‘ نمائندگان نے شرکت کی ۔ اجلاس میں نئی مساجد کے قیام کی منظوری کے لیے کمیٹی میں 4کیس پیش کیے گئے اجلاس میں تفصیلی غور و خوض کے بعد صدر اجلاس نے 110/10-Rجہانیاں میں مسجد کے قیام کے لیے ڈی ایس پی ‘ اے سی جہانیاں کو ہدایت کی کہ وہ موقع پر جا کر انتظامی اور دوسرے تمام پہلوئوں کا مکمل جائزہ لے کر رپورٹ بھجوائیں۔عبدالحکیم میں نئی مسجد کے قیام کے لیے قائم کردہ کمیٹی رپورٹ پر واضح رائے نہ ہونے کی وجہ سے حتمی رائے تک کیس التوا میں رکھا گیا ۔ سدھو پورہ قتالپور میں نئی مسجد کے قیام بارے تمام قانونی تقاضے اور رپورٹس پوری ہونے پر این او سی کی منظوری دی گئی جبکہ 130/15-Lجتالہ ٹائون میاں چنوں میں مسجد کے قیام بارے کیس کی رپورٹ کے لیے ڈسٹرکٹ مسجد کمیٹی کے ممبران اور علماء کرام پر مشتمل 4رکنی کمیٹی تشکیل دی گئی جو آئندہ اجلاس میں اپنی رپورٹ پیش کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے ) ڈی سی او زید بن مقصود نے کہا ہے کہ درخت ماحولیاتی آلودگی کا خاتمہ کرکے لوگوں کو راحت و سکون اور دہنی آسودگی کے خاتمہ میں اہم کردار ادا کرتے ہیں اس لیے ذہنی دبائو زدہ معاشرہ کو آلودگی سے پاک ماحول فراہم کرنے کے لیے زیادہ سے زیادہ درخت لگائے جائیں ۔ یہ بات انہوں نے مون سون شجر کاری مہم کے سلسلے میں منعقدہ اجلاس سے خطاب کے دوران کہی جس میں اے ڈی سی فریحہ تحسین ‘ ڈی او سی افتخار علی ‘ اے سی عابد حسین بھٹی ‘ ای ڈی اوز رانا احمد منیر ‘ ناصر جلال ‘ ڈی او فاریسٹ راجہ اظہر حیات ‘ ڈپٹی ڈائریکٹر کالجز ابرار احمد آبی ‘ محکمہ تعلیم ‘ صحت ‘ ریسکیو 1122’ ٹی ایم اے و دیگر سرکاری محکموں کے سربراہان اور نمائندگان نے شرکت کی ۔ اے ڈی سی فریحہ تحسین نے کہا کہ شجر کاری مہم کے ذریعے لکڑی کی بہتات سے پاکستان کی معیشت کو مضبوط بنایا جا سکتا ہے انہوں نے تجویز پیش کی کہ ضلع خانیوال کے سکولوں ‘ کالجو ں میں بورڈ کے پوزیشن ہولڈرز بچوں سے پودے لگوا کر شجر کاری کا آغاز کرایا جائے ۔ اجلاس میں سرکاری محکموں تعلیم ‘ صحت ‘ شاہرات ‘ ٹی ایم اے سمیت دیگر محکمہ جات کو شجر کاری مہم کے دوران پودے لگانے کے ٹارگٹ دئیے گئے ۔ڈی او فاریسٹ راجہ اظہر حیات نے شجر کاری مہم بارے بریفنگ دی اور بتایا کہ نرسریوں پر قلم ایک روپے ‘ چھوٹے پودے 3روپے اور بڑے پودے 10روپے میں دستیاب ہیں ۔ ڈی سی او نے عوام سے اپیل کی کہ شجر کاری مہم میں بڑھ چڑھ کر حصہ لے کر لگائے جانے والے پودوں کے ہدف کو یقینی بنانے میں اپنا کردار ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خانیوال (رپورٹ : راشد ملک سے )ڈسٹرکٹ پاپولیشن ویلفیئر آفیسر چوہدری مجیب ربانی کے ایک اعلامیہ کے مطابق ”پاپولیشن ویک ” کی تقریبات کے سلسلہ میں مورخہ 19اگست بروز جمعہ ضلع بھر کے فلاحی مراکز اور بیسک ہیلتھ یونٹس میں ہیلتھ میلہ جات کا انعقاد کیا جائے گا۔
راشد ملک خانیوال
0306-5678287
19-08-2016
