کھاریاں (جی پی آئی) اسسٹنٹ کمشنر کھاریاں ڈاکٹر افشاں رباب نے مختلف پیٹرول پمپوں پر چھاپے مارے، پمپوں پر سیل جاری پائی گئی اس موقع پرانہوں نے وارننگ دی کہ آئندہ وزٹ کے دوران سیمپل لئے جائیں گے اور پیمانے سے پیٹرول کی مقدار چیک کی جائیگی ان پیٹرول پمپوں میں مرہانہ فلنگ اسٹیشن اتوالہ،مہر پیٹرولیم بھاگو،عزیز پیٹرولیم چنن اور شیل پیٹرول دھوریہ شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سول ہسپتال کھاریاں کے سامنے جی ٹی روڈ کراس کرتے ہوئے کار کی ٹکر سے موضع ڈوگہ تہال کا55سالہ منظورحسین جاں بحق ہوگیا تفصیلات کے مطابق موضع ڈوگہ کا رہائشی منظور حسین جامع مسجدشفیق کے ساتھ قائم میڈیکل سٹور سے دوائی لیکرہسپتال کی طرف جارہا تھا کہ راولپنڈی سے آنیوالی تیزرفتار کار کی زد میں آگیا جسےTHQہسپتال کھاریاں بھیجوایا گیا بعدازاں زخموںکی تاب نہ لاتے ہوئے منظور حسین دم توڑ گیا تھانہ صدر کھاریاں پولیس نے کار اور ڈرائیو کو گرفتار کر کے تفتیش شروع کردی ہے جبکہ نعش ورثہ کے حوالے کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سید محمد احسن کلیم سابق صدر شعبہ تعلیم متاثرین تنظیم اساتذہ پاکستان نے گذشتہ دارالسلام ہائی سکول کھاریاں کا دورہ کیا پرنسپل ڈاکٹر ذکاء اللہ صدیق اور ایڈمن ایم عمرنے شانداراستقبال کیا اس موقع پر تنظیم اساتذہ پاکستان کی بہتری اور ترقی سکول سیکورٹی انتظامات اور دیگر تنظیمی امور پر باہمی تبادلہ خیال کیا گیا اور راہنمائی فراہم کی ان کے ہمراہ ضلعی سکائوٹ سیکرٹری چوہدری احسان اللہ گھمن بھی تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)یوٹیلٹی سٹور ز پر چینی کی سپلائی بند عوام کو مشکلات کا سامنا گذشتہ ماہ سے تا حال چینی کی سپلائی تسلسل کے ساتھ بحال نہیں ہوسکی جو کہ عوام سے ساتھ زیادتی ہے عوامی حلقوںنے وزیراعظم میاں محمدنواز شریف سے اپیل کی ہے کہ عوام کو جو ریلیف پہلے دور حکومت میں یوٹیلٹی سٹور ز سے مل رہا تھا وہ بحال کیا جائے گھی،آئل اور دیگر ضروریات زندگی بنیادی اشیاء کی قیمتوں کو کم کیا جائے اور چینی کی سپلائی بحال اور قیمتوں کو بھی کم کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)گلیانہ کے صحافیوں پر دوران کوریج پولیس چوکی گوٹریالہ کے نکے تھانیدار اور شیر جوانوں کی ہاتھا پائی اور گالی گلوچ کی شدید مذمت کرتے ہیں اورDPOگجرات سے مطالبہ کرتے ہیں کہ ملوث نکے تھانیدار اور شیر جوانوں کیخلاف فوری کاروائی کریں صحافی برادری اپنی پیشہ وارانہ فرائض کی سرانجام دہی میں اس طرح کی پولیس گردی ہرگز برادشت نہیںکرے گی اور کسی کو بھی اجازت نہیں دے گی کہ وہ کسی بھی صحافی پر تشدد کرے اور گالی گلوچ کریںیہ مذمتی بیان کھاریاں پریس کلب کی جانب سے جاری کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سرکاری تعلیمی اداروں کی سیکورٹی پر بھی سرکار تو جہ دے پرائیویٹ تعلیمی اداروں نے حکومت کی طرف سے سختی پرتمام اخراجات والدین سے وصول کرنا شروع کردئیے ہیںسیکورٹی گارڈز ،کیمروں،دیواروں پر خاردار تار لگانے کے نام پر فیسوں میں اضافہ کردیا گیا ہے اور اس سلسلہ میں اضافہ فنڈز بھی وصول کیے جارہے ہیں عوامی حلقوں اوروالدین نے کہا ہے کہ سرکاری تعلیم اداروں میں بھی اسی طرح حکومت فنڈز فراہم کر کے حفاظتی اقدامات کروائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)غازی ثاقب شکیل جلالی مرکزی امیر تحریک تحفظ اسلام پاکستان کیخلاف بے بنیاد اور من گھڑت مقدمے کی پر زور مذمت کرتے ہیں فوری طور پر رہا کیاجائے مقامی انتظامیہ پر امن جماعت کے لوگوں کو انتقامی کاروائیوں کا نشانہ بنا کر خود حالات خراب کررہی ہے اگر یہی حالات رہے تو امن تباہ ہوجائے گا ان خیالات کا اظہار صدر سنی تحریک کھاریاں مولانا اخترجلالی اور جنرل سیکرٹری مولانا مسعود احمد نے کیا انہوں نے کہا کہ فورتھ شیڈول کو آڑ بنا کر کاروائیاں بند کی جائیں سنی پرامن اور محب وطن ہیں انہیں پرامن ہی رہنے دیا جائے غیرقانونی اور غیرانسانی پابندیوں کو ہرگز قبول نہیں کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سرائے عالمگیر میںPTIکے مقامی آفس کوTMAکی جانب سے جانیوالے راستہ کو بند کر کے انتقامی کاروائی کی گئی پرزورمذمت کرتے ہیںTMAآئین کے مطابق کام کر کے کسی کی آشیر باد پریا کسی کے کہنے پرPTIکیخلاف انتقامی کاروائی سے آئندہ پرگز کرے اور آفس کے راسہ کو فوری بحال کرے ان خیالات کا اظہار امیدوار وائس چیئرمینPTIیوسی باہروال چوہدری نواز چیچی بیگہ نے کہا انہوں نے کہا کہ آنیوالا دورPTIکا ہی ہے ہم سرائے عالمگیر میںPTIکے آفس کے راستے کو بند کرنے کی پرزور مذمت کرتے ہیں یہ راستہ فوری طور پر کھولا جائے۔
