گجرات (جی پی آئی) کیمرے کے ساتھ ساتھ ذہنی صلاحیتوں کو بروئے کار لانا ضروری ہوتا ہے۔ ان خیالات کا اظہار نائیکون کمپنی کے سیلز مینیجر سید زبیر قطب نے گوجرانوالہ ڈویژن فوٹو جرنلسٹ ایسوسی ایشن اور گفٹ یونیورسٹی کے اشتراک سے منعقدہ ورکشاپ کے دوران خطاب کرتے ہوئے کیا۔ انہوں نے کہا کہ اچھی تصویر بنانے کیلئے قیمتی کیمرے کا ہونا ضروری نہیں بلکہ ٹارگٹ کو فوکس کرتے وقت ٹائم مینجمنٹ ضروری ہے۔ فیلڈ ورکرز اپنے استعمال کے تمام کیمرہ جات’ آلات روزانہ چیک کریں تاکہ انہیں کسی قسم کی مشکلات کا سامنا نہ ہو۔ کیمرہ سے ڈیٹا محفوظ کرنے کے بعد میموری کارڈ کو فوری طور پر فارمیٹ کریں تاکہ کیمرہ کی سپیڈ میں اضافہ ہو۔ ورکشاپ میں چیئرمین فوٹو جرنلسٹ ایسوسی ایشن گوجرانوالہ ڈویژن آفتاب رضوی ‘ جنرل سیکرٹری آصف ریاض’ عدنان نذیر ٹرینر’ ڈاکٹر غلام عباس’ ڈاکٹر رزاق احمد غفاری’ و دیگر نے خطاب کیا۔ اس موقع پر یونیورسٹی کے طلباء اور فوٹو جرنلسٹس ایسوسی ایشن کے ممبران بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) آج والی موہڑہ شریف حضرت پیر ڈاکٹر فضیل ایاز قاسمی مرکزی صدر اتحاد مشائخ پاکستان نماز جمعتہ کے موقع پر کھاریاں میں خطاب کریں گے۔ کھاریاں آمد کے موقع پر انکا پر تپاک استقبال کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)صدر ماتمی سنگت صدائے در بتول علی اصغر کی والدہ محترمہ کے ایصال ثواب کیلئے ختم قل ان کی رہائشگاہ نزد اسلامیہ سکول منعقد ہو گی۔ جس میں ممتاز عالم دین آغا مبارک علی موسوی نے خصوصی خطاب کیا۔ فضائل و مصائب شہدائے کربلا اور والدین کی عظمت پر تفصیل سے روشنی ڈالی۔ خصوصی دعا آغا غلام حسین حسینی نے کی۔ اس موقع پر ہر مکتبہ فکر سے تعلق رکھنے والی افراد کی کثیر تعداد نے شرکت کی۔ جن میں علامہ ناظم حسین جعفری’ سید آصف رضا نقوی’ سید الطاف عباس کاظمی’ وقار الحسن ہیرا’ سید افضال مہدی کاظمی’ سید گلفام کاظمی’ و دیگر شامل تھے۔ مرحومہ کے ایصال ثواب کیلئے خصوصی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)قطب الاقطاب گجرات شہر حضرت سائیں عبدالرحیم خان کا سالانہ عرس مبارک محلہ فتو پورہ میں منعقد ہوا۔ عرس مبارک کے سلسلہ میں عظیم الشان محفل میلاد النبی ۖ کا انعقاد کیا گیا۔ جس میں ممتاز علمائے کرام و ثناء خوان رسول نے خطاب کیا۔ قاری محسن رضا نعیمی نے خصوصی خطاب کیا۔ عمران چشتی نے نقابت کے فرائض سرانجام دئیے۔ اس موقع پر ممتاز ثناء خوان رسول کی کثیر تعداد موجود تھی۔ دوسری نشست میں محفل سماع کا انعقاد کیا گیا۔ جس میں ممتاز قوال امانت علی نے سماع کے رنگ پیش کئے۔ دربار شریف پر چادر چڑھائی گئی۔ یہ محفل عرس مبارک دو دن تک جاری رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)آج جامع مسجد شہنشاہ ولایت میں جمعتہ المبارک کے موقع پر ممتاز عالم دین صدر جماعت اہل سنت یو کے پیر سید احمد حسین شاہ ترمذی خصوصی خطاب کریںگے۔ جبکہ پیر سید سعید احمد شاہ گجراتی بھی اس موقع پر موجود ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)جامعہ گجرات کی طلبہ ٹیم نے ویب ڈویلپمنٹ مقابلہ میں حصہ لیتے ہوئے مبلغ پچاس ہزار روپے کا پہلا انعام جیت لیا۔ جامعہ گجرات کی فیکلٹی برائے کمپیوٹنگ و انفارمیشن ٹیکنالوجی کی طلبہ ٹیمNetsTechنے فاسٹ نیشنل یونیورسٹی برائے کمپیوٹر و ایمرجنگ سائنسز لاہور میں منعقدہSOFTECH’17میں شرکت کرتے ہوئے اپنی بہترین کارکردگی اور اعلیٰ علمی و ذہنی صلاحیتوں کو بروئے کار لاتے ہوئے پہلا انعام اپنے نام کر لیا۔ FAST-NUلاہور کیمپس کے زیر اہتمام ہر سال SOFTECHکے نام سے ایک پُر وقار سالانہ تقریب کا اہتمام کیا جاتا ہے۔جس کا بنیادی مقصد انفارمیشن ٹیکنالوجی کا فروغ اور اسکے فوائد کو عوام کے تمام طبقات کے لیے مزید کار آمد بنانا ہوتا ہے۔ ہر سال پاکستان بھر کی یونیورسٹیوں سے طلبا و طالبات ہزاروں کی تعداد میں اس تقریب میں حصہ لیتے ہوئے اپنی اختراعی و جدید ذہنی ایجادات کو پیش کرتے ہیں۔ امسال جامعہ گجرات کی طلبہ ٹیمNetsTechجس میں مرغزار کالج میں جاری ایوننگ پروگرام کے شعبہ انفارمیشن ٹیکنالوجی سے تعلق رکھنے والے طلبہ ابوبکر، عمر خاںاور عاشر علی شامل تھے، نے اعلیٰ کارکردگی کا مظاہر ہ کرتے ہوئے جامعہ گجرات کے نام کو مزید روشن کیا۔ وائس چانسلر پروفیسر ڈاکٹر ضیاء القیوم نے ان طلبہ کو مبارکباد پیش کرتے ہوئے کہا کہ طلبہ کی لیاقت، محنت اور علمی لگن تعلیمی اداروں کا اثاثہ ہوتی ہے۔ پاکستان کے نوجوان طلبہ ہماری قومی ترقی کا درخشاں ثبوت ہیں۔ جامعہ گجرات کے اساتذہ اپنے طلبہ میں لیاقت و ذہانت کے فروغ کے لیے مثالی خدمات سرانجام دے رہے ہیں۔ مجھے واثق اُمید ہے کہ نوجوان طلبا و طالبات پاکستان کی شعبہ جاتی ترقی کا بے مثل نشان راہ ثابت ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)جامعہ گجرات میں تیسرے دو روزہUOGبُک فیئر2017کا انعقاد20سے21مارچ 2017ء کو ہو گا۔ اس بک فیئر میں پاکستان بھر سے تقریباً 31 پبلشرز، بُک سیلرز اور بُک ڈسٹری بیوٹرز شرکت کریں گے اور مختلف علمی و ادبی موضوعات پر اپنی کتابیں فروخت کے لیے پیش کریں گے۔ سالانہUOGبُک فیئر کو جامعہ گجرات کی علمی روایات میں ایک اہم حیثیت حاصل ہے۔ جامعہ گجرات میں منعقدہ بُک فیئر کا بنیادی مقصد طلبا و طالبات میںکتب دوستی اور کتب بینی کے شوق کو فروغ دینا اور انکے ذوق مطالعہ کو مہمیز کرنا ہے۔ چیف لائبریرین سید غلام کاظم علی کے مطابق تیسرےUOGبُک فیئر کے کامیاب انعقاد کے لیے وائس چانسلر پروفیسر ڈاکٹر ضیاء القیوم کی صدارت میں ایک مشاورتی کمیٹی تشکیل دے دی گئی ہے۔ جس میں چیئر مین لائبریری کمیٹی پروفیسر ڈاکٹر محمد مشاہد انور اور ڈائریکٹر ان جامعہ گجرات صاحبزادہ فیصل خورشید، شیخ عبدالرشید، ڈاکٹر محمد فیصل مرزا اور ارشد منظور بوسال شامل ہیں۔ انتظامی کمیٹی میں چیف لائبریرین سید غلام کاظم علی، چیف سکیورٹی افسر راجہ عمر یونس، ڈائریکٹرSSCمحمد یعقوب، سینئر لائبریرین محمد عمران صدیقی اور محمد وارث بھٹی شامل ہیں۔ ترجمان جامعہ گجرات کے مطابقUOGبُک فیئر2017ء کا انعقادقائد اعظم لائبریری حافظ حیات کیمپس کے وسیع و عریض لان میں کیا جائے گا۔کتاب میلہ کے دوران اس امر کا خاص اہتمام کیا جائے گا کہ نمائش میں شامل تمام کتابیں طلبا و طالبات و اساتذہ کو رعایتی نرخوں پر دستیاب ہوں۔ معیاری کتب کو ایک ہی جگہ پر بیک وقت فراہم کرتے ہوئے شوق کتب کی آبیاری کے لیے وسیع مواقع میسر ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈپٹی کمشنر محمد علی رندھاوا نے کہا ہے کہ عزیز بھٹی شہید ہسپتا ل میں مریضوں سے ایک روپیہ پرچی فیس بھی ختم کر دی گئی ہے، ہسپتال میں سہولیات پر پہلے مریضوں بعد میں ہسپتال انتظامیہ کا حق ہے، ڈرگ سٹور میں ہر دوا کی آمد اور اجراء کا کمپوٹرائزڈ ریکارڈ مرتب کیا جائے، ان خیالات کا اظہار انہوںنے عزیز بھٹی شہید ہسپتال کے مختلف شعبہ جات کے دورہ اور ہسپتال کی بہتری کے اقدامات کے جائزہ اجلاس سے خطاب کرتے ہوئے کیا، پرنسپل نواز شریف میڈیکل کالج ڈاکٹر ظفر اقبال گل، ایم ایس ڈاکٹر شاہد معروف، ایگزیکٹو انجینئر انتصار علی رندھاوا، سماجی شخصیت امتیاز کوثر و دیگر بھی موجود تھے۔ ڈپٹی کمشنر نے طویل عرصہ سے بند گائنی وارڈ کے آپریشن تھیٹر کو آئندہ ہفتے سے فنکشنل کرنے ، ، برن یونٹ کے آپریشن تھیٹر میں درکار سامان کی فراہمی اور ٹراما سنٹر کو آپریشنل کرنے کیلئے سڑک کی تعمیر سمیت تمام امور فوری مکمل کرنے کے احکامات جاری کئے۔انہوںنے کہا کہ ٹراما سنٹر اور نیو بلاک کی تعمیر اور فنکشنل ہونے کے بعد عزیز بھٹی شہید ہسپتال 492سے695بیڈ کا ہوجائے گا ، حکومت پنجاب نے ہسپتال کی ادویات کا بجٹ 17کروڑ روپے تک بڑھانے کی اصولی طور پر منظوری دیدی ہے جبکہ ٹراما سنٹر کیلئے ایس این ای بھی منظوری ہو چکی ہے۔ انہوںنے ہدایت کی کہ مریضوں کو پرچی کے اجراء کیلئے کائونٹرز کھلی جگہ پر منتقل کرنے کیلئے منصوبہ بندی کی جائے اور مرد و خواتین کے الگ چار چار کائونٹر بنائے جائیں نیز خراب مشینوں کی فوری مرمت کیلئے اقدامات کئے جائیں۔ڈپٹی کمشنر نے کہا کہ مریضوں کو داخلے کے وقت سے لیکر ڈسچارج کرنے تک بہترین خدمات کی فراہمی پر توجہ دی جائے، ہسپتال انتظامیہ مریض کو وہی کمبل دے جیسا ہم خود استعمال کرتے ہیں، پبلک واش رومز میں صفائی کے ساتھ صابن اور ہینڈ ڈرائیر بھی موجود ہونا چاہیے اس حوالے سے تمام امور کی ذمہ داری ہیڈ نرس کو سونپی جائے۔ انہوںنے ہدایت کی کہ تمام ڈاکٹرز باقاعدہ یونیفارم پہنیں، میڈیکل سٹورز کا ریکارڈ کمپوٹرائز کیا جائے نیز سٹورز کے باہر آگ بجھانے کا سامان بھی نصب کیا جائے ریسکیو1122کا میڈیکل سٹورز کے سٹاف کو اس حوالے سے تربیت بھی فراہم کریگا۔ انہوںنے بلڈنگز ڈیپارٹمنٹ کو ہدایت کی کہ عزیز بھٹی شہید ہسپتال میں مستقبل سٹاف تعینات کیا جائے جو ہر کونے کا جائزہ لے اور جہاں ٹائلز،فرش یا لائٹس خراب ہیں انہیں فوری درست کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)یونیورسل پرائمری اینڈ سیکنڈری مہم کے تحت ضلع گجرات کے سرکاری سکولوں میں داخلوں کا آغاز کر دیا گیا ہے، ڈپٹی کمشنر محمد علی رندھاوا نے گورنمنٹ میونسپل ماڈل گرلز ہائی سکو ل میں ننھے طلبہ و طالبات کے داخلہ فارم پر دستخط کرکے مہم کا آغاز کیا، ڈی ایم او وقار حسین، سی ای او ایجوکیشن طاہر کاشف، ڈی ای اوز رفعت النسائ، محمد پرویز، پرنسپل میڈیم رخسانہ قدیر، اساتذہ کرام بھی بڑی تعداد میں موجود تھے جبکہ سینئر اساتذہ فراز سعید اور مسز مالک نے شمعیں روشن کیں۔ سی ای او ایجوکیشن طاہر کاشف نے بتایا کہ وزیر اعلی پنجاب میاں شہباز شریف کے وژن پڑھو پنجاب بڑھو پنجاب کے تحت گجرات کے سرکاری تعلیمی اداروں میں نرسری کلاس میں طلبہ کے داخلہ کا ہدف 49ہزار759مقرر کیا گیا ہے جبکہ پہلی سے دسویں تک 3لاکھ47ہزار159طلبہ و طالبات کو سکولوں میں داخل کیا جائے گا۔ انہوںنے بتایا کہ ڈسٹرکٹ ایجوکیشن افسران اور ڈپٹی ڈسٹرکٹ ایجوکیشن افسران کی قیادت میں پوری ایجوکیشن ٹیم داخلوں کے اہداف کے حصو ل کیلئے سرگرم ہو چکی ہے، اساتذہ کرام گھر گھر سروے کر رہے ہیں اور سکول جانے کی عمر کے تمام بچوں کے داخلے یقینی بنانے کیلئے بھرپور محنت کی جائے گی۔ ڈپٹی کمشنر محمد علی رندھاوا نے خطاب کرتے ہوئے کہا کہ ملک کے بہتر مستقبل کیلئے نئی نسل کو زیور تعلیم سے آراستہ کرنا نہایت اہم ہے، پڑھو پنجاب، بڑھو پنجاب مہم کی کامیابی کیلئے اساتذہ کرام اور سربراہان ادارہ جات کا کردار نہایت اہم ہے۔ انہوںنے کہا کہ سرکاری سکولوں کے اساتذہ کرام قابلیت میں کسی سے بھی کم نہیں ہمیں ٹیم کی حیثیت سے کام کرنا ہے، دستیاب وسائل کو بہتر طریقے سے بروئے کار لاتے ہوئے سہولیات، کوالٹی ایجوکیشن سمیت ہر میدان میں پرائیویٹ تعلیمی اداروں کا مقابلہ کرنا ہے ۔ انہوںنے ایجوکیشن افسران اور ہیڈ ماسٹرز و ہیڈ مسٹریس پر زور دیا کہ وہ زیر تعلیم طلبہ و طالبات کو بہتر سہولیات کی فراہمی کیلئے وسائل کو منظم طریقے سے استعمال کریں، سکولوں کی حالت زار بہتر بنانے پر توجہ دیں ۔ انہوںنے اس عزم کا اظہار کیا کہ انکی تمام تر سپورٹ ایجوکیشن ٹیم کے ساتھ ہوگی اور ٹیم ورک کے نتیجے میں حکومتی توقعات پر پورا اترا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈپٹی کمشنر محمد علی رندھاوا نے یونیورسل پرائمری اینڈ سیکنڈری ایجوکیشن مہم کی افتتاحی تقریب کے موقع پر شمعیں جلانے کیلئے ہال میں موجود سینئر اساتذہ فراز سعید اور مسز مالک کو سیٹج پر بلایا اور کرسی پر بیٹھنے کی بجائے خود احتراماوہاں کھڑے رہے۔ انہوںنے داخلوں کیلئے آنیوالے بچوں کو گود میں اٹھا کر پیار کیا اور انہیں سکول بیگ اور کتابوں کے تحائف دیے۔ ہال میں موجود افراد نے ڈپٹی کمشنر کی طرف سے اساتذہ کے بھرپور احترام اور بچوں سے پیار کے جذبے کو زبردست سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اسسٹنٹ کمشنر ظہیر عباس چٹھہ نے گرداوری چیکنگ کے دوران غیر حاضری پر 2سرکلز کے پٹواریوں کو شوکاز نوٹس جاری کر دیے ہیں۔ ڈپٹی کمشنر محمد علی رندھاوا کی ہدایت پر اے سی گجرات ریونیو موضع چوپالہ اور کسوکی کی گرداوری کی چیکنگ کیلئے پہنچے تاہم دونوں سرکلز کے پٹواری موقع سے غیر حاضر پائے گئے جس کا سخت نوٹس لیتے ہوئے ان سے تحریری جواب طلب کر لیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اسسٹنٹ کمشنر ظہیر عباس چٹھہ نے بھٹہ خشت پر کمسن بچی سے مشقت کرانے پر بھٹہ خشت مالک کو موقع پر گرفتار کرادیا، انہوںنے مختلف ہسپتالوں اور سکولوں کا بھی دورہ کیا ۔ ڈپٹی کمشنر محمد علی رندھاوا کی ہدایت پر اے سی گجرات ظہیر عباس چٹھہ نے ابشیر برکس نوشہرہ خوجیاں کا اچانک معائنہ کیا جہاں چھ سات سالہ بچی اینٹیں بنا رہی تھی جس کا فوری نوٹس لیتے ہوئے انہوں نے صدر جلالپور جٹاں پولیس کی ٹیم کو موقع پر بلالیا اور مالک محمد اشرف ولد غلام قادر کو گرفتار کرادیا جس کے خلاف مقدمہ درج کر لیا گیا ہے۔ بعد ازاں انہوںنے بی ایچ یو لکھنوال خاص، چوپالہ، کا دورہ کیا وہاں ڈاکٹرز و عملہ کی حاضری، ادویات کا سٹاک چیک کیا اور مریضوں سے سہولیات بارے دریافت کیا۔ اے سی نے گورنمنٹ سکولز چوپالہ، کسوکی کا دورہ کیا اور تدریسی سرگرمیوں کا جائزہ لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ڈسٹر کٹ ا یمر جنسی آ فیسر ریسکیوا نجینئر حا فظ عبد ا لر شید نے بتا یا ہے کہ ریسکیو1122گجرات نے یکم فروری سے ابتک 1168ایمرجنسی کالز پر فوری رسپانس کرتے ہوئے شہریوں کی مدد کی جبکہ 124مریضوں کو مختلف ہسپتالوں میں منتقل کیا گیا۔ انہوںنے بتایا کہ ڈیڑھ ماہ کے عرصہ میں ریسکیو 1122کو مجموعی طور پر 20186کالز موصول ہوئیں جن میں 1168ہنگامی نوعیت کی تھیں ان میں روڈ ٹر یفک حاد ثات ,593میڈیکل429 ،آ گ لگنے کے وا قعا ت 26،جلنے کا 01،کرائم کے 29 وا قعا ت ، ڈوبنے کے 4اور دوسرے 86 وا قعا ت پیش آئے ہیں اس دوران مجموعی طور پر 1196 مر یضو ں کو ریسکیوکیا گیا۔ انہوںنے بتایا کہ محکمہ صحت کی نو ایمبولینسوں کے ذریعے مریضوں کو ایک سے دوسرے ہسپتال منتقلی کی سہولت فراہم کی جارہی ہے اس دوران 108افراد کو گجرات کے مختلف سرکاری ہسپتالوں سے میجر عزیز بھٹی شہید ہسپتال میں منتقل کیا گیا اور 16افراد کو لاہور, گو جر ا نو ا لہ ،جہلم کے مختلف سرکاری ہسپتالوں میں شفٹ کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)اسسٹنٹ کمشنر سرائے عالمگیر آذبہ عظیم نے تحصیل ہیڈ کوارٹرز ہسپتال سرائے عالمگیر کا اچانک دورہ کیا اور ہسپتال کے مختلف شعبہ جات ، ادویات سٹور اور صفائی کی صورتحال کا معائنہ کیا۔ اسسٹنٹ کمشنر نے ہسپتال کی عمارت کے مختلف حصوں سے پانی کا نکاس درست نہ ہونے سے عمارت کے متاثر ہونے کا فوری نوٹس لیا اور پراونشل بلڈنگز کے حکام کو درستگی کیلئے فوری ہدایات جاری کیں۔ انہوںنے ڈاکٹرز و عملہ کی حاضری چیک کی اور صفائی کی صورتحال پر اطمینان کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)گوجرانوالہ الیکٹرک پاور کمپنی (گیپکو) کے چیف ایگزیکٹو چوہدری محمد اکرم نے کہا ہے کہ جوافسر بوگس تصویری میٹر ریڈنگ پر میٹر ریڈر کے خلاف کاروائی نہیں کرگا وہ خود کو نوکری سے فارغ سمجھے ۔ایس ڈی اوز اور ریونیو آفیسر 100فیصد دُرست تصویری ریڈنگ چیک کئے بغیر بجلی کے بلوں کو پرنٹنگ کیلئے نہ بھیجیں۔اِن خیالات کا اظہار انہوں نے سٹی سرکل گوجرانوالہ اور گجرات سرکل آفس کی علیحدہ علیحدہ انسپیکشن کے دوران افسران سے خطاب کرتے ہوئے کیا ۔ اس موقع پر چیف انجینئرز خالد پرویز، ایس ایزلیاقت علی ڈھلوں،عبدالرزاق، ڈپٹی مینجرز میاں محمد عرفان ، محمد آصف قریشی،محمد آصف، نعیم رضا گوندل، محمد جہانگیر رانا،دونوں سرکلز کے ایکسیئنز،ڈی سی ایمز، ایس ڈی اوز، ریونیو افسرز سمیت دیگر افسران بھی موجود تھے۔چیف ایگزیکٹو نے افسران کو ہدیت کی کہ ریکوری کے ٹارگٹ حاصل کرنے کیلئے موجودہ واجبات کی وصولی پر سختی سے عمل کریں ۔ انہوں نے کہا کہ اگر کہیں بجلی کے بلوں میں تاریخ کی توسیع مطلوب ہو تو صارف سے اس تاریخ کا ایڈوانس چیک لیں تاکہ اگر صارف تاریخ میں توسیع کروانے کے بعد بھی بل جمع نہیں کرواتا توریکوری اہداف متاثر نہ ہوں۔چیف ایگزیکٹو نے کہا کہ بجلی چور ی کے ناسور کے خاتمہ اور نادہندگان سے واجبات کی آخری پائی کی وصولی تک چین سے نہیں بیٹھیں گے، افسران بجلی چوروں کے خلاف ایف آئی آر درج کروانے کو اپنی ڈیوٹی کا حصہ سمجھیں اور کسی بھی سفارش یا پریشر کی پرواہ کئی بغیر تمام بجلی چوروں کے خلاف بلا تقریق ایف آئی آر درج کروائیں اس سلسلہ میں کسی بھی قسم کی کوتاہی ناقاابل برداشت ہوگی۔ چیف ایگزیکٹو نے کہا کہ ہمیں کمپنی کا امیج مزید بہتر بنانے کی ضرورت ہے لہذا افسران کسٹمر سروسز کے اصولوں کو مدّنظر رکھتے ہوئے اپنے دفاتر کی صفائی ستھرائی پر خاص توجہ دیں، صارفین کے بیٹھنے اور پانی کا مناسب انتظام کریں ،اُن کے ساتھ خوش دلی اور خوش اخلاقی سے پیش آئیں اور یہاں تک ممکن ہو اُن کے مسائل حل کرنے میں اُن کی مدد کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)پاکستان مسلم لیگ کے مرکزی رہنما چوہدری حسین الٰہی گزشتہ روز بھی بہت مصروف رہے وہ چوہدری ظہور الٰہی ہائوس میں وفود سے ملتے رہے مسلم لیگ سیالکوٹ کے بڑے وفد نے ان سے ملاقات کی نوجوانوں کے وفود نے بھی ملاقاتیں کیں اور حسین لورز میں شمولیت کی خواہش کا اظہار کیا بعدازاں انھوں نے حلقہ کا تعزیتی دورہ کیا وہ بھیلووال گے اور چوہدری ولایت کی بہو اور سیٹھ ظہورالٰہی کی والدہ اور بھاوج کی وفات پر افسوس کیا اور فاتحہ خوانی کی انھوں نے گجگراں میں چوہدری محمد خاں کے بھائی اور چوہدری محمد اکرم کے بھائی ،چوہدری ندیم اختر اور چوہدری شعیب کے والد کی وفات پر مرحومین کے لیے معغفرت کی دعا کی انھوں نے فتح پور میں سید منیر حسین شاہ کے گھر جا کر فاتحہ پڑھی وہ میونوال میں ملک عارف کے گھر گے اور ان کے بھتیجے کی وفات پر فاتحہ خوانی کی انھوں نے چوہدری الیاس آف پیجوکی کے گھر جا کر ان کے برادر ان لا ء کی وفات پر افسوس کیا اور مرحوم کے درجات کی بلندی کی دعا کی چوہدری سعادت نواز اجنالہ،ملک محمد نعیم، چوہدری مشتاق چوہان ،ماسٹر غلام رسول،چوہدری گل شہزاد،ملک مقبول،سید وقاص جعفری ،عمر فاروق بھیہ،چوہدری ریاض شاکر و دیگر بھی ان کے ہمراہ تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)مسلم لیگی رہنما چوہدری محمد اشرف آف ریحان کی صاحبزادی بھی پیا گھر سدھار گئیں رخصتگی کی تقریب معززین کا اکٹھ بن گئی نمایاں شرکا میں مسلم لیگ کے مرکزی رہنما چوہدری حسین الٰہی،چوہدری سعادت نواز اجنالہ،چوہدری نعمان لکھنوال چیئرمین،مرزا شوکت بیگ سابق ناظم،مہر محمد امجد آف ٹھمکہ چیئرمین ،ملک محمد نعیم،چوہدری احسن اقبال،چوہدری محمد عارف سابق کونسلر، چوہدری ضیاء اللہ،چوہدری مدثر،عمر فاروق بھیہ،چوہدری اشرف ودیگر شامل ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)مسلم لیگی رہنما و سابق تحصیل ناظم گجرات چوہدری سعادت نواز اجنالہ نے کہا ہے کہ نئے ڈی سی گجرات نے ترقیاتی کاموں کی نگرانی ہر تحصیل کے اے سی کو سونپ کر بہت اچھا فیصلہ کیا ہے اس طرح کام بھی معیاری ہونگے اورمنصوبے جلد مکمل ہونگے کیونکہ کام ڈی سی اور اے سی کر رہے ہیں لیکن ن لیگ کے ایم پی اے اور ایم این اے آکر خواہ مخواہ اپنے نمبر بنانے کی کوشش کرتے ہیں حالانکہ ترقیاتی کاموں میں ان کا کوئی کردار نہیں ہوتا لیکن منصوبوں پر انگلیاں اٹھا اٹھا کر وہ یوں ہدایات دے رہے ہو تے ہیں جیسے وہی فنڈ لے کر آئے ہوں جمعہ جنج نال بننے والے ایسے فریبیوں سے ڈی سی اور اے سی محتاط رہیں چوہدری سعادت نواز نے مزید کہا کہ سابقہ ڈی سی چٹھہ نے ممبران اسمبلی کو اوقات میں رکھا تھا اور ممبران اسمبلی کو صرف فوٹو سیشن کے لیے ہی بلایا جاتا تھا مگر ہر بار زلیل و رسوا ہو کر ن لیگی ممبران اسمبلی پھر بھی منصوبے اپنے بتانے کی کوشش کرتے رہے ایسے لوگوںسے موجودہ ڈی سی متا ط رہیں چوہدری سعادت نواز اجنالہ نے کہا کہ ہمیں کسی سے زاتی عناد نہیں مگر اتنے خواہشمند ضرور ہیں کہ بے اختیار اور بے حثیت لوگ نمبر ٹانگ مہم میں کامیاب نہیں ہونے چاہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی)ڈی ای او سکینڈری نثار احمد میو کا گورنمنٹ اسلامیہ ہائی سکول ملکہ کا دورہ ۔ہیڈماسٹر چوہدری مست عمران کی شاندار کارکردگی پراطمینا ن کا اظہار ۔انہو ں نے گو ر نمنٹ ا سلا میہ ہا ئی سکو ل ملکہ میں قا ئم میٹر ک کے امتحا نی سنٹر کا بھی دو ر ہ کیا اور ہیڈ ما سٹر چو ہد ر ی مست عمر ا ن کی طر ف سے کیے جا نے و ا لے انتظا ما ت پر اطمینا ن کا ا ظہا ر کیا ۔ بعد میں انہو ں نے سکو ل کے کلا س ر و مز کا معا ئنہ بھی کیا او ر سکول کی صفا ئی اور ڈ سپلن کی بہت تعر یف کی ۔ خصو صا سکو ل گر ا ئو نڈ میں کی گئی پلا ٹنگ اور پلا نٹنگ کی تعر یف کی ۔ انہو ں نے خصو صی طو ر پر کمپیو ٹر لیب ا ور سا ئنس لیب کا معا ئنہ کیا اور انہیں مثا لی قر ا ر دیا اور کہا کہ مجھے دو نو ں لیبز کی تصا و یر بنا کر بھیجیں ۔ تا کہ میں دو سر ے سکو لو ں کو بھی ایسی ہی لیبز بنا نے کا کہو ں ۔ انہو ں نے سکو ل میں قا ئم پر ا نے دو کمر و ں کی ہیڈ ما سٹر چو ہد ری مست عمر ا ن کے لو کل کمیو نٹی کے تعا و ن سے ر ینو و یشن پر انہیں بھر پو ر ستا ئش دی اور مقا می کمیو نٹی کے ما لی تعا و ن کی بھر پو ر تعر یف کی ۔ انہو ں نے گو ر نمنٹ گر لز ہا ئی سکول ملکہ کا بھی دو ر ہ کیا ہیڈ مسٹر یس اور دو سر ے اسا تذ ہ کی کا ر کر دگی پر اعتما د کا ا ظہا ر کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) چیئرمین چوہدری شمیم کوٹلی بجاڑ نے کہا ہے کہ گورنمنٹ فضل داد میٹرنٹی ہسپتال گلیانہ علاقہ کے عوام کی طبی مشکلات حل کرنے میں بہترین خدمات سرانجام دے رہا ہے یہاں پر تعینات لیڈی ڈاکٹر اور تمام عملہ جذبہ خدمت خلق سے سرشار ہو کر اپنی ڈیوٹی کو فرض سمجھ کر سرانجام دے رہا ہے خصوصی طور پر خواتین کے طبی مسائل احسن انداز میں حل ہو رہے ہیں علاقہ کے عوام اور ہم اس ہسپتال کی کارکردگی پر مطمئن ہیں انہوں نے کہا کہ ہم گذشتہ روز ایک قومی اخبار میں ہسپتال بارے منفی خبر شائع ہونے کی پرزور تردید کرتے ہیں اور اپنے صحافی بھائیوں سے التماس ہے کہ وہ براہ کرم پہلے تصدیق کیا کریں اور پھر خبریں لگایا کریں اس طرح کی منفی اور بے بنیاد جھوٹ پر مبنی رپورٹنگ سے جہاں اجتماعی نقصان ہوتا ہے وہاں پر صحافت پر بھی سوال اٹھتے ہیں صحافی ہمارے بھائی ہیں اگر وہ تنقید برائے اصلاح کریں گے تو قبول ہوگی انہوں نے کہا کہ گذشتہ دنوں ضلعی چیئرمین چوہدری محمد علی تنویر کوٹلہ نے بھی اس ہسپتال کا دورہ کیا تھا اور وہ بھی کارکردگی سے مطمئن تھے اور ہسپتال کی چاردیواری کو اونچا کرنے کے لئے گرانٹ کا اعلان بھی کرکے گئے تھے اس کے ساتھ ساتھ ایم پی اے چوہدری شبیر احمد کوٹلہ نے بھی گرانٹ دی ہے یہ ہسپتال بہترین انداز میں اپنی سروسز عوام کو فراہم کر رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) جنرل ہنڈا سنٹر گلیانہ روڈ کھاریاں پر بھی23مارچ یوم پاکستان کے موقع پر فری سروس کیمپ لگایا جائے گا اور صارفین کو بذریعہ قرعہ اندازی قیمتی انعامات دیئے جائیں گے جن میں ہیلمٹ، موبائل فون اور دیگر انعامات شامل ہیں ان خیالات کا اظہار ایگزیکٹو جنرل ہنڈا سنٹر امجد علی ملک نے کیا۔ انہوں نے کہا کہ کمپنی کے انجینئر خدمات سرانجام دیں گے۔ صارفین اس آفر سے بھرپور فائدہ اٹھائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ایم این اے چوہدری عابد رضا، ایم پی اے چوہدری شبیر احمد کوٹلہ اور ضلعی چیئرمین گجرات چوہدری محمد علی تنویر پیر جعفر کے مسائل بھی حل کریں اہل دیہہ نے پرزور اپیل کی ہے کہ ہمارے گائوں کا راستہ، واٹر سپلائی کے نئے پائپ اور بجلی کا بڑا ٹرانسفارمر تاریںضروریات میں شامل ہیں ان مسائل کو بھی حل کیا جائے اس موقع پر میڈیا سے گفتگو کرتے ہوئے اہالیان پیر جعفرامجد حسین امجد، مظہر حسین، منظور حسین، تسلیم حسین، نذیر احمد، ضیغم عباس اور دیگر نے بتایا کہ چوہدری فاروق احمد اور چوہدری ارشد کے دور میں ہمارے گائوں میں ترقیاتی کام ہوئے تھے اس کے بعد ووٹ تو سب نے لئے مگر ہمارے مسائل حل نہیں کئے۔ ایم این اے چوہدری عابد رضا نے ہمارے مسائل حل کرنے کا وعدہ کیا تھا مگر تاحال ایک اینٹ بھی نہیں لگی ہم کوٹلہ برادران سے پرزور اپیل کرتے ہیں کہ ہمارے گائوں کا دورہ کریں اور مسائل کو خود دیکھ کر حل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) 23مارچ یوم پاکستان کے موقع پر حسب سابق نیو سپرآٹوز ہنڈا ایجنسی کھاریاں پر ایک روزہ فری سروس کیمپ لگایا جائے گا جس میں کمپنی کے تربیت یافتہ ماہر کاریگر انجینئر اپنی خدمات سرانجام دیں گے اور اس موقع پر صارفین کو بذریعہ قرعہ اندازی بیش قیمت انعامات بھی دیتے جائیں گے ان خیالات کا اظہار چیف ایگزیکٹو نیو سپرآٹوز ہنڈا ایجنسی جی ٹی روڈ کھاریاں محمد عامر رشید بھٹی نے کیا۔ انہوں نے کہا کہ ہنڈا موٹرسائیکل صارفین کو ایک ہی چھت کے نیچے تمام سہولیات فراہم کر رہے ہیں اور انشاء اللہ یہ سلسلہ آئندہ بھی جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) پاکستان پیپلز پارٹی ضلع گجرات کے صدر چوہدری ضیاء محی الدین کے پارٹی صدارت سنبھالتے ہی کارکنان اور جیالے متحرک ہو گئے۔ چوہدری ضیاء محی الدین ایک عوامی لیڈر ہیں اُن کے کارکنان سے مضبوط رابطے ہیں ہر خاص و عام کے ساتھ رابطے میں رہتے ہیں جس کی وجہ سے پارٹی کا گراف دن بدن اوپر جا رہا ہے چوہدری ضیاء محی الدین نے ضلع گجرات کو ایک بار پھر پیپلز پارٹی کا منی لاڑکانہ بنانے کے لئے دن رات ایک کر رکھا ہے۔ سیاسی پنڈتوں کا کہنا ہے کہ پاکستان پیپلز پارٹی کو کھوئی ہوئی ساکھ دوبارہ بحال کرنے کے لئے چوہدری ضیاء محی الدین جیسے ہی کارکن پرور لیڈر کی ضرورت تھی بلاشبہ چوہدری ضیاء محی الدین ضلع گجرات میں پیپلز پارٹی کی قیادت کے لئے سب سے زیادہ موزوں اور اہل سیاستدان ہیں پارٹی نے اُن کا انتخاب کر کے بہترین فیصلہ کیا ہے اگر چوہدری ضیاء محی الدین نے اسی طرح عام آدمی کے ساتھ رابطہ رکھا اور کارکنان، جیالوں کی حوصلہ افزائی کرتے رہے تو وہ وقت دور نہیں جب ایک بار پھر پاکستان پیپلز پارٹی ضلع گجرات میں کلین سویپ کی پوزیشن میں آ جائے گی۔ توقع کی جا رہی ہے کہ 2018ء کے عام انتخابات میں پاکستان مسلم لیگ(ن) اور پاکستان پیپلز پارٹی کے مابین تگڑا ٹاکرا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) کھاریاں پریس کلب (رجسٹرڈ) کے جوائنٹ سیکرٹری شبیر انجم عمرہ کی سعادت حاصل کرنے کے لئے حرمین شریفین روانہ ہو گئے۔ شبیر انجم نے دوست احباب سے الوداعی ملاقات کی جبکہ دوستوں نے انہیں مکہ شریف اور مدینہ شریف میں خصوصی دعائیں کرنے کا کہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی)ریسکیو 1122 کھاریاں کا عملہ جذبہ خدمت سے سرشار۔ موسمی سختیوں سے بے نیاز اپنے فرائض سرانجام دینے میں مصروف ہیں ۔ مریضوں کو بروقت ہسپتالوں میں پہنچانے میں ریسکیو 1122سروسز کا کوئی ثانی نہیں۔ کھاریاں کے عوام کا کہنا ہے کہ ریسکیو1122کا عملہ خالصتاً اللہ سبحان تعالیٰ کی رضا کے لئے خدمت خلق میں مصروف رہتا ہے عصر حاضر میں پاکستانی قوم کے لئے یہ سروس عطیہ خداوندی سے کم نہیں ہم ریسکیو1122کھاریاں کے انچارج رانا جمشید اور اُن کی پوری ٹیم کو خراج تحسین پیش کرتے ہیں اور توقع کرتے ہیں کہ اُن کی قیادت میں پوری ٹیم مستقبل میں بھی ایسی ہی مثالی کارکردگی کا مظاہرہ کرتی رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) چیئرمین ڈسٹرکٹ کونسل گجرات چوہدری محمد علی نے ڈسٹرکٹ کونسل کے لان میں پودا لگا کر شجرکاری مہم کا آغاز کر دیا۔ اس موقع پر ان کے ہمراہ چیف آفیسر محمد رضوان، ڈی او ریگولیشن خاور گجر، ایکسین چوہدری غلام رسول، ڈی او فنانس افضل بٹ،ڈی ڈی ڈویلپمنٹ منڈی بہائو الدین چوہدری اصغر ، پی ایس او چوہدری شفقات عدالت موجو دتھے۔ اس موقع پر ان کا کہنا تھاکہ درختوں کو زمانہ قدیم سے ہی انسان کے بہترین ساتھی ہونے کا رْتبہ حاصل ہے۔درختوں کی اہمیت و افادیت سے انکار ناممکن ہے۔ زمین پر درختوں کی موجودگی کے بغیر انسانی زندگی کا ارتقاء اور بقا ء ایک مشکل امر تھا۔ درخت باعث برکت، زمین کی زرخیزی اور زمین کو موسمیاتی تغیر و تبدل سے بچانے کا واحد ذریعہ ہیں۔ ماحولیاتی آلودگی پر قابو پانے کے لیے زیادہ سے زیادہ درخت اْگانے کی ضرورت ہے۔ درخت صاف ستھری آب و ہوا مہیا کرتے ہوئے ہمیں جینے کا جواز فراہم کرتے ہیں۔ درختوں کی ایک خاص تہذیبی، سماجی، معاشرتی اور مذہبی حیثیت ہے۔ اس موقع پر تمام شرکا نے اس امر کا عہد کیا کہ وہ زیادہ سے زیادہ درخت اْگانے اور انکی دیکھ بھال کی ذمہ داری نہ صرف خود نبھائیں گے بلکہ اس مقصد کے لیے عوامی و سماجی شعور کی بیداری کے لیے بھی ہر ممکن کوشش بروئے کار لائیں گے۔ درخت ہمارا قومی سرمایہ ہیں۔ موجودہ معیار کے مطابق کسی ملک کی زمین کے کم از کم15فیصد رقبہ پر جنگلات ہونا چاہئیں مگر ہمارے ملک پاکستان میں صرف 4 فیصد رقبہ جنگلات پر مشتمل ہے۔ جنگلات اصلاً زمین کے رکھوالے ہیں۔ درخت زمین پر سورج کے حرارتی دباؤ کو قابو کرنے میں مدد دیتے ہیں۔ بعض ملکوں میں درخت توانائی پید اکرنے کا ذریعہ بھی بن چکے ہیں۔ جنگلات کسی بھی ملک کی معاشی ترقی کا باعث بنتے ہیں۔ دینی لحاظ سے درخت لگانا صدقہء جاریہ ہے۔ درخت ہمارے اردگرد کے ماحول کو جمالیاتی نظارہ سے مزین کرتے ہوئے دھرتی کی خوبصورتی کا باعث ہیں۔ زمین پر درختوں کی دیکھ بھال اور ان کو بچانا ہمارا اخلاقی فریضہ ہے کیونکہ درخت کئی طریقوں سے ہمارے ایکو سسٹم کے توازن کو قائم رکھنے میں مددگار ثابت ہوتے ہیں۔ زندہ قوموں کا شعار درختوں کی تعداد کو گھٹانا نہیں بلکہ بڑھانا ہوتا ہے۔ درخت کثیر فوائد کے حامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) دنیاوی تعلیم کے ساتھ ساتھ قرآن وحدیث پرمبنی تعلیم کاحصول لازمی ہے دینی مدارس سمیت تمام تعلیمی ادارے مل کر میٹرک تک یکساں تعلیمی نصاب بنائیں،ان خیالات کا اظہارسینئرصحافی ،کالم نگار وکالمسٹ کونسل آف پاکستان (سی سی پی) کے مرکزی صدر ایم اے تبسم نے گزشتہ روز مقامی سکول میں ”حصول تعلیم میں درپیش مشکلات ”کے حوالے سے منعقدہ ایک سیمینار میں گفتگوکرتے ہوئے کیا،انہوں نے کہاکہ علم کاحصول ہرمسلمان عورت ومرد پرفرض ہے تعلیم کا مقصد صرف حصول معاش ہی نہیں بلکہ انسان بناناہے،ایم اے تبسم نے کہا کہ ملک میں کرپشن اور دیگر پریشانیوں کاازالہ اسوقت ہی ممکن ہے جب تعلیم وتربیت کابہترنظام موجودہوگا،انہوں نے کہاکہ یونیورسٹیوں میں تعلیم وتربیت کافقدان ہے ،یہاں سے اچھے انسان بنا کرنوجوانوں کونکالنے کی ضرورت ہے ، ایم اے تبسم نے کہاکہ سٹرکیں اوردیگرترقیاتی کام اپنی جگہ لیکن معاشرہ وہی ترقی کرسکتاہے جوتعلیم یافتہ ہوگا ،انہوں نے کہاکہ بجٹ میں زیادہ سے زیادہ فنڈز تعلیم کیلئے رکھنے چاہئیں اوراضلاع کو ان کی ترجیحات کے مطابق فنڈز بھی مہیاکرنے چاہیے، ایم اے تبسم نے کہاکہ پاکستان بھرمیں تعلیمی بجٹ کو بڑھاناہماری ترجیح ہونی چاہیے ،انہوں نے کہاکہ پالیسی میکرز نے تعلیم پرتوجہ نہیں دی ماضی کی حکومتوں نے تعلیم کونظرانداز کیاموجودہ حکومت بھی تعلیم پرتوجہ نہیں دے پارہی جس کاتقاضا وقت کررہاہے۔ایم اے تبسم نے کہاکہ سب سے پہلے تعلیم اس کے بعد دوسری ترقی ہونی چاہیے انہوں نے کہاکہ اگرایک دانش سکول بنایاہے تو تمام بچوں کیلئے دانش سکول جیسے معیار ی تعلیمی ادارے بناناحکومت کی ذمہ داری بنتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)پاکستان مسلم لیگ ق لاہور کے سیکرٹری اطلاعات ناصررمضان گجر نے کہا ہے کہ شوگر مافیا کی ایما پر چینی بیرون ملک بھیجی گئی تو ملک میں چینی کا بحران پیدا ہوجائے گا انہوںنے کہا کہ اگر چینی وافر مقدار میں ملک میں موجود ہے تو اس کی قیمتیں کم کیوں نہیں ہورہیں اور اس مناپلی میں کون کون ملوث ہے اس کی نشاندہی کی جائے ۔انہوںنے کہا کہ چینی باہر بھیج کر رمضان المبارک میں مہنگی کرنے کا منصوبہ بنایا جارہا ہے اوررمضان میں عوام کو دونوں ہاتھوں سے لوٹا جائے گا ان خیالات کا اظہار انہوںنے مسلم لیگ ہائوس میں کارکنوں سے گفتگو کرتے ہوئے کیا ۔ناصر رمضان گجر نے کہا کہ طاقتور شوگر مافیا جس میں اہم حکومتی افراد بھی شامل ہیں نے ملک میں چینی مہنگے داموں فروخت کرنے اور برآمد کرنے کے نام پر وفاقی حکومت سے 8ارب50کروڑ روپے سبسڈی کی مد میں وصول کیے اور کھاپی کر ہڑپ کرگئے جبکہ عوام مہنگی چینی استعمال کرتے رہے اور بالآ خر عدالت عالیہ حرکت میں آئی اور اس کے احکامات پر شوگر مافیا کو لگام دی گئی اور چینی کی قیمتوں میں کچھ نہ کچھ کمی واقع ہوئی لیکن اس کے اگلے سال ہی پھر چینی کی قیمتیں بے لگام ہوگئیں جو آج تک بے لگام ہیں۔انہوںنے کہا کہ شریف حکومت نے 8ارب 50کروڑ روپے سبسڈی کی مد میں2015اور2016میں ادا کئے جس کی باقاعدہ اجازت ای سی سی سے لی گئی تھی شوگر مافیا کو شریف حکومت نے ابتدائی سال میں شوگر برآمد کرنے کیلئے13روپے فی کلو سبسڈی فراہم کی جبکہ حکومت کے دوسرے سال10روپے فی کلوگرام سبسڈی فراہم کی گئی شوگر مافیا کو سبسڈی8ارب 50 کروڑدینے کی سمری وزارت تجارت کو ارسال کی گئی جس کی منظوری وزیر تجارت خرم دستگیر نے دی جبکہ وزیر خزانہ اسحاق ڈار نے اس سمری کی فوری اجازت دے کر اربوں روپے شوگر مافیا جس میں سیاستدان اور حکمران طبقہ کے افراد شامل ہیں ادا کیے گئے اب پھر اسی طرح کی کوشش شروع کی جارہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)پاکستان مسلم لیگ پنجاب کے چیف آرگنائزر محمدبشارت راجہ نے کہا ہے کہ عوام کو میٹروبس، میٹرو ٹرین ،موٹر وے اور پلوں کی بجائے بنیادی سہولیات کی فراہمی یقینی بنائے جائے انہوںنے کہا کہ حکمران اپنا علاج لندن اور بیرون ملک کروائے رہے ہیں جبکہ عوام اپنے علاج کے لیے ہسپتالوں میں دربدر ہورہے ہیں ۔عام آدمی کو ہسپتالوں میں بہتر علاج کی سہولیات میسر نہیں ایک ایک بیڈ پر دو دو تین تین مریض پڑے ہیں جنہیں ہسپتالوں میں دوائی تک دستیاب نہیں انہوںنے کہا کہ موٹر وے کا فائدہ صرف ان کو ہے جن کے پاس گاڑیاں ہیں عام آدمی کی ضرورت بنیادی ضروریات صاف پانی، ہسپتالوںمیںبروقت اور بنیادی سہولیات کی فراہمی ہے ان خیالات کا اظہار انہوںنے گوجرہ ٹوبہ ٹیک سنگھ میں مسلم لیگ یوتھ ونگ کے زیراہتمام ورکرز کنونشن سے خطاب کرتے ہوئے کیا ۔ورکر ز کنونشن سے یوتھ ونگ پنجاب کے صدر ذوالفقار پپن،جنرل سیکرٹری فراز اعوان اور ضلعی صدر افضل چیمہ عرف مٹھو چیمہ نے بھی خطاب کیا۔مقررین نے کہا کہ مشکل وقت میں پارٹی پرچم سربلند رکھنے وایل پارٹی اور قائدین کیلئے سرمائے کی حیثیت رکھتے ہیں ۔انہوںنے کہا کہ عوام پانامہ لیکس کے فیصلے کا انتظا ر کررہے ہیں جس سے حکمرانوں کی کرپشن عوام پر واضح ہوجائے گی ۔مقررین نے کہا کہ میگا پراجیکٹ عوام کیلئے نہیں بلکہ کمیشن کے لیے شروع کیے جارہے ہیں جن کا عام آدمی کے مفاد سے دور کا بھی تعلق نہیں انہوںنے کہا کہ لاہور شہر میں ہسپتالوں میں علاج میسر نہیں ہسپتالوں کی دہلیز پر عوام علاج نہ ہونے پر اپنی جانیں دے رہے ہیں اس شہر میں پلوں، سڑکوں اور ترقی کا کیا فائدہ جس شہر میں عوام کو علاج معالجہ کی سہولیات میسر نہ ہوں ۔عوام صاف پانی کو ترس رہے ہیں جبکہ حکمران دوبارہ اقتدار میں آنے کیلئے قرض در قرض لیکر میگا پراجیکٹ شروع کرکے آنے والی نسلوں کو قرضوں میں پھنسارہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)پاکستان مسلم لیگ ق کے راہنما و جوائنٹ سیکرٹری پاکستان مسلم لیگ لاہور میاں کامران سیف نے کہا ہے کہ بین الاقوامی سطح پر پٹرولیم مصنوعات میں کمی کی بناء پر ملک میں بھی 7روپے فی لیٹر تک کمی کرکے عوام کو ریلیف دیا جائے انہوںنے کہا کہ حکومت پٹرولیم مصنوعات پر پٹرولیم لیوی اور سیلز ٹیکس جو دنیا بھر میں پاکستان میں سب سے زیادہ ہے فی الفور واپس لیا جائے تاکہ عوام کو پٹرولیم مصنوعات میں کمی کا حقیقی ریلیف مل سکے انہوںنے کہا کہ اگر حکومت کے جگا و دیگر ٹیکسز کا خاتمہ ہوجائے تو عوام کو 50روپے فی لیٹر تک پٹرول دستیاب ہوسکے گا ان خیالات کا اظہار انہوںنے مسلم لیگ ہائوس میں کارکنوں سے گفتگو کرتے ہوئے کیا ۔میاں کامران سیف نے کہا کہ بین الاقوامی سطح پر پٹرولیم مصنوعات کی قیمتیں 50ڈالر فی بیرل سے نیچے ہیں اس لیے پاکستانیوں کو بھی کمی کا ریلیف7روپے تک قیمتیں کم کرکے دیا جائے کیونکہ حال ہی میں تین بار پندرہ پندرہ یوم کے بعد پٹرولیم مصنوعات میں اضافہ کیا جاتا رہا ہے اب جبکہ قیمتیں کم ہیں حکومت خاموش تماشائی بن کر عوامی ریلیف میں ڈنڈی مار رہی ہے جو عوام سے ناانصافی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)گیس کمپنیوں کے نقصانات تشویشناک حد تک بڑھ گئے ہیں اور اگر صورتحال بہتر کرنے کیلئے ہنگامی اقدامات نہ کئے گئے تو یہ دیوالیہ ہو جائیں گی۔ گیس نیٹ ورک میں لیکج اور چوری کے خاتمہ کیلئے فوری اقدامات کئے جائیں ورنہ گیس کمپنیوں کو دیوالیہ ہونے سے بچانے کیلئے گیس کی قیمت میں مسلسل اضافہ کرنا ہو گا جس سے عوام اور کاروباری برادری کی مشکلات بڑھیں گی جبکہ ٹیکسٹائل کی برامدات پر کاری ضرب پڑے گی۔نقصانات روکنے کیلئے جدید ٹیکنالوجی اور دیگر طریقے اپنائے جائیں۔ اسلام آباد چیمبر آف کامرس کے سابق صدرعاطف اکرام شیخ جو پی وی ایم اے کے چئیرمین بھی رہے ہیں نے یہاں جاری ہونے والے ایک بیان میں کہا کہ ملک بھر میں سپلائی کی جانے والی گیس کا تقریباً پندرہ دفیصد ضائع ہو رہا ہے جسے اگر بچایا جائے تو اینگرو فرٹیلائیزر کی استعداد کے چار کارخانے چلائے جا سکتے ہیں جنھیں سالانہ کم از کم اسی ارب کا منافع بھی ہو گا۔ اس ضائع ہو جانے والی گیس سے 2400 میگاواٹ کا بجلی گھر چلایا جا سکتا ہے جس کی فی یونٹ پیداواری لاگت پانچ روپے ہو گی جبکہ فرنس آئل کی پیداواری لاگت بارہ روپے جبکہ ایل این جی کی پیداواری لاگت آٹھ روپے فی یونٹ ہے۔ عاطف اکرام شیخ نے کہا کہ 2011 میںسالانہ 120 ارب مکعب فٹ گیس ضائع ہو رہی تھی جو 2015 میں بڑھ کر 145 ارب مکعب فٹ ہو گئی۔ سوئی سدرن کے نقصانات 2011 میں سات فیصد تھے جو اب پندرہ فیصد سے زیادہ ہیں جبکہ سوئی نادرن کے نقصانات 13 فیصد سے زیادہ ہو گئے ہیں۔ دونوں کمپنیاں اپنے نقصانات کا اوسطاً ساٹھے آٹھ فیصد عوام سے وصول کر رہے ہیں جس میں مزید اضافہ کیا جا رہا ہے جو زیادتی اور ملکی مفادات سے متصادم ہے۔
