کوٹلہ ارب علی خاں (پریس ریلیز) ڈسٹرکٹ چیئرمین چوہدری محمد علی تنویر کا CEOہیلتھ کے ہمراہ سرکاری ہسپتالوں کا دورہ۔ سول ہسپتال کوٹلہ، بنیادی مرکز صحت گوچھ، دلاورپور، فرخ پور، منڈاہڑ اور میٹرنٹی ہسپتال گلیانہ کا دورہ کیا اور سہولیات کا جائزہ لیا۔ ان کے ہمراہ ڈی ایچ اور ڈاکٹر زاہد تنویر، پی ایس او ٹو ضلعی چیئرمین چوہدری شفقات عدالت بھی تھے۔انھوں نے تمام ہسپتالوں کے میڈیسن سٹور ،بلڈنگز اور لان کا تفصیلی وزٹ کیا ۔ اس موقع پر چوہدری محمد علی تنویر کا کہنا تھاکہ ہم سب نے مل کر اداروں کو مظبوط کرنا ہے۔تمام کمیونٹی کے سرکردہ افراد سے گذارش ہے کہ وہ اپنے سرکاری ہسپتالوں کا دورہ کیا کریں اور عملے کے ساتھ مل کر تمام اشیاء کو پورا کریں۔ تمام سٹیک ہولڈرز کے ساتھ مل کر عملہ لوگوں کی خدمت میں کوئی کسر نہ چھوڑے ۔ ان کا مزید کہنا تھاکہ اگر کسی بھی ہسپتال میں کوئی بھی مسئلہ ہے خواہ وہ عملے کا ہو خواہ سہولیات کا ہم اس کو پورا کریں گے۔ تمام مخیر حضرات اپنے ذرائع نمودو نمائش کی بجائے ہسپتالوں میں سہولیات کو بہتر کرنے کیلئے استعمال کریں۔ میں روزانہ کی بنیادوں پر تمام ہسپتالوں کی کارکردگی کا جائزہ لینے کے لئے انچارجز سے رابطے میں رہوں گا۔ ہسپتالوں میں بننے والی ہیلتھ کونسلز اپنا فعال کردار ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خاں (پریس ریلیز) ڈسٹرکٹ چیئرمین چوہدری محمد علی تنویر زیر تعمیر سڑکوں کا دورہ۔ انہوں نے باریک بینی سے تمام میٹریل کا جائزہ لیا اور استعمال ہونے والے پتھر کو غیر معیاری ہونے کی بنا پر اور نان فیزیبل پتھر کا نوٹس لے لیا۔ سیکرٹری ورکس اینڈ سروسز ڈیپارٹمنٹ کو استعمال شدہ میٹریل کی جانچ پرکھ کر کے سرکاری معیار کے مطابق استعمال ہونے کے حوالے سے خط لکھ دیا۔ اس موقع پر ان کا کہنا تھاکہ ہم کسی بھی منصوبے میں غیر معیاری اشیاء استعمال نہیں ہونے دیں گے۔ عوام کے خون پسینے سے مکمل ہونے والے منصوبے کسی کرپٹ اور بددیانت فرد کے حوالے نہیں کر سکتے۔ تمام لوگوں کو چاہئے کہ اپنے اردگرد تعمیر ہونے والے کسی بھی منصوبے کے معیار پر کوئی سمجھوتہ نہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خان(چوہدری فیصل گجر)رہنما مسلم لیگ ق چوہدری شاہد رضا کوٹلہ کا حلقہ کا تعزیتی دورہ،وفدکے ہمراہ چوہدری افضال اکبر چیچی کی والدہ محترمہ ،چوہدری اشرف ریحانیہ کی والدہ محترمہ کی وفات پران کی رہائش گاہ پر جاکر فاتحہ خوانی کی۔اس موقع پر چوہدری شاہد رضا نے چوہدری افضال اکبر چیچی کی والدہ محرمہ کی وفات پر اظہار تعزیت کرتے ہوئے کہا کہ ہم دکھ کی اس گھڑی میں چوہدری افضال اکبرچیچی کے غم میں برابر کے شریک ہیں۔اللہ تعالیٰ مرحومہ کے درجات بلند کرے اور جوار رحمت میں جگہ عطافرمائے۔اس موقع پر راجہ فیاض ممتاز سریعہ،راجہ حق نواز بابر،حاجی فضل حسین پہاڑے،راجہ عامر وہاب شیخ پور،مولوی بلال شام پور،مرید حسین،ملک فاروق اعوان سمرالہ،ودیگر بھی ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خان(چوہدری فیصل گجر)رہنما پاکستان پیپلز پارٹی راجہ ندیم اختر ٹھوٹھہ رائے بہادر نے چوہدری ضیاء محی الدین کو ضلعی صدارت ملنے پر دلی مبارکباد پیش کی ہے اور نیک خواہشات کا اظہار کیا ہے ۔انہوںنے کہا کہ چوہدری ضیاء محی الدین ایک منجھے ہوئے سیاست دان ہیں ۔وہ ضلع گجرات میں پاکستان پیپلز پارٹی کی مضبوطی اور کارکنان کے متحد کرنے کے لئے اپنی تمام تر صلاحتیں برئوے کار لائیں گے۔انہوںنے کہا کہ ہم ضلع کی کمان سنبھالنے پردلی مبارکباد پیش کرتے ہیںاور اعلیٰ قیادت کو بہترین انتخاب پر بھر پور خراج تحسین پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خاں (پریس ریلیز) ممبر قومی اسمبلی چوہدری عابد رضا کوٹلہ وزیر بلدیات منشاء اللہ بٹ کی عیادت کیلئے لاہور میں انکی رہائش گاہ پر گئے انکی خیریت دریافت کی اور انکی صحت یابی کیلئے دعا کی۔
