پاکستان کے جمہوریت پسند عوام پیپلزپارٹی کودیوار سے لگانے کی سازش کامیاب نہیں ہونے دیں گے
لاہور( پی پی سی) پیپلز پارٹی جنوبی پنجاب کے سیکرٹری اطلاعات اور سابق ڈپٹی اپوزیشن لیڈر شوکت بسرا نے کہا ہے کہ پیپلزپارٹی کی مضبوطی سے پاکستان مضبوط ہو گا۔ ایک بیان میں انہوں نے کہا کہ پاکستان کے جمہوریت پسند عوام پیپلزپارٹی کودیوار سے لگانے کی سازش کامیاب نہیں ہونے دیں گے۔ عوام نے انتخابات میں ذوالفقار بھٹو کے پیروکاروں کو مینڈیٹ دیا جو ملی بھگت سے چوری کر لیا گیا۔ تعجب ہے کشکول بردار حکمران عوام کو بیوقوف بنانے کیلئے معاشی انقلاب کا مژدا سنا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آصف علی زرداری بہادر، جرات مند، معاملہ فہم، فرض شناس، محب وطن انسان ہیں، قاضی احمد سعید
لاہور(پی پی سی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ آصف علی زرداری بہادر، جرات مند، معاملہ فہم، فرض شناس، محب وطن انسان ہیں جنہوں نے مفاہمت کی سیاست کر کے ملک میں جمہوریت کا تسلسل برقرار رکھا اور جمہوری اداروں اور روایات کو مضبوط کیا ایک بیان میں انہوں نے کہا کہ اب آصف علی زرداری اس تدبر سے پیپلز پارٹی کو فعال بنائیں گے کیونکہ ان پر سے آئینی حد بندی ختم ہو ہو چکی ہے وہ بھرپور طریقے سے پارٹی کے لئے اقدامات کریں گے، آصف علی زرداری نے لاہور سے اس مہم کا آغاز کر کے معاملہ فہمی کا ثبوت دیا ہے پیپلز پارٹی ان کی قیادت میں کم بیک کرے گی اور اگلے انتخابات میں سارے حساب چکائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب سے جلد ڈینگی کا خاتمہ ہو جائے گا: کنول نعمان
لاہور( پی پی سی) پاکستان مسلم لیگ ن کی رکن پنجاب اسمبلی کنول نعمان نے کہا ہے کہ وزیر اعلیٰ پنجاب شہباز شریف نے ڈینگی مکائو مہم کو جس سائنسی طریقہ سے شروع کیا ہے بہت جلد اس موذی مرض سے چھٹکارہ حاصل ہو جائے گا، ایک بیان میں انہوں نے کہا کہ مسلم لیگ ن نے حکومت سنبھالتے ہی ترجیحی بنیادوں پر ملک سے لوڈشیڈنگ کے خاتمہ پر کام شروع کر رکھا ہے مسلم لیگ ن کی حکومت بجلی پیدا کرنے کے روایتی ذرائع سے ہٹ کر متبادل طریقوں سے بجلی کے حصول پر کام کر رہی ہے، انہوں نے کہا کہ خادم اعلیٰ پنجاب عام آدمی کی بحالی اور خوشحالی کے خواہاں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مضبوط جمہوری نظام کیلئے جدوجہد جاری رکھیں گے : نرگس فیض
لاہور(پی پی سی )پاکستان پیپلزپارٹی کی سابق رکن پنجاب اسمبلی نرگس فیض ملک نے کہا ہے کہ پیپلز پارٹی مضبوط جمہوری نظام اور عوام کو معاشی انصاف کی فراہمی تک جد وجہد کرے گی ایک بیان میں انہوں نے کہا کہ سیاسی جماعتوں کو ان اصول و اقدار کو ساتھ لیکر چلنا ہوگا جن کے نتیجے میں پاکستان قائم ہوا، انہوں نے کہ پیپلز پارٹی نے ہمیشہ عوام کے مفادات کی جنگ لڑی ہے اور آئندہ بھی انہیں اصولوں پر عمل پیرا رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعظم بحران زدہ پاکستان کیلئے نجات دہندہ ہیں : عبدالغفور
لاہور(پی پی سی ) سابق صوبائی وزیر پلاننگ اینڈ ڈویلپمنٹ چوہدری عبد الغفور خاں نے کہا ہے کہ وزیر اعظم میاں نواز شریف بحران زدہ پاکستان کیلئے نجات دہندہ ہیں، وزیر اعظم میاں نواز شریف نے نازک حالات کی نبض پرہاتھ رکھتے ہوئے پاکستان کوبندگلی سے نکال کردرست ٹریک پرڈال دیا ہے، ایک بیان میں انہوں نے کہا کہ بجلی کی طلب اور رسد کا فرق ختم کرنا، سستی بجلی بنانااوربجلی چوری روکنا وفاق کی توانائی پالیسی کامحورہے پاکستان کودرپیش کوئی ایک بھی چیلنج ہماری قیادت کی نگاہوں سے اوجھل نہیں ہے، پاکستان میں معاشی سرگرمیوں کے فروغ کیلئے کراچی اور گوادر کی بندرگاہوں کافعال بنانے میں کوئی کسر نہیں چھوڑی جائے گی۔ کراچی میں بدامنی کی بدترین صورتحال درآمدات اوربرآمدات کی راہ میں بڑی رکاوٹ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ویمن پیکیج 2012 کے ثمرات پہنچانے کیلئے اقدامات جاری ہیں : حمیدہ وحیدالدین
لاہور (پی پی سی) وزیر برائے ترقی خواتین پنجاب حمیدہ وحیدالدین نے کہا ہے کہ جنوبی پنجاب کی خواتین تک ویمن پیکیج 2012 کے ثمرات پہنچانے کے لئے اقدامات کئے جارہے ہیں۔ وہ ڈیرہ غازیخان، علی پوراور بہاولپور کے دورے کے موقع پر مختلف وفود اور میڈیا سے گفتگو کررہی تھیں۔ بہاولپور سے رکن پنجاب اسمبلی فوزیہ ایوب قریشی، ایم این اے صبیحہ نذیراور پروین بھٹی، رحیم یار خان سے زیب جعفر، جعفر اقبال اور دیگر سے گفتگو کرتے ہوئے صوبائی وزیر نے کہا کہ جنوبی پنجاب کے علاقوں کو ترقی یافتہ علاقوں کے برابر لانے کے لئے بجٹ میں خطیر رقم مختص کی گئی ہے۔ خواتین کی فلاح و بہبود کے لئے مختلف منصوبوں پر کام جاری ہے۔ ملازمت پیشہ خواتین کے لئے ورکنگ ویمن ہاسٹلز اور ان کے کم سن بچوں کے لئے ڈے کیئر سینٹر قائم کئے جارہے ہیں۔ انہوں نے کہا کہ خواتین کو وراثت میں حصے کے لئے تمام اضلاع کی انتظامیہ کو خصوصی ہدایات جاری کردی گئی ہیں نیز وہ دوران ملازمت ہراساں کئے جانے پر فوری طور پر قائم کمیٹی اورصوبائی خاتون محتسب کو شکایت درج کروا سکتی ہیں۔ حمیدہ وحیدالدین نے کہا کہ خواتین کی شمولیت کے بغیر معاشرہ ترقی نہیں کرسکتا۔ ایک خاتون کی تعلیم کا مطلب پوری نسل کو تعلیم یافتہ بنانا ہے۔ صوبائی وزیر نے خواتین کے حقوق کے متعلق ضلع کونسل ہال میں آگاہی سیمیناروں سے بھی خطاب کیااور ورکنگ ویمن ہاسٹل کا دورہ کیا۔ صوبائی وزیر نے بعدازاں زیب جعفر، جعفر اقبال اور فوزیہ ایوب قریشی کے عصرانے میں شرکت بھی کی۔قبل ازیں حمیدہ وحیدالدین نے ڈیرہ غازیخان میں کمشنر اور ریجنل پولیس آفیسر سے بھی ملاقات کی اور خواتین کی ترقی کے حوالے سے مختلف فلاحی منصوبوں پر تبادلہ خیال کیا۔ اس موقع پر ڈائریکٹر محکمہ ترقی خواتین معین اختر بھی ان کے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہری گھر کی دہلیز پر محفوظ ہیں نہ مارکیٹوں بازاروں میں ‘سیکرٹری اطلاعات لاہور
لاہور(پی پی سی ) پاکستان مسلم لیگ لاہور کے سیکرٹری اطلاعات ناصر رمضان گجر نے کہا ہے کہ سٹریٹ کرائم اور ڈکیتیوں میں دن بدن اضافہ ہو رہا ہے، شہری گھر کی دہلیز پر محفوظ ہیں اور نہ مارکیٹوں بازاروں میں، ہر روز لاہور جیسے شہر میں 30 سے 40 ڈکیتی کی وارداتیں ہو رہی ہیں اور ڈکیت کروڑوں روپے لے کر سہولت کے ساتھ فرار ہو جاتے ہیں۔ انہوں نے کہا کہ اس سے پہلے کہ کراچی کی طرح لاہور میں بھی جرائم پیشہ عناصر اپنی جڑیں مضبوط کر کے نظام زندگی مفلوج کردیں انہیں پوری ریاستی طاقت کے ساتھ کچل دیا جائے۔ انہوں نے کہا کہ بڑے پیٹ والے میٹرک پاس سب انسپکٹروں کو گولڈن شیک ہینڈدے کر آرام کا مشورہ دیا جائے اور ان کی جگہ پڑھے لکھے تربیت یافتہ مستعد نوجوانوں کو دی جائے۔ پولیس کا سروس سٹرکچر بھی فوج جی طرز پر بنایا جائے اور پولیس کو جدید تربیت کے ساتھ ساتھ جدید سازوسامان بھی دیا جائے۔
Related Posts
