ایڈوکیٹ جنرل پنجاب مصطفی رمدے کے ہاں بیٹے کی پیدائش جسٹس (ر) خلیل الر حمن رمدے داد بن گئے
لاہور(پی پی سی)ایڈوکیٹ جنرل پنجاب مصطفی رمدے کے ہاں بیٹے کی پیدائش جسٹس (ر) خلیل الر حمن رمدے داد بن گئے ۔ بتایا گیا ہے کہ لاہور میں ایڈوکیٹ جنرل پنجاب مصطفی رمدے کے بیٹے کی پیدائش ہوئی ہے جس پر وکلاء سمیت مختلف شعبہ ہائے زندگی سے تعلق رکھنے والے افراد نے انہیں مبارکبادیں دی ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایف بی آرکی ریلوے سے واجبات وصولی کیلئے کارروائی تیز
لاہور (پی پی سی) فیڈرل بورڈ آف ریونیو نے پاکستان ریلوے سے اکتیس کروڑ نوے لاکھ روپے واجبات وصولی کیلئے کارروائی تیز کردی۔ذ را ئع کے مطابق ایف بی آر نے چیف کمشنر لارج ٹیکس پئیر یونٹ لاہور کو ہدایت کی ہے کہ پاکستان ریلوے سے اکتیس کروڑ نوے لاکھ روپے ٹیکس واجبات کی بلاتاخیر وصولی ممکن بنائی جائے۔ چئیرمین ایف بی آر نے دیگر سرکاری اداروں سے بھی ٹیکس واجبات کی جلد ازجلد وصولی کی ہدایت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کویت سے لاہور آنیوالی پاکستان ایئر لائن کی پرواز سے عین لینڈنگ کے دوران پر ندہ ٹکرا جانے سے طیارے کے انجن کو شدید نقصان گرا ئونڈ کر دیا گیا
لاہور(پی پی سی) کویت سے لاہور آنیوالی پاکستان ایئر لائن کی پرواز سے عین لینڈنگ کے دوران پر ندہ ٹکرا جانے سے طیارے کے انجن کو شدید نقصان جبکہ طیارے کو گرا ئونڈ کر دیا گیا ہے۔ بتایا گیا ہے کہ عید کے روز کو یت سے لاہور آنیوالی پی آئی اے کی پرواز206طیارے سے پر ندہ ٹکڑا گیا جسکے بعد پا ئلٹ نے طیارے کو با حفاظت اتار لیا جسکی وجہ سے تمام مسافر خر یت سے طیارے سے با ہر آگئے ہیں تاہم طیارے کو گرائونڈ کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاک بھارت لائن آف کنٹرول پر کشیدگی کے باعث دونوں ملکوں کے درمیان جاری تجارتی مذاکرات میں تعطل کا خدشہ
لاہور/نئی دہلی(پی پی سی) پاک بھارت لائن آف کنٹرول پر کشیدگی کے باعث دونوں ملکوں کے درمیان جاری تجارتی مذاکرات میں تعطل کا خدشہ۔بھارتی وزارت تجارت کے مطابق دونوں ملکوں کے درمیان سرحدی کشیدگی بلاشبہ تجارتی تعلقات کی راہ میں رکاوٹ بنے گی جبکہ پہلے ہی جنوری میں سرحدی کشیدگی کے بعد سے پاک بھارت تجارتی تعلقات اور بحالی کا عمل سست روی کا شکار ہے، دونوں ملکوں کے درمیان ہونے والے سیکریٹری تجارت کے مذاکرات بھی کھٹائی میں پڑتے دکھائی دے رہے ہیں، بھارتی حکام کے مطابق پاکستان سے تجارت کے لئے ترجیحی ملک کا درجہ نہ ملنا بھی بھارت کے لئے اہم مسئلہ ہے، بھارت پاکستانی منڈیوں میں آسان رسائی چاہتا ہے، لیکن پاکستان نے ابھی تک بھارت کو ایم ایف این اسٹیٹس نہیں دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(ن) لیگ قیادت کے’تجر بے نے ملک کو دہشت گردی بجلی کی لوڈشیڈ نگ مہنگائی اور بے رو زگاری کے سواکچھ نہیں دیا
لاہور(پی پی سی)پاکستان پیپلز پارٹی کے سینیٹر جہانگیر بدر نے کہا ہے کہ(ن) لیگ کو اپنی پا لیسوں کی وجہ سے کسی سیاسی دشمن کی ضرورت نہیں ‘(ن) لیگ قیادت کے ”تجر بے ‘نے ملک کو دہشت گردی ‘بجلی کی لوڈشیڈ نگ ‘مہنگائی اور بے رو زگاری کے سواکچھ نہیں دیا ۔ اپنے ایک انٹر ویو میں سینیٹر جہانگیر بدر نے کہا کہ (ن) لیگ نے اقتدار میں آنے سے پہلے قوم سے بہت بڑے بڑے وعدے کیے مگر جب سے اقتدار میں آئے ہیں کسی ایک وعدے پر بھی عمل نہیں ہو سکا بلکہ آج ملک میں دہشت گردی ‘بجلی کی لوڈشیڈ نگ ‘مہنگائی اور بے رو زگاری میں خطر ناک حد تک اضافہ ہو چکا ہے اور حکمران عوام کو صرف تسلیاں دینے میں مصروف ہیں۔ انہوں نے کہا کہ (ن) لیگ کی حکو مت کی 2 ماہ کی کا رکردگی کی ہی اسکی تباہی کیلئے کا فی میں سمجھتاہوں کہ ان کو کسی سیاسی دشمن کی ضرورت نہیں اور آج قوم بھی حکمران سے تنگ آچکے ہیں اور وہ حکمران سے نجات کیلئے دعائیں مانگ رہے ہیں۔ انہوں نے کہا کہ حکو متی محکموں کی بحالی کے نام پر کرپشن کے بازار سجا دئیے گئے ہیں موجودہ حکومت کا سیاسی مستقبل زیرو ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عید کے پہلے اور دوسرے روز کی طر ح عید کے تیسرے اور آخری روز بھی ملک بھر کے مختلف شہروں میں بچے، عورتیں اور مرد تفریحی مقامات پہنچ گئے
لاہور/اسلام آباد /کر اچی (پی پی سی)عید الفطر کے آخری دن اتوار کے روز بھی ملک بھر میں میل ملاقاتوں اور سیروتفریح کا سلسلہ جاری رہا ۔ تفصیلات کے مطابق عید کے پہلے اور دوسرے روز کی طر ح عید کے تیسرے اور آخری روز بھی ملک بھر کے مختلف شہروں میں بچے، عورتیں اور مرد تفریحی مقامات پہنچ گئے کراچی میں ہلکی بارش کے بعد موسم خوشگوار ہوگیا اور شہری ہلہ گلہ کرتے ہوئے گھروں سے نکل آئے۔ سب سے زیادہ رش ساحلی مقامات پر رہا جہاں بچوں اور بڑوں نے عید کی خوشیاں منائیں۔ اسلام آباد میں بھی عید کے تینوںروز شکر پڑیاں، چھتر پارک، دامن کوہ، راول جھیل، مرغزار اور یاسمین گارڈن میں ہزاروں کی تعداد میں لوگوں نے عید کی خوشیوں کو دوبالا کیا سیرو تفریح پر جانے کیلئے بچے سب سے آگے ہیں۔ جھولوں پر بچوں کا خوب رش ہے۔ لاہور میں تفریحی مقامات لوگوں سے بھر رہے بچوں، خواتین اور مردوں کی بڑی تعداد پارکوں اور تفریح گاہوں میں پہنچ گئی بچوں کی بڑی تعداد عید کا مزا دوبالا کرنے کیلئے چڑیا گھر پہنچ گئی پارکوں، باغوں اور تفریحی مقامات پر ننھے بچوں کے ساتھ بڑے بھی ان کی دلفریب اداں پر جھومتے رہے اس موقع پر بچے تفریح گاہوں میں لگے جھولوں سے بھر پور لطف اندوز ہوئے ملتان اور پشاور میں بھی لوگوں نے عید کے روز پارکوں کا رخ کیا اور رنگ برنگے کپڑے پہنے بچے جھولوں سے خوب لطف اندوز ہوئے۔ کوئٹہ میں بچوں نے گلی محلوں میں اونٹوں کی سواری سے لطف اندوز ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی وزیر ریلوے کی ہدایت پر 150 لوکوموٹو کی مرمت اور بحالی کا لائحہ عمل تیار ‘رواں ماہ کے آخر میں مر مت اور بحالی کا باقاعدہ کام شروع کر دیا جا ئیگا
لاہور(پی پی سی)وفاقی وزیر ریلوے خواجہ سعد رفیق کی ہدایت پر 150 لوکوموٹو کی مرمت اور بحالی کا لائحہ عمل تیار ‘رواں ماہ کے آخر میں مر مت اور بحالی کا باقاعدہ کام شروع کر دیا جائیگا ۔ بتایا گیا ہے کہ و فاقی وزیر ریلوے نے ٹر ینوں کی تعداد بڑ ھانے اور انجنوں کی کمی کو پورا کر نے کیلئے لوکوموٹو کی مرمت اور بحالی کا لائحہ عمل تیارکر نے کی ہدایت کی جسکے بعد ریلوے ذرائع کے مطابق لوکوموٹو کی مرمت اور بحالی کا لائحہ عمل تیار کرلیا گیا ہے اور واں ماہ کے آخر میں مر مت اور بحالی کا
باقاعدہ کام کر شروع کر دیا جا ئیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی’ اے این پی اورمسلم لیگ (ق) نے عید سادگی سے منائی’ کسی عید ملن تقاریب کا اہتمام نہیں کیا گیا
لاہور(پی پی سی)پیپلزپارٹی’ اے این پی اورمسلم لیگ (ق) نے عید سادگی سے منائی’ کوئی عید ملن تقاریب کا اہتمام بھی نہیں کیا گیا ۔ مذکورہ جماعتوں نے ملک میں دہشت گردی کی وجہ سے عید سادگی سے منا ئی اور دہشت گردی میں شہید ہونیوالوں کے لواحقین سے اظہار ہمدردی کی جبکہ پیپلزپارٹی، اے این پی اورمسلم لیگ (ق)کوئی عید ملن تقریب منعقد نہیں کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحر یک انصاف کے جسٹس(ر)وجیہہ الدین بھارت سے متعلق میاں نوازشر یف کی پا لیسیوں کے حامی نکلے
لاہور(پی پی سی)تحر یک انصاف کے مرکزی رہنما اور سابق صدارتی امیدوار جسٹس(ر)وجیہہ الدین بھارت سے متعلق وزیر اعظم میاں نوازشر یف کی پا لیسیوں کے حامی نکلے ۔ اپنے ایک انٹر ویو میں جسٹس(ر)وجیہہ الدین نے کہا ہے کہ موجودہ حالات میں پاکستان اور بھارت کسی ایڈونچر کے متحمل نہیں ہو سکتے میاں محمد نواز شریف کی پالیسی درست ہے لیکن بھارت میں سیاسی قوتیں آئندہ انتخابات سے قبل رائے عامہ ہموار کرنے کیلئے پاکستان کے خلاف جنگی جنون پیدا کرنے کی کوشش کر رہی ہیں حالانکہ دونوں ملکوں میں تصادم ان کے علاوہ افغانستان میں موجود نیٹو فورسز کے مفاد میںبھی نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپکو کے عید پر لوڈشیڈنگ نہ کرنے کے دعوے دھرے کے دھرے رہ گئے ملک بھر میں عید پر بھی لوڈشیڈنگ جاری رہی
لاہور(پی پی سی)پیپکو کے دعوے دھرے کے دھرے رہ گئے ‘ملک بھر کے چھوٹے شہروں اور دیہات میں عید کی چھٹیوں میں بھی لوڈشیڈنگ کاسلسلہ جاری رہا۔پیپکوحکام نے دعوی کیا تھا کہ دکانیں ، دفاتر اور فیکٹریاں بند کر نے سے شارٹ فال ختم ہو جائے گالہذا عید کے تین روز ملک بھر میں لوڈشیڈنگ نہیں ہو گی تاہم پیپکو کے دعوے غلط نکلے پنجاب کے تمام چھوٹے شہروں اور دیہات میں لوگوں کو لوڈ شیڈنگ کا سامنا کرنا پڑا۔ ہر ایک گھنٹے بعد ایک گھنٹے کے لئے بجلی بند رہی۔ادھر ماہرین کا کہنا ہے کہ حکومت نے ڈیزل پر چلنے والے پاور ہاوسز بند رکھے جس سے پیداوار انتہائی کم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعظم نے جاتی امراء میں عید پڑھی’ ملکی سلامتی’ خوشحالی’ استحکام اور امن و امان کیلئے خصوصی دعائیں
لاہور (پی پی سی) وزیر اعظم محمد نواز شریف نے عیدالفطر کی نماز اہلخانہ و عزیز اقارب کے ہمراہ جاتی امراء رائیونڈ میں ادا کی۔ اس موقع پر ملکی سلامتی’ خوشحالی’ استحکام اور امن و امان کیلئے خصوصی دعائیں کی گئیں۔ وزیر اعظم کے ہمراہ رکن قومی اسمبلی حمزہ شہباز شریف’ آصف کرمانی’ مسلم لیگ (ن) کے ممبران قومی و صوبائی اسمبلی سمیت ملک بھر سے آئے ہوئے کارکنوں کی کثیر تعداد بھی موجود تھی۔ نماز عید کی ادائیگی کے بعد وزیر اعظم کارکنوں میں گھل مل گئے’ ان سے فرداً فرداً عید ملے اور انکے مسائل سنے۔ اس موقع پر انہوں نے سانحہ کوئٹہ پر گہرے دکھ اور افسوس کا اظہار کرتے ہوئے شہداء کے درجات کی بلندی و مغفرت کی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنر پنجاب نے بادشاہی مسجد ‘ امیر جماعت اسلامی سید منور حسن نے منصورہ کی جامع مسجد میں نماز عید ادا کی
لاہور (پی پی سی) گورنر پنجاب چوہدری محمد سرور نے بادشاہی مسجد اور امیر جماعت اسلامی سید منور حسن نے منصورہ کی جامع مسجد میں نماز عید ادا کی۔ اس موقع پر ملکی خوشحالی’ ترقی’ استحکام اور امن و امان کیلئے خصوصی دعائیں مانگی گئیں۔ بادشاہی میں نماز عید کی امامت کے فرائض بادشاہی مسجد کے خطیب مولانا عبدالخبیر آزاد نے ادا کئے۔ نماز عید سے فارغ ہو کر گورنر لوگوں میں گھل مل گئے اور ان سے عید ملے۔ دریں اثناء صوبائی وزیر بلال یاسین سمیت دیگر اہم شخصیات نے نماز عید داتا دربار مسجد میں ادا کی۔ دریں اثناء امیر جماعت اسلامی سید منور حسن نے عیدالفطر کی نماز یہاں منصورہ کی جامع مسجد میں ادا کی۔ اس موقع پر جماعت اسلامی کے دیگر رہنما و کارکنان کی بڑی تعداد بھی موجود تھی۔ انہوں نے ملکی خوشحالی’ ترقی’ استحکام اور امن و امان کیلئے خصوصی دعائیں کیں۔ نماز کے بعد سانحہ کوئٹہ کے شہداء کیلئے مغفرت کی دعا کرتے ہوئے سید منور حسن نے واقعہ کی شدید مذمت کی اور حکومت سے مطالبہ کیا کہ اس اندوہناک واقعہ میں ملوث دہشت گرد عناصر کو گرفتار کرکے انہیں قرار واقعی سزا دی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امیر جماعت الدعوة پاکستان پروفیسرحافظ محمد سعید کی بھارت میں دوستی بس روکے جانے پر شدید ردعمل کا اظہار
لاہور (پی پی سی)امیر جماعت الدعوة پاکستان پروفیسرحافظ محمد سعید نے دوستی بس سروس پربھارتی انتہا پسندوں کی مزاحمت کو افسوناک قراردیتے ہوئے کہا ہے کہ بھارت پاکستان کیخلاف الزام تراشی کا سلسلہ بند کرے ‘دوستی بس کو کبھی پاکستان میں نہیں روکا گیا ‘ الزام تراشی بھارت نے اپنا وطیرہ بنا رکھا ہے ۔ گزشتہ روز جاری اپنے بیان میں انہوں نے کہاکہ بھارت نے پاکستان کے خلاف الزام تراشیوں کا رویہ جاری رکھا ہوا ہے۔ بھارت پاکستان پر مسلسل جھوٹے الزامات لگا تارہاہے، پاکستان کے خلاف الزام تراشیوں کا رویہ اس کا پرانا وطیرہ ہے ،دوستی بس کو کبھی پاکستان میں نہیں روکا گیا دوستی بس کو ہمیشہ بارڈرپرہی مشکلات پیش ائیں سمجھوتہ ایکسپریس سانحہ کا ذمہ دار بھی پاکستان کو ٹھہرایا گیا جبکہ حقیقت یہ ہے کہ سمجھوتہ ایکسپریس میں دہشت گردی بھارتیوں نے خود کی۔
Related Posts
