وفاقی دارالحکومت میں 31 اور صوبائی دارالحکومتوں میں 21’21توپوں کی سلامی دی جائیگی
لاہور(پی پی سی)صوبائی دارالحکومت سمیت ملک بھر میں آج ( بدھ ) کو وطن عزیز کا 67واں یوم آزادی روایتی جوش و خروش اور قومی وملی حمیت کے جذبے کے ساتھ منایا جائیگا دن کا آغاز مساجد اور عبادتگاہوں میں ملک و قوم کی سلامتی او رخوشحالی کیلئے خصوصی دعائوں سے ہوگا جبکہ وفاقی دارالحکومت میں 31اور صوبائی دارالحکومتوں میں 21’21توپوں کی سلامی دی جائے گی۔ بانی پاکستان حضرت قائد اعظم محمد علی جناح اور پاکستان کا تصور دینے والے شاعر مشرق حضرت علامہ اقبال کے مزار پر گارڈز کی تبدیلی کی تقاریب ہونگی ۔پولیس سمیت دیگر قانون نافذ کرنے والے اداروں کی کی طرف سے جشن آزادی کے موقع پر سیکیورٹی کے فول پروف انتظامات کئے گئے ہیں اور صوبائی دارالحکومت میں اس سلسلہ میں 10ہزار اہلکار مختلف مقامات پر تعینات ہونگے منچلے اور ون ویلرز سے نپٹنے کے لئے پولیس کی خصوصی ٹیمیں تشکیل دیدی گئی ہیں جبکہ ون ویلرزاور سلنسر نکال کر موٹر سائیکل چلانے والوں کیخلاف دفعہ 144 نافذ کر دی گئی ہے۔ آج کے دن کی مناسبت سے مختلف سیاسی و مذہبی جماعتوں کی طرف سے تقریبات کا اہتمام کیا جائیگا جس میں مرکزی رہنما اور کارکن شرکت کریں گے۔ جشن آزادی کے سلسلہ میں تعلیمی اداروں میں خصوصی تقریبات کا اہتمام کیا جائے گا جس میں طلباء و طالبات ملی نغمے پیش کریں گے جبکہ تقریری مقابلوں’ کانفرنسوں سیمینارز اور مباحثوں کا بھی انعقاد کیا جائے گا ۔پاکستان قوم بانی پاکستان حضرت قائد اعظم محمد علی جناح اور پاکستان کا تصور دینے والے شاعر مشرق حضرت علامہ اقبال کے مزار پر حاضری دیں گے اور فاتحہ خوانی کریں گے ۔جشن آزادی کے سلسلہ میں مختلف مقامات پر پرچم کشائی کی تقریبات کا انعقاد کیا جائے گا جبکہ قوم نے آج کے دن کو بھرپور انداز میں منانے کے سلسلہ میں گھروں پر سبز ہلالی پرچم لہرا نے کے علاوہ گھروں کی چھتوں اور گلی محلوں کو خوبصورت جھنڈیوں سے سجا دیا ہے ۔ موٹر سائیکل ‘ سائیکلوں اور ٹرانسپورٹ پر بھی جھنڈے لہرائے جارہے ہیں ۔صوبائی دارالحکومت سمیت ملک بھر میں واقع اہم سرکاری و غیر سرکاری عمارتوں پر چراغاں کیا گیا ہے جبکہ ان عمارتوں پر جہازی سائز قومی پرچم لہرا دئیے گئے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منچلوں نے 14اگست بھرپور طریقے سے منانے کے لئے تمام تیاریاں مکمل کر لیں
لاہور (پی پی سی) منچلوں نے آج 14اگست کو یوم آزادی کا دن بھرپور طریقے سے منانے کیلئے تمام تیاریاں مکمل کر لیں جبکہ قائمقام سی سی پی او لاہور رائے طاہر نے کہا ہے کہ ون ویلنگ اورسلنسر زنکال کر موٹر سائیکل اور گاڑی چلانے والوں کو فوری گرفتاری کر کے دو راتیں حوالات میں رکھنے کے بعد عدالت میں پیش کیا جائیگا۔ تفصیلات کے مطابق یوم آزادی پر ہلڑ بازی کرنے والوں کیخلاف پیشگی سخت اقدامات کے اعلانات کے باوجود منچلوں نے اپنی تیاریاں مکمل کر لی ہیں، اس سلسلہ میں ورکشاپس میں گاڑیوں اور موٹر سائیکلوں کے سلنسرز نکلوانے کے علاوہ زیادہ آوازوالے ہارن بھی لگوائے جارہے ہیں ۔دوسری طرف قائمقام سی سی پی او لاہور رائے طاہر نے کہا ہے کہ یوم آزادی کے روز انجوائے ضرور کریں لیکن کسی کو ہلڑ بازی کی اجازت نہیں دی جائے گی۔ اسکے لئے سخت اقدامات کے احکامات جاری کئے ہیں جسکے تحت ون ویلنگ کرنے والوں اور سلنسرز نکال کر موٹر سائیکل اور گاڑی چلانے والوں کو فوری گرفتار کر کے حوالات میں بند کر دیا جائے گا اور انہیں دو راتیں حوالات کی ہوا کھانا پڑے گی او ر تیسرے روز عدالت میں پیش کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1500روپے مالیت کے قومی بانڈز کی قرعہ اندازی (کل) ہو گی
لاہور(پی پی سی)1500روپے مالیت کے قومی انعامی بانڈز کی قرعہ اندازی کل ( جمعہ)کو ہوگی۔ اس قرعہ اندازی پر پہلا انعام 30لاکھ روپے’ دوسرے انعام میں 10لاکھ روپے کے تین جبکہ تیسرے انعام میں 18500کے 1665انعامات کامیاب خوش نصیبوں میں تقسیم کئے جائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور’صوبائی دارالحکومت میں دہشتگردی کا خطرہ ،سرچ آپریشن کر کے متعدد افراد کو حراست میں لے لیا گیا
لاہور(پی پی سی)صوبائی دارالحکومت میں دہشتگردی کے بڑے منصوبے کی اطلاعات پر لاہور کے سٹی ڈویژن میں پولیس نے سرچ آپریشن کر کے متعدد افراد کو حراست میں لے لیا۔ڈی آئی جی آپریشنز لاہور کے حکم پر بائیس تھانوں پر مشتمل سٹی ڈویژن میں ایک گرینڈ سرچ آپریشن کیا گیا،اس دوران اپنی شناخت ظاہر نہ کرنے والے متعدد افراد کو حراست میں لے لیاگیا۔پولیس کے مطابق سٹی ڈویژن کے چند اہم علاقوں میں شفیق آباد،پٹھان کالونی ،راوی روڈ اور بند روڈ جہاں آپریشن کے دوران اپنی شناخت ظاہر نہ کرنے والے متعدد افراد کو حراست میں لے لیا گیا ۔تاہم بعد ازاں رشتہ داروں کی آمد اور گارنٹی دینے کے بعد کئی افراد کو رہا بھی کر دیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور سمیت صوبہ بھر میں ڈینگی مچھر کی افزائش کا خطرہ موجود ہے،کرنل (ر) شجاع خانزادہ
آپریشن کو تیز کر تے ہوئے گزشتہ دو ماہ کے دورا ن36اضلا ع میں 12614مقامات کا دورہ کیا ہے
لاہور(پی پی سی)وزیر اعلی پنجاب محمد شہبازشریف کی ہدایت کے مطابق محکمہ تحفظ ماحولیات نے لاہو رمیں مون سون میں ڈینگی کے خطرے کے پیش نظر شہر بھر میں2018 جگہیں جہاں ڈینگی لاروا کی افزائش ممکن ہو سکتی ہے کا خاتمہ کیا ہے ـیہ بات صوبائی وزیر تحفظ ماحولیات کرنل (ر) شجاع خانزادہ نے لاہو رمیں انسداد ڈینگی کے حوالے سے انتظامات کاجائزہ بارے منعقد ہ اجلا س کی صدارت کرتے ہوئے کہیـاجلاس میںصوبائی وزیر کو بتایا گیا کہ مون سون کی بارشوں کے باعث لاہور سمیت صوبہ بھر میں ڈینگی مچھر کی افزائش کا خطرہ موجود ہےـ محکمہ تحفظ ماحولیات کی انسداد ڈینگی ٹیموں نے آپریشن کو تیز کر تے ہوئے گزشتہ دو ماہ کے دورا ن36اضلا ع میں 12614 مقامات کا دورہ کیا ہے ـاس ضمن میںڈینگی کے خاتمے کے ناقص انتظامات پرکباڑخانے ،ٹائر شاپس ،نرسریاں اور زیر تعمیر عمارات کے مالکان کے خلاف 4367 نوٹس جاری کرنے کے علاوہ 27کو سیل جبکہ 31کے خلاف ایف آئی آر درج کروائی جا چکی ہیں ـاسی طرح محکمہ تحفظ ماحولیات کی خصوصی ڈینگی ٹیموں نے لاہور میں 2018مقامات کی انسپکشن کر کے ڈینگی لاروا کے افزائش کے ممکنہ پوائنٹس کا خاتمہ کر دیاہےـاجلاس سے خطاب کرتے ہوئے کرنل (ر) شجاع خانزادہ نے کہا کہ حکومت پنجاب عوام کو صحت کی تمام سہولیات مہیا کرنے کے لئے ہر ممکن اقدامات کر رہی ہے اور ڈینگی کا خاتمہ ہماری اولین ترجیحات میں شامل ہےـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رکن پنجاب اسمبلی سعدیہ سہیل رانانے تحریک التوائے کار پنجاب اسمبلی میں جمع کروا دی
لاہور(پی پی سی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے تحریک التوائے کار پنجاب اسمبلی میں جمع کروا دی ہے جس میں کہا گیا ہے کہ سرگودھا کا بااثر زمیندار 13 سالہ لڑکی سے 7 سال تاک زیادتی کرتا رہا ہے تفصیلات کے مطابق چک 75 شمالی کے رہائشی نشے کے عادی ممتاز نے اپنی 13سالہ بیٹی رضیہ کو زمیندار محمد حیات کو فروخت کر دیا جس نے لڑکی کو سات سال تک حبس بے جا میں رکھا اور اسے زیادتی کا نشانہ بناتا رہا اس دوران لڑکی رضیہ سے چار بیٹیاں بھی پیدا ہو گئیں، زمیندار مذکور نے جعلی نکاح نامہ بھی تیار کر رکھا تھا جب اصل صورت حال کا پتہ چلا تو اس لڑکی کی ٹانگیں اور بازو توڑ کر اسے قید کر دیا دو روز سے لڑکی تڑپ رہی ہے زمیندار کے خوف سے کوئی لڑکی کو ہسپتال بھی نہیں لے جا سکا گائوں کے لوگوں نے حکومت سے مطالبہ کیا ہے کہ زمیندار محمد حیات کو فوری گرفتار کر کے اسے کیفر کردار تک پہنچایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکو مت ہر شعبے میں ناکام نظر آ رہی ہے،ثمینہ خالد گھرکی
لاہور( پی پی سی) پیپلز پارٹی لاہور کی صدر ثمینہ خالد گھرکی اور لاہور کے سیکرٹری اطلاعات عابد حسین صدیقی نے مشترکہ بیان میں کہا ہے کہ حکو مت ہر شعبے میں ناکام نظر آ رہی ہے دہشت گردی ‘ لوڈشیڈنگ اور مہنگائی ہر مسائل میں اضافہ ہی ہوا ہے۔انہوں نے کہا کہ آصف علی زرداری کے صدر مملکت کے عہدے سے الگ ہونے کے بعد سیاست میں حصہ لینے پر کوئی پا بندی نہیں ہو گی۔ آنیوالے دنوں میں پیپلزپارٹی مزید فعال اور مضبوط بنانے کیلئے پالیسی تیار کی جا ئیگی، انہوں نے کہا کہ بھارت کی بلاجواز اشتعال انگیزی، کشمیریوں کے خلاف حالیہ ظالمانہ کارروائیاں، پاکستان ہائی کمشن کے سامنے انتہا پسندوں کا مظاہرہ اور دوستی بس روک کر پاکستان کے خلاف نازیبا زبان استعمال کرنے کو برداشت نہیں کیا جا سکتا۔ اس طرح کی غندہ گردی بند ہونی چاہئے۔ اْنہوں نے مسلم لیگ (ن) کی حکومت سے پر زور مطالبہ کیا کہ وہ دنیا کو ایسا تاثر دینے سے اجتناب کرے جس سے یہ ظاہر ہو کہ موجودہ حکومت ہمسایہ ممالک کے ساتھ امن قائم کرنے کے لئے سرنڈر کی حد تک جانے کو تیار ہے۔ اْنہوں نے پاکستان کی وزارتِ خارجہ کے کمزور ردِعمل کو قابلِ افسوس اور قابلِ مذمت قرار دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت قومی سلامتی پالیسی کی تشکیل میں صرف سول اور ملٹری بیوروکریسی پر انحصار نہ کرے، قاضی احمد سعید
لاہور(پی پی سی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ دہشت گردی سے نمٹنے کے لیے ملک کی تمام سیاسی قوتوں کا متفق ہونے کے ساتھ ساتھ سول اور ملٹری ہم آہنگی بھی ہونی چاہیے۔ دہشت گردی سے نمٹنے کے لیے موجودہ حکومت قومی سلامتی پالیسی کی تشکیل میں صرف سول اور ملٹری بیوروکریسی پر انحصار نہ کرے بلکہ پارلیمنٹ اور سیاسی جماعتوں کی مشاورت کو بھی اس میں شامل کرے۔ یہ انتہائی سنجیدہ اور وفاق پاکستان کی بقاء کا مسئلہ ہے۔ انہوں نے کہا کہ یہ بات قابل افسوس ہے کہ قومی سلامتی کی پالیسی پر قومی اتفاق رائے بنتا ہوا نظر نہیں آرہا، آل پارٹیز کانفرنس کا انعقاد بھی کھٹائی میں پڑگیا ہے۔ پاکستان میں دہشت گردی کی نئی لہر انتہائی تشویش ناک ہے۔
Related Posts
