بڑھتی ہوئی ہوشربا مہنگائی نے پہلے ہی غریب کی زندگی اجیرن بنا دی ہے
لاہور(پی پی سی)پاکستان مسلم لیگ ق کے راہنما و جوائنٹ سیکرٹری پاکستان مسلم لیگ لاہور میاں کامران سیف نے یکم ستمبر سے پٹرولیم مصنوعات کی قیمتوںمیں اضافہ کی خبروں پر تشویش کا اظہار کرتے ہوئے کہا ہے کہ حکومت جب سے برسراقتدار آئی ہے ریونیو میں فوری اضافہ کیلئے ہر ماہ پٹرولیم مصنوعات میں اضافہ کر رہی ہے ۔جس کے باعث اشیائے خوردونوش سمیت عام استعمال کی تمام اشیاء میں مسلسل اضافہ ہورہا ہے۔ بڑھتی ہوئی ہوشربا مہنگائی نے پہلے ہی غریب کی زندگی اجیرن بنادی ہے، غریب مزید غریب تر ہوگیا ہے ،اس کی قوت خرید ختم ہوگئی ہے اور وہ بمشکل اپنی زندگی گزار رہا ہے۔ میاں کامران سیف نے کہا کہ پٹرولیم مصنوعات کی قیمتوں میں ہر ماہ مسلسل اضافہ سے بجلی کے بل جو پہلے ہی عوام پر بوجھ بن چکے ہیں ”فیول ایڈجسٹمنٹ چارجز”کی بناء پرمزید بڑھ جائیں گے اور عوام کی رہی سہی قوت خرید بھی ختم ہوجائے گی۔انہوں نے کہا کہ پٹرولیم مصنوعات کی قیمتیں بڑھانا مسئلہ کا حل نہیں حکومت ریونیو میں اضافہ چاہتی ہے تو صنعتوں کو فروغ دیا جائے اس سے بے روزگاری کا خاتمہ اور حکومت کے ریونیومیں اضافہ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیکٹریوں میں پائپ جوڑ کر گھریلو میٹرزسے کمپریسر کے ذریعے گیس چوری کی جا رہی تھی
لاہور(پی پی سی)وزیر اعلیٰ ٹاسک فورس برائے بجلی و گیس چوری نے شاہدرہ موڑ پر واقع اتفاق انجینئرنگ کمپنی اور ایس اے جے کمپنی پر چھاپہ مارا۔ ٹاسک فورس کی قیادت سینئر ایڈمن آفیسر عرفان خالد نے کی۔ ٹاسک فورس کی ٹیم نے کا رروائی کے دوران فیکٹریوں سے گیس چوری پکڑ لی۔فیکٹریوں میں مختلف جگہوں پر پائپ جوڑ کر گھریلو میٹرزسے کمپریسر کے ذریعے گیس چوری کی جا رہی تھی ۔ٹا سک فورس نے کارروائی کر تے ہوئے فیکٹریوں کے گیس کے کنکشنز منقطع کر دئیے اور فیکٹریوں کو سیل کر دیا۔ڈی سی او لاہور نسیم صادق نے کہا ہے کہ بجلی اور گیس چوروں کے خلاف ضلعی انتظامیہ کا کریک ڈا ئون جا ری ہے۔ انہوں نے عوام الناس سے اپیل کی کہ وہ بجلی و گیس چوری کی اطلاع ڈی سی او آفس میں دیں تا کہ کارروائی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب اسمبلی کے اجلاس میں دو نئے ممبران نے حلف اٹھالیا
لاہور(پی پی سی) پنجاب اسمبلی کے اجلاس میں دو نئے ممبران نے حلف اٹھالیا، حلف اٹھانے والوں میں پیپلز پارٹی پنجاب کے صدرسابق وزیر اعلیٰ پنجاب میں منظور وٹو کے صاحبزادے خرم جہانگیر اور ن لیگ کے زبیر بلوچ نے اٹھایا۔ گذشتہ روز پنجاب اسمبلی کے اجلاس میں ضمنی الیکشن کے نتیجہ میں منتخب ہونے والے دو نئے ممبران خرم جہانگیر اور زبیر بلوچ نے اسمبلی رکینت کا حلف اٹھالیا۔ان سے حلف سپیکر پنجاب اسمبلی رانا محمد اقبال نے لیا۔ اس موقع پر اپنے تاثرات بیان کرتے ہوئے خرم جہانگیر وٹو نے کہا کہ مجھ سے صوبے کی عوام کے لئے جو کچھ ہو سکا ضرور کرونگا اور حکومت کے اچھے کاموں کی تعریف اور مثبت تنقید بھی کرونگا۔ زبیر بلوچ نے کہا کہ میں اپنی پوری توانائیاں اپنے حلقے کی عوام کے لئے صرف کرونگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شادی میں فائرنگ ناقابل ضمانت قرار دی جائے: شیخ علائوالدین
لاہور(پی پی سی) شیخ علاؤالدین رکن اسمبلی نے کہا کہ بلائنڈ بلٹ اور شادی بیاہ کے موقع پر فائرنگ کو ناقابل ضمانت قراریا جائے اور اس حوالے سے آئین میں ترامیم لائی جائے ، گذشتہ روز انہوں نے نکتہ اعتراض پر کہا کہ جس طرح شادی بیاہ کی تقریبات پر رات دس بجے تک کی پابندی لگائی گئی ہے اور لوگ آ پ کو دعائیں دیتے ہیں اسی طرح شادی بیاہ کے موقع پر ہوائی فائرنگ اور بلائنڈ بلٹ پر بھی انون سازی کی جائے اور اس جرم کو ناقابل ضمانت قراردیا جائے ۔ جس پر سپیکر نے کہا کہ آپ اس پر اپنی طرف سے ترمیم لے آئیں یا پھر مجھے میرے چیمبر میں آکر ملیں ۔خرم جہانگیر نے کہا کہ ضمنی الیکشن کے روز میرے حلقے میں میری ایک پولینگ ایجنٹ خاتون کو نامعلوم افراد نے پکڑ کر اس کے ساتھ بہت ظلم کیا تشدد کیا لیکن اس پر پولیس کوئی ایکشن نہیں لے رہی نہ ہی وہ بات سن رہی ہے پنجاب حکومت ضلع کے ڈی پی او سے کہے کہ وہ اس کیس پر کارروائی کرائے۔ جس پر سپیکر نے کہا کہ اس پر توجہ دلاؤ نوٹس لاؤ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی آپریشن، حکومت سٹیک ہولڈرز کو اعتماد میں لے: عرفان اقبال
لاہور(پی پی سی)قومی تاجر اتحاد لاہورکے صدر عرفان اقبال شیخ نے وفاقی حکومت کی طرف سے کراچی آپریشن کی مکمل حمایت کا اعلان کرتے ہوئے کہا ہے کہ کراچی کے بڑھتے ہوئے خراب حالات کی وجہ سے پورے پاکستان کے معاشی حالات خراب اور معصوم جانوں کے ضیاع کی وجہ سے ملک کی بدنامی اور سرمایہ کار ی نہ ہونے کے برابر ہے۔ اُنھوں نے کہا کے وفاقی حکومت کو اس آپریشن میں تمام اسٹیک ہولڈز کو اپنے ساتھ شامل رکھنا چاہیے اور کراچی میں امن کی بحالی تاکہ اس آپر یشن کو جاری رکھنا چاہیے ۔اُنھوں نے کہا کہ ملکی معیشت بحران کا شکار ہے خراب حالات لوڈشیڈنگ ،دہشت گردی کی وجہ سے سرمایہ کار غائب اور گاہک بھاگ چکے ہیں ۔اتنے خراب حالات کے باوجود حکومت کبھی بجلی ،پٹرول مہنگا اور کبھی ٹیکسوں میں اضافہ کر رہی ہے بجلی کی لوڈشیڈنگ کے بعد گیس کمی اور اشیاء خورد ونوش کی عدم دستیابی سے معاشی حالات مزید خراب ہورہے ہیں ۔اُنہوں نے کہا کہ آئی ایم ایف کے دبائوپر لانگ ٹرم فنانسگ کی شرح سود میں اضافہ کرکے معیشت کو مزید خراب کرنے کی کوشش کی گئی ہے ۔تاجروں نے اعلان کیا کہ اگر حکومت نے اپنی روش تبدیل نہ کی تو تاجر برادری کاروبار ترک کرنے پر مجبور ہوگی ۔اجلاس میں تاجران نے پنجاب حکومت کی طرف سے ذخیرہ اندوزں ،اور بجلی ،گیس چوروں کے خلاف گرینڈ آپریشن کی مکمل حمایت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عقیدہ ختم نبوت پورے دین اسلام کی حفاظت کیلئے حصار ہے: خادم رضوی
لاہور (پی پی سی) فدایان ختم نبوت پاکستان کے مرکزی امیر حافظ خادم حسین رضوی نے کہا ہے کہ ختم نبوت کا عقیدہ پورے دین اسلام کی حفاظت کیلئے ایک حصار ہے۔اس عقیدہ کا تحفظ ہر دور کے مسلمانوں کا شعار قرار پایا ہے۔اس پس منظر میں ٧ستمبر کا تاریخی دِن اظہار تشکر اور عقیدہ ختم نبوت کی حفاظت کیلئے تجدید عہد کا دِن ہے۔قادیانی دِن رات اسلام اور پاکستان کے خلاف سازشوں میں مصروف ہیں۔ان کی شر انگیز یوں پر نظر رکھنا حکومت سمیت ہر مسلمان کا فریضہ ہے ۔انہوں نے بتایا کہ فدایان ختم نبوت پاکستان کے7 ستمبر ببروز ہفتہ کو ایوان اقبال میں ہو گی۔ کانفرنس مغرب کی نماز کے بعد شروع ہو گی اور ساری رات جاری رہے گی جس سے ملک بھر کے جید علماء اہلسنت پاکستان شاہ ایس نورانی،پیر سید عرفان شاہ مشہدی، ڈاکٹر اپوالخیر محمد زبیر، مفتی محمد منیب الرحمن ،پیر محمد افضل قادری، صاحبزادہ حامد رضا ،مفتی محمد اشرف جلالی،پیر سید مسعود احمد ،پروفیسر نذیر احمد چیمہ،پیر عبدالخالق، انجینئر ثروت اعجاز قادری، مفتی مظہر اللہ سیالوی سمیت دیگر خطاب کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قانون قصاص کا خاتمہ، وزیر اعظم کا اختیار نہیں: ملی مجلس شرعی
لاہور(پی پی سی)ملی مجلس شرعی کے مرکزی صدر مفتی محمد خان قادری اور پروفیسر ڈاکٹر محمد امین نے کہا ہے کہ سزائے موت اسلامی قانون ہے ، صدر، وزیراعظم یا پارلیمنٹ کو اختیار نہیں کہ وہ قصاص کے قانون کو ختم کرے، عالمی اداروں کی مداخلت پر قانون ختم کیاگیا توپھر سخت مزاحمت کا سامنا کرنا پڑے گا،قصاص کا طریقہ کار اپنا کر اگر صحیح معنوں میں جرائم پیشہ افراد کو سزائیں دی جاتیں آج ملک میں دہشت گردی نہ ہوتی۔ان خیالات کا اظہار انہوں ے گذشتہ روز ہنگامی میٹنگ سے خطاب کرتے ہوئے کیا ۔انہوں نے کہا کہ امریکی ڈرون حملے ہماری آزادی ‘خودمختاری کے خلاف چیلنج ہے۔ بھارت میںمسلمانوں پر وحشیانہ مظالم کے خلاف آواز اٹھاناہمارا دینی فریضہ ہے۔ فلسطین ‘کشمیراور برما کے مظلوم مسلمانوں پر مظالم کے خلاف کسی طور بھی خاموش نہیں رہ سکتے۔ فلسطین و کشمیر ملت اسلامیہ کا مشترکہ مسئلہ ہے۔ اسرائیل امریکہ اور انڈیا کی سازشوں کا متحد ہوکر مقابلہ کرناہوگا۔ پرامن اسلامی انقلاب پاکستان کا مقدر ہے حکمران مقاصد پاکستان ‘نفاذ اسلام کااعلان کرکے شہدائے پاکستان کے لہو سے وفاداری کا ثبوت دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملکی بحرانوں کا حل قرآنی نظام کے نفاذ میں ہے: عرفان مشہدی
لاہور(پی پی سی)مرکزی جماعت اہلسنت پاکستان کے ناظم اعلی پیر سید عرفان مشہدی موسوی نے کہا ہے کہ قر آن کے نظام کے نفاذ سے ہی ملک بحرانوں سے نکل آزاد ہوگا انہوں نے کہا کہ اسلام اس ملک مقدر ہے اب حکومت کو اس حوالے سے فوری اقدامات کر نے ہوں گے انہوں نے کہا کہ اسلام کے عادلانہ نظام کے نفاذ سے ہی ملک بحرانوں کو چنگل سے آزاد ہو سکتا ہے۔گذشتہ روزجمعہ کے خطبہ سے خطاب کرتے ہوئے کہا کہ، دہشت گر دی کی آڑ میں فر قہ وارانہ آگ بھڑکا نے کی سازش کی جارہی ہیں لیکن ایسی ہر سازشوں کا عوام اور مذہبی قوتیں ڈٹ کر مقابلہ کریں گے انہوں نے کہا کہ بدترین لو ڈ شیڈنگ نے لو گوں کا سکون چھین لیا ہے کارخانے فیکٹریاں تو بند ہو رہی ہیں اب تو دوکانیں بھی بند ہو نے لگی ہیں اور عوام تلملا اٹھے ہیں انہوں نے کہا کہ حکو مت اس سنگین بحران سے چھٹکارے کے لیئے ہنگامی بنیادوں پر اقدا مات کرے۔
Related Posts
