لاہور(میڈیاورلڈلائن ) گست :پرنسپل پوسٹ گریجویٹ میڈیکل انسٹی ٹیوٹ پروفیسر انجم حبیب وہرہ نے لاہور جنرل ہسپتال میں مبینہ طور پر للیانی مصطفی آباد کی رہائشی خاتون حنا عابد کے نومولود بچے کی تبدیلی کے واقعہ کا فوری نوٹس لیتے ہوئے معاملے کی مکمل چھان بین کیلئے معروف گائنا کالوجسٹ پروفیسر فرخ زمان کی سربراہی میں کمیٹی تشکیل دے دی۔ کمیٹی کے دیگر ارکان میں پروفیسر آف اناٹومی فوزیہ فرزانہ’ایم ایس ایل جی ایچ ڈاکٹر پرویز امتیاز اور چیف ریڈیالوجسٹ ڈاکٹر تنویر زبیری شامل ہیں۔ پروفیسر انجم حبیب وہرہ نے بتایا کہ ہفتہ کے روز جنرل ہسپتال لیبر روم میں ہونے والے تمام زچگی کیسز کا ریکارڈ موجود ہے۔ انہوں نے کہا کہ متاثرہ خاندان کو انصاف کی فراہمی یقینی بنانے کے لئے ڈی این اے ٹیسٹ سمیت تمام اقدامات کئے جائیں گے ۔ انہوں نے ڈائریکٹر ایمرجنسی اور نرسنگ سپرنٹنڈنٹ کو ہدایت کی کہ 2اگست کو لیبر روم ڈیوٹی پر موجود ملازمین کو ریکارڈ سمیت انکوائری کمیٹی کے روبرو پیش ہونے کا پابند بنایا جائے اور اس سلسلے میں کسی قسم کی تاخیر برداشت نہیں کی جائے گی۔پرنسپل پی جی ایم آئی نے کہا کہ واقعہ کی شفاف انکوائری یقینی بنانے کے لئے جنرل ہسپتال گائنی کے کسی ڈاکٹر کو انکوائری کمیٹی کا رکن نہیں بنایا گیا تاکہ حقائق سامنے آسکیں۔ پروفیسر انجم حبیب وہرہ نے بتا یا کہ اسٹیبلشمنٹ برانچ’اکائونٹس ‘ سٹورز ‘ گائنی وارڈز’ آپریشن تھیٹرز اور لیبر روم میں تعینات تمام ڈیلی ویجز ملازمین کو بالاتاخیر دوسرے شعبوں میں ڈیوٹی پر منتقل کرنے کی ہدایات جاری کردی گئیں۔ انہوں نے کہا کہ انکوائری کے نتیجہ میں اگر کوئی ہسپتال ملازم اس واقعہ میں ملوث پایا گیا تو اس کے خلاف سخت انضباطی کاروائی عمل میں لائی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہ اسرائیل کا نہتے فلسطین کی عوام پر ظلم و بربریت اور جنگی جرائم کسی سے دھکے چھپے نہیں:یاسر گیلانی
لاہور(میڈیاورلڈلائن ) پاکستان تحریک انصاف لاہور کے نائب صدر انجینئر یاسر گیلانی نے کہا ہے کہ اسرائیل کا نہتے فلسطین کی عوام پر ظلم و بربریت اور جنگی جرائم کسی سے دھکے چھپے نہیں صرف مسلمان ہی نہیں دوسرے مذاہب اور ممالک بھی اسرائیل کی شدید مذمت کر رہے ہیں لیکن بے حس مسلم حکمرانوں خاموش تماشائی بنے ہوئے ہیںْمیڈیاورلڈلائن کے مطابق انہوں نے کہاکہ اسرائیلی دہشت گردی کی تحریک انصاف شدید الفاظ میں مذمت کرتی ہے اور مطالبہ کرتی ہے کہ پاکستان کے حکمران فوری طور پر مسئلہ فلسطین کے حل کے لئے عالمی فورم پر آواز اٹھائے اور مظلوم فلسطینی عوام کا قتل عام بند کروائے۔ مقررین نے کہا کہ کئی روز سے معصوم فلسطینیوں کا خون بہہ رہا ہے مگر اقوام متحدہ سیکورٹی کونسل، عرب لیگ، عالمی برادری اور مسلم حکمرانوں اور انسانی حقوق کی تنظیموں کی خاموشی لمحہ فکریہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک اویسیہ پاکستان عشرۂ جشن آزادی منائے گی ۔ پروگرام کے مطابق تحریک اویسیہ پاکستان 4اگست تا 14اگست عشرۂ جشن آزادی کی تقریبات مختلف مقامات پر منعقد کرے گی
لاہور(میڈیاورلڈلائن ) تحریک اویسیہ پاکستان عشرۂ جشن آزادی منائے گی ۔ پروگرام کے مطابق تحریک اویسیہ پاکستان 4اگست تا 14اگست عشرۂ جشن آزادی کی تقریبات مختلف مقامات پر منعقد کرے گی ۔ جس میں 4اگست آستانہ عالیہ اویسیہ چک پروکا شریف فیصل آباد پر پہلی تقریب کا انعقاد کیا گیا ہے ۔ میڈیاورلڈلائن کے مطابق7,6,5اگست کو اویسیہ تعلیمی بورڈ پاکستان سے ملحق مدارس دینیہ میں جشن آزادی کے حوالے سے تقریری مقابلہ جات اور کوئز پروگرام منعقد ہوں گے ۔ 8اگست خطبات جمعة المبارک میں تحریک اویسیہ پاکستان کے علماء و مشائخ ”تحریک پاکستان میں علماء و مشائخ اہلسنت کا کردار” کے عنوان پر خطاب کریں گے ۔ 12,11,10,9اگست کو اویسیہ آستانوں پر روزانہ شہدائے آزادی کیلئے قرآن خوانی کی تقاریب ہوں گی۔ 13اگست کو مرکز اویسیاں نارووال میں اور 14اگست کو آستانہ عالیہ اویسیہ علی پور چٹھہ شریف اور آستانہ عالیہ اویسیہ موڑ کھنڈا پر پرچم کشائی اور پر وقار تقاریب منعقد ہوں گی۔ اس سلسلہ میں تحریک اویسیہ پاکستان کے مرکزی ناظم اعلیٰ علامہ پیر محمد تبسم بشیر اویسی نے کہا پاکستان اللہ تعالیٰ کی نعمت ہے ۔پاکستان سے محبت عبادت کا درجہ رکھتی ہے ۔جشن آزادی کی تقاریب کا مقصد عوام کو پاکسانیت سے روشناس کروانا ہے ۔ آج آپس کے لڑائی جھگڑے یا سیاسی شور لگانے کی ضرورت نہیں ۔ آج پوری قوم کو اتحاد و یکجہتی کا مظاہرہ کرنے کی ضرورت ہے ۔پاکستان کو مسائل سے نکالنے کیلئے تمام سیاسی پارٹیاں ایک سوچ کی حامل ہو جائیں وہ سوچ صرف اور صرف پاکستان ہو ۔ حکومت جشن آزادی کی تقاریب پورا مہینہ منانے کے ساتھ ساتھ قوم کو لوڈ شیڈنگ سے بھی نجات دلا دے ۔ انہوں نے کہا حقیقی جشن آزادی اُس وقت ہی منائی جا ئے گی جب پاکستان مسائل کی دلدل سے نکل کر ترقی و استحکام کی منزل پر فائز ہو گا اس کے لئے تمام سیاستدانوں کو ایثار و قربانی کا مظاہرہ کرنا ہو گا۔ علامہ پیر محمد تبسم بشیر اویسی نے کہا ہم نے تحریک اویسیہ پاکستان کے تمام کارکنان کو بذریعہ خط اطلاع کر دی ہے اور تمام سیاسی تصادم سے علیحدہ رہنے کی ہدایات بھی جاری کردی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہ عوام حکمرانوں کے فریب کو پہچان چکے ہیں اور وہ ان کی باتوں میں نہیں آئیں گے:سعدیہ سہیل رانا
لاہور(میڈیاورلڈلائن ) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ عوام حکمرانوں کے فریب کو پہچان چکے ہیں اور وہ ان کی باتوں میں نہیں آئیں گے۔ بیک ڈور بات چیت کا کہہ کر حکومت عوام کو گمراہ کرنا چاہتی ہے ۔میدیاورلڈلائن کے مطابق ایک بیان میں انہوں نے کہا کہ تحریک انصاف 14 اگست کے آزادی مارچ کی بھرپور تیاریوں میں مصروف ہے کارکن پر جوش ہیں دنیا کی کوئی طاقت ان کا رستہ نہیں روک سکتی حکمرانوں کو ایک ایک ظلم کا حساب دینا ہو گا۔ حکمران اسلام آباد کو فوج کے حوالے کر کے سیاست دانوں کو نہیں بالکہ حکومت کو بچانے کی کوشش کر رہے ہیں اسلام آباد کو فوج کے حوالے کرنا مسلم لیگ کی بوکھلاہٹ کا نتیجہ ہے حکومت اپنی ہٹ دھرمی پر قائم ہے اور عوام کو ریلیف دینے کی بجائے تمام تر توانائیں اوچھے ہتھکنڈوں پر لگا رہی ہے انہوں نے کہا کہ جعلی مینڈیٹ اور انتخابی نظام کی خرابی کے موقف پر پوری قوم اور سیاسی جماعتیں تحریک انصاف کے ساتھ ہیں اور وہ ملک میں حقیقی جمہوریت چاہتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفاقی حکومت اسلام آباد کو فوج کے حوالے کرنے کے حوالے سے پارلیمنٹ کو اعتماد میں لے ایوان کو آرٹیکل 245 کے اطلاق کے عوامل اور وجوہات سے آگاہ کیا جائے:قاضی احمد سعید
لاہور(میڈیاورلڈلائن ) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ وفاقی حکومت اسلام آباد کو فوج کے حوالے کرنے کے حوالے سے پارلیمنٹ کو اعتماد میں لے ایوان کو آرٹیکل 245 کے اطلاق کے عوامل اور وجوہات سے آگاہ کیا جائے، حکومت اِن کیمرہ اجلاس بلا کر پارلیمان کو اعتماد میں لے۔ وزیر داخلہ کے بیان کے مطابق سیاستدانوں اوراہم تنصیبات کو خطرہ ہے، وزیر داخلہ بتائیں سیاستدانوں کو کس طرح کا خطرہ ہے۔ انہوں نے کہا حکومت اپنے آپ کو بچانے کی کوشش کر رہی ہے نہ کہ تنصیبات اور سیاست دانوں کو۔ حکومت نے اسلام آباد میں فوج بلاکر آئین کے آرٹیکل 245 کا غلط استعمال کیا یہ نواز شریف کی سیاسی غلطی ہے جس کا ادراک حکومت نہیں کر سکی جسے انہیں بگتنا پڑے گا۔ انہوں نے کہا اسلام آباد کی سکیورٹی فوج کے حوالے کرنا وزیر داخلہ کی نااہلی کو ثابت کرتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈرنے والے نہیں،مخالفت ہمارے جوش و ہنر میں اضافہ کرتی ہے :رمضان مستانہ
لاہور(میڈیاورلڈلائن ) سینئر صحافی سید زاہد حسین کی قیادت میں پریس کلب کاہنہ کے وفد کی پاکستان مسلم لیگ ن کے مرکزی رہنماء رانا مبشراقبال ،مقامی رہنماء ،اور سابق ناظم یوسی 146محمدرمضان مستانہ سے خیابان امین میں ملاقات کی،وفد میں سید زاہد حسین، محمد یوسف نجمی ،فدا حسین جٹ،محمد امین بھٹی،احمد حفیظ،ڈاکٹر محمد اکرام،اشفاق احمد بھٹی،حاجی محمد اسلم،ندیم ثاقب بٹ،ملک محمد ارشد،امتیاز علی شاکر ،رانا ناصر،چوہدری ارشد،افتخار نورانی،سید صدا حسین شاہ،ڈاکٹر شکیل،محمدنواز مغل،ملک محمد انور،چوہدری شفیق،محمد نواز مغل ،ذیشان شریف،، سجاد احمد بھٹی،عاشق علی شاکر ،سجاد علی شاکر، اشفاق رانجھااور دیگرموجود تھے ۔نمائندہ میڈیاورلڈلائن کے مطابق ملاقات میں سیاست وصحافت ،مقامی مسائل اور ترقیاتی کاموں کے حوالے سے تبادلہ خیال ہوا ۔رانامبشر اقبال نے بتایا کہ وزیر اعلیٰ پنجاب جنا ب میاں محمد شہباز شریف کی خصوصی توجہ سے حلقہNA129میں کرڑوں مالیت کے ترقیاتی منصوبوں کا جال بچھا دیا ہے۔جن میں کاہنہ میں 60بستر پر مشتمل ہسپتال،سیوریج سسٹم،پینے کے صاف پانی کی فراہمی،صحت و تعلیم،سڑکوں اور گلیوں کی تعمیر اوردیگر منصوبے شامل ہیں ۔انہوں نے کہاکہ مسلم لیگ ن کی حکومت عوام کے حقوق دہلیز پر پہنچانے کا وعدہ پورہ کرے گی ،ایک سوال کے جواب میںرمضان مستانہ نے کہا کہ ہم مخالفت سے گھبراتے نہیں بلکہ مخالفت ہمارے جوش و جذبے اور ہنر میں اضافہ کا سبب بنتی ہے ،عوام جانتے ہیں کہ حکومت کو بے پناہ مسائل وراثت میں ملے پھر بھی مسلم لیگ ن کی قیادت نے شبانہ روز محنت اور لگن سے ملک کو ترقی کی راہ پر گامزن کردیاہے۔ اللہ تعالیٰ نے چاہا تو ہم پانچ سال بعد عوام کے عدالت میں سرخروہوکرجائیں گے ۔حلقہ کے ترقیاتی کام کروا کر ہم کسی پر احسان نہیں بلکہ خدمت کررہے ہیں جس کا اجرہمیں اللہ تعالیٰ سے ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان نفاذ اسلام کیلئے بنا تھا لہذا اس مملکت خدا داد میں فوری نظام مصطفیۖ نافذ کیا جائے، اللہ کی بندگی اور محمد رسول اللہۖ کی غلامی کے علاوہ کسی کی تابعداری قابل قبول نہیں:جمعیت علماء اسلام
لاہور(میڈیاورلڈلائن ) جمعیت علماء اسلام (س) نے کہا ہے کہپاکستان نفاذ اسلام کیلئے بنا تھا لہذا اس مملکت خدا داد میں فوری نظام مصطفیۖ نافذ کیا جائے، اللہ کی بندگی اور محمد رسول اللہۖ کی غلامی کے علاوہ کسی کی تابعداری قابل قبول نہیں، تحفظ پاکستان آرڈی نینس پر فیصلہ قوم کو اعتماد میں لے کر کیاجائے۔ دہشتگردوں کے سرسے اگرسیاسی پشت پناہی ختم کردی جائے تو ملک سے دہشتگردی کاخاتمہ ہو جائے گا، ملک میں عریانی اور فحاشی کی روک تھام کے لئے فوری اقدامات کئے جائیں۔میڈیاورلڈلائن کے مطابق ان خیالات کااظہار گذشتہ روز اجے یو آئی (س) پنجاب کے نائب صدر و لاہور کے امیر مولانا عبدالرب امجد، مولانا اعظم حسین، مولانا محمد ایوب ،مولانا عبدالروف ربانی، مولانا محمد نواز سندھو سمیت دیگر نے ایک اجلاس سے خطاب کرتے ہوئے کیا۔مقررین نے کہا کہ غزہ میں ہونے والے اسرائیلی مظالم کی شدید مذمت کرتے ہوئے کہا کہ ان حالات میں مسلم امہ کو متحد ہونا ہوگا اور اسلامی ممالک کی تنظیم او آئی سی کو ایک مشترکہ فوج تشکیل دینا ہوگی جو دنیا میں کہیں بھی مسلمانوں پر ہونے والے ظلم کے خلاف لڑ سکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر اعظم میاں محمد نواز شریف سعودی عرب مل کر اسرائیلی جار حیت کوروکنے میں اپنا مؤثر کردار ادا کریں:جماعت اہلسنت
لاہور(میڈیاورلڈلائن ) جماعت اہلسنت پاکستان نے کہا ہے کہ وزیر اعظم میاں محمد نواز شریف سعودی عرب مل کر اسرائیلی جار حیت کوروکنے میں اپنا مؤثر کردار ادا کریں انہوں نے کہا کہ مو جو دہ حالات میں امت مسلمہ کا ایک ہو نا وقت کی اہم ضرورت ہے۔میڈیاورلڈلائن کے مطابق ان خیالات کا اظہار گذشتہ روز لاہور کینٹ میں ہونے والے جماعت اہلسنت کے ناظم اعلیٰ مفتی ظفر جبار چشتی، امیر امیرسید شمس الدین بخاری ،اشرف علی سعیدی،قاری نذیر احمد قادری اور محمداسلم نواز قادری سمیت دیگر نے کیا۔ انہوں نے کہا کہ اسلامی ممالک نے اگر اسرائیلی جا ر حیت کے اگے بند نہ بندھا تو یہ جا رحیت آگے بڑھتی چلی جائے گی انہوں نے کہا کہ اسلامی دنیا کو ایک پلیٹ فارم سے اسرائیل کو اس کی درندگی کا جواب دینا ہو گا انہوں نے کہا کہ امت مسلمہ کے تمام مسائل کا حل اتحاد میں ہے اور آج پا کستان میں اتحاد امت کی اشد ضرورت ہے۔ انہوں نے کہا کہ ملک پہلے ہی بڑے بحرانوں کا شکار ہے مزید بحرانوں کا متحمل نہیں ہو سکتا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں جب تک سودی نظام سے پاک معاشی نظام رائج نہیں کیا جائے گا، مسائل میں مزید اضافی ہوتا رہے گا:ملی مجلس
لاہور(میڈیاورلڈلائن ) ملی مجلس شرعی نے کہا ہے کہ پاکستان میں جب تک سودی نظام سے پاک معاشی نظام رائج نہیں کیا جائے گا، مسائل میں مزید اضافی ہوتا رہے گا،پا کستان کو عد م استحکام کا شکار کر نے کی عالمی سازشوں کے خلاف اپنی صفوں میں اتحاد پیدا کرنا ہوگا پنجاب کا بجٹ متوازی لیکن سودی نظام سے نجات کے لئے کوئی اقدام نہیں اٹھایا گیا۔میڈیاورلڈلائن کے مطابق ان خیالات کا اظہار ملی مجلس شرعی کے رہنماؤں صدرمفتی محمد خان قادی، سیکرٹری جنرل پروفیسر ڈاکٹرمحمد امین، ڈاکٹر فرید احمد پراچہ راغب حسین نعیمی،تنظیم اسلامی کے حافظ عاکف سعیدقاری یعقوب شیخ،حافظ عبدالغفارروپڑی،علامہ احمد علی قصوری،مولانا شکیل الرحمن ناصر، مرکزی جمعیت اہلحدیث کے علامہ بابر فاروق رحیمی سمیت دیگر نے قرآن اکیڈمی گارڈن ٹاؤن میں ہونے والے ایک اہم اجلاس سے خطاب کرتے ہوئے کیا۔اجلاس میں فلسطین میں اسرائیلی جارحیت اور بربریت کی سخت مذمت بھی کی اور مطالبہ کیا گیا کہ مسلم حکمران فوری طور پر اسرائیلی جارحیت کے خلاف جارحانہ لائحہ عمل کا اعلان کریں ،علماء نے مزید کہا کہ سود سے پاک قر آن کے دیے گئے معاشی نظام کے نفاذ کے بغیر ملک بحرانوں سے آزاد نہیں ہو سکتا ہے ، بجلی کا بحران مہنگائی اور بد امنی اللہ کی نارضگی کی علامات ہیں حکمرانوں سے لے کر عام انسان تک سب اللہ کے حضور سر بسجود ہو کر اللہ کو راضی کریں توآسمان اور زمین سے برکات کو نزول ضرورہو گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر آج بھی اُمت مسلمہ سچے دل سے رسول اللہ ۖ کی تعلیمات کی پابند ہو جائے تو آج بھی مسلمانوں کو عظمت رفتہ حاصل ہو سکتی ہے:پیر سید عرفان مشہدی
لاہور(میڈیاورلڈلائن ) مرکزی جماعت اہلسنت پاکستان کے ناظم اعلیٰ پیر سید عرفان مشہدی نے کہا ہے کہ اگر آج بھی اُمت مسلمہ سچے دل سے رسول اللہ ۖ کی تعلیمات کی پابند ہو جائے تو آج بھی مسلمانوں کو عظمت رفتہ حاصل ہو سکتی ہے، دشمنان اسلام اپنی پوری طاقت کے ساتھ اسلام کو مٹانے کے درپے ہیں مگر وہ اسلام کے اس چراغ کو بجھانے میں کبھی کامیاب نہیں ہوسکتے، او آئی سی فلسطینی مسلمانوں پر اسرائیلی ظلم و بربریت کا منہ توڑ جواب دینے کے لئے بہترلائحہ عمل اختیار کرے موجودہ حکومت عوام کو ریلیف دے مہنگائی اور لوڈ شیڈنگ کو کنٹرول کرے26اکتوبر کو جماعت مرکزی انتخابات کرنے کا بھی اعلان۔ ان خیالات کا اظہار انہوں نے گذشتہ روز لاہور میں ہونے والے ایک اہم اجلاس سے خطاب کرتے ہوئے کیا۔اجلاس میں پنجاب کے امیر پیر امانت علی شاہ، ناظم اعلیٰ علامہ قاضی عبدالغفار قادری، پیر عبداللہ مشہدی،علامہ محمد اکبر عرفانی، علامہ فاروق ضیائی سمیت دیگر نے بھی خطاب کیا۔علماء نے مزید کہا کہ اسلام اپنی حقانیت کی بنیاد پر آج پوری دنیا میں تیزی سے پھیل رہا ہے امریکہ اور یورپ میں لوگ تیزی سے اسلام قبول کررہے ہیں ، مرکزی جماعت اہلسنت اس سلسلہ میں نہ سرف پاکستان میں بلکہ دنیا بھر میں اپنا کردار ادا کررہی ہے اور کرتی رہے گ
