محترمہ بینظیر بھٹو شہید کی برسی کے حوالے سے کروڑ لعل عیسن میں کوئی تقریب منعقد نہ ہوئی
کروڑ لعل عیسن ( نامہ نگار ) محترمہ بینظیر بھٹو شہید کی برسی کے حوالے سے کروڑ لعل عیسن میں کوئی تقریب منعقد نہ ہوئی۔ تفصیل کے مطابق بھٹوز کا قتل پاکستان کیلئے بڑا سانحہ ہے۔ سابق وزیراعظم محترمہ بینظیر بھٹو کی چھٹی برسی کے حوالے سے ملک بھر میں تعزیتی تقریبات منعقد ہوئیں لیکن کروڑ لعل عیسن کی تنظیم کی جانب سے کوئی تقریب منعقد نہ کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیٹرولیم مصنوعات کی قیمتوں مین متوقع اضافہ سے شہریوں کو تشویش لاحق
کروڑ لعل عیسن ( نامہ نگار ) پیٹرولیم مصنوعات کی قیمتوں مین متوقع اضافہ سے شہریوں کو تشویش لاحق، موجودہ حکومت نے گزشتہ 6 ماہ میں ہوشربا مہنگائی کر کے عوام کی کمر توڑ کر رکھ دی ہے۔ ہر ماہ پیٹرولیم مصنوعات سمیت بجلی اور گیس کی قیمتوں میں اضافہ کے باعث مہنگائی نے غریب عوام کا جینا محال کر دیا ہے۔ مرکزی انجمن تاجران کی سنٹر کمیٹی کے رکن طارق پہاڑ نے حکومت وقت سے اپیل کی ہے کہ عوام پر مہنگائی کا بوجھ کم سے کم کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ حکومت پاکستان کے عوام کی پسماندگی کیلئے جدوجہد جاری رکھے گی
کروڑ لعل عیسن ( نامہ نگار ) موجودہ حکومت پاکستان کے عوام کی پسماندگی کیلئے جدوجہد جاری رکھے گی۔ نوجوانوں میں قرضے ، لیب ٹاپ اور سولر سسٹم تقسیم کر کے میاں نواز شریف نے ثابت کر دیا کہ وہ نوجوانوں کو ترقی کی راہ پر گامزن کر رہے ہیں ۔ ان خیالات کا اظہار MNA صاحبزادہ فیض الحسن سواگ نے گزشتہ روز درجنوں افراد سے ملاقات میں کیا۔ انہوں نے کہا کہ مسلم لیگ (ن) کی حکومت ملک میں بے روزگاری کے خاتمے اور امن و امان کی صورتحال کو کنٹرول کرنے کیلئے بھر پور کوششیں کر رہی ہے۔ انہوں نے مزید کہا کہ بلدیاتی الیکشن میں ہمارا گروپ بھر پور حصہ لے کر کامیابی حاصل کرے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرپشن کا الزام بے بنیاد ہے۔ گزشتہ4 ماہ سے کوئی ترقیاتی کام نہیں ہوئے ہیں
کروڑ لعل عیسن ( نامہ نگار ) کرپشن کا الزام بے بنیاد ہے۔ گزشتہ4 ماہ سے کوئی ترقیاتی کام نہیں ہوئے ہیںجبکہ نئے ٹینڈر گزشتہ ہفتے لگے ہیں جن کے ابھی تک ورک آڈر جاری کیئے جا رہے ہیں۔ یہ بات ٹی ایم اے کروڑ کے سب انجینئر چوہدری محمد ارشد نے اپنے خلاف شائع ہونے والی خبر کی تردید میں کہی۔ انہوں نے کہا کہ ٹھیکداران بلا وجہ الزام تراشی کی بجائے ثابت کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وارڈ نمبر 6 کی مہار برادری ، چنڈی برادری ، لوہار ، سواگ ، گاڈی اور جکھڑ برادری کا مشکور ہوں
کروڑ لعل عیسن ( نامہ نگار ) وارڈ نمبر 6 کی مہار برادری ، چنڈی برادری ، لوہار ، سواگ ، گاڈی اور جکھڑ برادری کا مشکور ہوں جنہوں نے مجھ پر اعتماد کیا۔ یہ بات ملک محمد نوید چنڈی امیدوار وارڈ 6 نے اپنے بیان میں کہی۔ انہوں نے کہا کہ انشاء اللہ کامیابی ان کا مقدر ہے اور جیت کر حلقہ کے لوگوں خصوصاً نوجوانوں کی امیدوں پر پورا اترنے کی کوشش کرونگا۔ انہوں نے آصف گاڈی ، عمران سواگ ، عزیز چنڈی ، اسماعیل چنڈی اور رمضان چنڈی وغیرہ کی شکریہ ادا کیا کہ انہوں نے ان کا حمایت کی یقین دہانی کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وارڈ نمبر2 کے امیدوار میاں اللہ بخش بکھو کی حمایت کا اعلان
کروڑ لعل عیسن ( نامہ نگار ) وارڈ نمبر2 کے امیدوار میاں اللہ بخش بکھو کی حمایت کا اعلان کرتے ہیں ۔ انشاء اللہ بھاری اکثریت سے کامیاب ہونگے۔ یہ بات عبدالصبور ، حاجی طفیل ، حاجی فریدالدین ، میاں اشفاق ، میاں فتح اللہ ، میاں ناصر ، عبدالباسط ، عامر سیال و دیگر نے ان کی حمایت کا اعلان کرتے ہوئے کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کامیاب ہو کر علاقہ کے عوام کی خدمت کرونگا
کروڑ لعل عیسن ( نامہ نگار ) کامیاب ہو کر علاقہ کے عوام کی خدمت کرونگا۔ ان خیالات کا اظہار امیدوار کونسلر وارڈ نمبر 2 ذاکر خان جوئیہ نے گزشتہ روز اپنے ایک بیان میں کیا۔ انہوں نے کہا کہ حلقہ کے غریب عوام میرے ساتھ ہیں۔ غریب عوام کی خدمت کا جذبہ لے کر میدان میں اترا ہوں تا کہ کامیاب ہو کر عوام کی بھر پور خدمت کر سکوں۔ حلقہ کی عوام میرے ساتھ ہے اور انشاء اللہ کامیابی ضرور ملے گی۔امید کرتا ہوں کہ لوگ مجھے ووٹ دے کر اعتماد کا اظہار کریں گے۔
