انجمن حقوق نوجواناں لالہ موسیٰ کی تعارفی تقریب آج بروز جمعتہ المبارک تین بجے دن گلی مندر والی مین بازار الہ موسیٰ میں ہوگی
لالہ موسیٰ(محمد بلال احمد بٹ)لالہ موسیٰ شہر کے نوجوانوں کی فلاح و بہبود کیلئے پہلی تنظیم انجمن حقوق نوجواناں لالہ موسیٰ کی پہلی تعارفی تقریب آج22مارچ بروز جمعتہ المبارک بعد نماز جمعہ تین بجے دن گلی مندر والی مین بازار الہ موسیٰ میں ہوگی تقریب کے مہمان خصوصی چوہدری اعجاز احمد میانہ سابق صوبائی وزیر راہنما تحریک انصاف حلقہ پی پی112،سید حبیب حیدر شاہ آف کلیوال سیداں نوجوان راہنما مسلم لیگ ن،چوہدری نصر اقبال آف سکھ چین ہائوس آزاد امیدوار قومی اسمبلی حلقہ این اے106،شیخ خالد محمود ایم ڈی الخلیل پیٹرولیم لالہ موسیٰ،شیخ حفیظ اللہ صدیقی صدر شہری جمہوری اتحاد لالہ موسیٰ،ڈاکٹر عرفان احمد صفی امیدوار قومی اسمبلی این اے106جماعت اسلامی،مرزا عثمان بیگ ایم ڈی البیگ ٹریولز لالہ موسیٰ،ملک نوید اعوان ایم ڈی رحمت ٹریڈر ز غلہ منڈی لالہ موسی ہونگے یہاں یہ بات واضح رہے کہ اس تنظیم کا حال میں قیام عمل میں آیا ہے جس کا منشور ہے کہ نوجوان کسی بھی
معاشرے کی ترقی اور فلاح و بہبود کیلئے خاصی اہمیت رکھتے ہیں لیکن ہمارے معاشرے میں نوجوان ایسے کئی مسائل کا شکار ہیں جن سے وہ معاشرے کی ترقی و خوشحالی کیلئے کردار ادا نہیں کر پاتے اور معاشرہ صحیح طرح سے نکھر نہیں پاتا اور چھوٹی چھوٹی کمزوریاں معاشرے کو ناکام بنا دیتی ہیں ایسے ہی مسائل کے پیش نظر ہم نے لالہ موسیٰ شہر کے نوجوانوں کی فلاح وبہبود ،انکے مسائل حل کرنے اور انہیں ان کے حقوق کی فراہمی کیلئے انجمن حقوق نوجوانان لالہ موسیٰ کے نام سے ایک جدوجہد اکا آغاز کیا ہے، منشور کے مطابق ظلم کے خلاف جہاد نوجوانوں کو انکے بنیادی حقوق دلوانا،بے روزگار نوجوانوں کیلئے جدوجہد کرنا،انہیں روزگار فراہم کرنا اور نوجوان نسل کی حوصلہ مند قیدت سے ملک و قوم اور اپنے معاشرے کی تعمیر کرنا ہے،ہم اپنے معاشرے اور اپنی نوجوان نسل کو سنوارنے میں پر عزم ہیں آپ بھی ہمارا ساتھ دے کر ملک و قوم کی ترقی و خوشحالی استقامت اور بقاء کیلئے نوجوان نسل کا ساتھ دیں،اس تنظیم کے عہدیدارا ن و نمایاں ارکان میں خالد مجید بٹ،فیضان بٹ دھامہ،ملک عمیر،شیخ امجد پرنسپل،پرنس شاہم،محمد بلال احمد بٹ چیف ایڈیٹر ڈیلی جلا وطن،ذیشان عرف شانی شیخ،علی بٹ دھامہ،وقار عرف وکی بٹ،رمیض جاوید ،شانی پریس،پیر حیدر شاہ،ملک عمران،عدنان قریشی،بابو بٹ،ذیشان بٹ،مجید بٹ،ملک فیضان،مرزا فیاض کائرہ،چوہدری نومی کائرہ شامل ہیں تقریب میں سینئر صحافی منشاء بٹ اور محمد بلال احمد بٹ خصوصی طور پر شریک ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نادرا آفس کھاریاں کے انچارج چوہدری زین علی با اخلاق انسان اور فرض شناس باوقار آفیسر ہیں،سائیں اشفاق قلندری
لالہ موسیٰ (محمد بلال احمد بٹ)نادرا آفس کھاریاں کے انچارج چوہدری زین علی با اخلاق انسان اور فرض شناس باوقار آفیسر ہیں انکا محکمانہ کردار دیگر افسران کیلئے مشعل راہ ہے ۔یہ بات نواحی موضع علی چک کی سماجی روحانی شخصیت سائیں اشفاق قلندری نے ایک ملاقات میں کہی انہوں نے کہا کہ سرکاری دفاتر میں کلیدی
عہدے اپنا خاص مقام رکھتے ہیں اگر ایسی پوسٹوں پر چوہدری زین علی جیسی شخصیات موجود ہوں تو عوام کی روزمرہ مشکلات میں نہ صرف کمی واقع ہوتی ہے بلکہ محکمانہ عہدوں کا وقار بھی شہریوں کی نظر میں بڑھ جاتا ہے ۔انہوں نے کہا کہ نادرا آفس کھاریاں میں چوہدری زین علی کی نگرانی میں ہر کام میرٹ پر ہو رہا ہے اور شہریوں کو مکمل رہنمائی ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن اپنے انقلابی منشور کو عمل جامہ پہنا کر ملکی ادارے مضبوط اور عوام کو اقتصادی خوشحالی سے ہمکنار کرے گی،سید نور الحسن شاہ
لالہ موسیٰ (محمد بلال احمدبٹ)مسلم لیگ ن اپنے انقلابی منشور کو عمل جامہ پہنا کر ملکی ادارے مضبوط اور عوام کو اقتصادی خوشحالی سے ہمکنار کرے گی ۔پیپلز پارٹی کے ہر دور حکومت میں لیڈر خوشحال اور عوام بے حال ہوتے ہیں ۔کرپشن بے روزگاری اور مہنگائی کے تحفے دینے والوں نے ملک تباہ کر دیا ہے گذشتہ الیکشن میں پیپلز پارٹی کیلئے ووٹ مانگنے والوں کو پانچ سالہ دور حکومت میں سوائے شرمندگی کے کچھ نہیں ملا اب ہر گلی میں سابق حکمرانوں کو عوامی احتساب کا سامنا کرنا پڑیگا یہ بات ممتاز مسلم لیگی راہنما امیدوار حلقہ این اے 106سیدنور الحسن شاہ نے کہی انہوں نے کہا کہ حلقہ این اے 106سمیت ملک بھر کے با شعور عوام زرداری ٹولہ سے نجات کیلئے مسلم لیگ ن کے پرچم تلے متحد ہو چکے ہیں ۔کیونکہ عوام جانتے ہیں کہ ملک کو اندھیروں سے نکالنے اور عوام کا معیار زندگی بلند کرنے کا حل میاں محمد نواز شریف کے سوا کسی کے پاس نہیں اس موقع پر مسلم لیگی کارکنان کی کثیر تعداد بھی موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: محمدی ویلفیئر کے زیر اہتمام 19واں فری آئی کیمپ آج نیازی کلینک میں شروع ہو گیا
لالہ موسیٰ (محمد بلال احمد بٹ)محمدی ویلفیئر کے زیر اہتمام 19واں فری آئی کیمپ
آج نیازی کلینک میں شروع ہو گیا اور 23مارچ تک جاری رہے گا معروف معالج ڈاکٹر ظفر امین نیازی فری آئی کیمپ کے نگران اعلیٰ ہونگے جبکہ سرجن ڈاکٹر اجمل نثار آنکھوں کے آپریشن کریں گے صدر محمدی ویلفیئر سوسائٹی لالہ موسیٰ نعیم اشرف چوہدری کی نگرانی مین نور کی بستی سجانے کیلئے تمام انتظامات مکمل کر لئے گئے ہیں ۔مستحق افراد کی آنکھوں میں فری لینز لگائے جائیں گے بمعہ ادویات ،عینکیں تمام اخراجات ویلفیئر سوسائٹی برداشت کریگی اور آپریشن والے مریضوں کو کھانا بھی سوسائٹی کی جانب سے فراہم کیا جائیگا نعیم اشرف چوہدری نے مالی تعاون کر نے والے شہریوں کا شکریہ ادا کیا ہے واضح رہے کہ محمدی ویلفیئر سوسائٹی کے زیر اہتمام ہر فری آئی کیمپ میں تقریباََ چھ سو افراد کی آنکھوں کے آپریشن کئے جاتے ہیں اور سینکڑوں مستحق خاندانوں کو علاج معالجہ کی فری سہولت بھی مہیا کی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز پارٹی کی حکومت جاتے جاتے بجلی لوڈ شیڈنگ کی یادیں چھوڑ گئی گذشتہ دو روز سے بجلی کی لوڈ شیڈنگ میں بے تحاشا اضافہ ہو گیا
لالہ موسیٰ (محمد بلال احمد بٹ)پیپلز پارٹی کی حکومت جاتے جاتے بجلی لوڈ شیڈنگ کی یادیں چھوڑ گئی گذشتہ دو روز سے بجلی کی لوڈ شیڈنگ میں بے تحاشا اضافہ ہو گیا ۔معمولات زندگی بری طرح متاثر کاروباری حضرات ہاتھ پر ہاتھ دھرے بیٹھے رہے گھنٹوں بجلی بند رہنے کیوجہ سے گھروں میں پانی کی کمی طلباء کو ہوم ورک میں مشکلات کا سامنا ،عوام حلقے توقع رکھتے ہیں کہ شاید نگران حکومت بجلی ،گیس کی لوڈ شیڈنگ ختم کرنے کیلئے موثر پالیسی بنانے کی کوشش کرے پیپلز پارٹی اور اتحادی
جماعتوں نہ مہنگائی ،لوڈ شیڈنگ ،بدامنی ،بے روزگاری کے سوا عوام کو کچھ نہیں دیا ۔تمام ملکی اداروں میں کرپشن کا دور دورہ ہے ۔آئندہ الیکشن میں اپنے ووٹ کے ذریعے حکمرانی کا حق کس سیاسی جماعت کو دیتے ہیں کچھ ہی دنوں تک واضح ہو جائیگا۔
Related Posts
