امریکہ شامل پر حملہ کرنے سے بازر ہے ورنہ اس کو عبرتناک انجام سے دوچار ہونا پڑے گا،ملک ناصر علی
لالہ موسیٰ(محمد بلال احمد بٹ)امریکہ شامل پر حملہ کرنے سے بازر ہے ورنہ اس کو عبرتناک انجام سے دوچار ہونا پڑے گا،ان خیالات کا اظہار سربراہ عوامی شہری اتحاد لالہ موسیٰ و سابق امیدوار صوبائی اسمبلی ملک ناصر علی نے ایک ملاقات میں گفتگو کرتے ہوئے کیا انہوں نے کہا کہ اگر امریکہ شام پر حملہ کرتا ہے تو اسلامی ممالک کومتحد ہو کر شام کا ساتھ دینا چاہیے اور امریکہ کو اسکی جارحیت کا منہ توڑ جواب دینا چاہیے تاکہ آئندہ امریکہ کو کسی مسلمان ملک کے خلاف جارحیت کا سوچتے ہوئے بھی خوف آئے انہوں نے کہا کہ سعودی حکومت ہوش کے ناخن لے اور امریکہ کی حمایت کی بجائے برادر اسلامی ملک شام کی حمایت کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرزا عثمان بیگ،مہر طارق سعید کا شمار لالہ موسیٰ کے ہر دل عزیز اور ممتاز کاروباری افراد میں ہوتا ہے،ڈاکٹر عرفان احمد صفی
لالہ موسیٰ(محمد بلال احمد بٹ)پاکستان بزنس فورم ضلع گجرات کے سابق صدر ڈاکٹر عرفان احمد صفی نے گجرات چیمبر آف کامرس اینڈ انڈسٹری کے سالانہ انتخابات میں شاہین گروپ کے نامزد امیدوار برائے کارپوریٹ کلاس مرزا عثمان بیگ (البیگ ٹریولز لالہ موسیٰ)امیدوار برائے ایسوسی ایٹ کلاس مہر طارق سعید(صدر فرنیچر ایسوسی ایشن لالہ موسیٰ)کی حمایت کا اعلان کر دیا ہے،انہوں نے کہا ہے کہ مرزا عثمان بیگ،مہر طارق سعید کا شمار لالہ موسیٰ کے ہر دل عزیز اور ممتاز کاروباری افراد میں ہوتا ہے،انکی کامیابی سے لالہ موسیٰ کی بزنس کمیونٹی کے مسائل ترجیحی بنیادوں پر حل ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوامی شہری اتحاد کے صدر ملک ناصر علی کے چچا سابق کونسلر ملک الطاف کے گھر پر فائرنگ پر عوامی شہری اتحاد کا مذہبی اجلاس
لالہ موسیٰ(محمد بلال احمد بٹ)عوامی شہری اتحاد کے صدر ملک ناصر علی کے چچا سابق کونسلر ملک الطاف کے گھر پر فائرنگ پر عوامی شہری اتحاد کا مذہبی اجلاس،اجلاس میںعوامی شہری اتحاد کے تمام عہدیداران اور ممبران کی بھر پور شرکت کی،شرکت کرنے والوں میں چیف آرگنائزر عوامی شہری اتحاد ملک سراج اشرفی،جنرل سیکرٹری خالد مجید بٹ،شیخ تقی،ملک شوکت علی،شیخ اسلم،ملک محمد دین،ملک شبیر،محمد یوسف قریشی،کاشف زرگر،حاجی اختر،ذیشان شیخ،راجہ عبدالرحمان،حاجی مبین و دیگر نے شرکت کی،اجلاس میں انتظامیہ سے پر زور مطالبہ کیا گیا کہ ملک الطاف کے گھر پر فائرنگ کرنے والے ملزمان کو ٹریس کر کے جلد از جلد گرفتار کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلدیاتی اتنخابات میں سادات گروپ بھر پور انداز میں حصہ لے گا ،سید حبیب حیدر شاہ
لالہ موسیٰ(محمد بلال احمد بٹ)مسلم لیگی راہنما سید حبیب حیدر شاہ نے کہا ہے کہ بلدیاتی اتنخابات میں سادات گروپ بھر پور انداز میں حصہ لے گا اور عام انتخابات میں دوسروں کی چھتریوں پر جا بیٹھنے والے مایوس ہو کر واپس اپنے گھر پلٹ رہے ہیں،میڈیا سے گفتگو کرتے ہوئے سید حبیب حیدر شاہ نے کہا کہ عوام سے جھوٹے وعدوںاور طفل تسلیوں سے ووٹ حاصل کرنے والے اب منہ چھپاتے پھر رہے ہیں انہوں نے کہا کہ سادات خاندان سید نور الحسن شاہ کی قیادت میں آج صبح و شام عوام کی خدمت کر لیے میدان میں موجود ہیں،انہوں نے کہا کہ دنیا بھر کی صہیونی طاقتیں امریکہ کی پشت پناہی کے ساتھ مسلمانوں کے خلاف جگہ جگہ نبرد آزما ہیں اور شام پر حملہ کی تیاری اسی مہم کا حصہ ہے امریکہ شام پر حملہ کر کے افغانستان کی طرح شام میں بھی اپنے فوجیوں کے لیے قبرستانوں کے لی جگہ ڈھونڈتا پھرے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک شفقت منیرہ ٹی ایم او کھاریاں تعینات
لالہ موسیٰ(محمد بلال احمد بٹ)ملک شفقت منیرہ ٹی ایم او کھاریاں تعینات،انکے پیش رو ملک افتخار ایلی کو لوکل گورنمنٹ بورڈ رپورٹ کرنے کے احکامات،پنجاب حکومت نے تقرری کے منتظر ملک شفقت کو ٹی ایم او کھاریاں تعینات کرنے کے احکامات جاری کئے ہیں،وہ اس سے قبل ٹی ایم اوشکر گڑھ،کہوٹہ اور سپرنٹنڈنٹ ٹی ایم اے کھاریاں فرائض انجام دے چکے ہیں ملک شفقت کا شمار محکمہ لوکل گورنمنٹ کے قابل اور محنتی افسران میں ہوتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے آج سے لالہ موسیٰ اور گردونواح میں ٹائروں کی دکانوں اور کباڑخانوں میں ڈینگی کے خلاف مہم کا آغاز کرے گی
لالہ موسیٰ(محمد بلال احمد بٹ)ٹی ایم اے آج سے لالہ موسیٰ اور گردونواح میں ٹائروں کی دکانوں اور کباڑخانوں میں ڈینگی کے خلاف مہم کا آغاز کرے گی،چیف آفیسر بلدیہ لالہ موسیٰ شیخ وجاہت صدیقی نے بتایا کہ ٹی ایم اے ملازمین محکمہ صحت کے ملازمین کے ہمراہ آج سے بھر پور مہم کا آغاز کر رہے ہیں،جبکہ گذشتہ دو ایام سے تمام کباڑخانوں اور ٹائروں کی دکانوں پر آگاہی کے لئے پمفلٹ اورنوٹس جاری کئے جا چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑوں روپے کی جگہ پر لاکھوں روپے کی مالیت سے تعمیر ہونے والا گرلز ہائی سکول اپنے مکینوں کی راہ دیکھ رہا ہے
لالہ موسیٰ(محمد بلال احمد بٹ)کروڑوں روپے کی جگہ پر لاکھوں روپے کی مالیت سے
تعمیر ہونے والا گرلز ہائی سکول اپنے مکینوں کی راہ دیکھ رہا ہے،تعمیر مکمل ہونے کے18ماہ بعد بھی سکول میں تعلیم و تربیت کا آغاز نہ ہو سکا،محکمہ حکومت پنجاب سے اساتذہ اور بجٹ کی منظوری نہ لے سکا،سکول میں جہازوں کی لینڈنگ اور جرائم پیشہ افراد نے پناہ گاہ بنا رکھی ہے،جبکہ سکول کی عمارت استعمال نہ ہونے کے باعث دن بدن ٹوٹ پھوٹ کا شکار ہو رہی ہے،ڈی سی او گجرات نے موسم گرما کی تعطیلات کے بعد سکول میں تعلیمی سیشن شروع کرنے کا اعلان کیا تھا لیکن تاحال ہنوز دلی دور راست کا معاملہ نظر آرہا ہے،شہریان لالہ موسیٰ نے اعلیٰ حکام سے گرلز ہائی سکول میں فی الفور تعلیمی سیشن شروع کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں عوام کو پینے کے صاف پانی کی فراہمی کے لیے80لاکھ سے لگائے گئے 8واٹر فلٹریشن پلانٹ چوروں اور محکمہ پی ڈبلیو ڈی نے ہضم کر لئے
لالہ موسیٰ(محمد بلال احمد بٹ)لالہ موسیٰ میں عوام کو پینے کے صاف پانی کی فراہمی کے لیے80لاکھ سے لگائے گئے 8واٹر فلٹریشن پلانٹ چوروں اور محکمہ پی ڈبلیو ڈی نے ہضم کر لئے،قریشی محلہ کی بچھائی سیوریج سے گلی محلوں میں پانی کھڑا ہو گیا،محکمہ پی ڈبلیو ڈی جنوری سے شروع کئے گئے کام تاحال مکمل کرنے میں ناکام رہا ہے،سپریم کورٹ کے احکامات کا بہانہ بنا کر ٹھیکیدار اور پی ڈبلیو ڈی افسران کام سے انکاری ہیں،30لاکھ روپے کی سیوریج تاحال لنک نہ ہو سکی، جبکہ 8فلٹریشن پلانٹ جو کہ صرف ٹونٹیوں اور بیس سٹیشن تک محدود ہے،انکی ٹونٹیاں اور ٹائلیں بھی چور اتار کر لے جانے میں کامیاب ہو رہے ہیں شہریوں نے پی ڈبلیو ڈی حکام اور ڈی سی او سے مطالبہ کیا ہے کہ لالہ موسیٰ میں قریشی محلہ سیوریج اور8واٹر فلٹریشن پلانٹ فی الفور مکمل کئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نامعلوم ملزمان نے اوکاڑہ سے ٹرک بک کرا کے لالہ موسیٰ لا کرڈرائیور،کنڈیکٹر کو نقدی،موبائل فون سے محروم کر دیا
لالہ موسیٰ(محمد بلال احمد بٹ)نامعلوم ملزمان نے اوکاڑہ سے ٹرک بک کرا کے لالہ موسیٰ لا کرڈرائیور،کنڈیکٹر کو نقدی،موبائل فون سے محروم کر دیا،اس سلسلہ میں ملنے والی تفصیل کے مطابق نامعلوم ملزمان اوکاڑہ سے لالہ موسیٰ سے سامان لانے کی غرض سے ٹرک بک کر کے لائے اور سردار پورہ روڈ پر ڈرائیور،کنڈیکٹر کو نشہ آور جوش پلا کر بے ہوش کر کے پندرہ ہزار روپے نقدی ،دو عدد موبائل فون لے کر فرار ہو گئے،ڈرائیور،کنڈیکٹر ساری رات بے ہوشی کی حالت میں ٹرک میں پڑے رہے صبح اہل محلہ نے انہیں اٹھا کر ہسپتال پہنچایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ ہمارا دوسرا گھر ہے ہمارا مرنا جینا لالہ موسیٰ کے باشعور خود دار اور غیور عوام کے ساتھ ہے،چوہدری عثمان اسلم فتہ بھنڈ
لالہ موسیٰ(محمد بلال احمد بٹ)لالہ موسیٰ ہمارا دوسرا گھر ہے ہمارا مرنا جینا لالہ موسیٰ کے باشعور خود دار اور غیور عوام کے ساتھ ہے،لالہ موسیٰ کے عوام نے جس محبت کا ثبوت دیا اس کا بدلہ ہم ہمت اور وفا سے دیں گے،عوام کی بے خدمت کاجذبہ ہم نے کہیں سے مستعار نہیں لیا اور نہ ہی ہم زبانی خرچ پر پقین رکھتے ہیں ہم گرفتار کے نہیں کردار کے غازی ہیں،پروپیگنڈہ کرنے والوں کو منہ کی کھانا پڑے گی، ان خیالات کا اظہار ممبر قومی اسمبلی چوہدری جعفر اقبال کے بھائی چوہدری عثمان اسلم فتہ بھنڈ نے لالہ موسیٰ میں صحافیوں سے گفتگو کرتے ہوئے کی انہوں نے وضاحت کرتے ہوئے کہا کہ ہر
انسان کو ذاتی کاموں سے پالا پڑتا ہے میں لالہ موسیٰ سے کچھ وقت کے لیے کام کیلئے ناروے گیا تھا،اللہ کے فضل سے اب لالہ موسیٰ میں ہوں سیاسی مخالفین اور پروپیگنڈہ سازوں کو ناکامی ہوئی ہے اور انشاء اللہ آئندہ بھی ہو گی،انہوں نے کہا کہ ہم کسی موڑ پر بھی لالہ موسیٰ کے عوام کو تنہا نہیں چھوڑیںگے،جہاں پر زندہ دلان لالہ موسیٰ کا پسینہ گرے گا وہاں ہمارا خون گرے گا ہماری رگوں میں عزم و ہمت او وفا کا خون ہے انشاء اللہ اپنے قائدین کے مشن کے مطابق میرٹ پر کام کروائیں گے اور بلدیاتی الیکشن میں مخالفین کو نشانِ عبرت بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق ایگزیکٹو ممبر گجرات چیمبر آف کامرس انصر جاوید باجوہ نے امیدوار برائے ایسوسی ایٹ کلاس شاہین گروپ مہر طارق سعید کی بھر پور حمایت کا اعلان کر دیا
لالہ موسیٰ(محمد بلال احمد بٹ)سابق ایگزیکٹو ممبر گجرات چیمبر آف کامرس انصر جاوید باجوہ نے امیدوار برائے ایسوسی ایٹ کلاس شاہین گروپ مہر طارق سعید کی بھر پور حمایت کا اعلان کر دیا اس سلسلہ میں انصر جاوید باجوہ نے کہا کہ مہر طارق سعید کی کامیابی کیلء دن رات جدوجہد کریں گے اور ان کو بھاری اکثریت سے کامیاب کرائیں گے انہوں نے کہا کہ سات ستمبر شاہین گروپ کی کامیابی کا دن ثابت ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکنیکل فالٹ یا۔۔۔۔؟کالج روڈ پر نصب بجلی کا ٹرانسفارمر دھماکے سے جل گیا
لالہ موسیٰ(محمد بلال احمد بٹ)ٹیکنیکل فالٹ یا۔۔۔۔؟کالج روڈ پر نصب بجلی کا ٹرانسفارمر دھماکے سے جل گیا،تفصیل کے مطابق گذشتہ روز کالج روڈ پر نصب بجلی کا ٹرانسفارمر دھماکے کے ساتھ جل گیا یاد رہے کہ اس سے قبل بھی کئی بار ٹرانسفارمر جل چکا ہے اس کی وجہ سے لوڈ کی زیادتی ہے یا ٹیکنیکل فالٹ ،تاہم آئے روز ٹرانسفارمر جل جانے سے اہل علاقہ کو شدید ذہنی کوفت کا سامنا کرنا پڑتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام امن آتشی کا مذہب ہے اور اپنے پیارکاروں کو امن کی تعلیم دیتا ہے،پیر عطاء اللہ فاروقی
لالہ موسیٰ(محمد بلال احمد بٹ)اسلام امن آتشی کا مذہب ہے اور اپنے پیارکاروں کو امن کی تعلیم دیتا ہے،دہشت گردی ایک معاشرتی ناسور ہے،اسلام کے نام پر اہل اسلام کا خون بہانا اسلام سے غداری ہے،اسلام اور اہل اسلام دہشت گردی کو حرام سمجھتے ہیں جہاد اور دہشت گردی میں فرق ہے جہاد لالہ تعالیٰ کا حکم پیارے نبیۖ کا طریقہ اور صحابہ و اہل بیت کی ادا ہے،جبک دہشت گردی ایک لعنت اورناسور ہے دہشت گردی ملک و قوم کے ساتھ ساتھ اسلام کے بھی دشمن ہیں،ان خیالا ت کا اظہار جمعیت اہل سنت والجماعت کے منعقدہ اجلاس جامعہ عریبیہ تعلیم الاسلام البدر میں علمائے کرام نے کیا، پیر طریقت پیر عطا اللہ فاروقی نے کہا کہ بھکر،کراچی اور اسلام آباد میں اہل سنت کا قتل عام قابل مذمت ہے،اہل سنت والجماعت قتل و غارت گری پر یقین نہیں رکھتی،بلکہ ہم دہشت گردی کو ملک وقوم کیلئے خطرہ سمجھتے ہیں بلکہ دہشت گردی ہی ملک و قوم کو ترقی اور خوشحالی کی راہ میں بہت بڑی رکاوٹ ہے انہوں نے کہا کہ حکومت پاکستان سنجیدگی کے ساتھ دہشت گردی کے خلاف ٹھوس اقدامات کرے،دہشت گردی کا عفریت اب تک لاکھوں بے گناہ انسانوں کو لقمہ اجمل بنا چکا ہے،انہوں نے کہا کہ دہشت گردی کے سدباب کیلئے جماعت اہلسنت و الجماعت گجرات ہر محاذ پر کلیدی کردار ادا کرے گی۔
Related Posts
