لالہ موسی کی خبریں 13-2-2013

لالہ موسی ٰ: میاں رفعت اقبال پٹواری کی وفات سے ایک مخلص دوست سے محروم ہو گئے ہیں ، خان عبدالمجید بٹ
لالہ موسیٰ(محمد بلال احمد بٹ)میاں رفعت اقبال پٹواری کی وفات سے ایک مخلص دوست سے محروم ہو گئے ہیں ، ان خیالات کا اظہار ممتاز مسلم لیگی راہنماء سابق کونسلر خان عبدالمجید بٹ نے کیا ، انہوں نے کہا کہ میاں رفعت اقبال پٹواری جیسے عظیم انسان صدیوں بعد پیدا ہوتے ہیں ، ان کی وفات سے پیدا ہونے والا خلاء کبھی پر نہ ہو گا،رفعت اقبال پٹواری غریب پرور انسان تھے، ہم ، ان کے اہل خانہ کے ساتھ غم میں برابر کے شریک ہیں اور دعا کرتے ہیں کہ اللہ تعالیٰ مرحوم کو جنت الفردوس میں جگہ عطا فرمائیں اور لواحقین کو صبروجمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حلقہ پی پی 112 میں پاکستان تحریک انصاف کا دن بہ دن بڑھتا ہوا گراف بلند ہو رہا ہے ، چوہدری اعجاز احمد میانہ چک
لالہ موسیٰ(محمد بلال احمد بٹ)حلقہ پی پی 112 میں پاکستان تحریک انصاف کا دن بہ دن بڑھتا گراف ہماری دن رات کی محنتوں کا ثمر ہے ، ان خیالات کا اظہار صوبائی وزیر رہنما تحریک انصاف حلقہ پی پی 112 چوہدری اعجاز احمد آف میانہ چک نے کیا،انہوں نے کہا کہ حلقہ پی پی 112 کی عوام موجودہ منتخب نمائندوں سے سخت تنگ ہیں اور حلقہ میں بڑی بے تابی سے تبدیلی کی خیرخواہ ہے ، جس طرح حلقہ پی پی112 کی عوام ہم سے محبت کا ثبوت اور ہماری قیادت میں جو ق در جوق تحریک انصاف میں شمولیت اختیار کر رہی ہے ، انشاء اللہ کامیاب ہو کر حلقہ کی عوام کے سارے قرضے چکا دوں گا ، انہوں نے ایک سوال کے جواب میں کہا کہ آج ہمارے ملک اور18کروڑ عوام کو قائد تحریک عمران خان جیسے لیڈر کی ضرورت ہے جس کا دامن کرپشن سے پاک ہو اور جو 18 کروڑ عوام کے درد کو محسوس کرتا ہے ، انشاء اللہ آنے والا دور پاکستان تحریک انصاف کا ہے ، حلقہ کی عوام کی دعائوں سے کامیاب ہو کر حلقہ کی تمام محرومیوں کا ازالہ کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : ڈی ایس پی سرکل لالہ موسیٰ سید ضیاء جعفری کی قیادت میںایس آئی خالد بوکن نے نفری کے نفری کے ہمراہ سلیم عرف چھیما محلہ قصبہ کو گرفتار کر لیا
لالہ موسیٰ(محمد بلال احمد بٹ) ڈی ایس پی سرکل لالہ موسیٰ سید ضیاء جعفری کی قیادت میںایس آئی خالد بوکن نے نفری کے نفری کے ہمراہ سلیم عرف چھیما محلہ قصبہ کو گرفتار کر لیا۔تفصیلات کے مطابق گذشتہ روز مسلم لیگ ن محلہ قصبہ کے راہنما نعیم ٹوپہ کوسلیم عرف چھیما اور پانچ نامعلوم ساتھیوں کے ہمراہ نماز پڑھ کر مسجد سے گھر جاتے ہوئے گولیاں مار کر قتل کر دیا تھا جس کا مقدمہ سلیم عرف چھیما اور پانچ نامعلوم افراد پر درج کرایا گیا تھا اور پولیس ملزمان کی گرفتاری کے لئے چھاپے مار رہی تھی ۔مخبر کی اطلاع پر ڈی ایس پی سرکل سید ضیاء جعفری اور ایس آئی خالد بوکن نے بمعہ نفری سلیم عرف چھیما کو ڈرامائی انداز میں ریٹ کر کے گرفتار کر لیااہلیان لالہ موسیٰ نے ڈی ایس پی سرکل سید ضیاء جعفری اور ایس آئی خالد بوکن کو شاندار الفاظ میں خراج تحسین پیش کیا اور کہا کہ اگر ایسے ہی پولیس اپنی ڈیوٹی سر انجام دیتی رہی تو انشاء اللہ لالہ موسیٰ سے کرائم کا خاتمہ ہو جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: سٹی چیکر محلہ قلعی گراں اختشام گل عرف شانی جٹ کو تین ڈاکوئوں نے فائرنگ کر کے قتل کر دیا
لالہ موسیٰ(محمد بلال احمد بٹ) سٹی چیکر محلہ قلعی گراں اختشام گل عرف شانی جٹ کو تین ڈاکوئوں نے فائرنگ کر کے قتل کر دیا ، تفصیلات کے مطابق محلہ اسلام پورہ میں تین نامعلوم ڈاکوؤں نے ڈکیتی کی غرض سے سٹی چیکر محلہ قلعی گراں اختشام گل عرف شانی جٹ کو روکا دوران مزاحمت ڈاکوئوں نے فائرنگ کر کے اختشام گل عرف شانی جٹ کو قتل کر دیا جبکہ اس سے دو لاکھ روپے نقدی اور ہنڈا125 لے کر فرار ہو گئے۔ پولیس مصروف تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ظالمانہ نظام سے نجات حاصل کرنا عوام نے اب اولین ترجیح بنا لیا ہے ، عثمان عزیز قادری
لالہ موسیٰ(محمد بلال احمد بٹ) ظالمانہ نظام سے نجات حاصل کرنا عوام نے اب اولین ترجیح بنا لیا،ظالموں کا خشر چشم فلک دیکھے گی ، پاکستان کی عوام روٹی کپڑا ،انصاف کا حق چھیننے والوں سے نجات حاصل کر کے دم لے گی ، عوام بدامنی غنڈہ گردی ، دہشت گردی،بے حیائی پھیلانے والوں کو اب ووٹ نہیں دے گی ، ان خیالات کا اظہار سٹی صدر سنی تحریک لالہ موسیٰ عثمان عزیز قادری نے اپنے بیان میں کیا انہوں نے کہا کہ عوامی پذیرائی سے محروم ہو جانے والے حکمرانوں کو اپنا سیاسی مستقبل تاریک نظر آرہا ہے ،آئندہ انتخابات میں تمام حکمران جماعتوں کا مکمل طور پر صفایا ہو جائے گا، ار وہ ایک بھولی ہوئی داستان بن کر رہ جائیں گے ، انہو ں نے کہا کہ آئندہ الیکشن میں پورے ملک کی طرح این اے 106 اور پی پی112 سے سنی تحریک الیکشن لڑے گی اب عوام صرف عوامی حقوق کی پاسبان سنی تحریک کو ووٹ دے گی،اب عوام کی نظریں اپنے محبوب قائد انجینئر ثروت اعجاز قادری پر لگی ہوئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انٹرا پارٹی الیکشن میں بھر پور حصہ لینے کے لیے اہم فیصلے کیے جائیں گے ، نوازش علی ایڈووکیٹ و دیگر
لالہ موسیٰ(محمد بلال احمد بٹ) پاکستان تحریک انصاف ضلع گجرات کے نظریاتی گروپ کے ذمہ داران شہزاد افضل میر ایڈووکیٹ ، نوازش علی شیخ ایڈووکیٹ ، سیٹھ اکرام رضا ، زاہد اکرم ایڈووکیٹ نے اپنے ایک بیان میں کہا کہ آج بروز جمعرات گجرات میں نظریاتی گروپ کا اجلاس منعقد ہو گا جس میں انٹرا پارٹی الیکشن میں بھر پور حصہ لینے کے لیے اہم فیصلے کیے جائیں گے ۔ضلع گجرات ،تحصیل گجرات ،تحصیل کھاریاں ،تحصیل سرائے عالمگیر میں ہر سیٹ پر الیکشن میں حصہ لیا جائے گا اور کاغذات نامزدگی جمع کروانے کے بعد تمام یونین کونسلز کے منتخب افراد سے بھر پور رابطہ کرتے ہوئے عمران خان کے ویژن کے مطابق کام کر نے والے تمام ساتھیوں کو اکٹھا کیا جائے گا اور ضلع گجرات سے ایسے افراد کو منتخب کروایا جائے گا جن پر نہ صرف پاکستان تحریک انصاف کے ممبران بلکہ پورے ضلع کے عوام بھی انگلی نا اٹھا سکیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک لالہ موسیٰ کے وفد نے نعیم ٹوپہ کے قتل پر انکی رہائش گاہ پر جا کر انکے بڑے بھائی اور رشتے داروں سے اظہار تعزیت کی
لالہ موسیٰ(محمد بلال احمد بٹ)پاکستان تحریک لالہ موسیٰ کے وفد نے نعیم ٹوپہ کے قتل پر انکی رہائش گاہ پر جا کر انکے بڑے بھائی اور رشتے داروں سے اظہار تعزیت کی اور فاتحہ خوانی کی،وفد میں شامل عثمان عزیز قادری صدر سنی تحریک،مرزا محمد یاسین قادری،شیراز احمد بٹ،چوہدری اکمل گجر،شہاب الدین غوری و دیگرموجود تھے،اس موقع پر انہو ں نے اہل خانہ سے یکجہتی کا اظہار کیا اور کہا کہ بھائی محمد نعیم ٹوپہ ایک سچے عاشق رسول ۖ تھے اور اہل سنت جماعت کا عظیم سرمایہ تے،انکے بہیمانہ قتل کی جتنی بھی مذمت کی جائے کم ہے،اس مشکل وقت میں ہم ان کے ساتھ ہیں انہوں نے ڈی پی او گجرات سے مطالبہ کیا کہ وہ فوری طور پر تمام قاتلوں کو گرفتار کر کے سزا دلوائیں اور انہوں نے کہا کہ نعیم ٹوپہ صوم و صلوٰ ة کے پابند تھے اور ناموس رسالتۖ کے مجاہد تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن حقوق نوجوانان فلاحی تنظیم ہے ، نوجوانوںکے حقوق کی ہر فورم پر جنگ لڑیں گے ، خالد مجید بٹ
لالہ موسیٰ(محمد بلال احمد بٹ) لالہ موسیٰ اور اس کے گردونواح سے سینکڑوں نوجوان انجمن حقوق نوجوانان میں جوق در جوق شمولیت اختیار کر رہے ہیں ، ان خیالات کا اظہار انجمن حقوق نوجوانان خالد مجید بٹ نے کیا انہوں نے کہا کہ انجمن حقوق نوجوانان فلاحی تنظیم ہے،نوجوانون کے حقوق کی ہر فورم پر جنگ لڑیں گے اور جلد ہی تنظیم کو رجسٹرڈ بھی کروائیں گے،اور جلد ہی انجمن حقوق نوجوانان کی باڈی کا باقاعدہ اعلان کر دیں گے،انجمن حقوق نوجوانان خون کے عطیات سے لے کر ہر قسم کے سماجی اور فلاحی کاموں میں بڑھ چڑھ کر حصہ لے گی انشاء اللہ انجمن حقوق نوجوانان شہر کی سب سے بڑی سماجی اور فلاحی تنظیم بن کر ابھرے گی جلد ہی نوجوانون کا ایک بڑا اجتماع کروا کر تنظیم کا باقاعدہ آغاز کر دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم رفعت اقبال پٹواری مرحوم کی وفات پر ان کے خاندان کے غم میں برابر کے شریک ہیں ، ملک نوید اعوان
لالہ موسی ٰ(محمد بلال احمد بٹ) ملک نوید اعوان ایم ڈی رحمت ٹریڈرز غلہ منڈی لالہ موسیٰ نے اپنے بیان میں کہا کہ ہم رفعت اقبال پٹواری مرحوم کی وفات پر ان کے خاندان کے غم میں برابر کے شریک ہیں،میاں رفعت اقبال پٹواری فرشتہ صفت انسان تھے اور غریبوں مسکینوں کے مسیحا تھے،بہت ہی در د دل رکھنے والے انسان تھے،انہوںنے کہا کہ ہمارا شہر ایک فرشتے سے مرحوم ہو گیا ہے ہم امید کرتے ہیں کہ ان کے صاحبزادگان میاں حبیب رفعت،میاں اویس پٹواری ، میاں عزیر پٹواری اور میاں طلحہ پٹواری ان کے مشن کو جاری و ساری رکھیں گے اللہ تعالیٰ مرحوم کو جنت الفردوس میں اعلی مقام عطا فرمائے۔آمین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: چوہدری اعجاز احمد آف میانہ چک ایک درد دل رکھنے والے انسان ہیں ہم ان کی حمایت کرتے ہیں،چوہدری بلال ارشاد آف بھدر
لالہ موسیٰ(خالد مجید بٹ) سابق صوبائی وزیر راہنماء پاکستان تحریک انصاف حلقہ پی پی 112 چوہدری اعجاز احمد آف میانہ چک ایک درد دل رکھنے والے انسان ہیں ان کی سیاست میں خدمات ناقابل فراموش ہیں ان کے دور میں علاقہ میں ریکارڈ ترقیاتی کام ہو ئے ان خیالات کا اظہار اعلان حمایت کے موقع پر چوہدری بلال ارشاد آف بھدرنے کیا،چوہدری بلال ارشاد آف بھدر نے کہا کہ ہم آئندہ الیکشن میں میانہ چک خاندان کی بھر پور الیکشن کمپین چلائیں گے اور انشاء اللہ اس دفعہ فتح چوہدری اعجاز احمد میانہ چک کے قدم چومے گی حمایت کرنے والوں میںچوہدری عامر صدیق ۔چوہدری عمر صدیق بھدر۔چوہدری قدیر ارشاد۔چوہدری ارسلان ارشاد ۔چوہدری کبیرارشاد ۔محمد یوسف بھٹی۔محمد نعیم یوسف بھٹی۔محمد نعمان یوسف بھٹی۔ محمد امیر حمزہ یوسف بھٹی۔زین علی بھٹی۔شعبان علی بھٹی۔چوہدری ریاض و دیگر شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قائد تحریک عمران خان نے انٹرپارٹی الیکشن کروا کر ملک میں نئی تاریخ رقم کی ہے ، چوہدری ساجد یوسف چھنی
لالہ موسیٰ(محمد بلال احمد بٹ) قائد تحریک عمران خان نے انٹرپارٹی الیکشن کروا کر ملک میں نئی تاریخ رقم کی ہے، ان خیالات کا اظہار چوہدری ساجد یوسف چھنی رہنما تحریک انصاف حلقہ پی پی112نے کیا ، انہوں نے مزید کہا کہ انٹرپارٹی الیکشن تحریک انصاف کے عہدیداران بننے والوں کو مبارکباد پیش کرتے ہیں ہم ضلعی سطح پر تحریک انصاف کے قابل اور ایماندارممبران کی بھر پور سپورٹ کریں گے ، انہوں نے ایک سوال کے جواب میں کہا کہ پاکستان تحریک انصاف ملک کی واحدجماعت ہے جس میں رکشے والے سے لے کر ریڑھی والا بھی صدر بنے گا،عمران خان اجاری دار کی سیاست کوجڑ سے اکھاڑ نہ چاہتے ہیں،تبدیلی کی ہوا چل پڑی ہے ، وہ دن دور نہیں جب پورے ملک میں قائد تحریک انصاف عمران خان کے نام کا بول بالا ہو گا ، اور ملک میں ہر طرف خوشحالی آئے گی۔