غیر جماعتی بنیادوں پر انتخابات جمہوریت کیلئے نقصان دہ ثابت ہونگے
لالہ موسیٰ (محمد بلال احمد بٹ) غیر جماعتی بنیادوں پر انتخابات جمہوریت کیلئے نقصان دہ ثابت ہونگے۔ حکومت اپنے بلدیاتی نظام کے تحت صوبے میں اپنی اجارہ داری قائم کرنا چاہتی ہے۔ غیر جماعتی بلدیاتی انتخابات ن لیگ کی آمرانہ سوچ کی عکاسی ہے۔ ن لیگ غیرجماعتی بلدیاتی الیکشن کروا کے اپنے سیاسی مفادات کو تحفظ دینا چاہتی ہے۔ان خیالات کا اظہار ضلعی راہنما پاکستان تحریک انصاف ٹکٹ ہولڈر حلقہ پی پی 112 نوازش علی شیخ ایڈووکیٹ نے کیا انہوں نے کہا کہ آمرانہ فیصلوں کو عوام پر تھوپنے کیلئے عوام کو دھوکے میں رکھا جا رہا ہے۔ بلدیاتی نظام کے تحت حکومت اپنے من پسند افراد کو عوام پر مسلط کر دے گی۔ بلدیاتی نظام عوامی مسائل حل کرنے کیلئے لاگو کیا جاتا ہے مگر حکمران اپنے مسائل حل کرنے کیلئے غیر جماعتی بلدیاتی نظام لا رہے ہیں جو کہ عوام کو دھوکہ دینے کے مترادف ہے اور جمہوریت کے لئے نقصان دہ ہے۔ انہوں نے کہاکہ بد قسمتی سے پاکستان میں پانچ مختلف بلدیاتی نظام رائج ہیں ہر صوبے کا اپنا الگ بلدیاتی نظام ہے پورے ملک میں ایک بلدیاتی نظام جمہوریت کو پروان چڑھانے میں سود مند ثابت ہو گا۔ انہوں نے کہا کہ پنجاب حکومت صوبے میں نچلی سطح تک اختیارات کو منتقل کرنے کیلئے دوہرا نظام ختم کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بابر حسین کی والدہ کی وفات پر تحریک انصاف حلقہ پی پی 112 راہنمائوں کا اظہار افسوس
لالہ موسیٰ (محمد بلال احمد بٹ) ملک بابر حسین کی والدہ کی وفات پر تحریک انصاف حلقہ پی پی 112 راہنمائوں کا اظہار افسوس۔تحریک انصاف حلقہ پی پی 112 کے راہنمائوں ضلعی راہنماو ٹکٹ ہولڈ ر حلقہ پی پی 112 نوازش علی شیخ ایڈووکیٹ، کوآرڈینیٹر حلقہ پی پی 112 سید حسن رضا شاہ گیلانی، سینئر نائب صدر حاجی چوہدری رفیق احمد دھامہ، صدر لالہ موسیٰ سہیل نواز خاں، کوآرڈینیٹر حلقہ پی پی 112ڈاکٹر سید اکرام الرحمن ہاشمی، آفس انچارج انصاف مرکز لالہ موسیٰ غلام عباس بھٹہ اور دیگر نے ملک بابر حسین کی والدہ کی وفات پر گہرے دکھ اور غم کا اظہار کیا اور دعا کی کہ اللہ تعالی مرحومہ کو جنت الفردوس میں اعلیٰ مقام عطا فرمائے اور مرحومہ کے لواحقین کو صبر جمیل عطا فرمائے آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طاہر رفیق بٹ، اورنگ زیب قریشی، ظفر اقبال قریشی ایڈووکیٹ نے بلدیاتی انتخابات لڑنے کا اعلان کر دیا
لالہ موسیٰ(محمد بلال احمد بٹ)طاہر رفیق بٹ،اورنگ زیب قریشی،ظفر اقبال قریشی ایڈووکیٹ نے بلدیاتی انتخابات لڑنے کا اعلان کر دیا۔تفصیلات کے مطابق انصاف مرکز لالہ موسیٰ میں آفس انچارج غلام عباس بھٹہ سے طاہر رفیق بٹ آف شاہ سر مست نے یونین کونسل گنجہ سے، جبکہ اورنگ زیب قریشی اور ظفر اقبال قریشی ایڈووکیٹ نے یونین کونسل 86/3 لالہ موسیٰ سے انتخابات حصہ لینے کے حوالے سے رابطہ کیا۔ انہوں نے نوازش علی شیخ ایڈووکیٹ کی قیادت پر بھرپور اعتماد کا اظہار کیا اور تحریک انصاف کے پلیٹ فارم سے آئندہ بلدیاتی الیکشن میں حصہ لینے کیلئے آمادگی ظاہر کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سلاٹر ہائوس پر قبضہ کی خبریں بے بنیاد ہیں، شیخ وجاہت حفیظ
لالہ موسی ٰ(محمد بلال احمد بٹ) چیف آفیسر بلدیہ لالہ موسیٰ شیخ وجاہت حفیظ نے کہا ہے کہ سلاٹر ہائوس پر قبضہ کی خبریں بے بنیاد ہیں اوراسکا قبضہ اور ملکیت TMA کے پاس ہے اپنے وضاحتی بیان میں انہوں نے کہا کہ ٹی ایم اے کے بھمبر نالہ بند پر موجود سلاٹر ہائوس پر کسی فرد کا قبضہ نہیں شروع سے ٹی ایم اے کے قبضہ میں ہے چند ماہ قبل تک اسکا کرایہ وصول کیا جا رہا تھا جو کہ بعد ازاں ختم ہونے پر اسکی چابی ٹیکس برانچ کے پاس موجود ہے انہوں نے کہا کہ موجودہ سلاٹر ہائوس میں مذبحہ نہیں ہو سکتا وہاںپر باقاعدہ انتظامات نہیں اور جگہ ناکافی ہے ٹی ایم اے کی ملکیتی نئی جگہ تین کنال سے زائد پر نئے مالی سال میں فنڈز مہیا ہونے پر جدید مذبحہ خانہ تعمیر کئے جانے کی تجویز کو حتمی شکل دی جا رہی ہے انہوں نے درخواست کی کہ صحافی برادری خبر کی اشاعت سے قبل حقائق معلوم کر لیا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ ٹی ایم اے کی لالہ موسیٰ سے عدم توجہی،رائل پیلس کے سامنے سڑک میں خطرناک گڑھے کسی بڑے حادثہ کا پیش خیمہ بن سکتے ہیں
لالہ موسی ٰ(محمد بلال احمد بٹ) محکمہ ٹی ایم اے کی لالہ موسیٰ سے عدم توجہی، رائل پیلس کے سامنے سڑک میں خطرناک گڑھے کسی بڑے حادثہ کا پیش خیمہ بن سکتے ہیں این ایچ اے کی جانب سے لالہ موسیٰ کو نظر انداز کئے جانے پر عوام شدید پریشان ہو گئے خونی یوٹرن، شکستہ اور کچے شولڈرز کے بعد لالہ موسیٰ میں گجرات سے داخلے سے قبل ہی جی ٹی روڈ میں پڑے ہوئے گڑھوں سے موٹر سائیکل رکشہ سوار گرنے لگے، جبکہ نئے آنے والے ڈرائیوروں کی بھی لا علمی سے کسی بڑے حادثہ اندیشہ پیدا ہو گیا ہے،لالہ موسیٰ کے سیاسی سماجی حلقوں نے کہا ہے کہ لالہ موسیٰ سے لاکھوں روپے آمدن حاصل کرنے کے باوجود لالہ موسیٰ شہر پر این ایچ اے کا ایک روپیہ بھی خرچ نہ کرنا ناقابل سمجھ ہے جبکہ منتخب نمائندے بھی اس طرف توجہ دینے کو تیار نہیں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے لالہ موسیٰ کے زیر اہتمام ڈینگی ڈے کے موقع پر سیمینار کمانڈر شہزاد میونسپل لائبریری کے ہال میں منعقد ہوا
لالہ موسیٰ(محمد بلال احمد بٹ) ٹی ایم اے لالہ موسیٰ کے زیر اہتمام ڈینگی ڈے کے موقع پر سیمینار کمانڈر شہزاد میونسپل لائبریری کے ہال میں منعقد ہوا، سیمینار کے مہمان خصوصی سابق ناظم ڈاکٹر عرفان احمد صفی تھے، جبکہ چیف آفیسر بلدیہ لالہ موسیٰ،شیخ وجاہت حفیظ صدیقی نے نقابت کی اور حاضرین کو ڈینگی کے حوالہ سے آگاہ کیا سیمینار کے مہمان اعزاز صدر انجمن فلاح عوام سید ضیاء علی شاہ ترمذی اور پرنسپل ووکیشنل ٹریننگ سنٹر خرم شہزاد تھے، انسپکٹر ماحولیات مدثر احمد نے ڈینگی کے حوالہ سے حاضرین کو آگاہ کیا جبکہ اس موقع پر ملٹی میڈیا کے ذریعہ ڈینگی اور اسکے متعلق حفاظتی تدابیر پر دستاویزی فلم بھی حاضرین کو دکھائی گئی، سیمینار میں ٹی ایم اے ملازمین، طلبہ و طالبات سول سوسائٹی کے نمائندہ افراد نے کثیر تعداد میں شرکت کی، جبکہ ٹی ایم اے کی جانب سے شہر کے مختلف چوکوں اور جی ٹی روڈ پر ڈینگی کے متعلق آگاہی بینر اور صفائی کے حوالہ سے بورڈز لگوائے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کے منتخب نمائندوں کا عید کے بعد تجاوزات آپریشن تاحال شروع نہ ہو سکا
لالہ موسیٰ(محمد بلال احمد بٹ) لالہ موسیٰ کے منتخب نمائندوں کا عید کے بعد تجاوزات آپریشن تاحال شروع نہ ہو سکا، جبکہ تجاوزات کے حوالہ سے بنائی گئی کمیٹی بھی اپنا موثر کردار ادا نہ کر سکی،ٹی ایم اے افسران نے تجاوزات کے خاتمہ کے لیے جس آپریشن کا آغاز رمضان المبارک سے قبل کیا تھا وہ ووٹ بینک بنانے کے چکر میں روک دیا گیا اور لالہ موسیٰ کے نومنتخب ممبران اسمبلی نے تجاوزات مافیا کے آگے گھٹنے ٹیکتے ہوئے افسران کو آپریشن سے روکتے ہوئے عید کے بعد منت ترلا کر کے تجاوزات ختم کرنے کی پالیسی بنانے پر زور دیا عوامی حلقوں کا کہنا ہے کہ تجاوزات مافیا کے خلاف جرمانے اور منتین اثر نہیں دکھا سکتیں،اگر ٹی ایم اے افسران کو فری ہینڈ دیا جائے تو ہزاروں مرد و خواتین کی دعائیں حاصل کی جا سکتی ہیں اور تجاوزات کے خاتمہ کے لیے ٹی ایم اے افسران کی روشن مثالیں سب کے سامنے موجود ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک تحفظ اسلام پاکستان کے زیر اہتمام عظیم الشان یوم تحفظ ختم نبوت
لالہ موسیٰ(محمد بلال احمد بٹ) تحریک تحفظ اسلام پاکستان کے زیر اہتمام عظیم الشان یوم تحفظ ختم نبوت سیمینار7 ستمبر بروز ہفتہ بعد نماز ظہر بشیر میرج ہال نزد سائنس کالج جی ٹی روڈ گجرات میں منعقد ہو گا جسکی سرپرستی مرکزی امیر تحریک تحفظ اسلام غازی محمد ثاقب شکیل جلالی کریں گے کانفرنس میں ملک بھر سے علماء و مشائخ خطاب کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈینگی ڈے کے موقع پر ٹراما سنٹر میں آگاہی سیمینار منعقد ہوا
لالہ موسیٰ(محمد بلال احمد بٹ) ڈینگی ڈے کے موقع پر ٹراما سنٹر میں آگاہی سیمینار منعقد ہوا ایم ایس او،سرجن ڈاکٹر اکبر لنگڑیال نے ڈینگی کے حوالہ سے آگاہ کیا،سیمینار میں ٹراما سنٹر، آئی آر ایچ سی کے ملازمین، مریضوں کے ورثاء اور سول سوسائٹی کے نمائندہ افراد نے شرکت کی مقررین نے کہا کہ ڈینگی کے حوالہ سے محکمہ صحت الرٹ اور ہر قسم کی آفات کا پوری قوم سے مل کر مقابلہ کرنے کے لئے تیار ہے،مقررین نے کہا کہ ڈینگی مچھر کا خاتمہ صحت و صفائی کے بنیادی اصولوں پر عمل کر کے اور ہر قسم کے کھڑے ہوئے پانی کا نکاس بہتر بنا کر کیا جا سکتا ہے،جبکہ اسکی علامات ظاہر ہون پر خود علاج کرنے یا عطائیوں سے رابطہ کرنے کی بجائے مراکز محکمہ صحت اور مستند طبی ماہرین سے رابطہ کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ صدر لالہ موسی) کے علاقہ میں ایک شخص کو رات کو سوتے میں قتل کر دیا گیا
لالہ موسیٰ (محمد بلال احمد بٹ) تھانہ صدر لالہ موسی) کے علاقہ میں ایک شخص کو رات کو سوتے میں قتل کر دیا گیا، تفصیل کے مطابق نواحی گائوں بھانووالی کا رہائشی فضل حسین ولد احمد دین اپنے گھر میں سو رہا تھا کہ رات بارہ بجے کے دو نامعلوم ملزمان نے فائرنگ کر کے قتل کر دیا،اطلاع ملنے پر پولیس نے موقعہ پر پہنچ کر نعش قبضہ میں لے لی اور پوسٹ مارٹم کے بعد نعش ورثاء کے حوالے کر دی، پولیس نے مقتول کے بھائی اصغر علی ولد محمد دین قوم گجر سکنہ بھانوو والی کی رپورٹ پر دو نامعلوم ملزمان کے خلاف مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ(محمد بلال احمد بٹ)اوسلو کی ممتاز کاروباری سیاسی سماجی شخصیت شیخ طارق محمود(اوسلو کارسنٹر)آج بروز سوموار پاکستان سے جشن آزادی کی تقریبات کے لیے اوسلو پہنچنے والے سیاسی و سماجی قائدین کے اعزا ز میں پرتکلف عشائیہ دیں گے،تقریب میں پاکستانی مہمانوں کے ساتھ ناروے کی سیاسی سماجی اور کاروباری شخصیات میں شرکت کریں گے،شیخ طارق محمود کے عشائیہ میں جسٹس ثاقب نثار، ایم پی اے چوہدری شبیر احمد کوٹلہ،سینیٹر چوہدری جعفر اقبال،بیگم عشرت اشرف، ایم پی اے زمیم قادری سمیت دیگر شامل ہیں۔
Related Posts
