مرکز اہلسنت نیک آباد (مراڑیاں شریف) میں عالمی شہادت کربلا کانفرنس منعقد ہوئی
لالہ موسیٰ (محمد بلال احمد بٹ ) مرکز اہلسنت نیک آباد (مراڑیاں شریف) میں عالمی شہادت کربلا کانفرنس منعقد ہوئی جس میں اندرون وبیرون ملک سے ہزاروں خواص وعوام نے شرکت کی۔ استاذ العلماء حضرت پیر محمد افضل قادری مرکزی امیر تنظیم اہلسنت وسجادہ نشین نیک آباد (مراڑیاں شریف) نے خطبہ صدارت میں کہا کہ سیدنا امام حسین خوبصورت بھی تھے کیونکہ حبیب خدا ۖ سے مشابہ تھے اور خوب سیرت بھی کہ امام الانبیاء ۖ، حضرت علی المرتضیٰ اور سیدہ فاطمہ الزہرا رضی اللہ عنہما کی بے مثال تربیت کے نتیجے میں انتہائی پاکباز، متقی، پرہیزگار، شب بیدار، روزوں کی کثرت کرنے والے، بے حد صدقہ و خیرات کرنے والے، انتہائی بہادر، غیور، صاحب استقامت، حق گو، نیکی کے کاموں میں بڑھ کر حصہ لینے والے تھے۔ پیر صاحب نے مزید کہا کہ رسول اللہ ۖ نے سیدنا امام حسین رضی اللہ عنہ کے حق میں دعا فرمائی تھی کہ اے اللہ! جو ان سے محبت کرے تو بھی ان سے محبت فرما۔ معرکہ کربلا کے اسباب بیان کرتے ہوئے پیر صاحب نے کہا کہ یزید فاسق، ظالم، شرابی، ناچ گانے کا دلدادہ اور حدود الہٰیہ کو پائمال کرتا تھا لہذا حضرت امام حسین رضی اللہ عنہ نے اسے حاکم ماننے سے اور اس کی بیعت کرنے سے انکار فرما دیا جس کی پاداش میں میدان کربلا میں آپ کے پیاروں کو ایک ایک کر کے بے دردی سے شہید کردیا گیا حتیٰ کہ آپ خود بھی بے شمار زخموں اور شدید بھوک وپیاس کی حالت میں شہید کر دئیے گئے لیکن آپ نے آخر دم تک فاسق وفاجر حکمران یزید کی بیعت نہ کر کے فقید المثال استقامت اور جرأت کا مظاہرہ فرمایا اور قیامت تک آنے والے مسلمانوں کی رہنمائی فرمائی کہ فاسق وفاجر مسلمانوں کا امیر نہیں ہو سکتا۔ انہوں نے کہا کہ شہادت اسلام کے ایک بلند مرتبے کا نام ہے، لہذا اس مقدس لفظ کا اطلاق جانور یا پھر دہشت گرد پر کرنا شعائر اسلام کا استہزاء اور دین کی توہین ہے۔ انہوں نے کہا کہ شہادت وہی ہے جو فی سبیل اللہ ہو، لیکن دین کی سربلندی کیلئے ہوتو وہ اعلیٰ درجے کی شہادت ہے اور اگر اسلامی ملک یا مسلمانوں کی حفاظت کرتے ہوئے جان چلی جائے تو اس مسلمان کو بھی شہادت کا ثواب ملتا ہے جبکہ فقہاء اسلام نے ڈاکو اور باغی کے ہاتھوں قتل ہونے والوں کو شہید قرار دیا ہے ۔ شیخ الحدیث مولانا حافظ خادم حسین رضوی نے خطاب کرتے ہوئے کہا کہ امر بالمعروف ونہی عن المنکر علماء ومشائخ اور دیگر ذمہ داران قوم کی شرعی ذمہ داری ہے، اس سے اجتناب کرنے والوں کیلئے سخت عذاب کی وعیدیں قرآن وسنت میں موجود ہیں، انہوں نے کہا کہ حضرت امام حسین رضی اللہ عنہ نے جانیں قربان کرکے امر بالمعروف ونہی عن المنکر کی اعلیٰ ترین مثال قائم فرمائی۔ علامہ نصر اللہ خان قادری، مولانا شاہد چشتی، علامہ تلاوت خان نے مختلف قرار دادوں کے ذریعے مملکت خداد داد پاکستان میں نظام مصطفیۖ اور خلافت راشدہ کے نفاذ، تباہ کن عریانی وفحاشی وبے پردگی کے انسداد اور پاکستان میں ڈرون حملوں اور خودکش حملوں کو سختی سے روکنے کا مطالبہ کیا۔ شہادت کربلا کانفرنس کیساتھ ولی کامل عالم ربانی حضرت خواجہ پیر محمد اسلم قادری رحمة اللہ علیہ کے عرس مبارک کی تقاریب بھی منعقد ہوئیں جن میں علماء نے صاحب عرس کے متعلق کہا کہ وہ قطب الاولیاء استاذ العلماء اور نائب غوث الوریٰ تھے، انکے ہاتھ سے بیشمار کرامات ظاہر ہوئیں اور ہزاروں لاکھوں لوگ ان کے علمی وروحانی فیض سے مستفید ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرپشن وہی ختم کر سکتا ہے جو خود کرپٹ نہ ہو،نوازش علی شیخ ایڈووکیٹ
لالہ موسیٰ(محمد بلال احمد بٹ) کرپشن وہی ختم کر سکتا ہے جو خود کرپٹ نہ ہو۔کے پی کے میں وزرا کی بر طرفی کرپشن کیخلاف انتہائی اہم اقدام ہے ۔خیبر پختونخواہ میں تحریک انصاف نے نئی تاریخ رقم کی ہے عمران خان نڈر اور جرات مند لیڈر ہیں۔ان خیالات کا اظہار پاکستان تحریک انصاف ضلع گجرات کے راہنما سابق امیدوار صوبائی اسمبلی حلقہ پی پی112 نوازش علی شیخ ایڈووکیٹ نے کیا انہوں نے کہاکہ خیبر پختونخواہ میں تحریک انصاف کی حکومت پنجاب حکومت کیلئے مشعل راہ ہے پنجاب حکومت بھی صوبے میں کرپٹ عناصر کے خلاف اقدامات کرے۔سرکاری محکموں میں کرپشن کو کسی صور ت بھی برداشت نہ کیا جائے۔انہوں نے کہا کہ پاکستان تحریک انصاف اپنے منشور پر عمل کرتے ہوئے عوامی امنگوں کی تکمیل کیلئے ہر ممکن اقدامات کرے گی اور صوبے میں مکمل طور پر کرپشن کا خاتمہ کر کے رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سیاسی و سماجی شخصیت محمد نثار ڈار نے وارڈ نمبر 5سے جنرل کونسلر کا الیکشن لڑنے کا اعلان کر دیا
لالہ موسیٰ (محمد بلال احمد بٹ ) ممتاز سیاسی و سماجی شخصیت محمد نثار ڈار نے وارڈ نمبر 5سے جنرل کونسلر کا الیکشن لڑنے کا اعلان کر دیا ، وہ اپنے دوست احباب اور ساتھیوں کی حمایت کیساتھ وارڈ نمبر 5سے آزاد حیثیت سے بلدیاتی انتخابات میں حصہ لیں گے ۔ محمد نثار ڈار نے صحافیوں سے گفتگو کرتے ہوئے کہا ہے کہ ہمیشہ بے لوث عوامی خدمت ہی میری زندگی کا مشن رہا ہے ، انتخابات میں حصہ لینے کا اعلان ساتھیوں اور دوست احباب کے اسرار پر کیا میں ہاروں یا جیتوں کوئی فرق نہیں پڑتا اپنے مشن کو آخری سانس تک جا ری رکھوں گا ۔ انہوں نے کہا کہ میں کسی صورت پیچھے ہٹنے والا نہیں اپنے ساتھیوں کے محبتوں اور عوامی ووٹ کی طاقت سے نمایاں کامیابی حاصل کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام میری طاقت ہیں ہم ووٹ کی طاقت سے عملی انقلاب اور تبدیلیاں چاہتے ہیں،چوہدری جمشید صابر
لالہ موسیٰ (محمد بلال احمد بٹ ) چوہدری جمشید صابر امیدوار برائے جنرل کونسلر وارڈ نمبر 5نے گزشتہ روز صحافیوں سے گفتگو کرتے ہوئے کہا ہے کہ عوام میری طاقت ہیں ہم ووٹ کی طاقت سے عملی انقلاب اور تبدیلیاں چاہتے ہیں ، علاقہ کی عوام سے ہمارا وفا کا رشتہ ہے ہمیشہ عوامی مفادات اور بے لوث عوامی خدمت کی سیاست کی ہے ، دکھی انسانیت کے دکھ درد دور کر کے ہمیں دلی سکون ملتا ہے انشاء اللہ آئندہ انتخابات میں کسی کامیابی حاصل کر کے تعمیر و ترقی کا سنہرا باب لکھیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاکھوں روپے مالیت فی مرلہ بکنے والی جگہ کیمپنگ گرائونڈ کی سڑکیں کھنڈرات کا نمونہ بن گئیں
لالہ موسیٰ (محمد بلال احمد بٹ) لاکھوں روپے مالیت فی مرلہ بکنے والی جگہ کیمپنگ گرائونڈ کی سڑکیں کھنڈرات کا نمونہ بن گئیں ۔ وفاقی و صوبائی محکموں کی عدم توجہی کے باعث کروڑوں کی لاگت سے بننے والے پلازے چند سو روپے کرایوں پر چڑھنے لگے ۔ 30لاکھ روپے تک فی مرلہ بکنے والا کیمپنگ گرائونڈ کا منہنگا ترین علاقہ جہاں شہر کے اکثریت تعلیمی ادارے ، ہسپتال اور شاپنگ سنٹر واقع ہیں بے معنی اور بد نما داغ بن چکے ہیں ۔ شہر کی اہم ترین جگہ ہونے کے باوجود حکام کی عدم توجہی نے عوام کو شدید مایوسی کا شکار کر دیا ہے ۔ لالہ موسیٰ کے عوامی سماجی حلقوں نے MNA چوہدری جعفر اقبال اور MPA چوہدری اشرف دیونہ سے پرزور مطالبہ کیا ہے کہ کیمپنگ گرائونڈ کی حالت پر جلد از جلد نظر ثانی کرتے ہوئے یہاں تعمیر نو کا کام شروع
کروایا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کئی جماعتوں کے ٹکٹوں کی آفر ہوئی لیکن سب کو ٹھکرا کر آزاد حیثیت سے الیکشن لڑنے کا فیصلہ کیا ہے،مرزا ثاقب محمود
لالہ موسیٰ (محمد بلال احمد بٹ ) امیدوار برائے جنرل کونسلر وارڈ نمبر 3مرزا ثاقب محمود نے صحافیوں سے گفتگو کرتے ہوئے اپنے بیان میں کہا ہے کہ کئی جماعتوں کے ٹکٹوں کی آفر ہوئی لیکن سب کو ٹھکرا کر آزاد حیثیت سے الیکشن لڑنے کا فیصلہ کیا ہے ، ہماری طاقت کوئی سیاسی دھڑا یا جماعت نہیں بلکہ عوام کی محبت ہماری اصل طاقت اور سرمایہ ہے ہم نے ہمیشہ عوامی مفادات کی سیاست کی ہے ، سابقہ بلدیاتی انتخابات میں جس طرح علاقہ کی عوام نے مجھے اپنی محبتوں سے نوازا انشاء اللہ آئندہ بھی اسی طرح عوامی ووٹ کی طاقت سے ریکارڈ کامیابی حاصل کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ جی ٹی روڈ کے دونوں اطراف میں موجود لنڈا بازار سیکورٹی رسک بن گیا
لالہ موسیٰ (محمد بلال احمدبٹ ) لالہ موسیٰ جی ٹی روڈ کے دونوں اطراف میں موجود لنڈا بازار سیکورٹی رسک بن گیا ۔ سڑک کے دونوں اطراف موجود لنڈا بازار میں غیر ملکی افراد کی کثیر تعداد جو کسی قسم کی کوئی شناخت ہی نہیں رکھتے دکانیں اور سٹال سجائے ہر قسم کی اشیاء فروخت کرتے نظر آتے ہیں جنکا حساس اداروں سے تعلق بھی ممکن ہے جبکہ انتظامیہ کے پاس اس سے متعلق کسی قسم کا کوئی ریکارڈ نہیں ہے جبکہ اس سلسلہ میں مقامی انتظامیہ نے بتایا ہے کہ لنڈا بازار کے دکانداروں کی رجسٹریشن کا کام جلد شروع کر دیا جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کی ممتاز سیاسی و سماجی شخصیات فریضہ حج کی ادائیگی کے بعد وطن واپس پہنچ گئیں
لالہ موسیٰ (محمد بلال احمد بٹ ) لالہ موسیٰ کی ممتاز سیاسی و سماجی شخصیات فریضہ حج کی ادائیگی کے بعد وطن واپس پہنچ گئیں ۔ جن میں الحاج ملک محمد اسماعیل ، ملک ناصر علی ، مہر محمد رشید ، مہر محمد مجید ، نزاکت علی انصاری بخیر و عافیت فریضہ حج کی ادائیگی کے بعد لالہ موسیٰ پہنچ گئے ہیں ۔ حجاج اکرام کو فریضہ حج کی ادائیگی مبارکباد دینے والوں میں ڈاکٹر عرفان احمد صفی ، صحافی خالد مجید بٹ ، حاجی تاج نسیم ، ملک شفیق امجد ، ملک الطاف حسین ، ملک اکبر علی ، ملک حمید ، ملک لیاقت ، ملک محمد دین و دیگر معززین شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اختر حسین بھٹی ، نجم الحسن جج ، کرنل شیر احمد اور محمد یوسف پاکستانی کی ہمشیرہ ، محمد اسد بھٹی چھوٹا بازار والوں کی اہلیہ مختصر علالت کے بعد انتقال کر گئیں
لالہ موسیٰ (محمد بلال احمدبٹ ) اختر حسین بھٹی ، نجم الحسن جج ، کرنل شیر احمد اور محمد یوسف پاکستانی کی ہمشیرہ ، محمد اسد بھٹی چھوٹا بازار والوں کی اہلیہ مختصر علالت کے بعد انتقال کر گئیں ۔ مرحوم کو آج بروز سوموار بعد از نماز عصر سپرد خاک کر دیا جائے گا ۔ مرحومہ کا جنازہ انکی رہائشگاہ واقعہ گلی ملک رمضان والی محلہ کمیٹی دفتر سے اٹھایا جائے گا اور شیخاں والا قبرستان میں نماز جنازہ ادا کی جائے گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماہ جون 2013 میں DCO گجرات کا لالہ موسیٰ میں نو تعمیر شدہ گرلز ہائی سکول میں تعلیمی سال شروع کرنے کا وعدہ ” ہنوز دلی دو راست ” کی عملی مثال بن گیا
لالہ موسیٰ (محمدبلال احمد بٹ ) ماہ جون 2013 میں DCO گجرات کا لالہ موسیٰ میں نو تعمیر شدہ گرلز ہائی سکول میں تعلیمی سال شروع کرنے کا وعدہ ” ہنوز دلی دو راست ” کی عملی مثال بن گیا ۔ ضلع کے سب سے بڑے سربراہ کا عوامی نمائندوں کے بھرپور تعاون کے باوجود 5ماہ گزرنے کے بعد بھی گرلز ہائی سکول میں تعلیمی سال کا آغاز نہ کرانا بڑا لمحہ فکریہ ہے ۔ اسلامیہ ہائی سکول کے عقب میں تعمیر کیا گیا سکول شروع نہ ہونے کے باعث نشہ میں دھت جہازوں کی آماجگاہ اور جرائم پیشہ افراد کا ٹھکانہ بن گیا ہے جبکہ سکول کی عمارت ایک سال سے کھنڈر کی صورت بن چکی ہے ۔ محکمہ تعلیم کے افسران کا کہنا ہے کہ سکول میں 2چوکیدار تعینات ہیں جبکہ آج تک ایک بھی سرکاری ملازم سکول حدود میں نظر نہیں آیا ۔ لالہ موسیٰ شہر کے عوامی سماجی حلقوں نے وزیر اعلیٰ پنجاب میاں شہباز شریف سے فوری ایکشن لینے کا مطالبہ کیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ NHA کے لالہ موسیٰ جی ٹی روڈ سروسز روڈ سے ملحقہ نالے خونی بن گئے
لالہ موسیٰ (محمد بلال احمد بٹ ) محکمہ NHA کے لالہ موسیٰ جی ٹی روڈ سروسز روڈ سے ملحقہ نالے خونی بن گئے ۔ کروڑوں روپے کی لاگت سے بنائی گئی سروسز روڈ اور نالے اپنے مصرف کھو بیٹھے ، کوئی توجہ نہیں دیتا ۔ جی ٹی روڈ سروسز روڈ سے ملحقہ نالے جوکہ گنداور ملبے سے بھرے پڑے ہیں جگہ جگہ سے ٹوٹ پھوٹ کا شکار ہونے کے باعث بزرگ شہری ، بچے ، خواتین ا ن میں گر کر شدید زخمی ہونے لگے جبکہ کئی دفعہ موٹر سائیکل ، سائیکل و رکشہ سوار بھی نالوں میں گر کر اپنا نقصان کروا چکے ہیں ۔ شہریوں کی جانب سے بارہا مرتبہ NHA حکام کو دی جانے والی درخواستیں بھی ردی کا حصہ بن جاتی ہیں ۔ اس سلسلہ میں شہریوں نے
ایک عوامی سروے میں منتخب کردہ نمائندوں سے فوری اصلاح کا مطالبہ کیا ہے۔
Related Posts
