امیدواور برائے کونسلر طارق پاانڈا،عمران اشرف گجر،سید حبیب حیدر شاہ کی درخواست پر امیدوار برائے جنرل کونسلر شاہد قمر کے حق میں دستبردار ہو گئے
لالہ موسیٰ(محمد بلال احمد بٹ)وارڈ نمبر14سے سادات گروپ سے تعلق رکھنے والے امیدواور برائے کونسلر طارق پاانڈا،عمران اشرف گجر،سید حبیب حیدر شاہ کی درخواست پر امیدوار برائے جنرل کونسلر شاہد قمر کے حق میں دستبردار ہو گئے،طارق پانڈا اور چوہدری عمران اشرف گجر کی دستبرداری سے شیخ شاہد قمر کی پوزیشن مزید بہتر ہ وگئی، شیخ شاہد قمر نے چوہدری عمران اشرف گجر،طارق پانڈا کی دستبرداری کا خیر مقدم کرتے ہوئے کہا کہ دوستوں کے تعاون سے وارڈ نمبر14سے کامیابی حاصل کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ کے معروف چائلڈ سپیشلسٹ ڈاکٹر شفقت جاوید کے بہنوئی چوہدری محمد نواز گجرات میں اچانک حرکت قلب بند ہو جانے سے انتقال کر گئے
لالہ موسیٰ(محمد بلال احمد بٹ)لالہ موسیٰ کے معروف چائلڈ سپیشلسٹ ڈاکٹر شفقت جاوید کے بہنوئی چوہدری محمد نواز گجرات میں اچانک حرکت قلب بند ہو جانے سے انتقال کر گئے،مرحوم کی نماز جنازہی آج بروز جمعرات صبح گیارہ بجے قبرستان چاہ کھولے ریلوے روڈ گجرات میں ادا کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جی ٹی روڈ محلہ کائرہ سے220کے وی کا ٹرانسفارمر چوری
لالہ موسیٰ(محمد بلال احمد بٹ)جی ٹی روڈ محلہ کائرہ سے220کے وی کا ٹرانسفارمر چوری،تفصیل کے مطابق گذشتہ رات نامعلوم چور محلہ کائرہ جی ٹی روڈ پر نصب220 کے وی کا ٹرانسفارمر چرا کر لے گئے جسکی تاحال ایف آئی آر درج نہ وہ سکی،ٹرانسفارمر چوری ہونے سے محلہ کائرہ اندھیرے میں ڈوب گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واپڈا کی بجلی چوروں کے خلاف مہم جاری،مزید دو گرفتار،
لالہ موسیٰ(محمد بلال احمد بٹ)واپڈا کی بجلی چوروں کے خلاف مہم جاری،مزید دو گرفتار،لاکھوں روپے جرمانہ،تفصیل کے مطابق ایس ڈی او واپڈا سٹی سب ڈویثرن عبدالقیوم نے کیمپنگ گرائونڈ میں چھاپہ مارکر شہباز کو بجلی چوری کرتے ہوئے رنگے ہاتھوں پکڑ کر80ہزار جرمانہ جبکہ گلی دینہ چکیاں کے رہائشی ملک محمد اشرف کو گرفتارکر کے اڑھائی لاکھ روپے جرمانہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد رفیق بھٹی یوسی علی چک سے پسندیدہ ترین امیدوار بن گئے
لالہ موسیٰ (محمد بلال احمد بٹ ) محمد رفیق بھٹی یوسی علی چک سے پسندیدہ ترین امیدوار بن گئے ، انکی عوامی پذیرائی اور جوق در جوق حمایتوں نے انکی مقبولیت میں بے پناہ اضافہ کر دیا ۔ تفصیل کے مطابق بلدیاتی الیکشن 2013-14 کیلئے لالہ موسیٰ کے نامور سینئر صحافی محمد رفیق بھٹی نے اپنے ساتھیوں ، برادری اور معززین علاقہ کی حمایت سے یوسی علی چک سے کسان کونسلر کا الیکشن لڑنے کا اعلان کیا تو علاقہ بھر سے انہیں بے حد عوامی پذیرائی اور جوق در جوق حمایتوں کا سلسلہ شروع ہو گیا جس سے انکی مقبولیت میں بے حد اضافہ ہوا ہے ، عوامی حلقوں کی جانب سے یہ بات زبان عام پر آچکی ہے کہ یوسی علی چک سے انکی کامیابی یقینی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاسپورٹ آفس گجرات کے ڈپٹی ڈائریکٹر ریاض احمد ریاض ایک فرض شناس اور ایماندار آفیسر ہیں
لالہ موسیٰ (محمد بلال احمد بٹ ) پاسپورٹ آفس گجرات کے ڈپٹی ڈائریکٹر ریاض احمد ریاض ایک فرض شناس اور ایماندار آفیسر ہیں ، انہوں نے ہمیشہ اپنے فرائض کو سامنے رکھتے ہوئے میرٹ پر ڈیوٹی کی ہے ۔ ان خیالات کا اظہار گزشتہ روز ایک عوامی سروے میں پاسپورٹ آفس میں آئے شہریوں نے کیا ۔ شہریوں نے پاسپورٹ آفس کے عملہ کی کارکردگی اور خوش اخلاقی کو سراہتے ہوئے خراج تحسین پیش کیا ہے ۔ شہریوں کا کہنا تھا کہ اگر تمام سرکاری محکموں میں افسرا ن اگر ایسی ہی فرض شناسی سے کام کریں تو محکموں اور عوام میں تعلقات اچھے ہو سکتے ہیں۔
