لالہ موسی کی خبریں 22/4/2014

محکمہ تعلیم ضلع گجرات میں27ڈپٹی ڈی او،اے ای او،ہیڈ ماسٹر کی آسامیاں خالی
لالہ موسیٰ(محمد بلال احمد بٹ )محکمہ تعلیم ضلع گجرات میں27ڈپٹی ڈی او،اے ای او،ہیڈ ماسٹر کی آسامیاں خالی ،محکمہ کے افسران اضافی چارج اور ایڈہاک ازم سے کام چلانے لگے،ضلع گجرات میں2ڈپٹی ڈی او مردانہ،اے ای او مردانہ3،اے ای او زنانہ2اور ضلع بھر کے ہائی سکولوں میں20ہیڈ ماسٹر کی آسامیاں خالی ہیں جو کہ عرصہ دراز سے خالی ہونے پر محکمہ تعلیم کے افسران سیاسی دبائو اور تنائو کا شکار نظر آتے ہیں،جبکہ ضلع گجرات میں محکمہ تعلیم کی اہم سیٹوں پر تعیناتی نہ ہونے سے محکمہ کا دفتری نظام متاثر ہو رہا ہے،ضلع گجرات میں سکولوں میں سٹاف کی تعیناتی کے ساتھ ایڈمنسٹریٹو آسامیاں پر تقرریاں بھی بے حد ضروری ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات رائے اعجاز احمد کی مقدمات کے مدعیوں سے ملاقات
لالہ موسیٰ(محمد بلال احمد بٹ)ڈی پی او گجرات رائے اعجاز احمد کی مقدمات کے مدعیوں سے ملاقات،دن ایک بجے سے چار بجے تک مدعیان ڈی پی اوکا انتظار کر کے تھک گئے،جبکہ تھانہ سٹی و صدر لالہ موسیٰ کی جانب سے اشتہاریوں اور زیر التواء مقدمات کے مدعیان کو ایک بجے جبکہ ڈی پی او نے اڑھائی بجے پہنچنا تھا،ڈی پی او رائے اعجاز احمد کے پہنچنے سے قبل ہی گجرات میں تین قتلوں کی وجہ بتا کر ڈی پی او ہونے پر معذرت کی جاتی رہی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹر آصف محمود کے چچا زاد بھائی وقاص بیگ گجرات میں کار پر فائرنگ ہونے پر جاں بحق ہو گئے
لالہ موسیٰ(محمد بلال احمد بٹ)پاکستان مسلم لیگ ن لالہ موسیٰ کے صدر ڈاکٹر آصف محمود کے چچا زاد بھائی وقاص بیگ گجرات میں کار پر فائرنگ ہونے پر جاں بحق ہو گئے،جبکہ انکے ساتھ ٹی سی ایس لالہ موسیٰ کے مینجر مدثر اور شہباز بھی ہلاک ہوگئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسٹنٹ کمشنر کھاریاں میاں اقبال مظہر نے ہیوی مشینری کے ہمراہ سبزی منڈی اور دھاماں روڈ پر گرینڈ آپریشن کیا
لالہ موسیٰ(محمد بلال احمد بٹ)اسٹنٹ کمشنر کھاریاں میاں اقبال مظہر نے ہیوی مشینری کے ہمراہ سبزی منڈی اور دھاماں روڈ پر گرینڈ آپریشن کیا اور وہاں موجود تجاوزات گرا دی گئیں،اس موقع پر ڈی ایم اے محکمہ ریونیو کے افسران اور پولیس کی بھاری نفری موجود تھے اے سی کھاریاں نے سبزی منڈی میں ہزاروں روپے جرمانہ کیا،جبکہ انہوں نے محکمہ فوڈ کے گودام کا وزٹ بھی کیا،انہوں نے نائب تحصیلیدار مہربان کو مذبحہ خانہ کی جگہ کافی الفور قبضہ لینے کے لیے ہدایات کیں، اے سی کھاریاں نے تحصیل بھر کے پرائس مجسٹریٹ صاحبان کو اشیائے خوردونوش کی قیمتوں کو سرکاری نرخ پر رکھنے اور کوالٹی و ایکسپائرء چیک کرنے کی ہدایات بھی جاری کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں زنانہ تعلیمی اداروں میں سکولوں کے اوقات میں طالبات کا باہر جانا معمول بن گیا
لالہ موسیٰ(محمد بلال احمد بٹ)لالہ موسیٰ میں زنانہ تعلیمی اداروں میں سکولوں کے اوقات میں طالبات کا باہر جانا معمول بن گیا،چوکیدار نہ ہونے اور طالبات کی بے بہا تعداد اور سٹاف میں کمی سے چیک اینیڈ بیلنس کا نظام خراب ہوگیا،گذشتہ دنوں بھی ایم بی گرلز سکول سے نہم اور ہشتم کی دو طالبات سکول شروع ہونے کے بعد کسی دوسری طالبات کے برقعہ پہن کر باہر چلی گئیں اور چھٹی کے اوقات سے قبل وہ سکول سے واپس پہنچ گئیں،ذرائع کے مطابق ہیڈ مسٹریس نے طالبات کے والدین کو طلب کر لیا ہے زنانہ تعلیمی اداروں میں کنٹرول اور طالبات کی اخلاقی تربیت کی طرف بھر پور توجہ دینے کی ضرورت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تنظیم مغلیہ لالہ موسیٰ میں صرف تنظیم مغلیہ نہیں بلکہ انسانیت کی خدمت کا ایک بڑا ادارہ ہے،مرزا محمد جمیل
لالہ موسیٰ(محمد بلال احمد بٹ)تنظیم مغلیہ لالہ موسیٰ کے سینئر نائب صدر حاجی مرزا محمد جمیل نے کیا ہے کہ تنظیم مغلیہ لالہ موسیٰ میں صرف تنظیم مغلیہ نہیں بلکہ انسانیت کی خدمت کا ایک بڑا ادارہ ہے ہم صرف مغل برادری کو فوکس نہیں کر رہے ابتدائی مراحل میں مغلیہ برادری کو منظم اور ایک لڑی میں پرو رہے ہیں ہمارا مطمع نظر لالہ موسیٰ میں ہر گھر میں خوشی،دکھوں اور مصائب کے خاتمے کے لیے جدوجہد اور امن و آتشی کا پیغام پہنچانا ہے،حاجی مرزا محمد جمیل نے کہا کہ تنظیم مغلیہ کا ہر وارڈ میں نظم قائم کریں گے اور تنظیم شہر کی ایک بڑی این جی او اور خدمت خلق کا ایک بڑا ادارہ بنے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے نواحی گائوں گدیاں میں گورنمنٹ گرلز پرائمری سکول کا کوئی پرسان حال نہیں
لالہ موسیٰ(محمد بلال احمد بٹ)گجرات کے نواحی گائوں گدیاں میں گورنمنٹ گرلز پرائمری سکول کا کوئی پرسان حال نہیں،یونیورسل ایجوکیشن پروگرام کے تحت بچوں کے داخلوں میں اضافہ پر زور جبکہ طالبات کو پڑھانے کے لیے صرف ایک ٹیچر موجود معززین دیہہ چوہدری بنارس ،منشی شوکت،بابا فضل الٰہی،عباس مہر،حاجی محمد خان،فضل حسین و دیگر ڈی سی او گجرات اور ای ڈی او تعلیم سے مطالبہ کیا ہے کہ سکول کی حالت زار بہتر بنانے کیلئے سکول کا دورہ کریں سکول میں اساتذہ کی کمی کو پورا کیا جائے اور بچوں کو مناسب تعلیمی ماحول مہیا کیا جائے،سٹاف کے بغیر داخلہ مہم چلانے کا کوئی فائدہ نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرات لیاقت علی چٹھہ اور ڈپٹی ڈائریکٹر زراعت آج مرکز خریدگندم لالہ موسیٰ کا دورہ کریں گے
لالہ موسیٰ(محمد بلال احمد بٹ)ڈی سی او گجرات لیاقت علی چٹھہ اور ڈپٹی ڈائریکٹر زراعت آج مرکز خریدگندم لالہ موسیٰ کا دورہ کریں گے،مرکز خریداری گندم پی آر سنٹر لالہ موسیٰ پر کسانوں کو باردانہ کے اجراء کے لیے درخواستیں23اپریل سے جمع کی جا رہی ہیں اور باردانہ کا اجرائ25اپریل سے کیا جا رہا ہے اس سلسلہ میں کسانوں کو اطلاع دی جاتی ہے کہ باردانہ کے حصول کیلئے گندم سنٹر پر 23اپریل کو درخواستیں جمع کرائیں اور بروقت باردانہ حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات کی لالہ موسیٰ میںمیٹنگ،مدعی مقدمہ سے بحث کرنے اور مدعیوں سے عدم رابطہ پر ایس ایچ او تھانہ صدرلالہ موسیٰ جاوید گجرمعطل
لالہ موسیٰ(محمد بلال احمد بٹ) ڈی پی او گجرات رائے اعجازاحمدکی لالہ موسیٰ میں سنگین نوعیت کے مقدمات سمیت دیگرمقدمات کی مدعیوں سے خصوصی میٹنگ،مدعی مقدمہ سے بحث کرنے اور مدعیوں سے عدم رابطہ پر ایس ایچ او تھانہ صدرلالہ موسیٰ جاویدگجرمعطل،سٹی تھانہ لالہ موسیٰ کے علاقہ میں موٹرسائیکل چوری کی بڑھتی وارداتوں پر سٹی پولیس کے افسران کی سرزنش،اس سلسلہ میں گزشتہ روز ڈی پی او گجرات رائے اعجازاحمد نے تھانہ سٹی لالہ موسیٰ میں تھانہ سٹی وصدرلالہ موسیٰ میں درج مقدمات کے مدعیوں سے ملاقات کی ،اس دوران مدعی مقدمہ سے بحث کرنے اور مدعیوں سے عدم رابطہ پرایس ایچ او تھانہ صدرلالہ موسیٰ جاویدگجر کو معطل کرنے کا اعلان کیااور کہاکہ جو بھی تفتیشی مدعی مقدمہ سے تعاون نہیں کرے گا اسے بھی سزاملے گاانہوں نے تھانہ سٹی کے علاقہ میں موٹرسائیکل چوری کی بڑھتی ہوئی وارداتوں پر سٹی پولیس لالہ موسیٰ کے افسران کی سرزنش کرتے ہوئے کہاکہ روزلوگوں کے گھروں کے آگے سے موٹرسائیکل چوری ہورہے ہیں اورآپ سوئے ہوئے ہیں میرادل کرتاہے آپ سب کی دوسال کی نوکری کاٹ لوں،ڈی پی او نے انہیں ہدائت کی کہ جیل سے رہاہونے والے موٹرسائیکل چوروں کو پکڑکرتفتیش کریں اگلے ماہ دوبارہ میٹنگ کروں گا اور جہاں کوتاہی پائی گئی سخت کاروائی کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ سنگین نوعیت سمیت تمام مقدمات کے مدعیوں سے میٹنگ کا مقصداشتہاریوں کیخلاف گھیراتنگ کرناہے،ڈی پی او گجرات
(محمد بلال احمد بٹ) سنگین نوعیت سمیت تمام مقدمات کے مدعیوں سے میٹنگ کا مقصداشتہاریوں کیخلاف گھیراتنگ کرناہے، پولیس اور مدعی مقدمہ کے درمیان معلومات کے تبادلہ سے اشتہاریوں کی گرفتاری میں مددملے گی، ان خیالات کا اظہار ڈی پی او گجرات رائے اعجازاحمدنے تھانہ سٹی لالہ موسیٰ میں مقدمات کے مدعیوں اور شہریوں سے خطاب کرتے ہوئے کیا،انہوں نے کہاکہ ضلع گجرات میں روائت ہے کہ یہاں ایک قتل کے بعد اشتہاری ہوتے ہیں تو دوسراقتل کردیتے ہیں اورپھرمدعی مقدمہ کو ڈرادھمکا کر صلح پرآمادہ کرلیتے ہیں ہم یہ روائت ختم کریں گے،مدعیوں کی معلومات پراشتہاریوں کیخلاف کاروائی انشاء اللہ کامیابی سے ہمکنارہوگی،اشتہاریوں کی جائیدادچیک کریں گے ۔بیروم ممالک فرارہونے والے اشتہاریوں کے ریڈ وارنٹ جاری کرائے جائیں گے،انہوں نے پولیس افسران کو ہدائت کی کہ جس طرح اشتہاری مدعیوں اور انکے اہلخانہ کا سکون تباہ کررہے ہیں اسی طرح پولیس بھی اشتہاریوں کے اہلخانہ کو تنگ کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیف آفیسربلدیہ لالہ موسیٰ عظمت فریدوڑائچ کا گورنمنٹ پرائمری سکول چھتہ،گورنمنٹ ایلمنٹری سکول دینہ چک،گورنمنٹ ایلمنٹری سکول چک سروانی کا دورہ
لالہ موسیٰ(محمد بلال احمد بٹ)چیف آفیسربلدیہ لالہ موسیٰ عظمت فریدوڑائچ کا گورنمنٹ پرائمری سکول چھتہ،گورنمنٹ ایلمنٹری سکول دینہ چک،گورنمنٹ ایلمنٹری سکول چک سروانی کا دورہ،یونیورسل ایجوکیشن پروگرام کے تحت سکولوں میں داخلوں کا جائزہ لیا،اس موقعہ پرانہوں نے سکول انتظامیہ کو ہدائت کی کہ آپکے گائوں اورعلاقہ میں پانچ سال عمرکو کوئی بچہ سکول سے باہرنہیں رہناچاہیے تاکہ پنجاب حکومت کے اس انقلابی اقدامات کے ثمرات عوام تک پہنچ سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اے سی کھاریاں میاں اقبال مظہر کے حکم پر ٹی او آر نویداشرف وڑائچ،چیف آفیسربلدیہ لالہ موسیٰ عظمت فرید وڑائچ کی زیرنگرانی تجاوزات کیخلاف گرینڈ آپریشن
لالہ موسیٰ(محمد بلال احمد بٹ) اے سی کھاریاں میاں اقبال مظہر کے حکم پر ٹی او آر نویداشرف وڑائچ،چیف آفیسربلدیہ لالہ موسیٰ عظمت فرید وڑائچ کی زیرنگرانی تجاوزات کیخلاف گرینڈ آپریشن ،آپریشن کے دوران سبزی منڈی دھامہ روڈ پر تجاوزات کا صفایاکردیاگیا،پختہ تعمیرات گرانے کیلئے ہیوی مشینری کا استعمال کیاگیا،اس موقعہ پرانہوں نے اس عزم کا اظہارکیا کہ لالہ موسیٰ شہربھرسے تجاوزات کے مکمل خاتمہ تک آپریشن جاری رہے گا۔