لالہ موسی کی خبریں 12/5/2014

مسلم لیگ ن کی ایک سالہ کاکردگی کی سمت تعین اور توجہ قابل قدر ہے ،ابوبکرمیمن
لالہ موسیٰ (محمد بلال احمد بٹ ) مسلملیگ ن حکومت کی ایک سالہ کاکردگی معاشی ، اقتصادی و انرجی سیکٹر اور امن و امان کے حوالہ سے قابل اطمینان ،تسلی بخش اور وزیر اعظم میاں محمد نوازشریف اور کابینہ کی حکومت کا تعین اور توجہ قابل قدر ہے جس سے ملک کا اندرون اور بیرون ملک نام رچن ہوا ہے ۔ ان خیالات کا اظہار بانی مسلم لیگ سعودی عرب و صدر بزنس کمیونٹی سعودی ابوبکر میمن نے کیا ۔انہوں نے ایک سوال کے جواب میں کہا کہ ملک میں ٹرانسپورٹ ،فیول سیکٹر اور انرجی کی قیمتوں میں استحکام زر مبادلہ میں اضافہ اور بیرونی سرمایہ کاروں کا اعتماد بالخصوص چین کی 35ارب کی سرمایہ کاری اور برادر اسلامی ملک معاشی اور اقتصادی طور پر مضبوط ترین سعودی عرب کی پاکستانی کو مالی امداد اور اسلامی امہ سے خادم الحرمین ملک عبداللہ بن عبدالعزیز اور سعودی عوام کو محبت کا ثبوت ہے ۔ ابوبکر میمن نے مزید کہا کہ پاکستان اور سعودی عرب کو اپنے وسیع تجربات اور مشاہدات سے عملی تعاون ہونا چاہیے۔ سعودی عرب پٹرولیم ، معدنیات ، کھاد ، پٹرولیم کیمیکل میں وسیع تجربہ اور مہارت رکھنا ہے ۔ اگر سعودی عرب کے سرمایہ کو پٹرولیم اور معدنیات کے سیکٹر تیل اور معدنیات کی تلاش میں راغب کر کے پاکستان کو مستحکم کیا جا سکتا ہے جبکہ پاکستان دفاعی اتبار اور پیداوار میں خود کفیل ہے۔ اس سے فنی اور تکنیکی تعاون کے شعبے میں سعودی عرب میں باہمی تعاون ہونا چاہیے ۔ ملک میں دو سیاسی جماعتوں کی طرف سے جلسہ اور دھرنا کے سوال کے جواب میں کہا یہ اندرونی ، بیرونی آقائوں کے اشارے پر ملک میں انارکی پھیلا رہے ہیں ۔ جس سے جمہوریت کو نقصان پہنچ سکتا ہے جبکہ حکومت داخلی طور امن و امان ، ڈرون حملوں اور طالبان سے امن معاہدے کی پیش رفت ، توانائی ،انرجی سیکٹر ، معدنیات ، کوئل اور نولاد میں معاشی ترقی ، مستحکم روپیہ ، اور زوال پذیر اداروں میں بحالی میں مثلاً PIA ، سٹیل ملز ، واپڈا ، ریلوے ، تعلیم اور صحت میں حوصلہ افزاء ہوا ہے ۔ا نشاء اللہ ن لیگ کے دور میں معاشی طور پر پاکستان بہت مستحکم ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاہد کپ فٹ بال ٹورنامنٹ جس میں ضلع بھر سے 8ٹیموں نے حصہ لیا
لالہ موسیٰ (محمد بلال احمد بٹ) شاہد کپ فٹ بال ٹورنامنٹ جس میں ضلع بھر سے 8ٹیموں نے حصہ لیا ، حاجی اصغر اسٹیڈیم میں منعقد ہونے والے ٹورنامنٹ میں ظہور الٰہی فٹ بال کلب ، اسٹار فٹ بال کلب ، بیووالی فٹ بال کلب ، آل ذکی فٹ بال کلب ، حسین فٹ بال کلب سرائے عالمگیر ، شاہد جونئیر فٹ بال کلب ، چک کمال فٹ بال کلب نصیرہ ، نیو فلائنگ ہارس فٹ بال کلب نے حصہ لیا جس میں فائنل میں چک کمال نصیرہ اور شاہد فٹ بال کلب کے درمیان مقابلہ ہوا جسے شاہد فٹ بال کلب نے صفر کے مقابلے میں ایک گوال سے جیت لیا ۔ میچ ریفری عامر شاہ تھے ۔ فائنل میچ کے مہمان خصوصی سماجی کارکن حاجی عبدالخلیل آف کریم پورہ تھے ۔ مرزا غضنفر علی شمس ایڈووکیٹ ، میجر شہباز سروس اور اور میاں عبدالرئو ف تھے جنکا تعارف چوہدری نذیر احمد نے کھلاڑیوں سے کروایا ۔ چوہدری منیر احمد نے کھلاڑیوں سے خطاب کرتے ہوئے تمام مہمانوں کا شکریہ ادا کیا ابھی لالہ موسیٰ میں حاجی عبدالخلیل جیسے مخیر حضرات موجود ہیں جو اسپورٹس مینوں کی دل سے قدر کرتے ہیں ۔ انہیں اسپورٹس مینوں کی دعائیں کامیاب کراتی ہیں۔ حاجی خلیل اور مرزا غضنفر علی شمس نے خطاب کرتے ہوئے چوہدری منیر احمد کو خراج تحسین پیش کیا اور ٹورنامنٹ کمیٹی کیلئے 20 ہزار اور جیتنے والی ٹیم کو دو ہزار اور رنر اپ ٹیم کو ایک ہزار اور گول کرنے والے لڑکے حسین کو 500 روپے حاجی خلیل آف کریم پورہ نے دئیے اور کھلاڑیوں میں انعامات تقسیم کئے اور مین آف دی ٹورنامنٹ حسن کو دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ویلڈن DPO گجرات رائے اعجاز احمد … کئی مقدمات میں نامزد ملزم ایاز ظہیر ہاشمی گرفتار
لالہ موسیٰ (محمدبلال احمد بٹ ) ویلڈن DPO گجرات رائے اعجاز احمد … کئی مقدمات میں نامزد ملزم ایاز ظہیر ہاشمی گرفتار ۔پولیس تھانہ سول لائن نے جعلی سرکاری نمبر پلیٹیں لگا کر گاڑی استعمال کرنے پر گرفتار کر لیا، ملزم کی نوسر بازی سے متاثرہ افراد کی DPO آفس لائنیں لگ گئیں، مدعیوں کے مقدمات درج ۔ تفصیل کے مطابق گزشتہ روز پولیس تھانہ سول لائن گجرات نے مسمیان ایاز ظہیر ہاشمی اور اسکی اہلیہ صباح ہاشمی ایک گاڑی نمبری LWC-0542 لانسر برنگ سیاہ جس کو انہوں نے دھوکہ دہی کی غرض سے سرکاری نمبر پلیٹ لگا رکھی تھی راولپنڈی سے گجرات آرہے تھے پولیس مخبر کی اطلاع پر ناکہ بندی تشکیل دیکر کھڑی تھی جب روک کر چیک کیا تو ایاز ظہیر ہاشمی کے پاس گاڑی سرکاری ہونے کا کوئی ثبوت پیش نہیں کر سکا جس پر جعلی سبز نمبر پلیٹیں لگی تھی ۔ پولیس نے مقدمہ درج کر لیا جبکہ اگلی صبح DPO آفس گجرات میں ایاز ظہیر ہاشمی کی نوسر بازیوں سے متاثرہ افراد کی لائنیں لگ گئیں ۔ مختلف افراد کی جانب سے کروڑوں روپوں کے فراڈ سامنے آئے جس پر DPO گجرات نے متاثرہ افراد کی بھرپور داد رسی کی یقین دہانی کروائی اور انکی مدعیت میں مقدمات درج کرنے کا حکم دیا ، اصل حقائق پولیس تفتیش کے بعد سامنے آئیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرے خلاف قائم تمام مقدمات بے بنیاد ہیں ، قانون کی بالا دستی پر یقین رکھتا ہوں،علامہ ایاز ظہیر ہاشمی
لالہ موسیٰ (محمد بلال احمد بٹ) میرے خلاف قائم تمام مقدمات بے بنیاد ہیں ، قانون کی بالا دستی پر یقین رکھتا ہوں اور پر امید ہوں کہ ہر فیصلہ میرٹ ہو گا انصاف ملے گا ۔ یہ بات قومی امن کمیٹی برائے بین المذاہب ہم آہنگی کے چیئر پرسن علامہ ایاز ظہیر ہاشمی نے تھانہ سول لائن گجرات میں شہریوں ، صحافیوں اور پولیس افسران کی موجودگی میں اپنے موقف میں کہی۔ انہوں نے مزید کہا کہ میرے خلاف سازش کی جارہی ہے جس کے تحت مجھ پر بے بنیاد مقدمات قائم کئے گئے ہیں ، میں قانون کا ہر دروازہ کھٹکھٹائوں گا ، ہمیشہ ملک و قوم کے مفاد کیلئے اپنی خدمات سر انجام دی ہیں امن کا داعی ہوں ۔ انہوں نے کہا کہ میں قانون کی بالادستی پر یقین رکھتا ہوں اور پر امید ہوں کہ پور انصاف ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔
گزشتہ روز مبینہ طور پر کئی نوسر بازی کے مقدمات میں ملوث ایاز ظہیر ہاشمی پولیس کے ہتھے چڑھ گیا
لالہ موسیٰ (محمد بلال احمد بٹ ) گزشتہ روز مبینہ طور پر کئی نوسر بازی کے مقدمات میں ملوث ایاز ظہیر ہاشمی پولیس کے ہتھے چڑھ گیا ،اسکے ہاتھوں لٹنے والے متاثرین کی بھرمار ، کروڑوں کے فراڈ سامنے آ گئے ۔ تفصیل کے مطابق گزشتہ روز تھانہ سول لائن پولیس نے دوران ناکہ نوسر بازی کے کئی مقدمات میں ملوث علامہ ایاز ظہیر ہاشمی ولد فقیر اللہ ہاشمی سکنہ بلیسر موڑ لالہ زار کالونی راولپنڈی کو گرفتار کیا جس کے بعد DPO آفس گجرات اور تھانہ سول لائن گجرات میں اسکے ہاتھوں لٹنے والے متاثرین اپنی شکایتوں کے انبار لیکر پہنچ گئے ، کروڑوں روپوں کے فراڈ سامنے آئے۔ جس میں شفیق الرحمن بھٹہ ولد عبدالمختار سکنہ ڈنگہ سے 14لاکھ 49ہزا ر۔ اقبال قادری ولد بشیر احمد سکنہ گجرات سے 2لاکھ 60 ہزار روپے ۔ جاوید اختر بٹ ولد گل محمد بٹ سکنہ گجرات سے 10 لاکھ روپے کے علاوہ کروڑوں کا فراڈ سامنے آیا ۔ جس پر DPO گجرات نے مدعیوں کی داد رسی کرتے ہوئے فوری ایکشن لینے کی ہدایات جاری کر دی ہیں۔