لالہ موسیٰ کی خبریں 18/1/2014

لالہ موسیٰ اور گردونواح میں بجلی کی لوڈ شیڈنگ اور سوئی گیس کی کمی نے شہریوں کی زندگی اجیرن کردی ہے
لالہ موسیٰ (محمد بلال احمد بٹ)لالہ موسیٰ اور گردونواح میں بجلی کی لوڈ شیڈنگ اور سوئی گیس کی کمی نے شہریوں کی زندگی اجیرن کردی ہے بجلی کی غیر اعلانیہ لوڈ شیڈنگ اور گیس کی بندش سے تمام کاروبار ٹھپ ہوکر رہ گئے ہیں بجلی اور گیس نہ ہونے سے گھریلومعاملات بھی متاثر ہورہے ہیں صبح کے وقت اگر گیس نہ تو بجلی ہوتی ہے اگر بجلی نہ ہو تو گیس ہوتی ہے جس سے شہری سخت اذیت کاشکار ہیں بجلی اور گیس نہ ہونے کیوجہ سے ہزاروں مزدور بیروزگار ہوگئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک میں بڑھتی ہوئی دہشت گردی باعث تشویش ہے،حافظ محمد اصغر توحیدی
لالہ موسیٰ(محمد بلال احمد بٹ)ملک میں بڑھتی ہوئی دہشت گردی باعث تشویش ہے،خصوصاً کراچی میں دہشت گردوں کے ہاتھوں ایک محب وطن پولیس افسر اسلم چوہدری کی شہادت قابل مذمت ہے،ان خیالات کا اظہار مرکزی سیکرٹری جنرل تحریک تحفظ اسلام پاکستان حافظ محمد اصغر توحیدی نے لالہ موسیٰ دورہ کے دوران میڈیا سے گفتگو کرتے ہوئے کیا،اس موقعہ پر مرکزی سیکرٹری اطلاعات عبدالرزاق جلالی،چوہدری فیصل گجر انچارج میڈیا سیل،ڈاکٹر دلاور حسین جلالی کرنانہ بھی انکے ہمراہ تھے حافظ محمد اصغر توحیدی نے کہا کہ دہشت گردی کے خاتمے کیلئے حکومت کو ٹھوس بنیادوں پر اقدامات کرنا ہونگے،انہوں نے مزید کہا کہ 12ربیع الاول کو ملک کے کونے کونے سے نکلنے والے عید میلاد النبیۖ کے جلوس میں ہزاروں افراد کی شرکت کے باوجود پر امن طور پر جلوس منتشر ہونے سے حکومت کو جان لینا چاہیے کہ امن پسند کون ہیں اور دہشت گرد کون،اب میلاد کے جلوسوں پر پابندی لگانے کے خواہشمندوں کو بھی خاموشی اختیار کر لینی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونین آف جرنلسٹ لالہ موسیٰ کا تعزیتی اجلاس منعقد ہوا
لالہ موسیٰ(محمدبلال احمد بٹ)یونین آف جرنلسٹ لالہ موسیٰ کا تعزیتی اجلاس منعقد ہوا اجلاس میں چیف ایڈیٹر جی پی آئی ڈاکٹر محمد رزاق غفاری کے والد محترم کی وفات پر اظہار افسوس اور مرحوم کیلئے فاتحہ خوانی کی گئی،اجلاس میں عطاء اللہ چیمہ،محمد رفیع بھٹی،خالدمجید بٹ،محمد بلال احمد بٹ،ڈاکٹر عرفان احمد صفی،اسد اللہ انصاری،افضال احمد طاہر،نصر اللہ مجید ،عبدالرزاق بٹ،جمیل احمد طاہر،خورشید احمد ندیم،شفاقت علی مرزا،ڈاکٹر شیخ محمد ارشد،نثار احمد بٹ،رضا اقبال ڈار،قاری شبیر شاہد،حاجی تاج نسیم،راشد منصور راشد،محمد انور انصاری،عبداللطیف نجمی،جمیل احمد چوہدری،ذیشان شیخ،محمد ایوب بٹ،شیخ محمد حسین آغا خانی،شاہد لطیف و دیگر شریک تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب یوتھ فیسٹیول کے زیر اہتمام سی او ٹی ایم اے یونٹ لالہ موسیٰ کے زیر اہتمام مختلف مقابلہ جات جاری ہیں
لالہ موسیٰ(محمد بلال احمد بٹ)پنجاب یوتھ فیسٹیول کے زیر اہتمام سی او ٹی ایم اے یونٹ لالہ موسیٰ کے زیر اہتمام مختلف مقابلہ جات جاری ہیں،بلیئرڈ مقابلہ جات میں یونین کونسل87/4 کے رانا عجاز احمد نے کامیابی حاصل کی،اتھلیٹیکس کے مقابلہ جات میں یونین کونسل برنالی کے محمد علی نے آرم ریسلنگ کے مقابلیہ جات میں محمد الماس نے کامیابی حاصل کی جبکہ مقابلہ نعت خوانی میں یونین کونسل گنجہ کے محمد وسیم فاتح رہے،جبکہ سی او یونٹ لالہ موسیٰ کے زیر اہتمام بیڈمنٹن ٹورنامنٹ میں8ٹیموں نے حصہ لیا اور سنگل اور ڈبل کے مقابلہ جات رات گئے تک جاری رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ یونین آف جرنلٹس کے قیام پرلالہ موسیٰ کی صحافی برادری کو خراج تحسین پیش کرتے ہیں،چوہدری تنویر اشرف کائرہ
لالہ موسیٰ(محمد بلال احمد بٹ)سابق صوبائی وزیر خزانہ و جنرل سیکرٹری پی پی پی پنجاب چوہدری تنویر اشرف کائرہ نے لالہ موسیٰ یونین آف جرنلٹس کے قیام پرلالہ موسیٰ کی صحافی برادری کو خراج تحسین پیش کرتے ہوئے اسے صحافیوں کے لیے ایک بہترین پلیٹ فارم قرار دیا ہے،اپنے ایک بیان میں انہوں کہا کہ لالہ موسیٰ میں صحافی برادری کا اپنے حقوق کے تحفظ اور قلم کی حرمت کے لئے ایک پلیٹ فارم کا قیام لائق تحسین ہے،لالہ موسیٰ کی صحافی برادری نے ہمیشہ حق اور سچ کا ساتھ دیاہے،صحافی برادری مثبت خیالات کے ساتھ منفی رویوں کو رد کر کے لالہ موسیٰ کے مسائل کے حل کے لیے منفی رویوں کو رد کر کے لالہ موسیٰ کے مسائل کے حل کے لئے اپنا کردار اداکریں گے،صحافیوں کو قلم کے ذریعہ جو ذمہ داری اور قوت ملی ہے اسکے ذریعہ عوام کو قومی و ملکی حالات کے لیے اتحاد و اتفاق کی طرف مائل کریںگے،انہوں نے لالہ موسیٰ کے لیے اتحاد و اتفاق کی طرف مسائل کریں گے،انہوں نے لالہ موسیٰ یونین آف جرنلٹس کے لیے نیک خواہشات کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سالانہ محفل میلاد النبیۖ آج بروز اتوار کشمیر پیلس محلہ سجاد آباد چکوڑی شیر غازی میںمنعقد ہو گی
لالہ موسیٰ(محمد بلال احمد بٹ)سالانہ محفل میلاد النبیۖ آج بروز اتوار کشمیر پیلس محلہ سجاد آباد چکوڑی شیر غازی میںمنعقد ہو گی،محفل میلاد صبح دس بجے شروع ہو گی قرآن خوانی،نعت خوانی کے بعد صاحبزادہ قاری محمد رفاقت سیالوی امیر تنظیم اہل سنت لالہ موسیٰ خصوصی خطاب کریں گے،چوہدری محمد اقبال ،چوہدری محمد سجاد احمد،چوہدری محمد ریاض احمد،چوہدری محمد جاوید کی نگرانی میں محفل میلاد مصطفیۖ کے انتظامات مکمل کر لئے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن طلباء اسلام کے زیر اہتمام سالانہ محفل میلاد النبیۖ جامع مسجد انوار مدینہ چکر محلہ میںمنعقد ہوئی
لالہ موسیٰ(محمد بلال احمد بٹ)انجمن طلباء اسلام کے زیر اہتمام سالانہ محفل میلاد النبیۖ جامع مسجد انوار مدینہ چکر محلہ میںمنعقد ہوئی،صدارت صاحبزادہ پیر سید جمشید حسین شاہ دہامہ نے کی،جبکہ صاحبزادہ پیر سید اقتدار حسین شاہ آستانہ عالیہ جنڈانوالہ نے خصوصی خطاب کیا،علاقہ کے ممتاز نعت خواں محمد ندیم صابری،قاری عبدالجبار گیلانی نے سرور کونین کے حضور ہدیہ نعت پیش کیا،نقابت کے فرائض مرکزی راہنما اے ٹی آئی حافظ محمد اقبال سیالوی نے ادا کے،محفل کا انتظام علامہ افتخار احمد رضوی ،عثمان عزیز قادری اور انکے ساتھیوں نے کیا تھا،محفل میں محلہ داروں کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک تحفظ اسلام پاکستان حضرت ابوبکر صدیق یونٹ لالہ موسیٰ کا تعزیتی اجلاس منعقد ہوا
لالہ موسیٰ(محمد بلال احمد بٹ)تحریک تحفظ اسلام پاکستان حضرت ابوبکر صدیق یونٹ لالہ موسیٰ کا تعزیتی اجلاس منعقد ہوا،اجلاس میں حاجی محمد رفیق کیلانی خلیفہ مجاز آستانہ عالیہ کیلیانوالہ شریف کے رحلت پر اظہار افسوس کیا اور انکے درجات کی بلندی کیلئے خصوصی دعا کی گئی،اجلاس میں چوہدری فیصل گجر،نوشاد خان جلالی،عدنان خان جلالی،شیخ عثمان جگنو،حافظ عمر حسین عطاری،عبدالرحیم و دیگر کارکنان شریک تھے۔
کراچی میں ایکسپریس کی وین پر حملے اور تین کارکنوں کی شہادت پر لالہ موسیٰ یونین آف جرنلٹس کے زیر اہتمام احتجاجی پروگرام منعقد ہوا
لالہ موسیٰ(محمد بلال احمد بٹ)کراچی میں ایکسپریس کی وین پر حملے اور تین کارکنوں کی شہادت پر لالہ موسیٰ یونین آف جرنلٹس کے زیر اہتمام احتجاجی پروگرام منعقد ہوا مقررین نے ایکسپریس وین پر حملہ اور کارکنوں کی شہادت پر گہرے دکھ رنج اور افسوس کا اظہار کیا اور فاتحہ خوانی کی اس موقع پر ڈاکٹر عرفان احمد صفی،عطاء اللہ چیمہ،محمد رفیع بھٹی،نصر اللہ مجید،شفاقت علی مرزا،حاجی تاج نسیم،افضال طاہراسد اللہ انصاری،عبدالرزاق بٹ،خورشیداحمد ندیم،خالدمجید بٹ و دیگر نے خطاب کرتے ہوئے اسے آزادی صحافت پر حملہ اور کراچی آپریشن کی ناکامی قرار دیا ہے،جبکہ اس موقع پر راشد منصور،شبیر شاہد،فرحان حفیظ،ذیشان شیخ،عبداللطیف نجمی،جمیل چوہدری،جمیل طاہر،شاہد لطیف،محمد بلال احمدبٹ،ابن کاوش،نثار بٹ،رضا ڈار،ملک اکرم،محمد انور انصاری،شیخ محمد حسین،محمد ایوب بٹ،و دیگر شریک ہوئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب یوتھ فیسٹیول کا انعقاد وزیراعلیٰ پنجاب میاں شہباز شریف کا عظیم کارنامہ ہے،ڈاکٹر آصف محمود
لالہ موسیٰ(محمدبلال احمد بٹ)سینئر راہنما پاکستان مسلم لیگ ن لالہ موسیٰ،سابق نائب ناظم ڈاکٹر آصف محمود نے اپنے بیان میں کہا ہے کہ پنجاب یوتھ فیسٹیول کا انعقاد وزیراعلیٰ پنجاب میاں شہباز شریف کا عظیم کارنامہ ہے۔ اس سے طلباء و طالبات کی صلاحیتوں میں نکھار آرہا ہے اور انھیں اپنی صلاحیتوں کو اجاگر کرنے کا موقع مل رہا ہے۔انہوں نے کہا کہ وزیراعلیٰ پنجاب کی طرف سے شروع کئے گئے پنجاب یوتھ فیسٹیول 2013کو دنیا کے سب سے بڑے فیسٹیول کی حیثیت حاصل ہوئی اور اب یوتھ فیسٹیول 2014کا انعقاد بھی وزیراعلیٰ پنجاب میاں شہباز شریف کی نوجوانوں سے محبت اور خلوص کا منہ بولتا ثبوت ہے۔ انہوں نے یوتھ فیسٹیول کے سلسلہ میں کئے گئے انتظامات کی بھی تعریف کی اور پرنسپل و سٹاف کی خدمات کو سراہا۔
۔۔