26/12/2013 لالہ موسیٰ کی خبریں

محکمہ نادرا نے گذشتہ بیس روز سے یونین کونسلوں کو کمپیوٹرائزڈ رجسٹریشن فارموں کی فراہمی روک دی
لالہ موسیٰ(محمد بلال احمد بٹ) محکمہ نادرا نے گذشتہ بیس روز سے یونین کونسلوں کو کمپیوٹرائزڈ رجسٹریشن فارموں کی فراہمی روک دی، عوام کمپیوٹر برتھ، ڈیتھ اور نکاح ناموں کے کھجل خوار ہو گئے، محکمہ نادرا اور حکومت کے مابین تنازعہ کے باعث یونین کونسلوں کو نادرا نے کمپیوٹرائزڈ رجسٹریشن فارموں کی فراہمی روک دینے سے روزانہ درجنوں افراد ضلع گجرات کی یونین کونسلوں کے ملازمین لڑتے جھگڑتے نظر آتے ہیں، جبکہ بیرون ملک اور سکول و کالج کے طلباء و طالبات محکمانہ مجبوریوں کی بناء پر رجسٹریشن فارم کے حصول کے لیے اعلیٰ افسران کے منت ترلے کرتے نظر آتے ہیں، اس حوالہ سے یونین کونسلوں کے ایک ملازم نے بتایا کہ محکمہ نادرا کے افسران کا کہنا ہے کہ چیئر مین نادرا کے حکومت کے ساتھ پھڈا چلنے کی وجہ سے یونین کونسلوں کو برتھ، ڈیتھ نکاح کے رجسٹریشن فارموں کی فراہمی روک دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلدیاتی انتخاب میں پری پول رگنگ کا آغاز ہو گیا
لالہ موسیٰ (محمد بلال احمد بٹ) بلدیاتی انتخاب میں پری پول رگنگ کا آغاز ہو گیا،سرکاری سرپرستی میں الیکشن نہیں سلیکشن کی تیاری کی جاری ہے سینکڑوں ووٹوں کی منتقلی ،پرانی، انتخابی فہرستیں، من مرضی کی حلقہ بندیی اور سرکاری افسران کا حکومتی امیدواروں کو پروٹو کول الیکشن کا ماحول و نتائج واضح کر رہا ہے ان خیالات کا اظہار سابق ناظم و جماعت اسلامی لالہ موسیٰ کی سیاسی کمیٹی کے صدر چوہدری عرفان احمد صفی نے اجلاس سے خطاب کرتے ہوئے کہی، انہوں نے کہاجماعت اسلامی نے لالہ موسیٰ میں جن امیدواروں کو نامزد کیا ہے وہ سب خدمت خلق سے سرشار اور لالہ موسیٰ کے سیاسی حلقوں میں اہم مقام رکھتے ہیں جماعت اسلامی نے لالہ موسیٰ کے حوالہ سے 8 نکاتی ایجنڈا ترتیب دیا ہے اور انشاء اللہ میونسپل کمیٹی لالہ موسیٰ میں جماعت اسلامی کے کونسلران شہر کی تعمیر وترقی اور اسے بہترین بانے کے لیے بھر پور کردار ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں سوئی گیس اور بجلی بندر بلا شیڈول ہونے والی لوڈشیڈنگ نے عوام کو پریشان کر دیا ہے
لالہ موسیٰ (محمد بلال احمد بٹ) لالہ موسیٰ میں سوئی گیس اور بجلی بندر بلا شیڈول ہونے والی لوڈشیڈنگ نے عوام کو پریشان کر دیا ہے، اندرون شہر لوگ ایک بار پھر لکڑیاں جلانے پر مجبور ہو گئے، بلدیاتی شیڈول کے آغاز کے بعد لالہ موسیٰ میں بجلی و گیس کی لوڈشیڈنگ خطرناک حد تک جا پہنچی ہے اور عوام دونوں نعمتوں سے محروم ہونے کے بعد حکمرانوں کے لیے بدعائیں مانگنے پر مجبور ہو گئے ہیں، اندرون شہر لالہ موسیٰ کے اکثر گلی محلوں میں سوئی گیس مکمل ناپید ہو چکی ہے اور عوام گھروں میںٰ ہانڈی روٹی کے لیے لکڑیاں جلانے پر مجبور ہونے کے باعث سابقہ ادوار کو یاد کر رہے ہیں جبکہ عوامی حلقوں کی جانب سے سیاسی قائدین کی جانب سے شہر میں گیس کی عدم دستیابی پر بہتری کے دعوئوں کو حیرانی سے دیکھا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امیدوار وارڈ نمبر 15 شہزاد اقبال انصاری نے سوئی گیس کا وارڈ میں پریشر کم ہونے کی وجہ سے ایم این اے چوہدری جعفر اقبال فتہ بھنڈ سے خصوصی ملاقات کی
لالہ موسیٰ (محمد بلال احمد بٹ) امیدوار وارڈ نمبر 15 شہزاد اقبال انصاری نے سوئی گیس کا وارڈ میں پریشر کم ہونے کی وجہ سے ایم این اے چوہدری جعفر اقبال فتہ بھنڈ سے خصوصی ملاقات کی جس میں چوہدری جعفر اقبال کی ہدایات پر محکمہ سوئی گیس گجرات نے لالہ موسیٰ وارڈ نمبر 15 میں امیدوار شہزاد اقبال انصاری کے ہمراہ اہل علاقہ کا پریشر کے معاملے پر خصوصی سروے کیا، شہزاد اقبال انصاری کو سوئی گیس ٹیم نے یقین دہانی کروائی کے جلد محلہ قصاباں، شیخ سرور گلی اور حکیم فضل والی، سنیاراں والی گلی گوشت مارکیٹ دیگر ملحقہ گلیوں میں گیس پریشر ٹھیک ہو جائے گا، سخت سردیوں میں بھی گیس پریشر میں کمی نہیں آئے گی، اس موقع پر امیدوار جنرل کونسلر وارڈ نمبر 15 شہزا اقبال انصاری، شیخ محمد اجمل، شیخ طیب، شیخ انیس، شیخ نعیم، مرزا عمران، مرزا قیوم، بلال اصغر، نوید راجپہوت، ملک اویس، کاشف طارق سمیت دیگر دوست ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق صدر پریس کلب لالہ موسیٰ عبدالرزاق بٹ وارڈ نمبر8 سے کاغذات نامزدگی جمع کروا دیئے
لالہ موسیٰ (محمد بلال احمد بٹ) سابق صدر پریس کلب لالہ موسیٰ عبدالرزاق بٹ وارڈ نمبر 8اور شہزاد اقبال انصاری وارڈ نمبر 15 محمدشفیق بٹ وارڈ نمبر 5 اورملک محمد افتخار وارڈ نمبر 8،شفیق لون وارڈ نمبر 15،معظم بٹ وارڈ نمبر 3،حاجی شہزاد بٹ وارڈ نمبر 17،خالد مجید بٹ وارڈنمبر 6، ڈاکٹر آصف محمود وارڈ نمبر 7،سیٹھ طفیل وارڈ نمبر 13،سیٹھ قدیر وارڈ نمبر 14،حاجی عبدالغفار وارڈ نمبر 11 سمیت دیگر امیدواروں نے ریٹرننگ آفیسر سے کاغذات نامزدگی حاصل کر لئے، کاغذات نامزدگی جمع کرانے کا سلسلہ 27 دسمبر تک جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ (عبدالحمیدمغل ) صدر و بانی عوامی شہری اتحاد لالہ موسیٰ حاجی ملک ناصر علی نے بیوروچیف جسٹس عبدالحمیدمغل سے گفتگو میں بتایا کہ عوامی شہری اتحاد کے زیر اہتمام نئے سال کی آمد پر شاندار تقریب 31 دسمبر کو رات 12 بجے مرکزی دفتر ملک فروٹ چاٹ مین بازار لالہ موسیٰ میں منعقد ہوگی۔ جس میں نئے سال کو خوش آمدید کہتے ہوئے 65 پائونڈ کا کیک کاٹا جائیگا اور نئے سال میں ملک و قوم کی خوشحالی، سلامتی، استحکام اور بقاء کیلئے دعا مانگی جائے گی۔ عوامی شہری اتحاد لالہ موسیٰ کا ہر کارکن اس خبر کو اطلاع سمجھتے ہوئے تقریب میں اپنی شرکت کو یقینی بنائے۔ آرگنائزر سراج ملک اشرفی اور انتظامیہ کی جانب سے تقریب کے انتظامات جاری ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوامی خدمت ہی ہماری کامیابی ہے ، علاقہ کے عوام دل و جان سے چاہتے ہیں،شیخ خالد محمود
لالہ موسیٰ (محمد بلال احمد بٹ )عوامی خدمت ہی ہماری کامیابی ہے ، علاقہ کے عوام دل و جان سے چاہتے ہیں ، ہمیشہ عوامی مفادات کو ترجیح دیتے ہوئے علاقہ میں تعمیر و ترقی او ر عوامی فلاح و بہبود کے مثالی کام کئے ہیں، انشا ء اللہ آئندہ بھی ہماری خدمت عوام کیلئے حاضر ہیں۔ ان خیالات کا اظہار کائرہ گروپ کے نامزد امیدوار برائے جنرل کونسلر وارڈ نمبر 21 ، شیخ خالد محمود ایم ڈی الخلیل پٹرولیم لالہ موسیٰ نے صحافیوں سے گفتگو کرتے ہوئے کیا۔ انہوں نے مزید کہا کہ ہم کھوکھلے وعدے نہیں کرتے عملی اقدامات کرنے کے داعی ہیں، ہماری خدمات کسی سے ڈھکی چھپی نہیں۔ انشاء اللہ 30 جنوری کو عوامی ووٹ کی طاقت سے کامیاب ہو کر عوامی خدمت کی نئی تاریخ رقم کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ تعالیٰ کے فضل و کرم اور عوام کی دعائوں سے کامیابی ہماری ہے،حاجی شکیل احمد قریشی
لالہ موسیٰ (محمد بلال احمد بٹ) اللہ تعالیٰ کے فضل و کرم اور عوام کی دعائوں سے کامیابی ہماری ہے۔ ہم نے ہمیشہ عوامی خدمت کی اور کائر ہ برادران کی قیادت میں حلقہ کی تعمیر و ترقی کیلئے اپنی تمام تر کاوشیں صرف کی ہیں۔ ان خیالات کا اظہار کائرہ گروپ کے نامزد امیدوار برائے کونسلر وارڈ نمبر 12 حاجی شکیل احمد قریشی نے صحافیوں سے گفتگو کرتے ہوئے کیا۔ انہوں نے مزید کہا کہ ہمارا مشن بلدیاتی انتخابات میں کامیابی نہیں بلکہ عوام کے دل جیتنا چاہتے ہیں، عوام نے ہمیشہ ہمیں اپنی بے لوث محبتوں سے نوازا ہے انشاء اللہ 30 جنوری کو کائرہ گروپ کا ہر امیدوار شاندار کامیابی حاصل کر کے کلین سویپ کرے گا اور حلقہ میں تعمیر و ترقی کا نیا باب لکھا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مخافین کے اوچھے ہتھکنڈوں سے گھبرانے والے نہیں،سہیل نواز خان
لالہ موسیٰ (محمد بلال احمد بٹ ) مخافین کے اوچھے ہتھکنڈوں سے گھبرانے والے نہیں۔ پوسٹر اتارنے اور بینر پھاڑنے والے تحریک انصاف کی مقبولیت سے گھبراہٹ کا شکار ہیں۔ مخافین نے شکست کے ڈر سے وارڈ نمبر 20دھامہ سے حاجی رفیق احمد دھامہ کے پوسٹر اتارے۔ ان خیالات کا اظہار پاکستان تحریک انصاف لالہ موسیٰ کے صدر امیدوار برائے جنرل کونسلر وارڈ نمبر 15 سہیل نواز خان نے کیا انہوں نے کہا کہ لالہ موسیٰ کی ترقی و خوشخالی کا عزم لے کر میدان میں آئے ہیں۔ پاکستان تحریک انصاف کے منشور کے مطابق لالہ موسیٰ میں فلاحی و ترقیاتی کام کروائیں گے۔ انہوں نے کہا کہ تحریک انصاف کے تمام کارکنان اپنی وارڈز میں بھرپور ورک کر رہے ہیں اور لالہ موسیٰ میں تحریک انصاف کی مقبولیت سے مخالفین گھبراہٹ کا شکار ہیں۔ انشاء اللہ میونسپل کمیٹی لالہ موسیٰ کا چیئرمین تحریک انصاف کا ہو گا اور آنے والے وقت میں لالہ موسیٰ کو ترقی اور خوشخالی کی جانب گامزن کر دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف کے پوسٹر اتارنے والے تحریک انصاف کے مشن کو دبا نہیں سکتے،چوہدری رفیق احمد دھامہ
لالہ موسیٰ (محمد بلال احمد بٹ )پاکستان تحریک انصاف حلقہ پی پی 112 کے سینئر راہنما و امیدوار برائے جنرل کونسلر وارڈ نمبر 20 حاجی چوہدری رفیق احمد دھامہ نے اپنے ایک بیان میں کہا ہے کہ تحریک انصاف کے پوسٹر اتارنے والے تحریک انصاف کے مشن کو دبا نہیں سکتے ۔ہم پوری قوت کے ساتھ میدان میں اترے ہیں اور تحریک انصاف وارڈ نمبر 20سے بالخصوص دھامہ سے بھرپور کامیابی حاصل کرے گی انہوں نے کہا کہ ہماری مہم کے آغاز ہی سے مخالفین کے پیروں تلے زمین نکل گئی ہے اور مخالفین اپنے پرانے اور گھٹیہ ہتھکنڈوں پر اتر آئے ہیں۔ انشاء اللہ تحریک انصاف لالہ موسیٰ سے کلین سویپ کرے گی تحریک انصاف کے امیدوار لالہ موسیٰ میں پارٹی کے منشور مطابق اور لالہ موسیٰ کی بہتری کیلئے کام کر رہے ہیں اور تحریک انصاف کے تمام کارکن لالہ موسیٰ سے کرپٹ اور مفاد پرست ٹولوں کے خاتمے کا عزم لئے ہوئے ہیں۔