دو نامعلوم موٹر سائیکل سوار نے دن دیہاڈے شہری سے لاکھوں روپوں سے لوٹ کر فرار تفصیل
پیرمحل (میاں اسد حفیظ سے)دو نامعلوم موٹر سائیکل سوار نے دن دیہاڈے شہری سے لاکھوں روپوں سے لوٹ کر فرار تفصیل کے مطابق پیرمحل کے رہائشی مہرعباس سند ھ یلیانوالی سے دوکاندار سے رقم وصول کرکے واپس موٹر سائیکل پر پیرمحل کی طرف آرہا تھا کہ سند ھ یلیانوالی روڈ پر چک نمبر 674/15گ ب کے قریب دو نامعلوم مسلح موٹرسائیکل ڈاکوئوں نے اسلحہ کے روز پر روک کر نقدی رقم تقریبا تین لاکھ روپے، موبائل فون چھین کر موقع سے فرار ہو گئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیبل نیٹ ورک کا ملازم کرنٹ لگنے سے زخمی ہوگیا تفصیل کے مطابق پیرمحل
پیرمحل (میاں اسد حفیظ سے) کیبل نیٹ ورک کا ملازم کرنٹ لگنے سے زخمی ہوگیا تفصیل کے مطابق پیرمحل کے کیبل نیٹ ورک کا ملازم مظہر علی ولد خالد حسین ٹرنک بازار میں پو ل پر چڑ ھ کرتاریں درست کر رہا تھا کہ اچانک کرنٹ لگنے سے وہ زمین پر گر گیا جس سے وہ زخمی ہو گیازخمی کومقامی ہسپتال میں طبی امد اد دی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میڈیکل لیگل سر ٹیفکیٹ حاصل کرنے اور ایکسرے کروانے کے لئے سول ہسپتال
پیرمحل (میاں اسد حفیظ سے) میڈیکل لیگل سر ٹیفکیٹ حاصل کرنے اور ایکسرے کروانے کے لئے سول ہسپتال میں موجود شخص پر مخالفین نے حملہ کرکے زخمی کردیا تفصیل کے مطابق نواحی گائوں717گ ب کے رہائشی سلیمان ولد مامہند جوکہ سول ہسپتال میں لڑائی کا میڈیکل لیگل سر ٹیفکیٹ حاصل کرنے اور ایکسرے کروانے کے لئے موجود تھا کہ مبینہ طور پراکرام ولد اللہ دتہ، عابد ولد نیک محمداور دونامعلوم اشخاص نے سیلمان کو ایکسرے روم سے گھٹسیتے ہوئے تشدد کا نشانہ شروع کردیاجس سے وہ زخمی ہو گیا ، متاثرہ شخص نے تھانہ پیرمحل پولیس کو تحریری درخواست دے دی ہے تاحال مقدمہ درج نہ ہوسکا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قیامت خیز گرمی اور بد ترین بجلی لوڈ شیڈنگ نے عوام کا بھرکس نکال دیا
پیرمحل (میاں اسد حفیظ سے) قیامت خیز گرمی اور بد ترین بجلی لوڈ شیڈنگ نے عوام کا بھرکس نکال دیا ،شہری حلقہ میں پینے کا پانی نایاب ،برف کی بلیک میں فروخت اور محنت کشوں کے گھروں میں بھوک نے ڈیرے ڈال لئے ۔تفصیل کے مطابق قیامت خیز گرمی کی جاری لہر کے ساتھ غیر اعلانیہ بجلی لوڈ شیڈنگ دورانیہ18گھنٹوں سے بھی تجاوز کر جانے کی وجہ سے عوام بے حال ہو گئے ۔بیمار اور ضعیف افراد کیلئے گرمی اور بجلی لوڈ شیڈنگ کا عذاب وبال جان بن گیا شہر ی حلقہ میں پینے کا پانی نایاب ہونے کی بناپر شہری دیہاتی حلقوں سے پانی لانے پر مجبور ہو گئے جبکہ گرمی اور بجلی لوڈ شیڈنگ کی وجہ سے برف ڈیلر مہنگے داموں فروخت کر کے حالات کے ستائے عوام کی جیبوں پر ڈاکے ڈال رہے ہیں ۔تاریخ کی بد ترین بجلی لوڈ شیڈنگ کی وجہ سے فیکٹریوں اور گھریلو صنعتوں سے وابستہ سینکڑوں محنت کشوں کے گھروں میں بے روز گاری کی وجہ سے نوبت فاقوں تک آگئی ہے پیٹ کی آگ بجھانے کیلئے متبادل روز گار کا حصول بھی ان کیلئے دشوار ہو گیا ہے جبکہ دوسری جانب شہری تنظیموں کے عہدیداروں سمیت عوامی حلقوں نے باور کروایا ہے کہ اگر حکومت نے ہنگامی بنیادوں پر غیر اعلانیہ بجلی لوڈ شیڈنگ کا خاتمہ نہ کیا تو شہر میں شٹر ڈائون ہڑتالوں کے ساتھ احتجاجی مظاہروں کا سلسلہ بھی شروع کر دیا جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مستحقین زکوة کو ان کا حق پہنچانا فرض ہے ان خیالات کا اظہارچیئرمین زکوة و عشر
پیرمحل (میاں اسد حفیظ سے) مستحقین زکوة کو ان کا حق پہنچانا فرض ہے ان خیالات کا اظہارچیئرمین زکوة و عشر کمیٹی مدینہ بلاک پیرمحل چوہدری امان اللہ نے مستحقین کیلئے امدادی چیک دیتے ہوئے کہاکہ رمضان المبارک کی آمد آمد ہے اور مستحقین زکوة کو رمضان پیکج کے ذریعے امداد دی ہے کیونکہ رمضان المبارک نیکیاں کمانے کا مہینہ ہے ، مستحقین زکوة کو ان کا حق پہنچانا فرض ہے جہاں کہیں مسئلہ ہو مجھ سے رابطہ کریں ، میرے دروازے چوبیس گھنٹے کھلے ہیں ، میں اس سلسلہ میں آپ لوگوں سے بھرپور تعاون جاری رکھوں گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سنی اتحاد کونسل کے علمابورڈپاکستان کے سنیئر وائس چیئرمین مفتی محمد اکبر رضوی
پیرمحل (میاں اسد حفیظ سے) سنی اتحاد کونسل کے علمابورڈپاکستان کے سنیئر وائس چیئرمین مفتی محمد اکبر رضوی نے کہاکہ حفاظتی بیرئیر ہٹانے اور کارکنوں پر پولیس اور ایلیٹ فورس کی وحشیانہ فائرنگ قابل مذمت ہے۔انہوں نے کہا کہ پنجاب حکومت نے ڈاکٹر طاہر القادری کی رہائش گاہ اور مرکز کے سامنے سے بیرئیر ہٹانے کے بہانے نہتے خواتین و حضرات پر گولیاں چلا کر نیا محاذ کھول لیا ہے ۔پنجاب میں پولیس گردی سے منہاج القرآن کے 8کارکنان کی شہادت انقلاب مصطفوی کا پیش خیمہ ہے ۔ حکومت اس واقعہ میں ملوث افراد کے خلاف سخت قانونی کاروائی کرے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور میں پاکستان عوامی تحریک کے کارکنوں پر پولیس تشدد کی مذمت
پیرمحل (میاں اسد حفیظ سے) لاہور میں پاکستان عوامی تحریک کے کارکنوں پر پولیس تشدد کی مذمت اور متعدد کارکنوں کے جاں بحق ہونے پر گہرے افسوس ہے ان خیالات کااظہار میاں اختر جاوید ایڈوکیٹ تحصیل صدر پاکستان تحریک انصاف پیرمحل نے کہاکہ حکمران اقتدار کے نشے میں بدحواس ہوگئے ہیں ۔ یہ کھلم کھلا ریاستی دہشتگردی ہے ۔ ہم جاں بحق ہونے والوں کے اہل خانہ سے دلی ہمدردی اور تعزیت کا اظہار کرتے ہیںاور مطالبہ کرتے ہیں کہ تشد د کے ذمہ داران کا تعین کرکے انہیں قرار واقعی سزا دی جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مخالفین نے تشددکرکے خاتون کا چھ ماہ کا حمل ضائع کردیا مقدمہ درج تفصیل کے مطابق نواحی گائوں چک نمبر716گ ب کے رہائشی ریاض ولد سکندر
پیرمحل (میاں اسد حفیظ سے) مخالفین نے تشددکرکے خاتون کا چھ ماہ کا حمل ضائع کردیا مقدمہ درج تفصیل کے مطابق نواحی گائوں چک نمبر716گ ب کے رہائشی ریاض ولد سکندر کی اہلیہ پر بصار ،ملک علی ، خالد نے احاطہ کے تنازعہ پر تشددکیا جس کے نتیجہ میں خاتون کا چھ ماہ کا حمل ضائع ہوگیا۔ تھانہ صدر پولیس نے ملزمان کے خلاف
زیر دفعہ 34ـ109ـ338Aـ337ـF1 ت پ مقدمہ درج کرلیاتھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موٹرسائیکل سوار گرمی کی شدت برداشت نہ کر سکنے پر زندگی کی بازی ہار گیا
پیرمحل (میاں اسد حفیظ سے) موٹرسائیکل سوار گرمی کی شدت برداشت نہ کر سکنے پر زندگی کی بازی ہار گیا۔بتایا گیا ہے کہ چک نمبر721گ ب کا رہائشی غلام حسن ولد مند اپنے دو ساتھیوں کے ہمراہ بھسی اڈا سے موٹرسائیکل پر سوار اپنے گائوں آرہاتھا کہ گرمی کی شد ت برداشت نہ کر سکنے پر موٹرسائیکل سے گرکر موقع پر جان بحق ہوگیا۔
