کوٹلہ ارب علی خاں : موضع رولیہ میں چوہدری عابد رضا اور شبیر کوٹلہ کی حمایت میں اکٹھ امیدوار حلقہ پی پی 115چوہدری شبیر احمد کوٹلہ کا تاریخی استقبال ۔تفصیلات کے مطابق گزشتہ روز موضع رولیہ میں عابد رضا اور شبیر کوٹلہ کے اعزاز میں حمایتی اکٹھ منعقد ہوا جس کے مہمان خصوصی چوہدری شبیر کوٹلہ اور چوہدری تنویر کوٹلہ تھے۔
اس موقع پر موجود سینکڑوں افراد نے کوٹلہ بردران کی بھرپور حمایت کا عہد کیا او رکہا کہ این اے107اورپی پی 115میں ووٹ کے حقدار صرف اور صرف چوہدری عابد رضا اور چوہدری شبیر کوٹلہ ہیں ہیں او کوٹلہ برادران ہمارے راہنماء اور حلقے کا قیمتی سرمایہ ہیں ہم اپنی پوری توانائی الیکشن پر لگا دینگے اور انکی کامیابی میں کوئی کسر نہ اٹھا رکھیں گے۔
ہم اُمید کرتے ہیں کہ کوٹلہ برداران کامیاب ہو کر حلقے کی مایوسیوں کو دور کرینگے۔ اس موقع پر خطاب کرتے ہوئے امیدوار حلقہ پی پی 115چوہدری شبیر کوٹلہ نے کہا ہم آپ کی محبتوں کے مقروض ہیں جس طرح آپ نے محبت کا اظہار کیا ہے دعا ہے کہ اللہ تعالیٰ ہمیں بھی وفا کی توفیق عطا فرمائے۔ انہوں نے کہا کہ عوامی خدمت کے جس مشن کو والد صاحب چوہدری عبدالمالک نے شروع کیا تھا۔
اس میں چوہدری عبدالخالق نے روح پھونکی انشاء اللہ چوہدری عابد رضا اور چوہدری تنویر کوٹلہ کی قیادت میں اس خدمت کے مشن کو آگے بڑھائیں گے کیونکہ وفا اور خدمت ہمارے خون میں شامل ہے۔ ڈیرہ عبدالمالک پر بلا تفریق خدمت کیلئے موجود ہیں ۔انہوںنے کہا کہ عوام ووٹ مسلم لیگ (ن) کو دیکر پاکستان کو مضبوط بنائیں ۔ ہم یقین دلاتے ہیں کہ آپکو اس فیصلے پر ہمیشہ فخر محسوس ہو گا۔
الیکشن میں ہماری فتح نہیں بلکہ عوام کی فتح ہو گی عوام جس محبت اور خلوص سے ہمارا ساتھ دے رہے ہیں وہ قابل تحسین ہے ۔ پیپلز پارٹی اور اُسکی اتحادی جماعتوں کی منافقانہ پالیسیوں کی وجہ سے انکے برسوں کے ساتھی انکو چھوڑ کر مسلم لیگ ن میں شامل ہو رہے ہیں عوام سے کبھی جھوٹے وعدے نہیں کیے نہ دعوے کیے ہیں لیکن ایمانداری اور نیک نیتی سے عوامی خدمت کرنا چاہتے ہیں عوام نے پیپلز پارٹی اور ق لیگ کو مسترد کر دیا ہے۔
زرداری نے ملک کو تباہی کے جس دہانے پر پہنچا دیا ہے اس سے عوام بخوبی آشنا ہیں ظالم حکمرانوں نے عوام کو اندھیروں میں دھکیل دیا اب ان کا وقت ختم ہو چکا ہے گیارہ مئی انشاء اللہ مسلم لیگ ن کی فتح کا دن ہو گا۔چوہدری شبیر کوٹلہ نے مزید کہا کہ مخالفین مسلک کو سیاست میں شامل کر کے ہمارے خلاف منفی ہتھکنڈے استعمال کر رہے ہیں۔ ان کے پاس یہ آخری حربہ رہ گیا ہے۔
ہمارے خلاف پراپیگنڈہ کرنے کا ۔عوام کردار کو دیکھ کر ووٹ دیںگے نواز شریف کو مضبوط کرنے کیلئے 11مئی کو شیر پر مہر لگائیں مسلم لیگ ن مضبوط ہو گی تو پاکستان مضبوط ہو گا اور انشاء اللہ ہماری حکومت عوام کو انصاف ان کی دہلیز پر فراہم کرے گی۔پیر سیّد تبارک حسین شاہ آف شکریلہ شریف نے اپنے خطاب میں کہا کہ پوے ملک میں اپنے مریدین کو مسلم لیگ (ن) کا ساتھ دینے کی ہدایات جاری کر دی ہیں۔
کیونکہ یہی وہ جماعت ہے جو ملک کو بحرانوں سے نجات دلانے کی صلاحیت رکھتی ہے آج پاکستان بچانے کی ضرورت ہے اور اس کام کیلئے میاں محمد نواز شریف سے بہتر کوئی قیادت موجود نہیں ہے انہوں نے کہا کہ حلقہ این اے 107اور پی پی 115میں کوٹلہ برادران کی کامیابی کیلئے عوام 11مئی کو شیر پر مہر لگا ئیں حلقہ سے چوہدری عابد رضا اور چوہدری شبیر احمد کوٹلہ جیسے خدمت گار اعلیٰ کردار کے حامل سیاستدانوں کو ہی آگے لانے کی ضرورت ہے۔
انہوں نے مزید کہا کہ ہم فرقہ پرستی نہیں امن چاہتے ہیں ۔مسلک کی بنیاد پر سیاست کرنے والوں کی مذمت کرتے ہیں ہماری کسی سے کوئی مخالفت نہیں مگر سابقہ حکومت کا پانچ سالہ دور پاکستان کی تاریخ کا بد ترین دور رہا ہے جس میں ملک کو تاریکی میں ڈبونے کے علاوہ کرپشن اور لوٹ مار کی انتہا کر دی گئی اب لٹیروں کے جانے کا وقت آ گیا ہے ۔ عوام گیارہ مئی کو پاکستان مسلم لیگ ن کے حق میں فیصلہ دیں گے۔
ممبر صوبائی اسمبلی بلونیا /اٹلی شکیل احمد ذکاء نے کہا کہ امیدوار حلقہNA1017سالارقافلہ چوہدری عابدرضا اور امیدوار حلقہPP115چوہدری شبیر احمد کوٹلہ کی کامیابی کیلئے تمام تر صلاحیتوں کو بروئے کار لائیں گے ، کوٹلہ برادران جس طرح ہر دور میں عوام کی خدمت کی ہے اور وفاؤں کا سلسلہ جاری کیا آج اسی کی بدولت انکے چاہنے والے اپنے اپنے علاقہ میں انکی کمپین کر رہے اور انشاء اللہ عوام کی طاقت اور حمایت سے 11مئی چوہدری عابدرضاکی جیت کا دن ہو گا۔
اْنہوں نے مزید کہا کہ حلقہ کی عوام چوہدری عابدرضا سے محبت کا ثبوت انکو کامیاب کروا کر دیں گے انھوں نے کہا کہ چوہدری عابدرضا کوٹلہ اور چوہدری شبیر احمد کوٹلہ ہزاروں کارکنوں ورکروں اور نوجوانوں کے دلوں کی دھڑکن ہیں۔ اوور سیز پاکستان ی بھی ان کی انتخابی مہم چلانے کیلئے وطن آئے ہیںانشاء اللہ چوہدری عابدرضا کی کامیابی کیلئے رات دن ایک کر کے محنت کوشش کر کے انکی کامیابی کو یقینی بنائیں گے۔
ممبر صوبائی اسمبلی بلونیا /اٹلی چوہدری شبیر احمد ککرالی نے کہا کہ بیرون ممالک سے سینکڑوں اوورسیز پاکستانی حلقے کے حالات کی تبدیلی کیلئے پاکستان آئے ہیں ۔ چوہدری عابد رضا اور چوہدری شبیر احمد کوٹلہ عوام کی بے لوث خدمت کی بدولت اعلیٰ کردار کے حامل با صلاحیت سیاستدان ہیں انہوں نے کہا کہ میں ان کی صلاحیتوں سے آگاہ ہوں وہ حلقہ کی تبدیلی کے لئے اور عوام کی محرومیوں کے ازالہ کیلئے میدان میں آئے ہیں۔
عوام ان کا بھرپور ساتھ دیں انہوں نے مزید کہا کہ چوہدری عابد رضا کوٹلہ انشاء اللہ ایم این اے بنیں گے اور ہم انہیں اوور سیز منسٹری دلوائیں گے ۔مخالفین اوچھے ہتھکنڈے استعمال کر رہے ہیں مگر وہ منہ کی کھائیں گے کیونکہ حلقہ بھرمیں مخالفین کی کوئی جگہ نہیں اقتدار کے بھوکے سیاستدانوں نے ہمیشہ عوام کو دونوں ہاتھوں سے لوٹا ہے اوراب عوام انہیں شکست سے دوچار کرنے کیلئے مسلم لیگ ن کا ساتھ دیں گے کیونکہ میاں برادران نے ہمیشہ غریب عوام کی فلاح کی بات کی ہے۔
عوامی خدمت کوٹلہ برادران کا شیوہ ہے کوٹلہ برادران نے ہمیشہ عوامی فلاح کے منشور پر عمل کرتے ہوئے غریب عوام کے مسائل کوترجیحی بنیادوں پر حل کرنے کیلئے اقدامات کئے ہیں اور اپنی انہیں خدمات کی وجہ سے انہوں نے مخالفین کاناطقہ بند کردیا اور انشاء اللہ گیارہ مئی کو عوام شیر کے نشان پر مہر لگا کر مسلم لیگ ن کے امیدواران کوبھاری اکثریت سے کامیاب کروائینگے۔
صدر گلوبل آرگنائزیشن آریزو /اٹلی چوہدری امجد رولیہ نے کہا کہ انشاء اللہ 11مئی کو چوہدری عابد رضا وار چوہدری شبیر کوٹلہ ریکارڈ ووٹوں سے جیتیں گے ۔ خدا نے حلقہ کی بہتری انہی کے ہاتھوں سے لکھ دی ہے ۔ ڈیرہ چوہدری عبدالمالک کے جانشین اپنے بزرگوں کے عوامی خدمت کے مشن کو بہتر انداز میں آگے چلا رہے ہیں۔ انہوں نے کہا کہ جیت ہمارے بھائیوں چوہدری عابد رضا کوٹلہ اور چوہدری شبیر احمد کوٹلہ کے حق میں لکھی جا چکی ہے ان کی ریکارڈ ووٹوں سے کامیابی کیلئے سردھڑ کی بازی لگا دینگے۔
انہوں نے مزید کہاکہ ہم سالارِ قافلہ چوہدری عابد رضا کوٹلہ کی قیادت میں چوہدری تنویر احمد ‘ چوہدری شبیر کوٹلہ اور چوہدری آصف رضا کو حلقہ کی بہترین خدمات پر خراجِ تحسین پیش کرتے ہیں اور حلقہ کے عوام سے اپیل کرتے ہیں کہ وہ 11مئی کو شیر پر مہریں لگا کر ان سے اپنی محبت کا ثبوت دیں۔
