محرم الحرام شہدائے کربلا کی یاد کو تازہ کرتا ہے اور ہمیں ظالم و جابر حکمران کے سامنے کلمہ حق بلند کرنے کا درس دیتا
مصطفی آباد/للیانی(نامہ نگار) محرم الحرام شہدائے کربلا کی یاد کو تازہ کرتا ہے اور ہمیں ظالم و جابر حکمران کے سامنے کلمہ حق بلند کرنے کا درس دیتا ہے۔ محرم الحرام کے دوران زنجان آبادمیں بین المذاہب کا عملی مظاہرہ کیا جائے گا، ان خیالات کا اظہار پیر سید طاہر سجاد کاظمی زنجانی چیئرمین نیشنل ایڈوائزی و چیئرمین تحریک محبت انٹر نیشنل نے صحافیوں سے گفتگو کرتے ہوئے کیا۔ انہوں نے مزید کہا کہ زنجان آباد دربار حضرت سید عبدالغنی کاظمی زنجانی خانوہارنی شریف میں ہونے والی مجالس میں اہلسنت ولجماعت کے علماء کرائم کی بڑی تعداد اپنے خیالات کا اظہار کرے گی، جہاں پر عشرہ مجالس محرم الحرام بسلسلہ شہادت نواسہ رسولۖ یکم تا 9محرم روزانہ شام4بجے تا8بجے تک ہوا کرے گی، مجالس میں خطیب اہلسنت حضرت علامہ حسام الدین حیدر، حضرت علامہ مزمل حسین نوری، سید حسنات احمد کاظمی زنجانی حسینی کربلائی، سید طاہر سجاد کاظمی زنجانی حسینی کربلائی سید عمران طاہر زنجانی ، سید علی حسین زنجانی ودیگر علماء کرام شہدائے کربلا کے بارے میں اپنے اپنے خیالات کا اظہار کریں گے،6محرم الحرام کو بعد از مجلس عزا علی اصغر کا جھولا بر آمد ہو گا،8محرم کو صبح10بجے سید طاہر سجاد کاظمی زنجانی کی رہائش گاہ پر مجلس ہو گی، شیڈول جاری،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محرم امحرام کے دوران سیکورٹی کے سخت انتظامات کرنے پر شہریوں کا اظہار اطمنان، عوامی حلقوں
مصطفی آباد/للیانی(نامہ نگار)محرم امحرام کے دوران سیکورٹی کے سخت انتظامات کرنے پر شہریوں کا اظہار اطمنان، عوامی حلقوںطرف سے ڈی پی او قصور جواد قمر و ایس ایچ او اعجاز احمد شیخ کو خراج تحسین، تفصیلات کے مطابق محرم الحرام میں مجالس پر سیکورٹی کے سخت انتظامات کرنے پر شہریوں کا اطمنان کا اظہار کرتے ہوئے ڈی پی او قصور جواد قمر اور ایس ایچ او تھانہ مصطفی آباد اعجاز احمد شیخ کو خراج تحسین پیش کرتے ہوئے کہا کہ یکم محرم کو سیکورٹی کے جو سخت انتظامات دیکھنے میں آئے ہیں اس سے قبل ایسے انتظامات کبھی نہیں ہوئے، ہم امید کرتے ہیں کہ ڈی پی او قصور جواد قمر کی خصوصی ہدایت پر ایس ایچ او تھانہ مصطفی آباد اعجاز احمد شیخ سیکورٹی کے سخت انتظامات کا سلسلہ جاری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یس ایچ او اعجاز احمد شیخ کی بلا نمبری موٹر سائیکلوں کے خلاف سخت کاروائی30موٹر سائیکلیں بند
مصطفی آباد/للیانی(نامہ نگار)یس ایچ او اعجاز احمد شیخ کی بلا نمبری موٹر سائیکلوں کے خلاف سخت کاروائی30موٹر سائیکلیں بند، ڈی پی او قصور جواد قمر کی خصوصی ہدایت پر بلا نمبری موٹر سائیکلوں کے خلاف کریک ڈائون جاری رہے گا، اعجاز احمد شیخ، تفصیلات کے مطابق گزشتہ روز ایس ایچ او تھانہ مصطفی آباد اعجاز احمد شیخ نے ڈی پی او قصور جواد قمر کی خصوصی ہدایت پر فیروز پور روڈ و نواحی دیہات کو جانے والے راستوں پر ناکے لگا کر 30کے قریب بلا نمبری موٹر سائیکلیں بند کر دی، ایس ایچ او اعجاز احمد شیخ نے صحافیوں سے گفتگو کرتے ہوئے کہا کہ بلا نمبری موٹر سائیکلوں کے خلاف کریک ڈائون جاری رہے گا، شہری اپنی موٹر سائیکلوں کو فوری نمبر لگوا لیں اور ڈیلر حضرات موٹر سائیکلوں کو نمبر لگوانے کے بعد ہی موٹر سائیکل عوام کے حوالے کریں،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈینگی کے حوالے سے ضلعی انتظامیہ صرف شہر تک محدود ہے، نواحی دیہات میں آج تک کوئی سپرے نہیں کیا گیا
مصطفی آباد/للیانی(نامہ نگار)ڈینگی کے حوالے سے ضلعی انتظامیہ صرف شہر تک محدود ہے، نواحی دیہات میں آج تک کوئی سپرے نہیں کیا گیا، جس کی وجہ سے ڈینگی کے شدید خطرات لا حق ہو چکے ہیں، اس حوالے سے فوری سپرے اور عوام میں آگاہی پیدا کرنے کیلئے سیمینار کرنے کی اشد ضرورت ہے، ڈینگی کے خلاف مہم کو گلی محلوں تک پھیلانے کی ضرورت ہے، ان خیالات کا اظہار پنجاب یونیورسٹی کے شعبہ شوشل ورک کی طرف سے یونین کونسل کھارا کے گائوں لکھنیکے میں آنے والے گروپ کے لیڈر اسمان ڈوگر نے پریس کانفرنس سے خطاب کرتے ہوئے کیا۔ انہوں نے مزید کہا کہ لکھنیکے میں جگہ جگہ گندگی کے ڈھیر ، نالیوں اور گلیوں کے اندر کھڑا گندہ پانی مچھروں کی افزائش کی آما جگاہ بنا ہوا ہے، ہم یونیورسٹی کی طرف سے گائوں کے عوام میں آگاہی پیدا کرنے کیلئے آئے ہیں اور اس سلسلہ میں ہم عوام کو اپنے مسائل اپنی مدد آپ کے تحت کرنے کرنے کی آگاہی دے رہے ہیں اکثر مسائل ہماری لا پرواہی کی وجہ سے پیدا ہو رہے ہیں معمولی کام اگاہی نہ ہونے کی وجہ سے کئی کئی سال تک نہیں ہو پاتے، اگر ہمیں ان مسائل کے حل کروانے کے حوالے سے آگاہی ہو تو مسائل چند گھنٹو ں میں حل ہو سکتے ہیں، گروپ میں موجود صدی احمد، اکرام اللہ، بابر سیف اللہ، ریحان منیر اور ایوب اسلم نے کہا کہ ہم پنجاب یونیورسٹی کی خصوصی ہدایت پر عوام میں آگاہی مہم کو جلد از جلد مکمل کرکے عوام میں شعور بیدار کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صحافیوں کو اپنی صفوں میں اتحاد پیدا کرنا ہوگا اور ضلع بھر کے صحافیوں کو شعبہ صحافت کی ترقی
مصطفی آباد/للیانی(نامہ نگار)صحافیوں کو اپنی صفوں میں اتحاد پیدا کرنا ہوگا اور ضلع بھر کے صحافیوں کو شعبہ صحافت کی ترقی اور اسکی راہوں میں حائل رکاوٹوں کو ملکر اور خندہ پیشانی سے حل کرنا ہوگا انہوں نے کہا کہ صحافیوں کو ہمیشہ اپنے قلم سے سچ لکھنا چاہیے اور ہمیشہ مصدقہ خبروں اور غیر جانبدارانہ حقائق پر مبنی تحریوں سے معاشرے کے مظلوم اور بے علم عوام کے ذہنوں میں روشنی کی کرن بن کر اترنا ہوگا ۔ ان خیالات کا اظہار ڈسٹرکٹ یونین آف جرنلسٹس قصورکے صدر شریف سوہڈل نے پریس کلب مصطفی آباد میں صحافیوں سے گفتگو کرتے ہوئے کیا۔
