ریٹرننگ آفیسر برائے میونسپل کمیٹی لالہ موسیٰ قیصر امین وڑائچ نے شیخ خالد محمود کو الیکشن لڑنے کا اہل قرار دے دیا
لالہ موسیٰ(محمد بلال احمد بٹ)ریٹرننگ آفیسر برائے میونسپل کمیٹی لالہ موسیٰ قیصر امین وڑائچ نے وارڈ نمبر21کے امیدوار شیخ خالد محمود پر مخالف امیدوار کے لگائے گئے اعتراضات مسترد کر کے انہیں انتخاب میں حصہ لینے کی اجازت دے دی،شیخ خالد محمود پر مخالف امیدوار میاں اعجاز عارف نے اعتراض دائر کیا تھا کہ شیخ خالد محمود کو پیٹرول پمپ کے کیس میں دو سال سزا اور دس ہزار روپے جرمانہ عائد ہو چکا ہے،جبکہ ان کیدیگر کیس بھی زیر سماعت اور یہ مصالحتی کمیٹی کا رکن ہے،شیخ خالد محمود نے دو سال کی سزا کے حوالہ سے کہا کہ درخواست کی گزار کی اپیل پر سیشن جج گجرات نے سزا معاف کر دی اور دس ہزار روپے جرمانہ الخلیل پمپ کو ہوا جو انکے بھائی کی ملکیت ہے،جس پر فیصلے کی نقل انہوں نے آر او کو پیش کی جبکہ زیر سماعت کیسوں اور مصالحتی کمیٹی کے ممبر کی حیثیت سے انتخاب میں حصہ لینے پر ریٹرننگ افسر نے اعتراضات مسترد کر کے انہیں انتخاب میں حصہ لینے کا اہل قرار دیا ہے جبکہ میاں نعمان عارف کاموقف تھا کہ وہ آر او کے فیصلے کے خلاف اپیل دائر کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میونسپل کمیٹی لالہ موسیٰ کی 24 وارڈوں کے 190امیدواروں میں سے 12کو الیکشن لڑنے سے نا اہل قرار دے دیا گیا
لالہ موسیٰ(محمد بلال احمد بٹ)میونسپل کمیٹی لالہ موسیٰ کی 24 وارڈوں کے 190امیدواروں میں سے 12کو الیکشن لڑنے سے نا اہل قرار دے دیا گیا ،نا اہل ہونے والوں میں اکثریت کے ووٹ وارڈ میںنہ ہونے اور تجویز و تائید کنندہ کے ووٹ متعلقہ وارڈ میں نہ ہونے پر کاغذات مسترد کئے گئے ،وارڈ نمبر5سے حاجی عبدالوحید ولد روشن دین،وارڈ نمبر6سے ثناء اللہ ولد صغیر احمد،وارڈ نمبر7سے ثاقب ولد ولایت ،وارڈ نمبر10سے قلب عباس بٹ،وارڈ نمبر12 سے محمد امجد ولد سردار خان اور خالد محمود ولد محمد یوسف ،وارڈ نمبر13سے سہیل احمد ولد محمد رفیق،وارڈ نمبر17سے طارق امین ولد محمد امین،وارڈ نمبر19سے اصغر علی ولد محمد صادق،وارڈ نمبر20سے عمران خان،وارڈ نمبر21سے شیخ کامران شبیر اور وارڈ نمبر22سے ملک زبیر الیکشن لڑنے سے نا اہل قرار پائے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیئر مین کریانہ ایسوسی ایشن لالہ موسیٰ حاجی محمد ریاض انصاری کے والد محترم حاجی عبدالعزیز انصاری طویل علالت کے بعد انتقال کرگئے
لالہ موسیٰ(محمد بلال احمد بٹ)چیئر مین کریانہ ایسوسی ایشن لالہ موسیٰ حاجی محمد ریاض انصاری امیدوار برائے کونسلر وارڈ نمبر4اور سابق انسپکٹر بلدیہ لالہ موسیٰ بائو محمد غیاث انصاری کے والد محترم حاجی عبدالعزیز انصاری طویل علالت کے بعد انتقال کر گئے مرحوم کا جنازہ آج بروز اتوار صبح10بجے گلی ڈاکخانہ والی سے اٹھایا جائے گا، اور نماز جنازہ شیخاں والا قبرستان میں ادا کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ رب العزت نے انتخابات سے قبل ہی ہمیں فتح سے نواز دیا ہے،شیخ خالدمحمود
لالہ موسیٰ(محمد بلال احمدبٹ)لالہ موسیٰ کی وارڈ نمبر21سے کائرہ گروپ کے امیدوار شیخ خالد محمود نے کہا ہے کہ اللہ رب العزت نے انتخابات سے قبل ہی ہمیں فتح سے نواز دیا ہے،مخالفین کی جانب سے لگائے گئے بھونڈے اور بے تکے اعتراضات کا مسترد ہونا الحاج شیخ عبدالخلیل خاندان کی شرافت و صداقت کی دلیل ہے،انہوں نے کہا ہے کہ ہمیں کسی سے شرافت اور شریف ہونے کا سرٹیفکیٹ لینے کی ضرورت نہیں،الحمد اللہ لالہ موسیٰ اور گردونواح کے سینکڑوں نہیں ہزاروں افراد ہمارے خاندان کے چاہنے والے ہیں انہوں نے کہا کہ مخالفین انتخابات لڑ کر اپنی شرافت کی سندحاصل کرنے کی کوشش کریں جبکہ انکے اندرون و بیرونی حالات و واقعات سے اہل محلہ آگاہ ہیں،انہوں نے کہا کہ وارڈ نمبر21کے مسکین الحاج شیخ عبدالخلیل اور انکے خاندان کا ایک حصہ ہیں اور الحاج شیخ عبدالخلیل نے بھی اپنے صاحبزادگان کو اہل علاقہ سے محبت اور انکی خدمت کا درس دیا ہے،انہوں نے کہا ہے کہ انتخابات بڑے دور اس سے قبل ہی انتخابات کانتیجہ واضح ہے جس سے بوکھلاکر اوچھے ہتھکنڈے استعمال کئے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن طلباء اسلام پاکستان ضلع گجرات کے زیراہتمام مقامی ریسٹورنٹ میں غازی ملک ممتازقادری ڈے کے موقعہ پرتحفظ ناموس رسالت سیمینارمنعقدہوا
لالہ موسیٰ(محمد بلال احمد بٹ)انجمن طلباء اسلام پاکستان ضلع گجرات کے زیراہتمام مقامی ریسٹورنٹ میں غازی ملک ممتازقادری ڈے کے موقعہ پرتحفظ ناموس رسالت سیمینارمنعقدہوا،صدارت صاحبزادہ حاجی پیرقاری محمدعابدجلالی آستانہ عالیہ حیدریہ ویرووال شریف نے کی جبکہ سنی تحریک کے مرکزی راہنماء علامہ خضرالاسلام نقشبندی مہمان خصوصی تھے ،دیگرمہمانوں میں آڑھتی غلہ منڈی ملک محمدشفیق امجد،محمدشہبازبٹ قادری صدر پاکستان سنی تحریک لالہ موسیٰ نمایاں تھے ،سیمینارسے خطاب کرتے ہوئے علامہ خضرالاسلام نقشبندی نے کہاکہ اتحاد اہلسنت وقت کا تقاضا ہے لیکن بدقسمتی سے جب بھی اتحاد ہوااسکے مزیددھڑے وجودمیں آئے ہیں اس لئے میں سمجھتاہوں کہ سنیوں کے اتحاد کے بجائے ایک دوسرے سے تعلقات کو مضبوط کریں اور ایک دوسرے کی ٹانگیں کھینچنابندکردیں تو اس کے بھی اچھے نتائج نکل سکتے ہیں ،انہوں نے کہاکہ ہم بریلوی پرامن اور نرم دل لوگ ہیں کسی بے گناہ انسان کی جان لینا تودورکی بات ہم توجان بوجھ کر چیونٹی کو بھی نہیں مارسکتے انہوں نے شہیدسلیم قادری کا ذکر کرتے ہوئے کہاکہ وہ نے مثال لیڈر تھے انہوں نے جو کہاوہ کردکھایا،آج اگرکراچی سے خیبرتک سنی تحریک نظرآتی ہے تو اس کا سہرا بانی سنی تحریک سلیم قادری شہیدکے سرہے انہوں نے اے ٹی آئی کی طرف سے غازی ممتازقادری منانے پر اے ٹی آئی کے صوبائی چیئرمین عثمان عزیزقادری اورانکے ساتھیوں کو خراج تحسین پیش کرتے ہوئے کہاکہااہلسنت کی جدوجہدکانتیجہ ہے کہ سزائے موت سنانے کے باوجود حکومت غازی ناموس رسالت ملک ممتازقادری کو تختہ دارپرنہیں چڑھا سکی۔تاجرراہنما ملک محمدشفیق امجدنے کہاکہ خضرت مجدد الف ثانی میرے روحانی پیشواہیں انکے نقش قدم پرچلنا میں اپنا فرض سمجھتاہوں انہوں نے کہا کہ جولوگ بھی آقا دوجہاں کی عزت وناموس کیلئے کام کرتے ہیں وہ ہمارے لیے قابل احترام ہیں اور ہمارے سروں کا تاج ہیں عثمان عزیزقادری اور انکی ٹیم اس طرح کے پروگراموں کے ذریعے امت مسلمہ کو بیدارکرتی رہتی ہے ہم انکو خراج تحسین پیش کرتے ہیں تقریب سے راہنما سنی تحریک رضوان محمودقادری منڈی بہائوالدین ،صدرپاکستان سنی تحریک لالہ موسیٰ محمدشہبازقادری،مرزامحمدیٰسین قادری،ضلعی ناظم اے ٹی آئی احمدرضا بٹ، تحصیل ناظم اے ٹی آئی غلام مرتضیٰ کھوکھرنے بھی خطاب کیا۔سیمینارمیں مذہبی ،سیاسی،سماجی شخصیات نے بھی شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتازقادری نے گستاخ رسول کو واصل جہنم کرکے پوری دنیامیں اسلام اورسنیت کو زندہ کردیا،حاجی قاری محمد عابد جلالی
لالہ موسیٰ(محمد بلال احمد بٹ) ممتازقادری نے گستاخ رسول کو واصل جہنم کرکے پوری دنیامیں اسلام اورسنیت کو زندہ کردیا،ا ن خیالات کا اظہار ممتازروحانی شخصیت سجادہ نشین آستانہ عالیہ حیدریہ ویرووال شریف صاحبزادہ حاجی قاری محمدعابدجلالی نے اے ٹی آئی کے زیراہتمام تحفظ ناموس رسالت سیمینار سے صدارتی خطاب میں کیا،انہوں نے کہاکہ عام گستاخ کو واصل جہنم کرنا بھی بڑا جہادہے لیکن گورنرجیسے اہم عہدے پرفائض گستاخ کو واصل جہنم کرنا یہ ایک سچاعاشق رسول ہی کرسکتاہے ،ہم غازی ملک ممتازقادری کی جرات کو سلام پیش کرتے ہیں ، چیئرمین اے ٹی آئی پنجاب عثمان عزیزقادری نے خطاب کرتے ہوئے کہاکہ امریکہ کے ا یجنٹوں نے پاکستان کو کھوکھلا کرنے کیلئے انتہاکر دی ہے۔امریکہ میں تو ایک نائن الیون ہواتھالیکن پاکستان کا چپہ چپہ نائن الیون بناہواہے خوکش بمبارایک لمحے میں کئی ہنستے بستے لوگوں کو لقمہ اجل بنارہے ہیں اب وقت آگیاہے کہ ہمیں اپنی اور اپنے بچوں کی قربانی دے کربھی اس ملک کو دہشت گردی سے محفوظ بنانا ہوگا انہوں نے سیمینارمیں شرکت کرنے والے تمام معززمہمانوں اور صحافیوں کا شکریہ اداکیا۔
مشہور و معروف سیاسی و سماجی شخصیت ، سادات برادران کے دیرینہ ساتھی ظفر اقبال ہیلوی کی والدہ ماجدہ کو باغ سیداں قبرستان میں سپر د خاک کر دیا گیا
لالہ موسیٰ (محمد بلال احمد بٹ) مشہور و معروف سیاسی و سماجی شخصیت ، سادات برادران کے دیرینہ ساتھی ظفر اقبال ہیلوی کی والدہ ماجدہ کو باغ سیداں قبرستان میں سپر د خاک کر دیا گیا ۔ مرحومہ کی نماز جنازہ میں علاقہ بھر کی سیاسی ، سماجی ، کاروباری ، مذہبی شخصیات کی کثیر تعداد نے شرکت کی جن میں سید مدد علی شاہ آف کلیوال سیداں ، مہر غفار احمد چیف ایڈیٹر مامور وطن ، محمد افضل ایم ڈی العدیل ٹریولز ، حاجی مظہر حسین مغل ، چوہدری عمیر ، کاشف عرف کاشی ، اعتزاز رسول چوہدری ، رفیق بھٹی ، سید قمر عباس شاہ ، کامران جنجوعہ ، حافظ فیصل نقشبندی ، آغا خالد فاروق سمیت معززین علاقہ کی کثیر تعداد موجود تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مشہور و معروف سیاسی و سماجی شخصیت ، سادات برادران کے دیرینہ ساتھی ظفر اقبال ہیلوی کی والدہ ماجدہ کی وفات پرصحافیوں کا اظہار افسوس
لالہ موسیٰ (محمد بلال احمد بٹ ) مشہور و معروف سیاسی و سماجی شخصیت ، سادات برادران کے دیرینہ ساتھی ظفر اقبال ہیلوی کی والدہ ماجدہ کی وفات پرصحافیوں کا اظہار افسوس ۔ صحافیوں نے ظفر اقبال ہیلوی سے انکی والدہ کی وفات پر اظہار افسوس کیا اور مرحومہ کی روح کے ایصال ثواب کیلئے فاتحہ خوانی کی ۔ صحافیوں میں ڈاکٹر عرفان احمد صفی،محمد بلال احمد بٹ(چیف ایڈیٹر ڈیلی جلا وطن ڈاٹ کام)،خالدمجید بٹ ،عبدالحمید مغل،عدنان مغل،ذیشان شیخ و دیگر نے اپنے تعزیتی بیان میں کہا کہ ہم غم کے ان لمحات میں ظفر اقبال ہیلوی اور انکے اہل خانہ کے دکھ درد میں برابر کے شریک ہیں اور اللہ تعالیٰ کے حضور دعا گو ہیں کہ مرحومہ کو اپنے جوار رحمت میں جگہ عطا فرمائے اور لواحقین کو والدہ کے سایہ شفقت سے محرومی کا یہ صدمہ برادشت کرنے کا حوصلہ عطا فرمائے ، آمین ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مشہور و معروف سیاسی و سماجی شخصیت ، سادات برادران کے دیرینہ ساتھی ظفر اقبال ہیلوی کی والدہ ماجدہ جو گزشتہ روز قضائے الٰہی سے انتقال کر گئیں تھیں
لالہ موسیٰ (محمدبلال احمدبٹ ) مشہور و معروف سیاسی و سماجی شخصیت ، سادات برادران کے دیرینہ ساتھی ظفر اقبال ہیلوی کی والدہ ماجدہ جو گزشتہ روز قضائے الٰہی
سے انتقال کر گئیں تھیں ، مرحومہ کی روح کے ایصال ثواب کیلئے ختم قل کی دعائیہ تقریب بروز سوموار 6جنوری انکی رہائشگاہ باغ سیداں لالہ موسیٰ میں منعقد ہوگی ، ختم قل کی تقریب 10 بجے صبح شروع ہوگی اور 11 بجے اجتماعی دعائے مغفرت ہوگی ۔ دوست احباب و عزیز و اقارب سے شرکت کی استدعا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وردی میں آمریت کے روپ میں خود کو بہادر کہنے والے کا عدلیہ کی پہلی پیشی پر دل اور دماغ ہی کام کرنا چھوڑ گیا،نوازش علی شیخ ایڈووکیٹ
لالہ موسیٰ(محمد بلال احمد بٹ) پاکستان تحریک انصاف ضلع گجرات کے سینئر راہنما و سابق امیدوار صوبائی اسمبلی حلقہ پی پی 112نوازش علی شیخ ایڈووکیٹ نے اپنے ایک بیان میں کہا ہے کہ وردی میں آمریت کے روپ میں خود کو بہادر کہنے والے کا عدلیہ کی پہلی پیشی پر دل اور دماغ ہی کام کرنا چھوڑ گیااور اگر عدالت سزا دے دیتی تو شاید ہسپتال تک پہنچنے کی بھی نوبت نہ آتی۔آمر نے اپنے دور میں ہزاروں لاکھوں محب اسلام اور محب وطن پاکستانیوں کو خود اور امریکی ایما پر بے گناہوں کو سزا دلواتا رہااور ان لوگوں کو کسی بھی عدالت میں نہ تو پیش کیا گیا اور نہ ہی ان بے گناہ لوگوں کو اپنی صفائی پیش کرنے یا بے گناہی ثابت کرنے کا موقع دیا گیا۔مشرف کو تو پھر عدالت کے کٹہرے میں لا کر انصاف پر مبنی فیصلہ کیا جانا تھا۔انہوں نے کہا کہ اب مشرف کو ڈارمے بازی اور بہانے بازی چھوڑ کر عدالت میں پیش ہو کر اپنے خلاف غداری کے مقدمے کا سامنا کرنا چاہیے اور آئین اور قانون کی پاسداری کرتے ہوئے پاکستانی ہونے کا ثبوت دینا چاہیے۔
Related Posts
