مصطفی آباد/للیانی (نامہ نگار) یو بی ایل مصطفی آباد کے سیکورٹی گارڈ کی بد تمیزی پر صارفین سراپہ احتجاج،فوری طور پر تبدیل کرنے کا مطالبہ، تفصیلات کے مطابق یو بی ایل بینک مصطفی آباد کے سیکورٹی گارڈ فرمان علی نے صارفین و ساتھی گارڈ کے ساتھ بد تمیزی معمول بن گئی۔بینک یا اے ٹی ایم مشین پر آنے والے صارفین شدید کوفت کا شکار، صارفین کے مطابق مذکورہ سیکورٹی گارڈ عوام سے بدتمیزی کرنا اور چیک کرنے کے بحانے ہراساں کرنا معمول بنا لیا ہے، جبکہ انتظامیہ نے اس کی بد تمیزیوں کا علم ہونے کے باوجود خاموشی اختیار کر رکھی ہے۔ رحمت علی محسن،حافظ محمد بلال، محمد اسرار، محمد ابرار،عدنان علی، شہزاد جیولرز، قیصر عباس،شاہد علی ،سہیل ارشد ودیگر صارفین نے یو بی ایل انتظامیہ کے اعلی حکام سے سیکورٹی گارڈ فرمان علی کے خلاف فوری کاروائی کرتے ہوئے اس تبدیل کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) تین موٹر سائیکل سوار ڈاکو پراپرٹی ڈیلروں نے لاکھوں روپے نقدی و قیمتی سامان لوٹ کر فرار، لاہور کا رہائشی محمد عرفان پراپرٹی ڈیلر کا کام کرتا تھا کہ گزشتہ روز بھوجہ کے قریب عمر محمد خاں، محمد اشفاق،رحیم خاں کے ہمراہ رقبہ دیکھا رہا تھا نے محمد عاشق دو کس نا معلوم ڈاکوئوں نے اسلحہ کے زور پر تین لاکھ 77ہزار روپے نقدی، پانچ لاکھ 17ہزار 500روپے مالیت کی دو گھڑیاں، چار موبائل فون چھین کر فرار ہو گئے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) پرانے مقدمہ کی رنجش 12افراد نے گھر میں داخل ہو کر دو لاکھ روپے و طلائی زیورات چورا لئے، عدالت کے حکم پر دو ماہ بعد مقدمہ درج، تفصیلات کے مطابق منیر احمد کے مطابق 21/22مارچ کی درمیانی رات لیاقت علی، شفاقت علی، محمد عمران و 9کس نا معلوم افراد گھر کی دیوار پھلانگ کر گھر میں داخل ہو گئے اور میرے بھائی راشد علی کا پوچھنے لگے جو کہ گھر پر موجود نہ تھا ، جس پر مذکورہ افراد نے گھر کا سامان الٹ پلٹ کرنا شروع کر دیا اور سامان میں سے 5تولے طلائی زیورات و2لاکھ روپے نقدی چوری کرکے فرار ہو گئے،منیر احمد کے مطابق میرے بھائی نے مذکورہ افراد کے خلاف لین دین کے تنازع پر مقدمہ بھی درج کروایا تھا جس میں صلح کر لی تھی ، ملزمان نے رنجش دل میں رکھی،عدالت کے حکم پرمقدمہ درج،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) دو نا معلوم ڈاکوئوں نے اسلحہ کے زور پرمحمد الطاف سے موٹر سائیکل چھین لی، تفصیلات کے مطابق موٹر سائیکل سوار بستی رحمان کے رہائشی محمد الطاف سے دو نا معلوم موٹر سائیکل سوار ڈاکوئوں نے اسلحہ کے زور پر موٹر سائیکل چھین کر فرار ہو گئے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) موبائل کمپنی کی 42 بیٹریاں چوری کرنے والے دو ملازمین کے خلاف مقدمہ درج،تفصیلات کے مطابق نجی موبائل کمپنی کے سپروائز محمد عبداللہ کی طرف سے درج مقدمہ کے مطابق 16 تاریخ کو ٹاور نمبر 4383 سے 18بیٹریاں چوری ہو چکی ہیں جبکہ ایک ماہ قبل بھی 24 بیٹریاں چوری ہو چکی ہیں مجھے شک ہے کہ ٹاور پر موجود میرے ملازمین صابر حسین اور خوشی محمد نے ہی چوری کی ہے تفتیش کی جائے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) پٹاخہ چلانے سے منع کرنے پر 12افراد نے تشدد کا نشانہ بنا ڈالا، قتل کرنے کی نیت سے فائرنگ کرتے رہے گھر میں داخل ہونے پر فائرنگ کرکے دوازہ چھلنی کر دیا، تفصیلات کے مطابق مسجد انصاریاں والی کے قریب پٹاخے چلانے سے منع کر نے پراحسان عرف لبھا، جمیل احمد، خلیل احمد، بابر، محبوب، اسد، علی ودیگر پانچ نا معلوم افراد نے ذوالفقار علی کو مارنا پیٹنا شروع کر دیا اور قتل کرنے کی نیت سے فائرنگ کر دی،ذوالفقار علی کے گھر داخل ہونے پر فائرنگ کرکے دروازہ چھلنی کر دیا،مقدمہ درج،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (نامہ نگار) اعجاز عرف جاجو نے مسلسل تیسری بار کبوتر بازی کا مقابلہ جیت کر ہیٹرک مکمل کر لی، تفصیلات کے مطابق گزشتہ روز سرہالی خورد میں کبوتر بازی کا مقابلہ ہو ا جس میں سرہالی خورد، سرہالی کلاں، بستی حبیب اللہ، تھ دیال سنگھ، دفتوہ، مصطفی آباد للیانی، امریک سنگھ والا ویگر مقامات سے آنے والے 30کبوتر بازوں نے حصہ لیا، جبکہ اعجاز عرف جاجو دودھی نے مسلسل تیسری بار مقابلہ جیت کر ہیٹرک مکمل کر لی، مقابلہ جیتنے پر انتظامیہ کی طرف سے اسے 50ہزار روپے نقدی و ٹرافی دی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی (محمد عمران سلفی سے) خزانے کی تلاش، نا معلوم افراد نے گلزار شاہ ولی کی قبر اکھاڑ دی، بابا گلزارشاہ ولی کی قبر پاکستان بننے سے قبل کی ہے جس پر بعد میں مزار بنا دیا گیا، نا معلوم افراد خزانے کی تلاش میں آئے ہوں گی،اہل علاقہ، یہاں کوئی خزانہ نہیں کسی نے اپنے آخرت خراب کی ہے، گدی نشین محمد عاشق،تفصیلات کے مطابق مصطفی آباد کے نواحی گائوں کھارا ٹبہ میں گزشتہ رات نا معلوم افراد نے خزانے یا کسی اور وجہ سے مزار بابا گلزار شاہ ولی کے اندر بابا گلزار شاہ ولی کی قبر اکھاڑ دی، اور قبر اوکھاڑنے والے اوزار پھینک کر فرار ہو گئے، گدی نشین محمد عاشق کے مطابق میں گزشتہ پچاس سال سے بابا جی کی خدمت کر رہا ہوں، یہاں کسی قسم کا کوئی خزانہ نہ تھا قبر کی بے حرمتی کرکے نا معلوم افراد نے اپنی آخرت خراب کی ہے، گائوں کے بزرگ رہائشی بابا حشمت نے کہا کہ ہم نے تو جب سے ہوش سنبھالا ہے یہ مزار دیکھ رہے ہیں، نمبردار شاہد اقبال نے کہا کہ نا معلوم افراد خزانے کی تلاش میں آئے ہوں گے۔مذکورہ نا معلوم افراد سکھ بھی ہو سکتے ہیں جن کے آبائو اجداد تقسیم ہند کے وقت خزانے دبا کر قبریں بنا گئے تھے، یاد رہے اس سے قبل بھی نا معلوم افراد کی طرف سے پرانی قبریں اکھاڑنے کے واقعات ہو چکے ہیں، اہل علاقہ کی بڑی تعداد نے مطالبہ کیا ہے کہ پرانی قبروں کے اندر خزانے کا سراغ حکومتی سطح پر لگایا جائے ،اور مزارات کے اندر موجود پرانی قبروں کو اکھاڑنے کا نوٹس لیا جائے،
۔
