سٹیزن فرنٹ ضلع گجرات کی سپریم کونسل کا ماہانہ اجلاس 4 جون 2014ء بروز بدھ بعد نماز مغرب ساڑھے سات بجے حافظ نواب دین ہائوس میں ہوگا
گجرات(جی پی آئی) سٹیزن فرنٹ ضلع گجرات کی سپریم کونسل کا ماہانہ اجلاس 4جون 2014ء بروز بدھ بعد نماز مغرب ساڑھے سات بجے حافظ نواب دین ہائوس ، طفیل سٹریٹ گرین ٹائون جلالپور جٹاں روڈ گجرات میں ضلعی صدر چوہدری علی ابرار جوڑا کی زیر صدارت منعقد ہو گا ، اجلاس میں سٹٰزن فرنٹ تھنکرز فورم کے زیر اہتمام ہونے والی فکری نشست کے بارے میں رپورٹ پیش کی جائے گی ، جبکہ تنظیمی کارکردگی ، حاضری رپورٹ اور فنانس رپورٹ بھی پیش ہو گی ، اراکین سپریم کونسل بھرپور شرکت کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب بیت المال کا مقصد غریب اور مستحق عوام کی مدد کرنا ہے، امین بیت المال پنجاب ملک محمد سلیمان
گجرات ( جی پی آئی ) پنجاب بیت المال کا مقصد غریب اور مستحق عوام کی مدد کرنا ہے ‘ ان خیالات کا اظہار امین بیت المال پنجاب ملک محمد سلیمان نے گزشتہ روز ڈی سی او آفس میں پنجاب بیت المال گجرات کی طرف سے مستحقین میں نو لاکھ 19ہزار 418روپے کے امدادی چیک تقسیم کرنے کی تقریب سے خطاب کرتے ہوئے کیا ۔ انہوں نے کہا ہے کہ قائد عوام میاں محمد نواز شریف نے 1991ء میں پنجاب بیت المال قائم کیا تاکہ پاکستان کے غریب اور مستحق عوام مدد فراہم کی جاسکے ۔ اور حق داروں اُن کا حق دیا جا سکے ۔ گجرات میں ضلعی بیت المال کمیٹی چوہدری ظہور الٰہی کی قیادت میں بہتر انداز میں کام کر رہی ہے ۔ اور چوہدری ظہور الٰہی نے مستحقین کو مکمل جانچ پڑتال کے بعد چیک جاری کیں ہیں ۔ ہمارا فرض ہے کہ ہم کہ اپنے فرائض احسن طریقہ سے سرانجام دیں ۔ حکومت یہ کام غریب عوام کی دعائوں کیلئے کر رہی ہے ‘ آپ کا فرض ہے کہ آپ غریبوں کی دعائیں لیں ‘ اور حق دار کو اُن کا حق فراہم کریں ۔ ڈی سی او گجرات لیاقت علی چٹھہ نے کہا ہے کہ رقوم کی تقسیم نازک مسئلہ ہے ‘ اور حق دار کو اُن کا حق پہنچانا موجودہ حکومت کا نصب العین ہے ‘ وزیراعلیٰ پنجاب میاں شہباز شریف کی سربراہی میں حکومت مستحقین کو اُن کی امدادی چیک مکمل جانچ پڑتال کے بعد دے رہی ہے ‘ امین بیت المال پنجاب کی آمد کا مقصد ہی یہ چیک کرنا ہے کہ مستحقین کو امداد مل رہی ہے کہ نہیں ۔ ضلعی بیت المال کمیٹی کی کارکردگی قابل تحسین ہے ‘ چیئر مین ضلعی بیت المال کمیٹی چوہدری ظہورالٰہی نے کہا ہے کہ ضلعی بیت المال کمیٹی مستحقین تک اُن کا حق پہنچانے کیلئے کوششیں ہیں 9لاکھ9418روپے جس میں جہیز فنڈ تعلیمی وظیفہ اور امداد رقوم شامل ہیں ‘ مستحقین کو دی جا رہی ہیں اس موقع پر ممبر صوبائی اسمبلی نوابزادہ حیدر مہدی ‘ نوابزادہ طاہر الملک ‘ میجر معین نواز’ چوہدری اصغر گھرال ‘ چوہدری اشرف ریحانیہ ‘ ضلعی چیئر مین زکوٰة کمیٹی چوہدری تنویر گوندل ‘ رانا مشرف علی ناز ‘ ای ڈی او کمیونٹی ڈویلپمنٹ چوہدری محمد نواز ‘ ڈسٹرکٹ آفیسر سوشل ویلفیئر چوہدری امجد کلیر’ ڈپٹی ڈسٹرکٹ آفیسر سوشل ویلفیئر عدنان خان ‘ و دیگر اہم شخصیات کی کثیر تعداد موجود تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موجودہ حکومت کے بجٹ نے عوام کا کچومرنکال دیا ہے۔محمد حنیف حیدری
گجرات(جی پی آئی)صدرپاکستان مسلم لیگ (ق)محمد حنیف حیدری نے کہا ہے۔کہ موجودہ حکومت کے بجٹ نے عوام کا کچومبھڑنکال دیا ہے۔ اسحاق ڈار صاحب نے دعوے تو بہت زیادہ کیے مگر عوام کو مایوسی کے سوا کچھ نہ ملا،حکومت عوامی خدمات کے دعوے تو بہت کرتی ہے۔مگر صرف زبانی جمع خرچ جس طرح کہ موجودہ بجٹ کو گورک دندہ ہے۔ قوم کو پتہ چل چکا ہے کہ جدہ کہ یہ مسافر اور اُن کے خواری غریبوں کا خون نچوڑ رہے ہیں۔ اور اِن کی خواہش ہے کے لوٹ مار اور کرپشن کریں اور ملک سے بھاگ جائیں۔اِسطرح کے یہ پہلے اپنے آپ آقا جنرل پرویز مشرف سے معائدہ کر کے عوام کو بے یارو مدد گار چھوڑ کر چلے گئے تھے ، دوبارہ سفر کی تیاریاں کر رہے ہیں۔اتنے سال ملک بدر رہنے کے باوجود بھی انہوں نے کوئی سبق نہ سیکھا،یہ تو اِ ن کی خوش قسمتی ہے کہ سابقہ چیف جسٹس افتخار احمد اور رانا ثناء اللہ اور رشتہ داروں کے ٹولے نے اِن کو دوبارہ جعل سازی کروا کر برسرِ اقتدار لے آئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرکلر روڈ پر نام نہاد مجذوب شخص قرآن پاک کی بے حرمتی کرنے لگا ‘ مقصد اوراق پھینکنے لگا ‘
گجرات ( جی پی آئی )سرکلر روڈ پر نام نہاد مجذوب شخص قرآن پاک کی بے حرمتی کرنے لگا ‘ مقصد اوراق پھینکنے لگا ‘ تحریک عظمت قرآن رجسٹرڈ کا وفد ڈی سی او گجرات کے پاس جا پہنچا ‘ تفصیلات کے مطابق تحریک عظمت قرآن رجسٹرڈ گجرات کے وفد نے ڈی سی او گجرات لیاقت علی چٹھہ سے ملاقات کی ‘ وفد میں حماد الحسن نقشبندی ‘ صغیر احمد ‘ ناصر محمود ‘ جاوید اقبال و دیگر شامل تھے ۔ وفد نے ڈی سی او گجرات کو تحریری درخواست پیش کی قرآن کے مقصد اوراق کو بے حرمتی سے بچانے کیلئے تحریک عظمت قرآن نے جگہ جگہ ڈبے لگا رکھے ہیں ‘ تاکہ ان اوراق کو محفوظ کیا جا سکے ‘ گزشتہ چند دنوں سے ایک پاگل آدمی ان اوراق کو ڈبوں سے نکل کر پھاڑتا ہے ‘ اور گلیوں اور نالیوں میں پھینکنے لگا ‘ بار بار منع کرنے کے باوجود وہ شخص اپنے حرکات سے باز نہیں آتا ‘ اور پولیس بھی اس سلسلہ میں کوئی ایکشن نہیں لے رہی ‘ برائے مہربانی اس پاگل شخص کو یا تو پاگل خانے بھیجوایا جائے ‘ یا اس کے خلاف کوئی کارروائی کی جائے گی ۔ اندیشہ ہے کہ کوئی شخص قتل نہ کر دے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بانی انقلاب اسلامی حضرت امام خمینی کی 25 ویں برسی کی مناسبت سے قائد ملت جعفریہ علامہ سید ساجد علی نقوی کا خصوصی پیغام
گجرات ( جی پی آئی ) قائد ملت جعفریہ پاکستان علامہ سید ساجد علی نقوی نے کہا ہے کہ رہبر انقلاب اسلامی حضرت امام خمینی ایک اعلی فقیہہ ، عظیم مجتہد، جید مذہبی رہنما اور شخصیت نہیں بلکہ قابل تقلید سیاسی قائد، مثبت اور تعمیری سیاست کے بانی، عالمی استعماری سازشوں کو بے نقاب کرنے والے، مسلمانوںکو اپنے نظریات اور عمل کے ذریعے وحدت کی لڑی میں پرونے والے، عالم اسلام کو اس کے حقیقی مسائل کی طرف متوجہ کرنے والے، امت مسلمہ کو اس کے داخلی اور خارجی دشمنوں کے چہرے شناخت کرانے والے اور دنیا کو اسلام کے دائرے میں رہتے ہوئے ہرمیدان میں ارتقاء کے مراحل طے کرنے کی مثال پیش کرنے والے عظیم انسان تھے۔ یہی وجہ ہے کہ انقلاب اسلامی کی جدوجہد میں امام خمینی نے طویل جلاوطنی کے باوجود ایران کے عوام کی تربیت اور رہنمائی اس انداز میں کی کہ وہ پرامن اور شعوری تحریک کے ذریعے کامیاب ہوئے’ اسلام انقلاب کو دوام اور استحکام بخشنے کی جدوجہد کرنا امت مسلمہ کی ذمہ داری ہے امام خمینی کی 25 ویں برسی کے موقع پر اپنے خصوصی پیغام میں علامہ ساجد نقوی نے کہا کہ امام خمینی کی ذات کا ہر پہلوجامع اور روشن ہے۔ وہ علم میں مرجع اعلی اور مجتہد اعظم، میدان تصنیف میں الحکومتہ الاسلامیہ اور اس جیسی کئی بیش بہا علمی یادگاروں کے مصنف ،اسلامی تاریخ اور فقہ کے تمام موضوعات پر انتہائی دسترس رکھنے والے، زہد وتقوی اور اصلاح نفس کی منزل پر فائز، عابد وشب زندہ دار ،اصلاح معاشرہ کے لیے عملی طور پر سرگرم، اسلام پر جدید اور گہری تحقیق اور تازہ ریسرچ رکھنے والے دینی قائد، اسلامی نظریات کے مطابق حکومت اسلامی کی داغ بیل ڈالنے والے رہنماء تھے۔ آپ نے نظریہ ولایت فقیہہ اور حکومت اسلامی کا ڈھانچہ پیش کرکے دنیا پر ثابت کردیا ہے کہ اسلام میں جامع ضابطہ حیات موجود ہے۔علامہ ساجد نقوی نے کہا کہ امام خمینی گذشتہ صدی کے عظیم مفکر اور اسلامی معاشرے کی برجستہ علمی و انقلابی شخصیت ہیں جنہوں نے علم وشعور اورعمل و کردار کے ذریعے مسلمانوں کی صحیح خطوط پر رہنمائی کی۔ امام خمینی نے مسلمانوں کے مختلف مسالک اور مکاتب کے درمیان اتحاد ووحدت کا جو فارمولہ اور ضابطہ متعارف کرایا اور انقلاب کے بعد اس پر عمل کرکے دکھایا وہ فارمولہ اور ضابطہ اگر پوری دنیا میں رائج اور نافذ ہوجائے تو مسلمان وحدت اور اخوت کی ایک لڑی میں پروئے جاسکتے ہیں،ارض پاک میں امام خمینی کے روشن اصولوں اور درس اتحاد بین المسلمین کی روشنی میں مسلمانوں کو ایک پلیٹ فارم پر جمع کرنے کی عملی کوششیں ہوئی اور یہ جدوجہد بدستور جاری ہے علامہ ساجد نقوی نے یہ بات زور دے کر کہی کہ عالم اسلام سمیت تمام انسانوں کو چاہیے کہ وہ امام خمینی کی عطاکردہ اسلامی وجمہوری روشن فکری، بہترین نظام حکومت ، اعلی اخلاقی سیاسی اور فکری تربیت اور اصولوں سے استفادہ کرتے ہوئے اپنی انفرادی اور اجتماعی زندگیوں میں انقلاب لانے کے لئے امام خمینی کی ذات اور ان کے عمل کا مطالعہ کریںمسلم ممالک کے حکمران اور عوام جب تک امام خمینی کی ذات کے تمام پہلوئوں کا مطالعہ اور ان کے نظریات سے صحیح استفادہ اور ان کے پیغام وحدت واخوت کی ترویج ونفاذ نہیں کریں گے جب تک امام کے عطا کردہ ذاتی و اجتماعی نظام کو اپنی زندگی کا حصہ نہیں بنائیں گے اور اسلام ہی کو ضابطہ حیات اور اصل لائحہ عمل قرار نہیں دیں گے تب تک مسلمانوں کی تقدیر بدلنے کاکام ممکن نہیں ۔مسلم عوام بھی امام خمینی کی تعلیمات کے مطابق اپنے فروعی، مسلکی، مقامی، ذاتی اور گروہی اختلافات بھلا کر اتحاد و اخوت اور وحدت اپنی پہلی ترجیح قرار دیں اور اتحاد کے لیے عملی طور پر کام کرنے والی قوتوں کے ہاتھ مضبوط کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
افراد کی بحالی حکومت پنجاب کی اولین ترجیح ہے وزیر اعلی پنجاب میں شہباز شریف کی حکومت اس سلسلے جامع پالیسوں پر عمل پیرا ہے،لیاقت علی چٹھہ
گجرات ( جی پی آئی ) ڈی سی او لیاقت علی چٹھہ نے کہا ہے کہ مستحق افراد کی بحالی حکومت پنجاب کی اولین ترجیح ہے وزیر اعلی پنجاب میں شہباز شریف کی حکومت اس سلسلے جامع پالیسوں پر عمل پیرا ہے ان خیالات کااظہار انہوںنے پنجاب بیت المال کے زیر اہتمام مستحقین میں چیک تقسیم کرنے کے موقع پر کیا۔ امین پنجاب بیت المال ملک سلیمان منگلا، ایم پی اے میجر معین نواز، نوابزادہ حیدر مہدی ، چیرمین ذکو ةو عشر تنویر گوندل، ای ڈی او سی ڈی محمد نواز، چیئرمین بیت المال چوہدری ظہور الہٰی، ڈی او سوشل ویلفئر امجد اقبال اور دیگر موجود تھے۔ اس موقع پر 110مستحقین میں فی کس پانچ ہزار روپے اور تین ہزار روپے کے چیک تقسیم کئے گئے جنکی مجموعی مالیت 9لاکھ روپے تھی۔ ڈی سی او لیاقت علی چٹھہ نے کہا کہ بیت الما ل کے فنڈز مستحقین کا حق ہے جنہیں ہر حقدار تک پہنچانے کی کوشش کی جائے گی ۔انہوں نے متعلقہ افسران کو ہدایت کی کہ اس امر کو یقینی بنایا جائے کہ کو ئی مستحق اپنے حق سے محروم نہ رہے اور بیت المال کے فنڈز کا ہر گز غلط استعمال نہ ہوسکے۔ امین بیت المال پنجاب ملک سلیمان منگلا نے اظہار خیال کرتے ہوئے کہا کہ معاشی مسائل کا شکار افراد کی بحالی وزیر اعلی پنجاب میاں محمد شہباز شریف کی ترجیحات میں سر فہر ست ہے اس کے علاوہ مستحق طلبہ کی مالی امداد اوردیگر مدات میں بھی بھاری فنڈز خرچ کئے جارہے ہیں۔ ایم پی اے میجر (ر) معین نواز، و دیگر نے بھی اس موقع پر اظہار خیال کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
15جون کو عیدگاہ کھاریاں میں ہونے والی تاجدارختم نبوت کانفرنس میں بھرپورشرکت کریں گے
گجرات ( جی پی آئی )15جون کو عیدگاہ کھاریاں میں ہونے والی تاجدارختم نبوت کانفرنس میں بھرپورشرکت کریں گے،یو سی حاجی محمد، دلانوالہ اورنواحی علاقوں سے سینکڑوں عاشقان مصطفی کانفرنس میں شرکت کرکے اپنے دلوں کو روشن و منور کرینگے،ان خیالات کا اظہارصدر تحریک تحفظ اسلام (میلاد قسیم کوثریونٹ) دلانوالہ حافظ محمدبنارس سے اپنے ایک بیان میں کیا،انہوں نے کہاکہ تحریک تحفظ اسلام پاکستان کے زیراہتمام عیدگاہ کھاریاں میں ہونے والی ساتویں سالانہ تاجدارختم نبوت وتحفظ ناموس رسالت کانفرنس ہرلحاظ سے مثالی ہوگی،انہوں نے مزیدکہاکہ امیرتحریک تحفظ اسلام پاکستان غازی محمدثاقب شکیل جلالی ،مرکزی سیکرٹری جنرل حافظ محمداصغرتوحیدی ،سیدافتخارالحسن کاظمی ایڈووکیٹ ودیگرقائدین کی قیادت میں کانفرنس کو کامیاب بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آستانہ عالیہ تہامہ شریف میں جاری فہم القرآن کورس کی اختتامی تقریب 12جون کو ہوگی
گجرات ( جی پی آئی )آستانہ عالیہ تہامہ شریف میں جاری فہم القرآن کورس کی اختتامی تقریب 12جون کو ہوگی،صاحبزادہ پیرسید جمشیدحسین شاہ آستانہ عالیہ تہامہ شریف کی زیرصدارت تقریب میں تین ماہ کا کورس مکمل کرنے والے افرادمیں اسناد تقسیم کی جائیں گی، بتایاجاتاہے کہ آستانہ عالیہ تہامہ شریف میں جاری فہم القرآن کورس میں 3ماہ سے جاری کورس میں ممتازعالم دین علامہ صفدررضا قادری لیکچردے رہے ہیں ،کورس 12جون کو مکمل ہوگا ،فہم القرآن کورس کی اختتامی تقریب کی تیاریاں زورشورسے جاری ہیں ،اختتامی تقریب میں علماء ومشائخ کی کثیرتعدادشریک ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں پرائیویٹ تعلیمی اداروں کے مالکان نے گرمیوں کی چھٹیوں کی فیسیں اور دیگر فنڈز وصول کرنا شروع کردیے ہیں
گجرات ( جی پی آئی )اکثرپرائیویٹ تعلیمی اداروں نےDCOگجرات کے احکامات ہوامیں اڑادیے ،لالہ موسیٰ میں پرائیویٹ تعلیمی اداروں کے مالکان نے گرمیوں کی چھٹیوں کی فیسیں اور دیگر فنڈز وصول کرنا شروع کردیے ہیں بچوں کو جون جولائی کی فیسوں کے ساتھ ساتھ پیپر فنڈ،آئی ڈی کارڈ اور دیگرکاموں کی لسٹیں دی گئی ہیں جن پر باقاعدہ پیسے لکھے ہوتے ہیں والدین شدید پریشان ہیں اورDCOگجرات سے کیخلاف کاروائی کا مطالبہ کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرانس کے دارلا حکومت پیرس کے نواحی شہر گارج لے گونس میں کھیلا جانے والا یورپین والی بال ٹورنامنٹ بخیروخوبی اختتام پذیر ہؤا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرانس کے دارلا حکومت پیرس کے نواحی شہر گارج لے گونس میں کھیلا جانے والا یورپین والی بال ٹورنامنٹ بخیروخوبی اختتام پذیر ہؤا
گجرات ( جی پی آئی ) فرانس کے دارلا حکومت پیرس کے نواحی شہر گارج لے گونس میں کھیلا جانے والا یورپین والی بال ٹورنامنٹ بخیروخوبی اختتام پذیر ہؤا۔ فائنل میچ میں سفیر پاکستان غالب اقبال اور گارج لے گونس کے مئیر موسیو موریس لے فیوغ مہمان خصوصی تھے ٹورنامنٹ کے منتظمین سعید ملک ( انچارج سپورٹس ونگ تحریک انصاف فرانس )،چیف آرگنائزر سجاد خان،سہیل بھدر (صدر یوتھ ونگ تحریک انصاف فرانس) بابر علی (آفتاب کرنسی والے)اور ارشد خان تھے،جبکہ ٹورنامنٹ کمیٹی میں مظہر گوندل و شعیب گجر شامل تھے، ٹورنامنٹ کے میڈیا کوارڈینٹر اشفاق چودھری تھے۔ فرانس میں ہونے والے یورپین والی بال ٹورنامنٹ کی فاتح ٹیم کا سہرا حیدری والی بال کلب کے سر بندھا، فاتح ٹیم کے کپتان شہری نے ٹرافی وصول کی۔ بہترین پروگرام ا?رگنائز کرنے پر ٹورنامنٹ کے منتظمین ملک سعید اعوان ، بابر علی ، چوہدری سجاد بھاؤ ۔ خان ارشد اور چوہدری سہیل بھدر کو کمیونٹی کی طرف سے مبارکبادیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہ حکومت پاکستان نے ہوائی سفر کرنے والوں کیلئے پولیو سرٹیفکیٹ لازمی قرار دینے کا WHO کا مطالبہ مان کر پاکستانی عوام پر ظلم کیا ہے، نوازش علی شیخ ایڈووکیٹ
گجرات ( جی پی آئی )پاکستان تحریک انصاف کے راہنما ممبر صوبائی کونسل پنجاب نوازش علی شیخ ایڈووکیٹ نے اپنے ایک بیان میں کہا کہ حکومت پاکستان نے ہوائی سفر کرنے والوں کیلئے پولیو سرٹیفکیٹ لازمی قرار دینے کا WHO کا مطالبہ مان کر پاکستانی عوام پر ظلم کیا ہے انہوں نے کہا کہ اگر پولیو وائرس صرف پانچ سال سے کم عمر بچوں کو متاثر کرتا ہے تو پھر یہ بڑی عمر یا جو لوگ ہوائی سفر کر رہے ہیں ان پر لازمی کیوں قرار دیا گیا ہے انہوں نے کہاکہ بیرون ممالک سفرکرنے والے لوگوںکو اس سرٹیفکیٹ کے حصول میںخاصی دشواری کا سامنا کرنا پڑ رہا ہے۔عزیز بھٹی ہسپتال میں قائم کائونٹر پر لوگوں کا ہجوم لگا رہتا ہے اور ناقص حکمت عملی کی وجہ سے لوگوں کا وقت برباد کیا جارہا ہے انہوں نے کہا کہ ہسپتال سے پولیو سرٹیفکیٹ کے حصول کیلئے پانچ سو سے ہزار روپے تک رشوت لی جا رہی ہے جس میں ہسپتال کا عملہ ملوث ہے اورمحکمہ صحت کے اعلیٰ ضلعی حکام اس سے با خوبی واقف ہیں۔انہوں نے کہا کہ خاص طور پر خواتین اوربچے اس سرٹیفکیٹ کے حصول کی وجہ سے کافی مشکل کا شکار ہیںاور انکی داد رسی کرنے والا بھی کوئی نہیں۔انہوں نے کہا کہ حکومت کی ناقص پالیسوں کا خمیازہ عوام کو بھگتنا پڑتا ہے۔
