کروڑ لعل عیسن ( نامہ نگار) چینی صدر کے دورے سے پاکستان میں ترقی کی نئی راہیں کھلیں گی۔ مخالفین نے گزشتہ سال دورے کو رکوا کر پاکستان کو ایک سال پیچھے دھکیل دیا۔ ان خیالات کا اظہار سابق وفاقی پارلیمانی سیکریٹری ایم این اے صاحبزادہ فیض الحسن ، سابق ایم پی اے ملک عبدالشکور سواگ نے اپنے ایک بیان میں کیا۔ انہوں نے کہا کہ پاک چین دوستی لازاول ہے۔ جس پر پاکستان کو فخر ہے۔ چینی صدر نے حالیہ دورہ کے دوران سڑکوں کی تعمیر و ترقی کیلئے 5 ارب 90 کروڑ ڈالر ، ریلوے کیلئے 3 ارب 69 ڈالر ، ذرائع آمد و رفت کیلئے ایک ارب 60 کروڑ ڈالر ، گوادر بندر گاہ کیلئے 66 کروڑ ڈالر سمیت دیگر اعلانات پاکستان کی تعمیر و ترقی میں سنگ میل ثابت ہونگے۔ 900 میگا واٹ قائد اعظم سولر پلانٹ کی فوری تنصیب سے توانائی کا مسئلہ حل ہو جائے گا اور ہمارا ملک ترقی کی راہ پر گامزن ہو جائے گا۔ انہوں نے کہا کہ پوری قوم چینی صدر کے دورۂ پاکستان کے دوران منصوبوں کے اعلان پر ان کی شکرگزار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) ہمیشہ مریضوں کی دیکھ بھال اور ہسپتال کو صاف ستھرا رکھنے پر توجہ مرکوز کی۔ گزشتہ روز کے واقعے سے میرا کوئی تعلق نہیں۔ ایکسیڈنٹ میں زخمی ہونے والا بچہ اللہ تعالیٰ کی رضا سے فوت ہوا۔ جس پر مجھے بھی ذاتی طور پر دکھ ہے۔ یہ بات ڈاکٹر محبوب حسنین قریشی نے اپنے ایک بیان میں کہی۔ انہوں نے کہا کہ 2 سال کے دوران ہسپتال میں ایم این اے صاحبزادہ فیض الحسن کی جانب سے نئے ایمرجنسی وارڈ و آپریشن تھیٹر کی تعمیر ، گائنی وارڈ کی مشینری ، الٹرا سائونڈ ، ایکسرے ، انیکوبیٹر سمیت ہسپتال میں باعزت بٹھانے کیلئے فرنیچر میری ہی کوششوں کا نتیجہ ہے۔ خود کو ہمیشہ لوگوں کی خدمت کیلئے وقف کیا اور اپنے فرائضِ منصبی کو احسن طریقہ سے نبھانے کیلئے ہسپتال کے معاملات کی دیکھ بھال ذمہ داری سمجھ کر کی۔ انہوں نے کہا کہ کچھ لوگ ذاتی پرخاش اور گروپنگ کی بنیاد پر میرے خلاف بھونچال کھڑا کر دیتے ہیں۔ جس کا سامنا کرنے کا حوصلہ رکھتا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) کریسنٹ ہیومن رائیٹس ڈیولپمنٹ آرگنائزیشن لوگوں کو تعلیم صحت ، روزگار فراہمی اور معاشرتی برائیوں کے خلاف کام کر رہی ہے۔ یہ بات ضلعی صدر کریسنٹ ہیومن رائیٹس ڈیولپمنٹ آرگنائزیشن ملک روشن ضمیر اتلیرہ ، حاجی محمد فاروق ضلعی نائب صدر نے گزشتہ روز ایک اجلاس میں کہی۔ انہوں نے کہا کہ کریسنٹ ہیومن رائیٹس ڈیولپمنٹ آرگنائزیشن کا مقصد تعلیم کے معیار کو اجاگر کرنا اور ملک بھر میں لوگوں کو راغب کرنا ، صحت کے میدان میں بہتری لانے کیلئے دہی علاقوں میں مفت ڈسپنسریاں اور میڈیکل کیمپس کا قیام ، غرباء ، مساکین اور یتم بچوں کی کفالت کرنا ، جسمانی و ذہنی طور پر معذور لوگوں کی خوشحالی کیلئے جدوجہد کرنا، لوگوں میں بھائی چارہ ، مذہبی ثقافتی اور سماجی تقریبات کا انعقاد ، عورتوں کے حقوق کا تحفظ اولین ترجیح ہے۔ انہوں نے کہا کہ ادراہ جلد ہی ضلع لیہ میں کام شروع کر دیگا۔
