تحریر : اصغر علی جاوید کامریڈ
قیام پاکستان کے بعد گذشتہ 69 سالوں میں بے پناہ ترقی کی اس دوران اس کے سائنسدانوں، انجینئروں اور ڈاکٹروں نے دنیا بھر میں اپنی صلاحیتوں کو منوایا اور اس وقت دنیا کے کئی ممالک ان کی صلاحیتوں سے استعفادہ حاصل کر رہے ہیں پاکستانی سائنسدانوں نے ایٹم بم بنا کر اس کو دنیا اسلام کی پہلی ایٹمی قوت بنایا جبکہ جدید ترین ٹیکنالوجی سے لیس مزائل ایف 16 تیاروں کو ری اسمبلڈ کرنا بین الاقوامی معیار کا جدید ترین اسلحہ جے ایف تھندر جنگی تیارے ٹینک بکتر بند فوجی گاڑیاں اور دیگر جنگی سامان تیار کر کے دنیا بھر میں پاکستان کا نام بلند کیا۔
قیام پاکستان سے اب تک فوجی اور عوامی سربراہوں فیلڈ مارشل محمد ایوب خاں، جنرل یحییٰ خاں، جنرل ضیا الحق، جنرل پرویز مشرف، ذوالفقار علی بھٹو، محمد خاں جونیجو، محترمہ بے نظیر بھٹو، میاں نواز شریف، شوکت عزیز، آصف علی زرداری کے علاوہ دیگر رہنما بھی شامل ہیں لیکن انہوں نے ملک میں بڑے بڑے پراجیکٹ اور ترقیاتی کام کروائے لیکن اپنے علاج کے لئے ہسپتال نہ بنوا سکے جس کے لئے ان کو دوسرے ممالک خصوصاً لندن جانا پڑتا ہے یہ حکمران اقتدار میں آکر اپنے ملک میں صرف تعلیمی اداروں میں بچوں کو تعلیم دلوانے کے لئے ان کی تشہیر پر کروڑ روپے خرچ کرتے ہیں اور ملک میں لوگوں کو صحت کی سہولتیں مہیا کرنے کے لئے اربوں روپے کا بجٹ مختص کرتے ہیں۔
اس کے علاوہ ملک کے بڑے شہروں میں پرائیویٹ سیکٹر میں بڑے بڑے ہسپتال قائم ہیں جوکہ دورجدید کی سہولتوں اور آلات سے آراستہ ہیں جن میں مہنگا ترین علاج ہوتا ہے جس میں بڑے بڑے لوگ سرمایہ دار لوگ استعفادہ حاصل کررہے ہیں لیکن ہمارے ملک کے سیاستدان اقتدار میں ہویا اقتدار سے باہر وہ اپنے علاج کے لئے انگلینڈ لندن کا انتخاب کرتے ہیں حالانکہ دنیا کے بڑے بڑے ممالک کے ہسپتالوں میں پاکستان کے ڈاکٹر ز اپنی خدمات سر انجام دے رہے ہیں لیکن حکمرانوں اور سیاستدانوں کو اپنے ملک کے ہسپتالوں اور ڈاکٹرز پر اعتماد نہ ہے سیاست دانوں پر جب بھی کوئی مشکل وقت آتا ہے تو ان کو کوئی مرض لاحق ہوجاتا ہے اللہ تعالیٰ تمام لوگوں کو بیماریوں سے محفوظ رکھے اور فوراً علاج کے لئے دوسرے ممالک کا رخ کرتے ہیں۔
زیادہ تر اپنے علاج کے لئے لندن کو ترجیح دیتے ہیں جبکہ دوبئی جرمن امریکہ فرانس اور دیگر ممالک میں بھی علاج کے لئے جاتے ہیں ایم کیو ایم کے قائد الطاف حسین کے خلاف حکومت نے گھیرا تنگ کرنا شروع کیا تو وہ اپنے گھٹنوں کے علاج کے لئے 1992 میں لندن چلے گئے ان کے گھٹنوں کا علاج تو نہ ہو سکا لیکن جوں جوں ایم کیو ایم اور الطاف حسین کے بارے میں سنسنی خیز انکشافات ہوتے رہے الطاف حسین کے امراض بھی بڑھتے گئے اور ابھی تک وہ لندن میں زیر علاج ہیں پیپلزپارٹی کے چیئرمین سابق صدر آصف علی زرداری اور حکومتی اداروں کے مابین تعلقات میں کشیدگی میں اضافہ ہواتو وہ بھی علاج کے لئے دوبئی لندن اور امریکہ میں گئے اور ابھی تک بغرض علاج لندن میں ہیں پیپلزپارٹی کے چیئرمین بلاول بھٹو زرداری بھی علاج کی غرض سے دوبئی لندن آتے جاتے رہتے ہیں۔
پیپلزپارٹی سندھ کے رہنما اور صوبائی وزیر شرجیل انعام مہمن کی کرپشن پر جب ان کے خلاف گھیرا تنگ ہوا تو وہ بھی علاج کے لئے دوبئی چلے گئے تاحال اس جگہ میں سابق صدر جنرل (ر) پرویز مشرف جوکہ ایک طویل عرصہ 9 سال تک برسراقتدار رہے لیکن ان کے خلاف درج کیوں میں جب انکو پیشی لئے عدالت لے جایا جارہا تھا تو اچانک وہ بھی بیمار ہوگئے ان کو عدالت کی بجائے ہسپتال پہنچایا گیا اسی طرح جب تک وہ پاکسان ہی تھے مختلف امراض میں مبتلا رہے بالاآخر وہ بھی علاج کی غرض سے دوبئی چلے گئے جہاں پر جاکر وہ بالکل صحت مند ہوگئے اور انہوںنے اپنی سیاسی سرگرمیاں جاری رکھی ہوئی ہیں۔
وزیر اعلیٰ پنجاب میاں شہباز شریف جو کہ علاج کی غرض سے لندن جرمن جاتے ہیں جب کہ انکے بڑھائی مسلم لیگ کے قائد اور وزیر اعظم پاکستان میاں نواز شریف جن کو دل کے چیک اپ کے لئے لندن جا ناتھا لیکن ملکی مصروفیات کی وجہ سے اپنا علاج کے لئے لندن نہ جاسکے لیکن اچانک پانامہ لیکس کا سکینڈل سامنے آگیا جو ہنگامہ پوری دنیا نظر آیا اور پاکستانی سیاست میں پانامہ پیپرز نے ہلچل مچا دی جس پر اپوزیشن جماعتوں نے بھر پور احتجاج کا سلسلہ شروع کردیا اور حکومت کو آڑے ہاتھوں لیا اور وزیر اعظم میاں نوازشریف سے مستعفی ہونے کا مطالبہ کر دیا پہلے تو حکومتی وزیر اور مشیروں نے اس ایشو کو نارمل لیا لیکن دوسرے ممالک میں اس پر بھر پور احتجاج شروع کر دیا گیا۔
متعدد ممالک کے سربراہوں اور وزیروں نے عوامی اور اپنی جماعتوں کے دبائو پر استعفےٰ دینے پر مجبور ہوگئے اس ساری صورتحال کے بعد میاں نواز شریف پر بھی پریشر بڑھ گیا حکومت کے وزیروں نے اپنے وزیر اعظم میاں نواز شریف کے وزرا ان کے دفاع کے لئے میدان میں آگئے اور وزیر اعظم نے اس سلسلہ میں ایک ریٹائرڈ جج کی سر براہی میں کمیشن بنانے کا اعلان کیا لیکن اپوزیشن جماعتوں نے وزیر اعظم کی اس پیشکش کو مسترد کر دیا اور مطالبہ کیا کہ چیف جسٹس آف پاکستان کی قیادت میں ایک خود مختار کمیشن قائم کیا جائے جس میں انٹر نیشنل فرانزک ایکسپرٹ شامل ہوں اور اس مسئلے پر بحث جاری تھی کہ اچانک وزیر اعظم میاں نواز شریف نے علاج کے لئے لندن جانے کا اعلان کر دیا۔
اس دوران وزیر داخلہ چوہدری نثار علی خاں نے ایک پریس کانفرنس میں بتایا کہ وزیر اعظم میاں نواز شریف میڈیکل چیک اپ کے لئے نہیں بلکہ علاج کے لئے جارہے ہیں اس طرح وہ چہ میگوئیاں تو ختم ہوگئیں لیکن علاج کے لئے کتنا عرصہ ملک سے باہر رہیں گے اس بارے میں کوئی اعلان نہیں کیاوزیر اعظم کی عدم موجودگی میں تمام امور وزیر خزانہ اسحاق ڈار سرانجام دیں گے اور انکی معاونت وزیر اعظم کی صاحبزادی مریم نوا زکریں گی ملک کے20کروڑ عوام کو صحت کی سہولتیں میسر نہیں ہیں لیکن حکمران اپنے علاج کے لئے غیرممالک جانے خصوصیاً لندن کا رخ کرتے ہیں۔
ملک کے وز یر داخلہ چوہدری نثار علی خاں بھی اپنی اہلیہ کے علاج کے لئے جرمن چلے گئے اس وقت لندن علاج کے ساتھ ساتھ پاکستانی سیاست کی سرگرمیوں کا مرکز بنا ہو اہے پی ٹی آئی کے چیئرمین عمران خاں اپنے ساتھیوں جہانگیر خاں ترین ،میاں نواز شریف جوکہ علاج کے لئے گئے ہیں جبکہ سابق صدر آصف علی زرداری کا پڑائو بھی وہیں ہیں جبکہ ایم کیو ایم کے الطاف حسین ایک طویل عرصہ سے علاج کی غرض سے قیام پذیر ہیں جبکہ پوری قوم اس وقت میاں نواز شریف کی جلد صحت یابی کے دعا گو ہے۔
ہمارے ملک کے حکمرانوں کا حال بھی اس جرمن بوڑھے کی مثال جیسا ہے جو کہ جرمن کے ایک ہسپتال میں زیر علاج تھا اس بوڑھے شخص کے ساتھ والے کمرے میں غیر معمولی آمد و رفت سیکیورٹی کے لوگوں کی بہتات اور عملے کا احتمام دیکھا تو اپنے ساتھ موجود وارثان سے اس کا سبب پوچھا بوڑھے مریض کے ورثا نے اسے بتایا کہ اس کمرے میں میسر کے صدر حسنی مبارک کو علاج کے لئے ٹھہرایا گیا ہے بوڑھے نے پوچھا یہ حسنی مبارک کون ہے اور کب سے میسر پر صدارت کر رہا ہے بوڑھے کو بتایا گیا کہ اسے صدر رہتے ہوئے 25سال ہوگئے ہیں بوڑھے نے کہا یہ ایک مفسد اور گندا شخص ہے ورثا نے پوچھا کہ آپ کیسے جانتے ہیں کہ یہ ایک گندا اور مفسد انسان ہے بوڑھے نے کہا کہ جوشخص اپنے 25سالہ دور حکومت میں اپنے ملک میں ایک ایسا ہسپتال نہیں بنوا سکا جس میں وہ خود اپنا علاج اعتماد کے ساتھ کروا سکے اس شخص کا اپنے ملک اور عوام کے ساتھ خلوص مشکوک اور اس کے انتظامی اصلاحی و تعمیری کاموں میں کھوٹ ہے یہ واقعہ اس وقت کا ہے جب میسر کا صدر حسنی مبارک تھا۔
تحریر : اصغر علی جاوید کامریڈ
