ہائی کورٹ نے انچارج رورل سنٹر مصطفی آباد ڈاکٹر ثمرہ خرم کے خلاف رٹ نا قابل سماعت قرار دیتے
مصطفی آباد/للیانی(نامہ نگار)ہائی کورٹ نے انچارج رورل سنٹر مصطفی آباد ڈاکٹر ثمرہ خرم کے خلاف رٹ نا قابل سماعت قرار دیتے ہوئے خارج کر دی، تفصیلات کے مطابق لاہور ہائی کورٹ میں جسٹس سید منصور علی شاہ کی عدالت میں کاشف علی نامی شخص نے سیکرٹری ہیلتھ، ای ڈی او قصور و انچارج رورل ہیلتھ سنٹر مصطفی آباد ڈاکٹر ثمرہ خرم کے خلاف دائر کی گئی رٹ میں موقف اختیار کیا تھا کہ ڈاکٹر ثمرہ خرم ان لیگل طریقے سے بطور سنیئر میڈیکل آفیسر کام کر رہی ہے۔اس کو وہاں سے ہٹاکر ڈاکٹر نذیر یا کسی اور شخص کو بطور ایس ایم او تعینات کیا جائے، جس کو عدالت عالیہ نے سیکرٹری ہیلتھ اور ای ڈی او ہیلتھ قصور کی رپورٹ جس میں ڈاکٹر ثمرہ خرم کی بہترین کارگردگی کو سراہا گیا تھا کو مد نظر رکھتے ہوئے دائر کردہ رٹ کو نا قابل سماعت قرار دیتے ہوئے خارج کر دیا، جس پر شہر کی سیاسی و سماجی جماعتوں کے نمائندوں کی طرف سے خوشی کا اظہار کیا گیا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وکلاء کی طرف سے صحافیوں پر تشدد کی پر زور مذمت کرتے ہیں،محمد عمران سلفی صدر پریس کلب للیانی،جیل ملازمین اور وکلا کے مابین تصادم پر صحافی کوریج کر رہے تھے
مصطفی آباد/للیانی(نامہ نگار)وکلاء کی طرف سے صحافیوں پر تشدد کی پر زور مذمت کرتے ہیں،محمد عمران سلفی صدر پریس کلب للیانی،جیل ملازمین اور وکلا کے مابین تصادم پر صحافی کوریج کر رہے تھے کہ وکلا نے تشدد کا نشانہ بنایا اور کیمرے بھی چھین لئے، فوری مقدمہ درج کرکے ملوث افراد کے خلاف کاروائی عمل میں لائے جائے، اراکین للیانی پریس کلب کا مطالبہ، تفصیلات کے مطابق قصور میں صحافیوں پر تشددکے واقع کے خلاف للیانی پریس کلب کا مذمت اجلاس و احتجاجی ریلی صدر محمد عمران سلفی کی زیر قیادت نکالی گئی، صدر پریس کلب للیانی محمد عمران سلفی سے مذمت اجلاس و ریلی کے شرکاء سے خطاب کرتے ہوئے کہا کہ معاشرے کے پڑھے لکھے افراد کی طرف سے جاہلانہ عمل سمجھ سے بالا تر ہیں،قانون کی علامت وکلا ہی اگر قانونی کی دھجیاں بکھیریں گے تو قانون کا احترام کون کرے گا۔ہم وکلا برادری سے مطالبہ کرتے ہیں کہ وہ اپنے اندر پڑھے لکھے جاہلوں کو نکال باہر کریں جو قانون کا احترام کرنے کی بجائے اس کی بد نامی کا سبب بن رہے ہیں۔ ہم جج صاحبان سے بھی مطالبہ کرتے ہیں کہ وہ ایسے وکلا جو غنڈا گردی کے واقع میں ملوث ہیں ان کے ہاتھوں یر غمال بننے کی بجائے سخت کاروائی عمل میں لائیں، صحافی اپنی جان ہتھیلی پر رکھ کر عوام تک حقائق پہنچاتے ہیں اگر انہیں تحفظ فراہم نہ کیا گیا تو پاکستان میں کوئی بھی شخص حق و سچ کی بات نہیں کر سکے گا اور ملک میں عملاََ جنگل کا قانون نافذ ہو جائے گا، اس موقع پر شاہد عمر، منیر احمد بھٹی،محمد جمیل سندھو، زبیر احمد بھٹی،سعید احمد بھٹی، عبدالقیوم، عمر حیات، ڈاکٹر مقصوداحمد، عبدالمنان سلفی، حافظ طاہر اقبال، ارشد علی شامی، چوہدری اصغر علی،رحمت علی محسن، عمر فاروق بھٹہ ودیگر صحافیوں کی بڑی تعداد نے وزیر اعلی پنجاب،ڈسٹرکٹ بار قصور، ڈی پی او قصور ودیگر اعلی حکام سے ملوث افراد کے خلاف سخت قانونی کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نذیر احمد کو زہر دیکر قتل کرنے کے الزام پر پولیس تھانہ مصطفی آباد نے لاش پوسٹ مارٹم
مصطفی آباد/للیانی(نامہ نگار)نذیر احمد کو زہر دیکر قتل کرنے کے الزام پر پولیس تھانہ مصطفی آباد نے لاش پوسٹ مارٹم کیلئے بھیج دی، نذیر احمد کی سابقہ بیوی و بچوں نے الزام لگایا ہے کہ نذیر احمد کو اس کے بھانجوں نے زہر دیکر قتل کیا ہے، تفصیلات کے مطابق گزشتہ روز نواحی گائوں ستوکی کا رہائشی 50سالہ نذیر احمد جاں بحق ہو گیا تھا جس پر اس کی سابقہ بیوی جسے اس نے چار پانچ سال قبل طلاق دے دی تھی اور اس کے بچوں کبیر وغیرہ نے الزام لگا دیا کہ نذیر احمد کو اس کے بھانجوں مبشر، اصغر، بلا، آصف، اشفاق، اکرام، صفدر وغیرہ نے زہر دے کر قتل کیا ہے، جس پر پولیس تھانہ مصطفی آباد نے لاش قبضہ میں لیکر پوسٹمارٹم رپورٹ کیلئے ڈی ایچ کیو قصور بھیج دی جنہوں نے پوسٹمارٹم کرکے نمونے لیبارٹی بھیج دئیے ہیں جبکہ لاش والدہ کے حوالے کر دی، نذیر احمد کے بھانجوں کے مطابق نذیر احمد چند روز سے بیمار تک جس کی طبی موت واقع ہوئی ہے،تمام الزامات بے بنیاد ہیں، پولیس تھانہ مصطفی آباد مصروف تفتیش،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ زراعت کو عطیہ کی گئی جگہ پر قبضہ کرنے والوں کے خلاف مقدمہ درج،
مصطفی آباد/للیانی(نامہ نگار)محکمہ زراعت کو عطیہ کی گئی جگہ پر قبضہ کرنے والوں کے خلاف مقدمہ درج، عمر خاں وغیرہ نے چند سال قبل زمین عطیہ کی تھی ، اب قبضہ کر لیا،تفصیلات کے مطابق نوواحی گائوں چھٹیانوالہ میں عثمان ولد عمر خاں وغیرہ نے محکمہ زراعت کو جگہ عطیہ کر دی تھی جس پر محکمہ نے عمارت تعمیر کر لی ، بعد ازاں چند روز قبل تین اطراف دیوار کھڑی کرکے دروازے وغیرہ چوری کرکے ساتھ لے گئے،محکمہ نے ان سے قبضہ کو واگزار کروا لیا گیااورچوری شدہ اشیاء کی واپسی کا مطالبہ کرتے رہے، اب انہوں نے چوری شدہ اشیا واپسی کرنے کی بجائے الٹا قبضہ کرنے کی دھمکیاں دینا شروع کر دی ہیں، مقدمہ درج،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نا معلوم چوروڈانہ کے قریب فیکٹری سے 7لاکھ روپے مالیت
مصطفی آباد/للیانی(نامہ نگار)نا معلوم چوروڈانہ کے قریب فیکٹری سے 7لاکھ روپے مالیت کے پرزے چوری کرکے فرار، تفصیلات کے مطابق نواحی گائوں وڈانہ کے قریب نا معلوم چور فائبر ٹیک فیکٹری سے 7لاکھ روپے مالیت سے 14انورئیٹر چوری کرکے فرار ہو گئے،میاں مفاف الرحیم کی درخواست پر مقدمہ درج،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تاوان کی رقم وصول کرنے کیلئے جانے والے پٹواری ودیگر ملازمین پر تشدد وجان سے مارنے
مصطفی آباد/للیانی(نامہ نگار)تاوان کی رقم وصول کرنے کیلئے جانے والے پٹواری ودیگر ملازمین پر تشدد وجان سے مارنے کی دھمکیاں، تفصیلات کے مطابق شیخ احمد ریونیو آفیسر مصطفی آباد،منظور احمد پٹواری حلقہ بیرون مصطفی آباد، محمد افضل نائب قاصد، مبین شفیق منشی پکی حویلی کے رہائشی مشتاق عرف چن سے تاوان کی رقم 19880روپے وصول کرنے گئے تو اس کے بیٹے چھمن نے ملازمین کو جان سے مارنے کی دھکمیاں دیتے ہوئے تشدد کرنا شروع کر دیا، اور نائب قاصد محمد افضل کی جیب سے زبرداستی 6ہزار روپے نکال لئے،
