ٹیکسلا (ڈاکٹر سید صابر علی) ٹیکسلا میں اراضی ریکارڈ سینٹر کا باقائدہ افتتاح کر دیا گیا، تحصیل ٹیکسلا کے پنتالیس موضات کو کمپوٹر رائزڈ کردیا گیا،چودہ موضات تمام تر غلطیوں سے پاک باقی ماندہ موضات کی درستگی کے لئے ہفتہ وار بنیاد پر اجلاسوں کا سلسلہ جاری ہے ایک سال میں تمام موضات کو کمپیوٹرائزڈ کردیا جائے گا،اسسٹنٹ کمشنر ٹیکسلا شاہد عمران مارتھ کی افتتاح تقریب میں میڈیا بریفنگ،تفصیلات کے مطابق سوموار کے روز اراضی ریکارڈ سینٹر کا افتتاح مسلم لیگ ن کے رہنما و خصوصی ٹاسک فورس کے ممبران شیخ ساجد الرحمان چئیرمین زکوة و عشر کمیٹی ضلع راولپنڈی ،شیخ محمد اسلم ، اور راجہ لطیف معاونین خصوصی چوہدری نثار علی خان نے کیا ، اس موقع پر سابق ایم پی اے ملک عمر فاروق ، ضلعی صدر سردار ممتاز خان پسوال،چئیرمین یو سی لب ٹھٹو علی اصغر اعوان ، چئیرمین یو سی گھڑی افغاناں ملک داود،کونسلر کینٹ بورڈ واہ کینٹ حاجی عبدالرحمان،راجہ شیراز،اللہ دتہ اعوان، شیخ صوفیان، صدر مسلم لیگ ن تحصیل ٹیکسلا فیاض خان تنولی،کونسلر ٹیکسلا میونسپل کمیٹی شیخ ساجد محمود،راجہ عامر سعید ، حاجی لال حیدر،سردار صفدر محمود، کونسلر ٹیکسلا میونسپل کمیٹی طاہر محمود طاہری ، محمد ایوب صراف ، سید اکرار حیدرایڈووکیٹ، طارق سرور محمود ، محکمہ مال تحصیل ٹیکسلا کے افسران کے علاوہ کثیر تعداد میں لوگ موجود تھے ، افتتاحی تقریب کے موقع پر آن لائن ریکارڈ کے حوالے سے تفصیلات بیان کرتے ہوئے اسسٹنٹ کمشنر ٹیکسلا شاہد عمران مارتھ کا کہنا تھاتحصیل کے اکثریت موضات کمپیوٹر ائزڈ ہونے سے عوام کو فرد و اانتقالات کے حصول میں آسانی ہوگی ،ادہر عوامی حلقوں کا کہنا تھا کہ ریکارڈ کی عدم درستگی سے مسائل جنم لے رہے ہیں پٹواریوں کی جب تک جیب گرم نہ کرو ریکارڈ میں درستگی عمل میں نہیں لائی جاتی ،صارفین کو زلیل و خوار کیا جاتا ہے ،جہاں آن لائن سسٹم میں عوام کو سہولیات میسر ہورہی ہیں وہاں کرپٹ پٹوار سسٹم اسکی ناکامی کے لئے سرگرم ہے،اے سی بتایا کہ تمام موضات کی درستگی میں ابھی کچھ وقت درکار ہوگا ، تاہم ہفتہ وار اجلاس منعقد کر کے سسٹم کی بہتری کے لئے کام کیا جارہا ہے ،انکا کہنا تھا کہ تحصیل ٹیکسلا میں محکمہ مال کے اہلکار و افسران سے اگر کسی کو کوئی شکائت ہو تو وہ ان سے رجوع کریں ، ثابت ہونے پر سخت محکمانہ کاروائی کی جائے گی ، ہمارا کام علاقہ عوام کو بہتر سے بہتر سہولیات مہیا کرنا ہے آن لائن سسٹم کی کامیابی کے لئے کوئی دقیقہ فرو گزاشت نہیں کریں گے،عوام کے تعاون سے چیک اینڈ بیلنس کا نظام موثر بنایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی) امیدوار برائے چئیرمین یونین کونسل سرائے خربوزہ راجہ محمد جان نے کہا ہے کہ عوام کی فلاح بہبود ،علاقہ کی محرومیوں کا ازالہ اور عوام کو بنیادی ضرورت زندگی کی بلا تفریق فراہمی ہماری ائولین ترجیحات ہیں، پہلے بھی عوام کی بلا تفریق خدمت کی اور آئندہ بھی یہ نیک عمل جاری رکھیں گے، ملک امیتاز نے کہا کہ محلہ ارشد ڈھوک پراچہ کے تمام مسائل میں خود حل کرونگا ،اہلیان یونین کونسل سرائے خربوزہ کے لئے یہ خوشی کا مقام ہے کہ دو ماہ کے اندر دوسری مرتبہ اتخابی عمل ہو رہا ہے انشااللہ سب ملکر نہ صرف راجہ محمد جان کو اللہ تعالیٰ کے فضل و کرم سے کامیاب کرائیں گے بلکہ علاقہ کے مسائل بھی حل ہونگے، ان خیالات کا اظہار انھوں نے محلہ ارشد ڈھوک پراچہ یونین کونسل سرائے خربوزہ میں ملک ارشد، حاجی کالا خان ،حاجی ارشادکی رہائش گاہ پر منعقدہ انتخابی مہم کے سلسلے میں تقریب سے خطاب کے دوران کیا اس موقع پر سابق امیدوار برائے چئیرمین ملک امتیاز، حاجی کالا خان،حاجی ارشاد، محمد ازرم، ملک شبیر، ملک ارشد، نوزش حسین، ملک راشد، راجہ صادق ایڈووکیٹ،نجیب عباسی،ملک مسلم، ریاض ملک ناظم، عاطف، حمید، راجہ انور، ملک انور، ضیاء عباسی، جواد عباسی، گلستان عباسی، باسط عباسی، باریز خان، کے علاوہ معززین علاقہ کی کثیر تعداد موجود تھی، تقریب میں حاجی کالاخان، حاجی ارشاد اور سابق امیدوار برائے کونسلر ملک ارشد نے راجہ محمد جان کی بھر پورحمایت کا اعلان کیا ،جبکہ ابرار عباسی نے کہا کہ مسجد والی گلی میں خود بنوا کر دونگا، دیگر کام ملک امتیاز نے کرانے کی ذمہ داری اٹھائی ،راجہ جان نے کہا کہ آپ لوگوں نے جو بھی ڈیوٹی لگائی اسے پورا کریں گے ترقیاتی کاموں کی ابتدایہاں سے ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی) تحریک انصاف ٹیکسلا/ واہ کے متحرک رہنما و سابق امیدور برائے کونسلر بلدیہ ٹیکسلا ملک اسد امیر نے مسلم لیگ(ن) کے کیمپ میں نقب لگا کر مسلم لیگ(ن) کے متحرک رہنما کو تحریک انصاف کے کیمپ میں لے آئے، شب و روز انتھک محنت اور مسلسل عوامی رابطہ مہم کے اثرات سامنے آنے لگے ،مسلم لیگ(ن) کے رہنما و بے نظیر کالونی کی فلاحی کمیٹی کے صدر راجہ عثمان نے اپنے درجنوں ساتھیوں سمیت تحریک انصاف میں شمولیت کا با ضابطہ طور پراعلان کر دیا، راجہ عثمان نے کہا کہ مسلم لیگ(ن) نے سوائے عوام کو مہنگائی،، سوئی گیس و بجلی کی ظالمانہ لوڈ شیڈنگ، لوٹ مار، بے روزگاری، تھانہ کچہری کی انتقامی سیاست کے علاوہ کچھ بھی نہیں دیا اور انھوں نے وہ وعدے بھی نہیں پورے کئے جوانھوں نے گذشتہ جنرل الیکشن میں اپنی الیکشن کمپین کے دوران پاکستان کی عوام سے کئے تھے،مسلم لیگ(ن) نے ہمیں مایوس کیا، راجہ عثمان نے پاکستان تحریک انصاف میں شمولیت کا اعلان گذشتہ روز اپنے ساتھیوں کے ہمراہ ملک اسد امیر سے ایک ملاقات کے دوران کیا اور ساتھ ہی پاکستان تحریک انصاف کی رکنیت سازی بھی شروع کر دی ،تحریک انصاف کی ریکارڈ رکنیت سازی کروائیں گے،اس موقع پر تحریک انصاف کے رہنما محمد اعجاز خان آف انوار چوک، سید وقاص صفدر شاہ آف لائق علی چوک، انجمن تاجران لائق علی چوک کے سابق صدر ملک عارف اعوان آف لائق علی چوک، شوکت علی آف اسلم مارکیٹ، نبیل حسین،ملک وقاص اور دیگر رہنما بھی موجود تھے، ملک اسد امیر نے راجہ عثمان اور ان کے ساتھیوں کو پاکستان تحریک انصاف میں شامل ہونے پرخوش آمدید کیا اور کہا کہ وہ اور ان کی پارٹی نئے شامل ہونے والے ساتھیوں کو مایوس نہیں کرے گی اور ان کو پارٹی میں عزت و احترام کے ساتھ نوازنے کے ساتھ ساتھ ان کی بھرپور صلاحیتوں سے بھی مستفید ہوں گے،ہماری پارٹی میں دوسری سیاسی پارٹیوں کی طرح ڈکٹیٹر شب موجود نہیں ہے اور یہاں فیصلے کارکنوں کی باہمی مشاورت سے کئے جاتے ہیں اور کارکنوں کی رائے کو ہی فوقیت دی جاتی ہے، ہم ایک ٹیم ورک کی صورت میں پارٹی کی مضبوطی کے لئے کام کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی) پاکستان میں روزانہ 12 ارب روپے کرپشن کی نذرہو رہے ہیں، کرپٹ عناصر کے کڑے احتساب کے بغیر پاکستان کی کشتی بھنورسے نہیں نکل سکتی ،ان خیالات کا اظہار جماعت اسلامی کے سابق امیدوار برائے صوبائی اسمبلی عیتق الرحمن کاشمیری نے میڈیا سے گفتگو کے دوران کیا ،انہوں نے کہا امیر جماعت اسلامی سینیٹرسراج الحق کی زیر قیادت کرپشن فری پاکستان کی مہم ہرپاکستانی کے دل کی آواز ہے ، انکادودھ کے رکھوالی پر بلے بیٹھے ہوئے ہیں،احتساب کرنے والے ادارے احتساب کرنے کے بجائے ڈیل کرنے کو ترجیح دیتے ہے ،قوم کے اربوں روپے ڈکارنے والے عناصر سے چند فی صد رقم وصول کرکے ان کو حاجی بنا کر قوم کو دوبارہ لوٹنے کے لئے آزاد کر دیا جاتا ہے،عتیق کا شمیری نے کہا کہ قومی دولت لوٹنے والوں کے خلاف معاشرتی دہشت گردی کے مقدمے قائم کیے جائیں، پٹوار ی سے لیکر چیف سیکرٹری تک اور کو نسلرسے وزیراعظم تک ہر شخص کواحتساب کی کے عمل سے گزارنے کی ضرورت ہے ،صرف ایک سال کرپشن رک جائے تو پاکستان کے تمام اندرونی وبیرونی قرضے ختم ہو سکتے ہیںاور پاکستانی قوم ایک خوددار اور خوشحال قوم بن سکتی ہے ،کرپشن فری پاکستان مہم کے سلسلے میں ٹیکسلا چوک میں مولانا غلام سرور اور عتیق کا شمیری نے کیمپ کا افتتاح کیا اور کرپشن کے خلاف دستخطی مہم کا آغاز کیا ،اس موقع پر جما عت اسلامی کے مقامی عہدے داروںاور کارکنو ں کے علاوہ بڑی تعداد میں عام شہریوں نے دستخطی مہم میں جوش و خروش سے حصہ لیا اور کرپشن کے خلاف نفرت کا اظہار کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسلا (ڈاکٹر سید صابر علی) مسلم لیگ(ن) کے رہنما ارشد محمود ملک نے کہا ہے کہ مسلم لیگ(ن) خدمت کا دوسرا نام ہے موجودہ حکومت عوام کا معیار زندگی بلند کرنے کے انقلابی اقدامات کر رہی ہے، ملکی معیشت کو استحکام ملا ہے اور بیرونی سرمایہ کاری کو فروغ ملا ہے، ان خیالات کا اظہار انھوں نے میڈیا سے گفتگو کے دوران کیا ،ارشد محمود ملک نے کہا کہ تمام تر سازشیں دم توڑ جائیں گی موجودہ حکومت نہ صرف اپنی آئینی مدت پوری کریگی بلکہ اگلے پانچ سال میں بھی اپنی کارکردگی اور عوامی خدمت کی بدولت مسلم لیگ(ن) کی ہی حکومت ہو گی، حالیہ ملتان میں ہونے والے ضمنی انتخابات میں لیگی امیدوار کی تاریخی کامیابی عوام کا میاں برادران پر اعتماد کا مظہر ہے ،اس وقت حکومت افواج پاکستان اور پوری قوم ایک ہی پیج پر ہیں ،حکومت کے خلاف ہونے والی سازشیں جلد دم توڑ جائیں گی،موجودہ حکومت کی کارکردگی کو عالمی اداروں نے بھی سراہا ہے ،اس وقت ملک میں معیشت کو مضبوط بنانے کے لئے انقلابی اقدامات کئے جا رہے ہیں جن کا ثمر بہت جلد عوام تک پہنچنا شروع ہو جائے گا۔
