جھنگ (ڈسٹرکٹ رپورٹر) میاں میر ویلفیئر آرگنائزیشن جھنگ کے زیر اہتمام الحمد پیرا میڈیکل انسٹیٹیوٹ گوجرہ روڈ میں ڈینگی مچھر کے خاتمہ اور حفاظتی تدابیر اپنانے کے حوالہ سے سیمینارکا انعقاد کیا گیا جس میں ڈسٹرکٹ آفیسر سوشل ویلفیئراظہر عباس عادل مہمان خصوصی تھے۔سیمینار میں ڈپٹی ڈسٹرکٹ آفیسر سوشل ویلفیئر فضل عباس،محکمہ زراعت سے محمد عابد،پرنسپل الحمد پیرا میڈیکل انسٹیٹیوٹ حسن رضا اور پروگرام کوآرڈی نیٹر ریاض احمد کے علاوہ طلباء اوردیگر متعلقہ افسران نے شرکت کی۔ڈی او سوشل ویلفیئر اظہر عبا س عادل نیطلباء کو ڈینگی مچھر کی افزائش کے اسباب ،علامات اور حفاظتی تدابیر کے بارے آگاہ کرتے ہوئے کہا کہ ڈینگی ایک بخار ہے جو خاص وائرس کی وجہ سے ہوتا ہے اورڈینگی بخار کی علامات ظاہر ہونے پر فوری طور پر قریبی ہسپتال سے رجوع کرنا ضروری ہے۔انہوںنے کہا کہ حکومت پنجاب ڈینگی مچھر کے خاتمہ کیلئے ہر ممکن وسائل بروئے کار لارہی ہے ۔ زراعت آفیسر نے ڈینگی مچھر سے نمٹنے کیلئے مکینیکل طریقوں سے طلباء کو آگاہی دی۔پرنسپل حسن رضا نے بھی تفصیل سے ڈینگی وائرس کے خلاف چلائی جانے والی مہم پر روشنی ڈالی ۔ سیمینار کے اختتام پر محکمہ سوشل ویلفیئر کی طرف سے ڈینگی بخار کی علامات اور احتیاطی تدابیر پر مبنی پمفلٹس بھی تقسیم کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) روٹری انٹرنیشنل ڈسٹرکٹ 3272 ڈسٹرکٹ کے گورنر روٹیرین ساجد پرویز بھٹی نے روٹری کلب جھنگ سینٹرل کا سالانہ آفیشل وزٹ کیا اورشہر بھرمیں گرین کلین سٹی پراجیکٹ کے تحت ہزاروں کی تعدادمیں پودے لگائے اور مرکز نابینا جھنگ میں کمپیوٹر لیب کا افتتاح بھی کیا ۔وزٹ کے دوران انہوںنے روٹری کلب جھنگ سینڑل کے گرین کلین سٹی کے پراجیکٹ کے تحت آدھیوال قبرستان میں دو ہزار پودے لگا کر شجر کاری مہم کا افتتاح کیااور دیگر کئی مقامات پر بھی پودے لگائے۔ بعد ازاں وہ مرکز نابینا جھنگ بازار گئے اور وہاں پر روٹری کلب جھنگ سینڑل کی طرف سے نابینا افراد کیلئے بنائی گئی کمپیوٹر لیب کا افتتاح کیا اورنابیناطالب علموں میں سفید چھڑیاں، سکول یونیفارم تقسیم کئے ۔اس موقع پر انہوںنے کہاکہ روٹری انٹرنیشنل نابینا افراد کو اپنے پائوں پر کھڑاکرنے کیلئے ہر ممکن مدد فراہم کرے گاتاکہ وہ بھی عام انسانوں کی طرح زندگی کی سہولتوںسے مستفید ہوں ۔ان کے ہمراہ آسٹریلیاسے آئی ہوئی روٹری انٹر نیشل کی ممبر سوزین ریہ ،انگلینڈ سے آئے ہوئے ممبر ٹونی شرما اورسابق ڈسٹرکٹ گورنر شہزاد احمد بھی تھے ۔بعدازاں روٹری کلب جھنگ سینٹرل کے صدر محمد عمر رامے نے کلب کی طر ف سے تمام مہمانوںکو شیلڈ اورکلب پرچم پیش کیا اس موقع پر حکومت پنجاب کی طر ف سے غیر ملکی مہمانوں کیلئے سیکورٹی کیلئے سخت انتظامات کیے گئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) جھنگ ٹوبہ روڑ پرموضع باغ کے قریب تیز رفتار ٹرالے اور مسافرویگن میں تصادم کے نتیجہ میں چار خواتین سمیت سات افراد شدید زخمی ہو گئے۔ تفصیلات کے مطابق اڈہ موضع باغ پر جھنگ سے ٹوبہ جانے والی مسافر ویگن نمبری MR-301مخالف سمت سے آنے والے تیز رفتار ٹرالے نمبری TLL-475سے بری طرح ٹکراگئی جس کے نتیجہ میںویگن میں سوار 40سالہ لیاقت،32سالہ بشری بی بی ،35سالہ سکینہ بی بی ،30سالہ شاہد حسین،38سالہ حاکم بی بی،70سالہ محمد اسحاق اور40سالہ شمشاد بیگم شدید زخمی ہو گئے جنہیں ریسکیو 1122نے ڈسٹرکٹ ہیڈ کوارٹر ہسپتال جھنگ شفٹ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) تفصیلات کے مطابق پہلا حادثہ ٹوبہ روڈنیا بائی پاس کے قریب تیز رفتاری کے باعث چنگچی رکشہ اور ٹریکٹر ٹرالی کے درمیان پیش آیا جس سے 70سالہ آسیہ 40سالہ صوبیہ 12سالہ عمرفاروق شدید زخمی ھو ا دوسرا حادثہ سرگودہا روڈ پاکستان آئل ملزکے قریب دو تیز رفتار موٹرسائیکل کے آپس میںٹکڑانے سے پیش آیا جس 24سالہ عبدالصمد 22سالہ آصف شدید زخمی ہوا جنھین ریسکیو 1122 نے بروقت پہنچ کر ابتدائی طبی امداد دی کے بعد ڈسڑکٹ ہیڈکواٹرہسپتال منتقل کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) یونین کونسل نمبر 46 موضع رستم سرگانہ کے امیدوار برائے چیئرمین حاجی شفقت عباس سرگانہ نے کہا ہے کہ حلقہ کی تعمیر وترقی اورخوشحالی ہمارامشن ہے اس کی تکمیل کیلئے کسی بھی قربانی سے دریغ نہیں کیاجائیگا۔ انہوں نے کہا کہ بلدیاتی الیکشن میں مہر مختار احمد سرگانہ شہید گروپ کے متفقہ امیدواران خدمت کے جذبوں سے سرشار ہے ۔ انشاء اللہ منتخب ہوکر ٹیم ورک کے ذریعے علاقہ کے دیرینہ مسائل کو ترجیحی بنیادوں پر حل کریں گے ۔ ان خیالات کااظہار انہوں نے گزشتہ روز موضع رستم سرگانہ میں ایک کارنر میٹنگ سے خطاب کرتے ہوئے کیا۔ اس موقع پر موجود وارڈ نمبر1سے امیداوار برائے جنرل کونسلر ڈاکٹر محمدسلیم سیال نے بھی خطاب کیا اورکہا کہ عوامی پذیرائی نے پرانے سیاستدانوں کوپریشان کردیاہے۔ انہوں نے کہا کہ انشاء اللہ کامیاب ہوکر وارڈ کی حالت بدل دیں گے ۔ انہوں نے مزید کہا کہ مخالفین کو اپنی شکست واضح نظر آرہی ہے جس کی وجہ اُن کاحلقہ میں کام نہ کرانا ہے۔ ڈاکٹر محمدسلیم سیال کا مزید کہنا تھا کہ اپنے حلقہ میں دیرینہ مسائل بجلی ، تعلیم ،میڈیکل ، گلیوں نالیوں کی تعمیر ،سیوریج سسٹم کے نظام کو درست کرنا اولین ترجیحات میں شامل ہوگا۔ اس موقع پر موجودمہر مظہر بھروانہ ، مہر خان بہادرسرگانہ ، مہرآصف نذر سرگانہ ، مہر ظہور حسین کوڑیانہ سیال ، اقبال خان پٹھان ، ڈاکٹر محمد اسلم چوہدری ، ڈاکٹر ملک بشیر احمد ، مہر نوازکوڑیانہ سیال ، ملک خان محمد ، مہرظفر سرگانہ واہلیان حلقہ نے مکمل سپورٹ کا اعلان کیا اس موقع پر سرگانہ برادری ، بھروانہ برادری، سیال برادری، چوہدری برادری ، کوڑیانہ برادری ، ملک برادری ، پٹھان برادری ، نوناری برادری ، جنجوعہ برادری ،قریشی برادری کے سرکردہ لوگوں نے حاجی شفقت عباس سرگانہ اورڈاکٹر محمد سلیم سیال کو اپنا امیدوار قرار دیتے ہوئے مکمل حمایت کا اعلان کیا۔
