تنظیم اہل سنت کے امیر پیشوائے اہل پیر محمد افضل قادری نے کہا ہے
گجرات ( جی پی آئی )تنظیم اہل سنت کے امیر پیشوائے اہل پیر محمد افضل قادری نے کہا ہے کہ حج بیت اللہ کے لئے روانہ ہونے والے حضرات و خواتین کیلئے شرعاَ لازم ہے کہ وہ حج پر روانہ ہونے سے پہلے عمرہ اور فریضہ حج کے مسائل اور طریقہ عمرہ و حج کی تعلیم حاصل کریں ‘ و گرنہ وہ عمرہ حج میں بڑی بڑی غلطیاں کر کے حج و عمرہ میں نقصان یا فساد بھی پیدا کر سکتے ہیں ۔ پیر محمد افصل نے اعلان کیا ہے کہ وہ 30اگست ہفتہ صبح 10بجے بشیر میرج ہال جی ٹی روڈ گجرات میں حضرات و خواتین کو عمرہ و حج کا طریقہ بتائیں گے اور عمرہ وحج کے مسائل پر مشتمل ایک کتابچہ بھی فری تقسیم کرینگے ‘ انہوں نے اعلان کیا ہے کہ عمرہ و حج پر روانہ ہونے والے حجاج مرکز اہل سنت نیک آباد گجرات سے بذریعہ ڈاک اور خود پہنچ کر عمرہ و حج کا شاندار لیٹریچر فری حاصل کر سکتے ہیں ۔
۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں لوڈ شیڈنگ میں اضافہ ‘ شیڈول سے ہٹ کر بندش کا سلسلہ جاری
گجرات ( جی پی آئی ) گجرات میں لوڈ شیڈنگ میں اضافہ ‘ شیڈول سے ہٹ کر بندش کا سلسلہ جاری ‘ بلوں میں بے تحاشہ اضافہ ‘ تفصیلات کے مطابق گجرات میں بارہ سے چودہ گھنٹے لوڈ شیڈنگ کی جا رہی ہے ‘ جس سے کاروباری زندگی ٹھپ ہو کر رہ گیا ہے ‘ عوام کے مسائل میں بے تحاشہ اضافہ ہو گیا ہے ‘ بلوں میں سو فیصد اضافہ کیا گیا ‘ جبکہ عوام کو بجلی بھی نہیں مل رہی عوامی حلقوں نے حکومت پاکستان کی طرف سے جاری ظلم و ستم پر افسوس کا اظہار کیا ہے اور مطالبہ کیا کہ فوری طور پر لوڈ شیڈنگ کے خاتمہ کے اقدامات کئے جائیں ۔ اور بلوں کی شرح میں اضافہ کو فوری طور پر واپس لیا جائے ‘ کیونکہ جتنا بل آ رہا ہے ‘ اتنا ادا کرنا عام شہریوں کے بس میں نہیں ہے ۔
۔۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیس ٹریولزاورکارواں مالک اشتر کے زیر اہتمام 24اگست بروز اتوار صبح آٹھ بجے پریس کلب گجرات میں حج تربیتی ورکشاپ منعقد ہو گی
گجرات ( جی پی آئی ) پیس ٹریولزاورکارواں مالک اشتر کے زیر اہتمام 24اگست بروز اتوار صبح آٹھ بجے پریس کلب گجرات میں حج تربیتی ورکشاپ منعقد ہو گی ‘ جس میں عازمین حج کی تربیتی کے حوالہ سے علماء کرام لیکچر دینگے ۔ جبکہ میزبان سید اظہر نقوی اور سید آصف رضا نقوی ہونگے ۔ اس موقع پر عازمین حج کو حج کی ادائیگی کے سلسلہ میں کاغذات بھی دیئے جائیں گے ۔
۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سول نافرمانی کا نعرہ لگانے والے ملک و قوم کے خیر خواہ نہیں ان خیالات کا اظہار
گجرات ( جی پی آئی ) سول نافرمانی کا نعرہ لگانے والے ملک و قوم کے خیر خواہ نہیں ان خیالات کا اظہار ممتاز سماجی رانا مشرف علی ناز نے گزشتہ روز کنجاہ میں صحافیوں سے گفتگو کرتے ہوئے کیا ۔ انہوں نے کہا ہے کہ جس طرح پاکستان استحکام کیلئے آج کل کے دور میں کام کرنے کی ضرورت ہے ‘ ایسا پہلے نہیں تھا ‘ اب وقت ہے کہ ہم اپنے صلاحیتیںملک و قوم کیلئے ترقی و استحکام کیلئے بروئے کار لائیں ‘ اور جولوگ ملک و قوم کو نقصان پہنچ رہے ہیں ‘ اُن کے خلاف عملی اقدامات کئے جائیں ۔ رانا مشرف علی ناز نے کہا ہے کہ آج ہمیں متحد ہو کر کام کرنا چاہیے تاکہ پاکستان کے استحکام کو یقینی بنایا جائے سکیں ۔ وزیراعظم پاکستان میاں نواز شریف اور شیر پنجاب میاں شہباز شریف کی کال پر لبیک کہنا چاہیے اور پاکستان کو نقصان پہنچنے والی قوتوں کا ڈٹ کر مقابلہ کیا جائے ۔
۔۔۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت رانا مشرف علی ناز تعزیت کیلئے موضع کوٹ اللہ بخش گئے
گجرات ( جی پی آئی ) ممتاز سماجی شخصیت رانا مشرف علی ناز تعزیت کیلئے موضع کوٹ اللہ بخش گئے اور ممتاز صحافی چوہدری نصیر احمد ہنجرا اور چوہدری خالد احمد ہنجرا کی ہمشیرہ محترمہ کی وفات پر گہرے رنج و غم کا اظہارکیا ۔ انہوں نے مرحومہ کے ایصال ثواب کیلئے فاتحہ خوانی کی اس موقع پر ڈاکٹر رزاق احمد غفاری ‘ چوہدری فیصل مجید آف فیصل موٹرز بھی موجود تھے ۔
۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رانا مشرف علی ناز اور چوہدری فیصل مجید تعزیت کیلئے موضع بانٹھ گئے
گجرات ( جی پی آئی ) رانا مشرف علی ناز اور چوہدری فیصل مجید تعزیت کیلئے موضع بانٹھ گئے اور چوہدری تنویر احمد آف ظہور پیلس اور ممتاز صحافی خالق محمود کے کزن کی وفات پر فاتحہ خوانی کی ۔ اور مرحوم کے ایصال ثواب کیلئے دعا کی ۔
۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جی پی آئی کا تعزیتی اجلاس ڈاکٹر رزاق احمد غفاری کی صدارت میں منعقد ہوا جس میں سینئر
گجرات ( جی پی آئی ) جی پی آئی کا تعزیتی اجلاس ڈاکٹر رزاق احمد غفاری کی صدارت میں منعقد ہوا جس میں سینئر صحافی چوہدری خالد ہنجرا اور چوہدری نصیر احمد ہنجرا کی ہمشیرہ کی وفات پر فاتحہ خوانی کی گئی اور دعا کی گئی کہ اللہ تعالیٰ مرحومہ کو جنت الفردوس میں اعلیٰ جگہ اور لواحقین کو صبر جمیل عطا فرمائے ۔ اجلاس میں عامر چوہدری ‘ یاسر وریا ہ’ عرفان بٹ ودیگر نے شرکت کی ۔
۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ق لیگ پنجاب کی رکن صوبائی اسمبلی خدیجہ عمر فاروقی صدر پاکستان مسلم لیگ شعبہ خواتین پنجاب نے کہا ہے
گجرات ( جی پی آئی )ق لیگ پنجاب کی رکن صوبائی اسمبلی خدیجہ فاروقی صدر پاکستان مسلم لیگ شعبہ خواتین پنجاب نے کہا ہے کہ تحریک نجات چلانے والوں سے آج قوم نجات کی دعائیں مانگ رہی ہے،حکومت سیاسی بحران کا فائدہ اٹھاتے ہوئے بجلی کے فی یونٹ ٹیرف میں 16سے 50فیصد تک اضافہ کرنے کا فیصلہ کر چکی ہے، غریب عوام گھروں میں بیٹھ کر تماشہ دیکھنے کی بجائے عوام دشمن حکومت سے نجات کیلئے باہر نکلیں اور اپنے پرامن احتجاج کے ذریعے جعلی مینڈیٹ والوں سے جان چھڑوائیں، انہوں نے اخبار نویسوں سے گفتگو کرتے ہوئے کہا کہ یہ مکافات عمل ہے کہ تحریک نجات چلانے والے مخلوق خدا کو تنگ کرنے کے باعث آج انقلابی تحریک کا سامنا کر رہے ہیں اور بھوکے، پیاسے ہزاروں مرد و خواتین بے رحم حکمرانوں سے نجات کیلئے دعائیں مانگ رہے ہیں، انہوں نے کہا کہ موجودہ حکمرانوں نے آئی ایم ایف کی ہدایات پر غریب عوام کو ناقابل برداشت بجلی کے بل بھجوائے،خط غربت سے نیچے زندگی گزارنے والی50فیصد آبادی نے ادھار لے کر جون اور جولائی کے بجلی کے بل ادا کیے، 12سے 18گھنٹوں کی لوڈشیڈنگ کے باوجود گھریلو صارفین کو گزشتہ سال جون جولائی کی نسبت 100فیصد زائد بل بھجوائے گئے، موجودہ حکمران عوام کیلئے مفید ہیں اور نہ جمہوریت کیلئے ان کا چلے جانا ہی قومی مفاد میں ہے، انہوں نے کہا کہ مہمان حکمران جاتے جاتے عوام پر بجلی گرانے سے باز رہیں۔
۔۔۔۔۔۔۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایم این اے حمزہ شہباز شریف کی خصوصی کاوشوں سے حکومت پنجاب کی جانب سے یونیورسٹی آف گجرات
گجرات (جی پی آئی) ایم این اے حمزہ شہباز شریف کی خصوصی کاوشوں سے حکومت پنجاب کی جانب سے یونیورسٹی آف گجرات کو پانچ بسوں کا تحفہ ملنے پرUOGانتظامیہ شکر گزار جبکہ طلبا و طالبات میں خوشی کی لہر ڈور گئی ۔ تفصیلات کے مطابق جامعہ گجرات کو حکومت پنجاب کی جانب سے پانچ بسوں کا ایک فلیٹ مہیا کیا گیا ہے اور امید کی جاتی ہے کہ مستقبل قریب میں پانچ مزید بسیں بھی جلد جامعہ گجرات کے ٹرانسپورٹ بیڑے میں شامل کی ہوں گی۔ جامعہ گجرات کو ان بسوں کی فراہمی دراصل حمزہ شہباز شریف کے اس وعدہ کی تکمیل ہے جو انہوں نے جامعہ گجرات میں لیپ ٹاپ کی تقسیم کی تقریب سے خطاب کرتے ہوئے یونیورسٹی انتظامیہ اور طلباو طالبات کیساتھ کیا تھا۔جامعہ گجرات میں زیر تعلیم طلبا و طالبات کی تعداد اس وقت تقریباً سولہ ہزار کے قریب ہے اور یونیورسٹی کی جانب سے تمام طلباو طالبات سفری سہولیات مہیا کی جاتی ہے۔ جامعہ گجرات میں طلباو طالبات ضلع گوجرانوالہ ، سیالکوٹ ، منڈی بہاؤالدین اور گجرات کے دور دراز علاقوں سے تحصیل علم کیلئے روزانہ آتے ہیں۔ یونیورسٹی آف گجرات کیلئے ان پانچ بسوں کا تحفہ ممبر نیشنل اسمبلی حمزہ شہباز شریف کی خصوصی دلچسپی اور کوششوں کی وجہ سے ممکن ہوا ہے۔ وائس چانسلر جامعہ گجرات پروفیسر ڈاکٹر محمد نظام الدین نے اس سلسلہ میں حکومت پنجاب اور خصوصاً حمزہ شہباز شریف کی کوششوں کا شکریہ ادا کرتے ہوئے کہاکہ دور حاضر کو اعلیٰ تعلیم کے زیور سے آراستہ کرنے کیے بغیر حقیقی ترقی کا خواب نہیں دیکھ سکتے۔ اعلیٰ تعلیم کے میدان میں کامیابیاں حاصل کرنے کیلئے نوجوان طلباو طالبات کیلئے حصول تعلیم کی راہ میں حائل رکاوٹوں کو دور کرنا بہت ضروری ہے۔ چھوٹے شہروں میں قائم سرکاری جامعات معاشرتی و سماجی ترقی میں اہم کردار ادا کر رہی ہیں مگر مناسب سفری سہولیات نہ ہونے کی وجہ سے اکثر طلباوطالبات تعلیم سے محروم رہ جاتے ہیں۔مجھے یقین ہے کہ حکومت پنجاب کی یہ کاوش طلبا و طالبات کے لئے آسانیاں پیدا کرے گی اور حکومت پنجاب آئندہ بھی جامعہ گجرات کیساتھ تعاون جاری رکھے گی۔ طلباو طالبات اور انتظامیہ کے نمائندوں نے بھی حمزہ شہباز شریف کی جامعہ گجرات کی ترقی و ترویج کیلئے کی جانے والے کوششوں کو سراہا۔
۔۔۔۔۔۔۔ََََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پبلک سکول کڑیانوالہ میں بسلسلہ جشن آزادی ” حصول پاکستان کے مقاصد
گجرات (جی پی آئی)گجرات پبلک سکول کڑیانوالہ میں بسلسلہ جشن آزادی ” حصول پاکستان کے مقاصد اور ہم ” کے موضوع پر خصوصی سیمینار آج 23اگست کو ہوگا، گجرات پبلک سکول کڑیانوالہ کے سینئر استاد اور سیمینار کوارڈینیٹر ڈاکٹر ملک عمران کے مطابق GPS کڑیانوالہ میں علمی و فکری محفلوں کی روایت کے مطابق 23اگست بروز ہفتہ دن دس بجے GPSکڑیانوالہ کے سیمینار ہال میں ‘حصول پاکستان کے مقاصد اور ہم ‘ کے موضوع پر فکر انگیز سیمینار منعقد ہوگا۔ GPSکڑیانوالہ کے چیف ایگزیکٹو انجینئر نعیم شہباز میزبانی کے فرائض انجام دیں گے۔ یونیورسٹی آف گجرات کے ڈائریکٹر میڈیا شیخ عبدالرشید مہمان خصوصی جبکہ قلمکار ادیب چوہدری غلام مصطفی بیکس اور UOGکے ایڈیشنل کنٹرولر امتحانات شہزاد ندیم مہمان اعزاز ہوں گے۔ سیمینار میں سکول انتظامیہ ، اساتذہ ،طالبعلم اور علاقہ بھر کے ممتاز اہل فکر و دانش اور معروف سکولوں کے اساتذہ و پرنسپل صاحبان خصوصی طور پر شریک ہوں گے۔سیمینار میں ممتاز مقررین جدوجہد پاکستان کے پس منظر ، مطالبہ پاکستان کے اسباب اور تعمیر پاکستان میں ناکامی کے اسباب سے نسل نو کو آگاہ کریں گے، گجرات پبلک سکول کڑیانوالہ میں سیمینار کے انتظامات کو حتمی شکل دے دی گئی ہے۔
