پاکپتن (ڈسٹرکٹ رپورٹر) فوکر تیارہ کے حادثہ میں جنید جمشید سمیت شہید ہونے والے 47 افراد کی روح کے ایصال ثواب کے لیے مرکزی انجمن تاجران پاکپتن کے صدر حاجی محمد وسیم کی طرف سے قرآن خوانی منعقد کی گئی جس میں علماء کرام ،تاجروں ،شہریوں اور صحافیوں کی بڑی تعداد نے شرکت کی ۔تعزیتی اجلاس میں مرحومین کی روح کے ایصال ثواب کے لیے قرآن خوانی کی گئی اجلاس سے خطاب کرتے ہوئے صدر مرکزی انجمن تاجران حاجی محمد وسیم نے کہا ہے کہ یہ ایک افسوس ناک سانحہ ہے جس پر ہم غمزدہ ہیں ،جنید جمشید نے جس طرح اسلام کی خدمت کیلئے اپنی زندگی وقف کی وہ نوجوانوں کے لیے مشعل راہ ہے ۔انہوں نے حکومت سیاس حادثہ کی غیر جانب دارانہ تحقیقات کا مطالبہ کیا۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) ڈسٹرکٹ سوشل ویلفیئر ڈیپارٹمنٹ اورآوازفورمز پاکپتن سائوتھ ایشیا ء پارٹنر شپ پاکستان کے زیر اہتمام ڈی سی او پاکپتن عرفان احمد سندھو کی قیادت میں انسانی حقوق کے عالمی دن کے موقع پر گرین ٹائون سے بختیار کاکی چوک تک واک نکالی گئی جس ای ڈی او ہیلتھ ڈاکٹر طاہر سراج،ڈی او سوشل ویلفیئر چوہدری شاہد اقبال،آواز تحصیل فورم کے صدر سعید احمد چشتی ،حکیم لطف اللہ سمیت خواتین و حضرات کی کثیر تعداد نے شرکت کی اس موقع پر ڈی سی او پاکپتن عرفان احمد سندھو نے گفتگو کرت ہوئے کہا کہ بنیادی انسانی حقوق کی فراہمی کے لئے حکومت تمام وسائل بروئے کا ر لا رہی ہے اس لئے معاشرے کے ہر طبقہ کو بنیادی انسانی حقوق کی فراہمی کے لئے اپنا اپنا بھرپور کردار ادا کرنا چاہیے ۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) مسلم لیگ (ن) یوتھ ونگ کے ضلعی صدر حکومت کی طرف سے لوڈشیڈنگ کے خاتمہ کا کام جا ری ہے ،انشاء اللہ 2018 ئ میں لوڈشیڈنگ نام کی کو ئی چیز نہیں ہو گی۔انہوں نے کہا ہے کہ مسلم لیگ (ن) کے بعض سیاسی مخالف ملکی ترقی کی راہ میں رکائوٹیں حائل کرنا چاہتے ہیں ،”سی پیک” منصوبہ پاکستان کے مخالف قوتوں کی آنکھوں میں کھٹک رہا ہے ، مسلم لیگ (ن) کی حکومت نے میاں محمد نواز شریف کی قیادت میں جہاں ملک میں لا تعداد ترقیاتی منصوبوں کو مکمل کیا وہیں ملک کو ترقی کی راہ پر گامزن کیا ہے ۔منصب ڈوگر نے کہا ہے کہ عوام مسلم لیگ (ن) کی قیادت پر اعتماد کا اظہار کرتے ہیں ،پاکستان میاں محمد نواز شریف کی قیادت میں ترقی کی راہ پر گامز ن ہے۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) ضلع کونسل پاکپتن کے چیئر مین کیلئے مسلم لیگ (ن) اور تحریک انصاف امیدواروں نے کاغذات جمع کر وا دیئے، میونسپل کمیٹی پاکپتن کی چیئر مینی کے لیے تین آزاد امیدوارگروپ میدان میں آگئے۔بتا یا گیاہے کہ ضلع کونسل پاکپتن کی چیئر مینی کے لیے مسلم لیگ (ن) کی طرف سے چیئر مین کے امیداوار خالد سعید خان ان کے ساتھ وائس چیئرمین کے امیدوار رانا ارادت شریف اور دوسرے وائس چیئر مین کے لیے (ن) لیگ کے پینل سے ہی پیر خالد قطب چشتی اور مد مقابل تحریک انصاف کی طرف سے ضلع کونسل کے لیے چیئر مین محمد اسلم سکھیرا ان کے پینل میں وائس چیئر مین میاں اسرار ظفر بودلہ اور دوسرے وائس چیئر مین کی نشست کے لیے میاں اسلم حیات ہوتیانہ نے کاغذات نامزدگی ریٹرنگ آفیسرعارف عمر عزیز کوجمع کر وادیئے ہیں جبکہ میونسپل کمیٹی پاکپتن کی چیئر مین سپ کے لیے مسلم لیگ (ن) کی طرف سے حلقہ اوپن کرنے پر ایم این اے مسلم لیگ( ن) سید اطہر حسین گیلانی کے حمایت یافتہ چیئر مین کے امیدوار رانا محمدرمضان اور وائس چیئر مین کے لئے ملک عمران جبکہ پاکستان تحریک انصاف کے لئے چیئرمین کے امیدوار رائو مبشر علی اور وائس چیئر مین رانا علی رضا جبکہ مسلم لیگ ن کے ایم پی اے نوید علی کے نامزد کردہ چیئر مین چوہدری مظفر علی اور وائس چیئر مین اسرار نے کاغذات نامزدگی ریٹرننگ آفیسراے سی اشفاق الرحمن جمع کروا دئے ہیں۔بلدیہ پاکپتن کی چیئر مین شپ کیلئے اصل مقابلہ مسلم لیگ (ن) کے ایم این اے اور اپم پی اے گروپوں کے درمیان ہو گا۔۔ ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) ٹورنامنٹ کے چیف آرگنائزر سید شفیق شاہ نقوی ایڈووکیٹ ،پریذیڈنٹ السادات کرکٹ کلب پاکپتن ڈی سی او گرائونڈ نے میڈیا سے گفتگو کے دوران کہا ہے کہ پاکپتن میں پہلی بار ڈسٹرکٹ کوارڈینیشن آفیسر عرفان احمد سندھو کی طرف سے کرکٹ کے فروغ کے لیے بہترین کاوش کے نتیجہ میں منعقد کیا جانیوالا پہلا آل پنجاب پیر محمد حسین چشتی میموریل T-20 کرکٹ ٹورنامنٹ کوارٹر فائنل کے دلچسپ مراحل میں پہنچ چکا ہے ، جس کی پاکپتن کی عوام ڈی سی او پاکپتن کی طرف سے کھیلوں کے فروغ کے اقدامات پر انہیں خراج تحسین پیش کرتی ہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) پاکستان سوشل ایسوسی ایشن کے جنرل سیکرٹری حکیم لطف اللہ نے اپنے جاری کر دہ تحریری بیان میں کہا ہے کہ حضور ۖ کی انسانیت کے لیے نفع دینے والی تعلیمات کو عام کر نا ہو گا، حصول علم میں ہم بہت پیچھے ہیں آپ ۖ نے ہی سب سے پہلے حصول علم کا فرمان جاری کیا ،آپۖ نے علم کی طاقت سے پوری دنیا پر حکمرانی کی اور آپۖ کی سیرت طیبہ سے ہم اتنے دور ہو گئے ہیں کہ سچ اور جھوٹ کی تمیز ختم ہو گئی ہے ،آپ ۖ کی سیرت اور کردار انسانیت کے لیے ایک ایسا نمونہ ہے جس پر عمل کر کے آج پورے معاشرے کو امن و امان اور اخوت بھائی چارے کا گہوارہ بنایاجا سکتا ہے۔ربیع الاول کے بابرکت ماہ میں جلسے ،جلوس،گلیوں،بازاروں اور گاڑیوں کی سجاوٹ اپنی جگہ درست ہے مگر ہمیں حضور ۖ کی تعلیمات کو مد نظر رکھتے ہوئے اس ماہ با برکت سے استفادہ کرنے کے لیے نبی کریم ۖ کی تعلیمات کو عام کریں اور حضورۖ کے اسوہ حسنہ کے تمام پہلوئوں پر سیمینار کانفرنس اور مزاکروں کا اہتمام کر نا ہوگا۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) تلخ کلامی کی رنجش پر چار افراد کا دو بھائیوں پر تشدد۔بتا یا گیاہے کہ گائوں چک ٹھٹئی کے رہائشی محمد رشید کی سرفراز وغیرہ چار افراد کے ساتھ تلخ کلامی ہوئی تھی جسکی رنجش پر ملزمان نے محمد رشید کے بھتیجوں خالد اور شبیر کو تشدد کا نشانہ بنا کر زخمی کر دیا۔پولیس نے مقدمہ درج کر لیاہے۔۔۔۔
