پاکپتن (ڈسٹرکٹ رپورٹر) ناجائز منافع خوروں نے ضلعی انتظامیہ کی طرف سے جاری کردہ پرائس لسٹ کو نظر انداز کرکے من مانے ریٹ وصول کر نا معمول بنا لیا ہے۔ بتا یا گیاہے کہ پاکپتن میں ضلعی انتظامیہ کی طر ف سے روزمرہ کی استعمال کی اشیاء کی پرائس لسٹ جا ری کی گئی ہے لیکن بعض ناجائز منافع خور انتظامیہ کی طرف سے جاری کردہ لسٹ کو نظر انداز کر کے شہریوں سے سبزیوں کے ریٹ لسٹ سے دوگناہ ریٹ وصول کر کے رہے ہیں جبکہ پینے کے صاف پانی کی بوتلوں کی قیمتیں کمپنیوں ریٹ سے کئی گناہ زیادہ وصول کر نا روزمرہ کا معمول بنا لیا ہے ۔ اسی طرح پھلوں ، گوشت ،دودھ ،انڈے ،دہی اور دیگر استعمالات کی اشیاء کے ریٹ من مانے وصول کیے جارہے ہیں جس سے شہریوں کو جہاں شدید ازیت کو سامنا کر نا پڑ رہا ہے وہیں انہیں روزمرہ کے اشیا ء مہنگے داموں میں خریدنا مجبوری بن چکی ہے۔شہریوں نے ارباب اختیار سے نوٹس لے کر ضلعی انتظامیہ سے اپنی ہی جاری کردہ پرائس لسٹ پر عمل درآمد کروانے کا مطالبہ کیاہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)مسلم لیگ (ن) یوتھ ونگ کے ضلعی صدر حاضر خان چشتی نے کہا ہے کہ بلدیاتی انتخابات کے آخری مرحلے میں مسلم لیگ (ن) کی مقامی قیادت کی آپس کی نا اتفاقی کی وجہ سے ضلع کونسل کے چیئر مین کے امیدوارکا الیکشن ہارنا لمحہ فکریہ ہے ،اس میں عوام اور پارٹی کو مرود الزام نہیں ٹھہرایا جا سکتا ہے ،عوام نے تو اپنے ووٹ کے ذریعے مسلم لیگ (ن) پر اعتماد کا اظہار کرتے ہوئے مسلم لیگ (ن) کے ممبران ضلع کونسل کو واضح اکثریت سے کامیاب کروایا تھا یہ چند ضمیر فروشوں کا امتحان تھا کہ عوام کے مینڈیٹ کا احترام کرتے انہوں نے توچند روپے کے بدلے اپنا ایمان اور ضمیر فروخت کردیا۔انشاء اللہ ایسے لوگ جنھوں نے عوام کا مینڈیٹ بیچا ہے عوام اور پارٹی ایسے لوگوں کا احتساب کرے گی۔انہوں نے پاکستان مسلم لیگ ن کی مرکزی قیادت سے بھی درخواست کی کہ پاکپتن مسلم لیگ کا گڑھ ہے ماسوائے آپس کی منافقت جو مقامی قیادت میں بہت زیادہ بڑھ چکی ہے ان کو آپس میں اکٹھا کر کے اس مفاد کی لڑائی کو ختم کرایا جائے اور مل بیٹھ کر پارٹی کے مفاد میں بہتر فیصلے کیے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)حضرت سبقت اللہ پانی پت والے کا دوروزہ سالانہ عرس آج اختتام پذیر ہو گیا۔اختتامی تقریب میں پیر غلام قطب الدین پانی پت والے نے مریدین اور اہلیان اسلام کیلئے خصوصی دعا کی اور سول ڈیفنس کے آفیسر عالمگیر بھنڈار ا کی سیکورٹی خدمات پر انہیں خراج تحسین پیش کیا ۔اس موقع پر سول ڈیفنس آفیسر عالمگیر بھنڈا را نے کہا ہے کہ بزرگان دین کے مزارات کا تحفظ یقینی بنا کر قلبی سکون ملتا اپنی ڈیوٹی فرض سمجھ کر اداکرتے ہیں۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) میڈیکل سٹور ز پر کے جعلی برانڈ کی ادویات کی سیل کھلے عام جاری، محکمہ ہیلتھ خاموش ۔ذرائع کے مطابق پاکپتن اور گرد ونواح میں میڈیکل سٹورزپر رجسٹرڈ کمپنیوں کی جعلی برانڈ کی میڈیسن کی سیل کھلے عام جا رہی ہے ۔اس حوالہ سے شہریوںکی شکایت پر ای ڈی او ہیلتھ نے کاروائی کرنے کا حکم ڈرگ انسپکٹر کو دیا جس نے احکامات پر شہر میں کوئی عمل درآمد نہ ہو سکا۔یہ بھی پتا چلاہے کہ ڈرگ انسپکٹر اور اس کا عملہ میڈیکل سٹوروں سے ماہانہ منتھلی وصول کرتے ہیں ۔جس وجہ سے میڈیکل سٹور مالکان کے خلاف کاروائی کرنے سے گریزاں ہے اعلی حکام نوٹس لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر)پاکستان تحریک انصاف کے ضلعی سیکریٹری اطلاعات کونسلر بلدیہ اظہر محمود اجی خان نے اپنے ایک بیان میں کہا ہے کہ پی ٹی آئی کے ضلعئی چیر مین کی کامیابی کے پیچہے ضلعی صدر پی ٹی آئی میا ں احمد رضا مانیکا کی کاوشوں کا نتیجہ ہے انہوں نے چوہدری اسلم سکہیر اکی کا میابی کے لیے دن رات ایک کیا اور گرانڈ الائنس کے چیر مینوں کو ساتھ ملا کر مسلم لیگ کے تین ایم این اے او ر پانچ ایم پی اے اور مسلم لیگ ن کے ٹکٹ ہولڈر خالد سعید خان کو بری طرح شکست کا سامنا کرنا پڑا۔اظہر محمود اجی خان نے کہا کہ انشاء اللہ پی ٹی آئی 2018کے الیکشن میں پاکستان بھر سے کامیابی حاصل کرے گی اور ملک پاکستان کے آئندہ وزیر اعظم عمران خان ہوں گے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)دیرینہ مقدمہ بازی کی رنجش پر تین افراد کا دیہاتی پر تشدد۔بتا یا گیاہے کہ گائوں 163/Eb کے رہائشی منظور کی مصطفی وغیرہ تین افراد کے ساتھ پرانی مقدمہ بازی کی رنجش تھی جس کی بنا پر ملزمان نے منظور کو تشدد کا نشانہ بنا کر زخمی کر دیا۔پولیس نے مقدمہ درج کرلیاہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر)تیز رفتار کار کی ٹکر سے14 سالہ نوجوان جاں بحق۔بتا یا گیاہے کہ آشیانہ سٹی کے قریب محمد افضل اپنے بھتیجے محمودالحسن کے ساتھ آرہا تھا کہ اچانک سلیمان ایک تیز رفتار کار کو چلا کر لا رہا تھا جس اچانک بے قابو ہو کر محمود الحسن کی بائیسکل سے ٹکرا گئی سے جس سے محمودالحسن موقع پر جاں بحق ہوگیا۔پولیس نے مقدمہ درج کرلیاہے۔
