پاکپتن (ڈسٹرکٹ رپورٹر) مسلم لیگ (ن) کے سینئر رہنما رانا احمد علی (آرائیں) نے کہا ہے کہ شہریوں کی تفریح کیلئے بلدیہ پارک کو خوبصورت دیدہ زیب پودوں سے تزین وآرائش کیا جا رہا ہے تاکہ پاکپتن کے شہریوں کو صحت افزاء تفریحی سہولیات میسر آ سکیں۔ ان خیا لات کاا ظہار انہوں نے میونسپل پارک میں پودا لگا تے ہوئے کیا۔ اس موقع پر چیئر مین بلدیہ چوہدری محمد مظفر اقبال اور وائس چیئر مین چوہدری محمد اسرار احمد، تحصیل صدر مسلم لیگ(ن) راو رفاقت علی خاں کونسلرز اور کارکنان کی بڑی تعداد موجود تھی۔ رانا احمد علی آرائیں نے کہا کہ پاکپتن شہر میںشہریوں کو تفریحی سہولیات کی فراہمی کے لئے قابل ذکر پارک موجود نہیں تھے ہم نے شہریوں کو صحت افزا تفریحی سہو لیات پہنچانے کے لئے بلدیہ میں پارک کی تزین وآرائش کرتے ہو ئے دیدی زیب خوبصورت پودے لگائے جارہے ہیں تاکہ شہری پاکپتن میں تبدیلی محسوس کریں انہوں نے کہا کہ میونسپل پارک سمیت شہر کے دیگر علاقوں میں موجود پارکس کو ترجیح بنیادوں پر خوبصورت بنایا جائے گا تاکہ شہریوں کو بہترین تفریحی سہو لیات میسر آسکیں۔انہوں نے کہا کہ ہم نعرے نہیں عملی کام کرتے ہیں اور انشاء اللہ شہر میں لوگ یہ تبدیلی جلد محسوس کریں گے ۔انہوں نے چیئرمین بلدیہ کوہدایت کی کہ وہ پاکپتن کے پارکس کو خوبصورت بنانے کے لئے اپنا بھر پور کردار ادا کریں۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) جڑی بوٹی مکائو مہم زرعی پیداوار میں اضافے کی جانب ایک اہم قدم ہے اس مہم کا مقصد کاشتکاروں کو جڑی بوٹیوں کے فصلوں پر معضر اثرات کے بارے میں احساس دلوا کر جڑی بوٹیوں کے مکمل خاتمہ کی ترغیب دینا ہے ، میڈیا اس مہم میں بہترین کردار ادا کر سکتا ہے ان خیالات کا اظہار اسسٹنٹ ایگریکلچر کیمسٹ زرخیزی زمین پاکپتن محمد قمر مسعود نے اپنے آفس میں جڑی بوٹی مار مہم 4تا 12مارچ ہفتہ منانے کے بارے میں میڈیا کے نمائندوں سے گفتگو کرتے ہوئے کہی انہوں نے کہا کہ سیکرٹری زراعت اور صوبائی حکومت کی خصوصی ہدایت پر عمل کرتے ہوئے جڑی بوٹی مار مہم کے تحت مختلف دیہاتوں اور شہروں میں سیمینار اور واک جاری ہے ، اور محکمہ زراعت کے تمام آفیسران عوام میں اگاہی مہم کو جاری رکھے ہوئے ہیں ۔ انہوں نے کہا کہ مختلف اقاسک کی جڑی بوتیاں فصل کو ملنے والی خوراک کا بڑی حصہ اپنے اندر جذب کر لیتی ہیں ، جس کی وجہ سے فصل کو مناسب خوراک نہ ملنے کے باعث پیداوار متاثر ہوتی ہے ، حکومت پنجاب نے ایک فیصلے کے تحت کاشتکاروں کو جڑی بوٹیوں کے نقصان اور اثرات سے آگاہ کرنے کے لیے جڑی بوتیاں مار مکائو پیداوار بڑھائو خصوصی مہم کا آغاز کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) گزشتہ روز ڈپٹی منیجر زرعی ترقیاتی بنک پاکپتن طارق سہیل شاہ اچانک ہارٹ اٹیک کی بنا پر انتقال کر گئے ہیں ان کی نماز جنازہ ان کے آبائی شہر اسلام آباد میں ادا کئی گئی ، نماز جنازہ میں منیجر زرعی ترقیاتی بنک پاکپتن محمد مسعود علی خان سمیت دیگر ملازمین زرعی ترقیاتی بنک پاکپتن نے شرکت کی ، منیجرمسعود علی خان نے کہا کہ اللہ تعالیٰ مرحوک کو صبر جمیل عطا فرمائے ہم ان کے غم میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) سنٹرل ڈسٹرکٹ پریس کلب کا ہنگامی اجلاس زیر صدارت چیئر مین پیر امداد حسین، صدر سید حسن عباس بخاری ہوا ۔اجلاس میں ڈسٹرکٹ پریس کلب کے سر پرست حاجی شیخ وسیم احمد، جنرل سیکرٹری علامہ انیس احمد بٹ ، سینئر نائب صدر حکیم منظور احمد فریدی ، نائب صدر یاسر علی خان ، پیر توقیررمضان ، چوہدری عاطف مجید ، طاہر دلشاد ، حاجی ےٰسین چوغطہ ، پیر اشرف شاہ بخاری ، رانا حسن طارق، سید نسیم عسکری، عرب شاہ ، جمیل بٹ و دیگر صحافیوں نے شرکت کی۔اجلاس میں نائب صدر ڈسٹرکٹ پریس کلب رانا جواد مسعود کے سُسر اور سینئر صحافی ملک حاجی بشیر احمد کی والدہ ماجدہ کے انتقال پر گہرے دکھ کا اظہار کرتے ہوئے ان کی مغفرت کے لئے خصوصی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) پاکپتن ڈویلپمنٹ فائونڈیشن کے صدر پیر محمد سعید احمد چشتی نے اپنے ایک اخباری بیان میں ممتاز سماجی کارکن سوشیالوجسٹ پروفیسر محمد جلیل بٹ کی سماجی شعبہ میں گراں قدر خدمات کے اعتراف میں حکومت کی جانب سے سماجی ترقی ایوارڈ ملنے پر انہیں مبارکباد دی ہے ۔ پروفیسر محمد جلیل بٹ پنجاب کمیشن آن وومن رائٹس کے ممبر ہیں ۔ اور انہیں یہ ایوارڈ وزیر اعلیٰ پنجاب میاں محمد شہباز شریف اور گورنر پنجاب محمد رفیق رجوانہ نے لاہور میں منعقد ایک تقریب میں دیا ۔ محمد سعید احمد چشتی نے کہا کہ جلیل بٹ کا تعلق چونکہ ضلع پاکپتن سے ہے اور ہمارے علاقے کے ایک سپوت کو یہ اعزاز ملنا ہم سب کے لیے باعث عزت ہے ۔ جس پر ہم ان کو خراجِ تحسین پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) گھریلو ناچاقی کی بنا پر طلاق کے بعدماں نے تین ساتھیوں کے ساتھ مل کر بیٹے کو قتل کردیا۔بتایاگیاہے کہ گائوں65/D کے رہائشی محمد احمد کی شادی ملزم اللہ معافی بی بی سے ہوئی تھی جو گھریلو ناچاقی کی بنا پر قائم نہ رکھی محمد احمد کا ایک بیٹا حسنین بھی تھا ناچاقی کی بنا پر محمد احمد نے اپنی بیوی کو طلاق دی جس کے بعد وہ اپنے میکے چلی گئی جہاں سے محمد احمد کو اطلاع ملی کہ اسکا بیٹا فوت ہو گیا جس پر محمد احمد نے اپنے سابقہ سسر سے جاکر پوچھا تو اس نے کہا کہ اللہ معافی یہاں سے قربان علی کے ساتھ چلی گئی ہے جس پر محمد احمد نے قربان علی وغیرہ چار افراد سے اپنے بیٹے حسنین کے متعلق پوچھا تو انہوں نے کہا کہ ہمیں علم نہ ہے محمد احمد کے مطابق قربان علی وغیرہ چارافرا دنے اس کے بیٹے حسنین کو قتل کر کے نعش غائب کر دیا ہے۔ جس کے بعد محمد احمد کی مدعیت میں پولیس نے قربان علی وغیرہ چار افراد کے خلاف مقدمہ درج کرلیا ہے۔۔۔۔
