پاکپتن (ڈسٹر کٹ رپورٹرPn-354 ) ڈسٹرکٹ پولیس آفیسر پاکپتن کامران یوسف ملک نے میڈیا کو بریفنگ دیتے ہوئے بتا یا ہے کہ پولیس کی جرائم پیشہ افراد کے خلاف موثر کاروائیوں کے نتیجہ میں گزشتہ سال جرائم کی شرح میں30 فیصد کمی ہو ئی ہے ،پولیس نے چوری ڈکیتی کے49 گینگ کے ملزمان کو گرفتار کر نے کے علاوہ 905مقدمات میں 1954 ملزمان کو گرفتار کر کے ان کے قبضہ سے 21 کروڑ53 لاکھ 67766 مالیتی کا مال مسروقہ بر آمد کر کے ورثاء کے حوالے کیا۔انہوں نے بتا یا کہ پولیس نے نیشنل ایکشن پلان کے تحت سرچ ،کومنگ آپریشن8680 ،31019افراد سے پوچھ گچھ کی گئی ،664 افراد کے خلاف نیشنل ایکشن پلان کے تحت مقدمات درج کئے ہیں۔انہوں نے بتا یا کہ پولیس نے علاقہ میں خوف و حراس کی علامت بنے ہوئے 644 خطرناک اشتہاریوں سمیت2992 اشتہاری مجرمان کوگرفتارکر کے انہیں جیل بھجوایا، جبکہ سماج دشمن عناصر کے خلاف کروائی کے دوران نا جائز اسلحہ کے1095 ،کلاشنکوف04 ،رائفل58 ،بندوق168 ،پسٹل648 اور گولیاں5525 برامد کیں ،اسی طرح معاشرہ کیلئے ناسور بنے منشیات فروشوں کیخلاف موثرکاروائی کرتے ہوئے پولیس نے منشیات فروشوں کیخلاف1021 مقدمات درج کر کے ان کے قبضہ سے شراب 8487 لیٹر ،چرس157 کلو،ہیرون 5 کلو، ،چالو بھٹیاں81،افیون7 کلوبر آمد کر کے منشیات فروشوں کو جیل بھجوایا۔کامران یوسف ملک نے بتا یا کہ ضلع پاکپتن میں گزشتہ سال2015 کے مقابلے میں 2016 میں تقریباً30 فیصد جرائم کی شرح میں کمی واقع ہوئی جبکہ ناجائز اسلحہ ،منشیات فروشوں کے خلاف کاروائی اور اشتہاری مجرمان کی گرفتاری میں پولیس کی کار کردگی پہلے سے بہتر رہی ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹر کٹ رپورٹرPn-354 ) پاکستان تحریک انصاف کے ضلعی صدر میاں احمد رضا خاں مانیکا نے کہا ہے کہ حکمرانوں کو پا نا مہ لیکس کے زریعے ثابت ہونیوالی کرپشن کا نتیجہ بھگتنا ہو گا ، پانامہ کیس کی روزانہ کی بنیادوں سماعت خوش آئند ہے، حکمران عوام کو ریلیف فراہم کرنے میں بری طرح ناکام ہو چکے ہیں،پاکستان پر مسلط حکمران طبقوں نے پاکستان میں جمہوریت کے در خت کو پروان چڑھنے ہی نہیں دیا گیا ہے،ہم کرپشن کی تحقیات کا مطالبہ کرتے ہیں حکمران طبقہ کہتا ہے جمہوریت کا خطرہ ہے جمہوریت کو خطرہ کرپٹ حکمرانوں سے ہے۔انہوں نے کہا کہ حکمرانوں نے جمہوریت کی آڑ میں ملک پر بادشاہت مسلط کر رکھی ہے،جس کی وجہ سے پاکستان میں معاشی بحران جاری ہے،حکمران طبقہ امیر سے ا میر ہو رہا ہے جبکہ عام شہری دو وقت روٹی سے بھی محروم ہے عوام حکومتی پالیسیوں سے تنگ آکر بچوں سمیت خود کشیاں کر رہے ہیں ،احمد رضا نے کہا کہ پاکستان میں ایک واحد جماعت تحریک انصاف ہے جو ہمیشہ ملک میں صاف شفاف جمہوری نظام کی بالا دستی اورعدل و انصاف کا نظام رائج کر نے کے لیے عملی جدو جہد کر رہی ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹر کٹ رپورٹرPn-354 ) سوئی گیس کا بریک ڈائون شہریوں کوشہر یوں کو شد ید مشکلات کا سا منا، گیس پر یشر کو پورا کر نے کے لئے بعض شہریوں نے گیس لائن پر غیرقانونی طریقہ سے کمپریسر لگا لئے۔بتا یا گیاہے کہ پاکپتن اور گرد ونواح نے سردی کی آمد کے ساتھ ساتھ محکمہ سوئی گیس نے سوئی گیس کا غیر اعلانیہ طویل بریک ڈائون کر کے شہریوں کو پریشان کرنا روزمرہ کا معمول بنا لیا ہے جس سے جہاں شہریوں کو شدید ازیت اور پریشانی کا سامنا ہوتا ہے وہیں انہیں لکڑیوں پر کھانا پکانا پڑ رہا ہے۔ محکمہ سوئی گیس کے غیر اعلانیہ بدترین طویل بریک ڈائون کے باعث شدید ازیت میں مبتلا ہیں ،دوسری طرف شہر یوں نے گیس پر یشر کو پورا کر نے کے لئے گیس لائن پر غیرقانونی طریقہ سے کمپریسر لگا لئے جن کے خلاف محکمانہ کوئی کاروائی عمل میں نہیں لائی جا سکی ہے۔شہریوں نے ارباب اختیار سے نوٹس لے کر سوئی گیس کی بحالی کا مطالبہ کیاہے۔۔۔۔
